رواية لجل الوعد كامله...رووووووووعهـ

صالح خاف يلتفت تطلع وخده غريبة وقال : في أحد وراي؟؟
فتون بامتعاض : ثقيلة الطينة ماغيرها ..
صالح : منهي ؟؟
فتون : التفت شوفها ..
التفت صالح شاف منال تمشي مو شايفتهم وبايديها الجوال تقلب فيه ..
صالح : ذي مناااال .. وانتي ليش ماتطيقينها ؟؟؟
فتون : كذا ماواطنها بعيشة الله ولا هي بعد تواطني ..
صالح : مو حلو كذا الحين انتو أنساب اهي مرة اخوك واختك مرة اخوها !!!
فتون : بس والي يسلمك توه ماصار شي ترا والله لو ماحب عبير لتركي ولا كان وقفت بوجهها هي الثانية !
صالح بصدمة : عبير تحب تركي ؟؟؟؟؟
فتون : ههههههههههههههههههههههههه هو انت ماتعرفش ؟؟؟؟
صالح : ههههههههههههه لا ماعرفش أثر بينهم حب وانا آخر من يدري !
فتون : اسكت لا تفظحنا ترا مارضاها على اختي ..
صالح واهو يضحك : اوريك ياتروووك ومخبي عني انت ووجهك !
فتون : تركي كان مخبي عن عبير بعد المهبول ..
صالح : وكيف درت طيب !
فتون : اول شي مابينهم اهم علاقة الحمدلله حب ماشفت أشرف منه .. وبعدين صارت ياشيخ مشكلة سخيييييييفة تدخل فيها تركي بطريقته وحلها ومن بعدها خق خلاص ماقدر يصبر عن عبورة أكثر وخطبها
صالح : ماشاء الله وشالمشلكة طيب ؟؟
فتون واهي ماودها صالح يدري الا اختها ماتحب تتكلم عنها بشي وقالت : مشكلة الله لايعيدها وانتهت خلاص الحمدلله وشوله نوجع راسنا فيها ..
صالح : دام انتهت الحمدلله .. (( وطالع منال واهي تمشيلهم وقال : منال جاية
فتون : اعوذ بالله .. انا بادخل ..
صالح : بس يافتون عيب ..
فتون : مع هالبنت انا ماعرف العيب خلني لا اتلابش معها الحين ..

ومشت وتركته ومرت من جمب منال واهي رافعة راسها بثقة .. لين وصلت للحريم واول ماجت تدخل شافت سعود طالع من الباب الداخلي .. وتسمرت مكانها !!!

التفتت لمنال تطالعها واهي رافعة حاجب واحد ورجعت تطالع سعود مره ثانية واستوعبت !!
يعني حضرتها طلعت يوم جا أخوي ؟؟؟؟؟ وجعه توجعك ان شاء الله بلاك ماعرفتي قيمته ولاعمرك بتعرفينها .. آخ ياقهري على حظك ياسعود والله مو هذي الي تستاهلك أبد .. ولا انتي ياعهود .. كم مره عهود تستهبل وتقول اخوك يجنن ويهوس .. سعود انت تستاهلك وحده مشاعرها ناعمة .. ماتعرف الخبث .. تحبك وتقدرك وتفقدك وتشتاقلك ! وحده سامية بأفكارها وطباعها .. وحده تقدر انت تحبها .. لأني أحلف انك ماراح تقدر تحب منال بيوم من الأيام !!

*****

كان صوت كعبها يصقع بفناء الأرض الرخامية واهي متوجهة لباب الشارع تحمل بداخلها قلب مجروح .. قبضة ايدها القوية على الجوال وأنفاسها المتسارعة كنها لافة الدنيا كلها ركض .. ولا دموعها المتحجرة وسط عينها والي تكابدها بصعوبة لا تسيل .. الي يشوفها بهالحالة يعرف انها اتلقت هاللحظـة خبر صدمها وجرح قلبها للأعماق !!
فتحت الباب ومشت لسيارتها الي تنتظرها وركبت وسكرت الباب بتك ماطلع منها صوت .. حيلها المهدووود .. قلبها النازف .. مخليها تحس بالانكسار ويا دموعها الي خانتها أول ماركبت وسالت بكل حرارة على وجناتها ..

حست بظياع حياتها من هاللحظة .. حست بدمار يفتك بروحها وضلوعها وكيانها .. حس بنيران تشتعل بقلبها وترمد مشاعرها .. وماتحملت أكثر وشهاقها صارت مسموع .. حتى السواق التفت نص التفاتة مستغرب !!

أخذت جوالها بسرعه ورجعت تدق على صديقتها الي توها طلعت من بيتها
رن الجوال وثواني وردت : الووو
ـ : هلا سلوى ..
حست سلوى بصوت صديقتها الباكي وعورها قلبها وقالت : هلا ياعمري ..
ـ : اسمعي ترا حاسة اني شوي وبانجن .. مو قارة أصدق ولا أستوعب تكفين دامك تعرفين بنت خالته بالجامعة حاولي تجيبيلي رقمه ..
سلوى برجـاء : رهـف .. حبيبتي رهـف ماله داعي لكل هذا .. خلاص الرجال وملك على بنت خالته وش بتستفيدين لو كلمتيه !
رهف وهي تبكي : شلون يملك عليها ياسلوى وأنا وين رحت ؟؟؟ شلون يتجاهلني بهالشكل وأنا الي ضحيت بدنيتي عشانه وذقت المر وأصناف العذاب كله عشان لا أمسه بسوء وآذيه بشي !
سلوى تأثرت وقالت : رهف ولد عمك ماعاملك بهالشكل الا لأنه شافك تخونينه وكان غرضه يعرف منهو عشان يأدبه ويبعده ..
رهف : ياسلوى بغى يذبحني عشان أعترف منهو الي كنت أكلمه وربي هان علي دمي ولا اني أعترف وآذيه .. !! ضربني وعيشني بعيشة تكرم الحيوانات منها .. بس يبيني اقوله منهو ووش علاقتي فيها وبعدها يريحني ويعفو عني ومارضييييت عشانه ياسلوى .. عشان حبه وعشاني بغيت ولد عمي يكرهني ويطلقني وأرجعله ! مو معقول بعد كل الي خسرته عشانه يروح لغيري ناسيني لااااااااا مستحيل ياسلوى مستحييييييييييل !!
سلوى : قطعتي قلبي يارهف مادري شقولك صراحة ودي أساعدك ودي أريحك بس مابي أوقعك بغلط أكبر .. خالد ماغير جواله الا عشان يبي يبعد عنك بتوصليله غصب والله ما ارضى تذلين نفسك بهالشكل ..
رهف : لانك مو مستوعبة شلون حياتي من بعده ضيااااااااع .. خسرت ولد عمي وأخسره اهو بعد قوليلي شلون باتهنا واعيييييش .. تكفين ياسلوى طلبتك ومابنسالك هالطلب .. تدرين اني صعبة ألمس جوال أخوي ولا أقرب من أغراضه !! أبوس ايدك سلوى جيبيلي رقمه بأي طريقة ..
سلوى دمعت عيونها على صديقتها وحبت تهديها بس وقالت : خلاص يارهف انتي اهدي الحين ومو صاير خاطرك الا طيب !
رهف : بتدبريلي الرقم اووكي ؟؟؟
سلوى : ان شاء الله .. بس انتي اهدي الحين ..
رهف بسخرية : شكل بيصير ذا حالي لين يرجعلي خالد ولا الله ياخذ عمري وارتاح
سلوى بحمق : رهف بلا كلام فاضي الدنيا ماتتوقف على حساب خالد !!
رهف : يصير خير .. المهم انتظر منك رد
سلوى : ان شاء الله ..
رهف : يالله باي
سلوى : باي ياعمري
وسكرت منها وقلبها قارصها حييييل على وضع رهف الي طلعت من عندها مصدومة مافتحت فمها بكلمة وحده لين استوعبت الخبر ورجعت دقت عليها منهارة !! كان لازم تقولها الي عرفته عشان تنشلها من أوهامها .. اهي بعد انصدمت مثلها يوم عرفتها صديقتها بالجامعة على شلة بنات كانت مرام من بينهم .. ومع السوالف وتعليقات البنات ومزاحهم عرفت ان مرام مملكة قريب ..
سألتها سؤال متعودين عليه واهو : ماشاء الله مبروووك وش يقاله ؟؟ << تقصد خطيبها اسمه واسم عيلته
مرام بابتسامة : مو من برا .. ولد خالتي .. خالد الغفيل !!
انصدمت سلوى بالاسم لأنها حافظته عن ظهر غيب خصوصا هالايام الي مدوشتها رهف فيه واهي تردد اسمه بالكامل تدور على رقمه وتدور طريقة تحصل فيها عليه !!
وحاولت ترسم ابتسامة تمنع صدمتها لاتظهر !

وأول مابتعدت مرام سألت صديقتها اذا تعرف معلومات عن خالد أكثر على الأقل اسم أبوه وأخوانه .. وعلمتها صديقتها باسمه كامل وقالت انها ماتذكر اخوانه بس تذكر ان له اخت بالجامعه اسمها عبير كانت مرام تقابلها وتسولف معها عن خالد !!

وخلاص اكتفت سلوى بهالمعلومات الي كانت كفيلة بتجسيد حقيقة انهيار العلاقة بين خالد ورهف !!

وعلمت رهف بالخبر ياعساها تنشلها من أوهامها وتريحها بس صار ان رهف وقعت بجحيم أكبر .. وطلبت منها طلب مستحيل تقدر تسويه !!!

اتنهدت سلوى من قلبها وهي تقول سامحيني يارهف صعب الي تطلبينه ..
مهما كنتي منهارة ومدمرة ذي نتايج غلطتك .. مارضيتي بنصيبك مع ولد عمك لين دمرتيه وخليتيه يدمرك معاه وطلقك ..
وخالد ماله ذنب بالي سويتيه بنفسك انتي مشيتي بدربك واهو من حقه يشوفله درب غيرك ! ماتهون علي دموعك يارهف بس صعب أعاونك بتدمير حياة اثنين ..
ان كان مو عشان خالد .... عشان مرام .. هالانسانة الي ماشفتها الا مره وحده ودخلت قلبي بابتسامتها الحلوة وطيب قلبها .. حرام نستبدل ابتسامتها بدموع ونقتل فرحتها ونبدلها بجروووح ! الله مايرضى .. موو ؟؟


****
ابريطانيا
سحبت ورقة التاريخ وطالعتها لحظات وشقتها ورمتها بالزبالة واهي تتنهد بشووووق ! اسبوع كامل من غاب عن عيونها حست بفرااااغ عمرها ماحسته قبل !!
آخ شكثر كنت مملي علي حياتي ياسعود .. ماحسيت بهالشي فعلا الا بعد مارحت .. كنت أحس وجودك حولي يولد بقلبي مشاعر عذبه تسعدني وتخليني ابتسم بلاشعور مني ..والحين مو قادرة أقاوم شوقي ولهفتي عليك نفسي أسمع صوتك بس ونبرتك الحنونه وكلامك الي يولد بقلبي أحلى جنووون !
.. أحبــ ـــك .. وماقدر أعاند قلبي أكثر .. ذي حقيقة مو خيال .. ليت ظروفنا غير هالظروف كان تغير كل شي .. كان عشت حبي أحلى .. بزمان أحلى .. بمكان أحلى .. بس واقعي يفرض علي أنسى حبي وأبتعد ! أنا وقلبي والجروح .. ودموع عيني الي ماختفت من رحلت ياحبيبي .. سامحني سعود .. يمكن تنصدم .. يمكن تستغرب .. يمكن تعاني كم يوم بسبب تغير وضع كنت متعود عليه لا أكثر .. وبعدها بتلهى وتنسى ..
ولا يمكن ............... ههههه لا مستحيل .. انا مره مصدقة عمري .. مهما حس بداخله بأي شعور .. أتوقع يرتاح هو كمان لفكرة البعاد .. مستحيل يدور علي ويجيبني .. انا معطية نفسي أكبر من قدري بس آآخ لحد يلومني ..
تلوموني بانسان عطاني نظرة حب واهتمام .. في مكان مالقيت غير الشفقة والسخرية والحرمان!!
انسان أجبرني أبدل الأدوار وأجرب آخذ .. بزمن كنت ماعرف غيـر اني أعطي وأعطي بدون أخذ !
انسان ذوب قلبي بحنانه .. وأرعد قلبي بصرامته .. جنن مخي بابتسامته .. ملك روحي بتناقضاته ..!
انسان جمعتني وياه * أروع صدفة* .. وفرقني واياه *أبشع قدر*
وعند هالخاطر نزف قلبها وبوهلة بغت تتراجع عن قرارها .. بس قدرت تضبط مشاعرها وانفعالها .. وشالت آخر أغراض لها على الطاولة وحطتها بالشنطة وسكرتها .. وطلعت من غرفتها لقت امها تنتظرها بالصالة

أم وعد بالانجليزي : تأخرتي بيبي
وعد : سوري مامي .. جت شهد ..
أو عد : 5 منتس وتوصل ..
وعد : أوكي نستناها برا .. حروح أعطي " جورج " المفتاج وأرجع آخدك
ام وعد : اوكي ..

طلعت وعد لمدير العمارة وسلمته المفتاح وجا معاها الشقة يتأكد من سلامة كل الأغراض .. وكون مابهالشقة الي هالشخصين أم وعد الي نادرا ماتقوم من فراشها .. ووعد الي نص وقتها برا البيت .. فكانت الشقة جديدة كنها توها مستلمة !

ودعهم واهو يعبر عن حزنه برحيلهم .. موال ينعاد مع كل شخص يترك العمارة ..
عاونت وعد أمها ومشوا باللحظة الي وصلت فيها شهد

مشت بالسيب وشافتهم ابتسمت وهي تقول : هاي ماشاء الله جهزتوا؟؟
وعد : هلا شهد ايوا كل شي جاهز ..
شهد : فين الشنط ؟؟؟
وعد : عند الباب ..
شهد : اوكي (( وراحت تشوفها
وعد : خليها ياشهد الحين اركب ماما وأرجع اشيلها معاك
ومشت لين السيارة ركبت أمها وسكرت الباب ورجعت مسرعه لأنها تدري ان شهد مجنونة ممكن تشيكل شنطتين كبار لحالها !

وفعلا هذا الي شافته يوم شافت شهد تسحبهم بقوة ..
وعد : شهوووووده وبعدين معاك حتكسري ظهرك !
شهد : عادي لياقة !
وعد : لياقة ؟؟ واذا صار لظهرك شي وطحتي بالمستشفى اصرخي بأعلي صوتك وقولي : ليااااااااااااااااااااااااااااااااااقة !
شهد : هههههههههههههههه امسكي بس الشنطة الثانية
أخذت وعد الشنطة وسحبتها لين طلعوا من العمارة ومشوا للسيارة وفاجأة وقفت وعد بنص الطريق وتركت الشنطة !

شهد : اشبك ؟؟؟
وعد وهي تلتفت للعمارة : خلاص ماعاد حشوفه ؟؟
شهد : دا قرارك محد أجبرك عليه !
مشت وعد بخفة وشهد تركت الشنطة ومشت معها لين وصلوا لبلكونة سعود ورفعت وعد راسها تتأملها وكنها تلمح خياله فيها !
تحجرت الدموع بعيونها واهي تقول بصوت متهدج : كان يوقف عشان يشوفني وانا داخلة ولا وانا خارجة ! شكل حتى البالكونة حتنحرم منه !
شهد : وعد حبيبتي .. انتي الي سويته هو الصح .. !
وعد وعيونها معلقة ببالكونة سعود : .... جد ؟؟
شهد : طبعا ياوعد .. حاتريحي نفسك من دوشة وعذاب وتريحيه معاك ! بس مادري كيف حتمضي ايامك بدون شغل !
اتنهدت وعد ومشت اهي وشهد متجهين للشنط وقالت : استقالتي ياشهد كانت ببالي من قبل لا أعرف سعود .. مني مرتاحة بالفندق ولا بالناس الي يسكنوا فيه ولا بالأمور الي يفرضها علينا الشغل ! والحين يوم قررت أبتعد لقيتها فرصة أترك الشغل الي عمري مارتحت فيه ..
شهد : طيب واش حاتسوي ؟؟
وعد : قدمت بمشغل الخياطة كريستين الي نعرفها .. ولاني ماعرف بالخياطة شي عرضت عليها أشتغل بالرسيبشن ولا بأي شي ماله علاقة بمكينة الخياطة بالذات ..
شهد : الله يوفقك ياقلبي .. وان شاء الله تقبلك عندها وترتاحي بالشغل ..
وعد بهمس : ان شاء الله ..
وشالوا الشنط وركبوها بالسيارة .. بعد مانقلت سيارة النقل أثاثهم البسيط للشقة الجديدة .. ومشوا مودعين وراهم أجمل مكان جمع أروع ذكريات عاشتها وعد مع أحب انسان عرفته بحياتها !!
*******

" سيكون يوم اليوم السبت الموافق ((29 شعبان)) هو آخر يوم من شعبان وغدا الأحد هو(( 1 رمضان)) بمشيئة الله تعالى وكل عام وأنتم بخير "

فتون بأعلى صوتها والريموت بايدها : ياعاااااااااااااااااااااااااااااااالم بكرا رمضااااااااااااااااااااااااااان ياهوووووووووووووووووووووووووووووووووووووووه !!
طلعت عبير من المطبخ واهي تقول بضحكة : جد ؟؟؟؟؟؟؟؟؟؟؟؟
فتون : اي توهم معلنييييييييييييين
عبير : واااااو كل عام وانتي بخير يادووبا
فتون : ههههههه وانتي بخييييييير بروح أبشر أهليييييييي ((وطارت بالدرج وعبير اول من طرا على بالها بهالوقت .. تركي .. ودها تباركله بالشهر بس ماعرفت كيف .. حرقتها لهفتها وماقدرت تقاومها واحتارت وش ترسل وتكتب .. ومن حياها كتبت مسج عادي بس اسم انها سوت شي يريح خاطرها وباركتله وكتبت : (( مبارك عليك الشهر ))
أرسلت المسج واهي تبتسم وتتوقع ردة فعله !

كان تركي توه داخل البيت ووصله المسج وقراه ! كانت المفاجأة ثنتين .. الأولى خبر رمضان الي مادرا عنه الا منها .. والثانية رسالتها الي كانت بلسم على قلبه ..
ورد عليها وكتب : (( علينا وعليك عبير حياتي ))

وصلها وقرته وشقت الضحكة من الفرحة وحضنت مسندة الكنب واهي تتنهد بشوق لليوم الي يجمعها بانسانة حبته بكل حواسها وماصدقت آذانها يوم سمعت شلون دافع عنها عند بدر وعرفت انه يحبها ويبيييييها ..

أما اهو دخل الصالة وشاف أبوه يتابع الأخبار وابتسم يوم شافه وقبل مايقول شي انحنى وسلم على راسه وقال : مبارك عليك الشهر يبه ..
ابو تركي : علينا اجمعين .. الله يعيننا على صيامه وقيامه
تركي واهو يقعد : آمين .. الا وين اهل البيت عنك !
ابو تركي : نوال عند أهلها واخوانك طفشوا وطلعوا السوق لو ادري ان بكرا رمضان كان ماطلعتهم تلقى الدنيا كلها زحمة الناس تتقضى !
تركي : اي والله .. زين انا فاضي الحين وبروحلهم وأرجعهم معاي
ابو تركي : خير ماتسوي .. ولا تنسى تدق تبارك لعمانك
تركي : أفا عليك يبه ما أنساهم !
ابو تركي : وانا باتسحر عند أبوي تعال دامك فاضي!
تركي بابتسامة : تامر أمر !
ابو تركي واهو محرج من بر ولده وقال : يالله ماعطلك ياولدي الله معاك
قام تركي وطلع لاخوانه ودق على منال خبرها ان بكرا رمضان وسألها عن مكانهم وراح لهم

وصل السوق ودق على منال وقالتله اهي وين وراحلها ..
تركي : هلا منال وين نهى ؟؟
منال واهي تأشر عليها : هناك مع وجدان وبشاير !
تركي واهو يطالع مكان ماتأشر : آه وجدان وبشاير معاكم ؟؟؟
منال : ايه كلمتهم نهى واحنا بالطريق وكانوا طفشانين مثلنا وجو ..
تركي : زين انتي خلصتي ؟؟؟
منال : لا والله ومابي أرجع البيت الحين حق الخنقة والقلق خلنا نتنفس شوي !
تركي : بس نبي نطلع قبل الزحمة
منال : ان شاء الله ..
ودخلت حدا المحلاات وتركي مشى متوجه ناحية البنات
نهى : ياحلييييييل اخووووي جانا السوق !
التفتت وجدان بقوة وشافته وانقرص قلبها بكل ألم .. حست فيها بشاير ومسكت ايدها وضغطت عليها بحنية تبي تشجعها
وصل تركي لهم وقال : مرحبا
نهى : هلا والله وغلا شجااااابك ؟؟؟
تركي : ماتركب هلا وغلا وشجابك !
نهى : هههههههههههههه صرقعة حكي عاد انت فوتها !
تركي التفت للبنات وقال : شلونكم بنات ؟؟
وجدان انلجم لسانها وعجزت ترد
وبشاير ردت بابتسامة تمنع التوتر : بخير الحمدلله !
تركي : اي صح مبارك عليكم الشهر
نهى : أعلنوا رمضاااااااااااااااان ؟؟؟؟؟؟
تركي : اقصري صوتك وجع ايه أعلنوه بعد صلاة العشا
نهى : ياسلاااام أجل كل عام وانت بخيييييير !
تركي يضحك من هبال اخته : وانتي بخير !
بشاير : كل عام وانت بخير تركي ..
تركي : وانتي بخير شوشو ..
وسكت شوي وبعدها انتبه وقال : شدعوة جوجو ماتباركين !
جوحو خفق قلبها بقوة وقالت بلعثمة : اه كل عام .. وانت بخير !
تركي بابتسامة : وانتي بخيييييير وصحة وسلااااااامة !
نهى : ياسلام شمعنى وجدان تدعيلها بالخير والصحة والسلامة !
تركي : كذا مزاااااج أعزها أكثر منك شعندك ؟؟؟
وجدان ماتحملت حست ان دموعها بتسييييييييل .. ارحمني ياتركي واسكت وابعد عني تراني بروووحي تعباااانة ..
نهى : ياسلام اهي اختك ولا انا ؟؟؟
تركي : كلكم خـواتي ومرتبتكم وحده يالله عاد لاتطولينها وخلصوا بسرعه !
عصفت دوامة بكيان وجدان " كلكم خواتي " هذي آخرتها ياتركي ؟؟ ترمي الكلام بلا شعور وماتدري أي قنابل يفجرها كلامك بقلبي ! شالي جابك لهالمكان .. شالي طلعني من بيتي من الاساس .. كنت قعدت بين دموعي أصرف من اني اتواجه معاك !

طالعته بنظرة ألم واهي تمسك ايد بشاير وتسحبها عشان يمشون .. ورسالة طلعت من عينها اتمنت توصل لتركي ويفهمها .. " تركي ان كان تبي تعيش بسعادة مع عبير ابعد عن عيوني للأبد لأني اخاف أنفجر يوم وأسوي شي انا نفسي ما أتمناه .. وأقلها اصيبكم بعين حارقة ماترحم !

ونزلت عيونها للأرض ومشت وتركي حس ان فيها شي بس ماقدر يميزه .. عمره ماحس تجاهها بشعور غير الأخوه وبس .. وهاللحظة اهتم فيها يوم شافها مكتمة .. نفس احساسه بالضبط لما يشوف منال ولا نهى مكتمات !! فهمتوا نوع مشاعره الحين ؟؟؟؟

******
فتحت باب الغرفة بلا استئذان لقت سعود قاعد يرتب أوراق ويحوس .. وخالد واقف يزر أزارير بلوزته
فتون من عند الباب : كل عااااااااام وانتم بخييييييييييييييييير
سعود + خالد : وانتي بخيييييييير
فتون : أحد قالكم قبلي !
سعود بضحكة : صوتك وصلني من تحت !
خالد : وانا وصلني بعد بس دريت قبلك من مراامي ..
فتون سوت نفسها تغص وتكح ضربها خالد مع راسها لانها تستهبل عليه كل ماسولف بمرام وطلع
فتون : وين بتروووووووووح ؟؟؟؟؟؟
خالد واهو يسرع بالدرج : لا تسأليني تكفييييين
فتون : ههههههههههه مو قايلة بروووح معاك !
خالد : هذا الي خايف منه اذا ركبت السيارة ومشيت دقيت عليك وقلتلك ..
فتون : صدقني مافكر اطلع من البيت دام سعود موجود
ابتسم سعود وعيونه بأوراقه يقلب فيها ..
وفتون رجعتله الغرفة وقالت : شتسووووي ؟؟؟؟
سعود : أبد ياعمري أوراق زايدة وباتخلص منها ..
فتون : مساعدة ؟
سعود : امممممممم .. افتحي الكامبيوتر وبمليك ايميل واكتبيه
تحمست فتون وقامت واهي تقول : عربي ولا انجليزي ؟؟
سعود : عربي عربي ..
فتحت الكامبيوتر واهي فرحانة انها بتساعد سعود بشغله
جا سعود يبي يكتب على الورق لقى القلم ناشف ..
انتبه لقلم عند الكامبيوتر وقال : عطيني القلم الي جمبك ياوعـد !
كانت فتون تراقب تحميل الكامبيوتر يوم سمعته يطلبها باسم " وعد "
وسعت عيونها باستغراب والتفتت عليه وشافته يطالع بأوراقه مو حاس بغلطته بالاسم !! رفعت حاجب واحد واهي تبتسم بخبث ! وعد ؟؟ منهي وعد هذي ياسعود ! أثرك راعي حركات ياسعوود ! .. يارداة حظك الي وقعك بغلطة معااااي والله مافكك لين أعرف منهي وباتصيدلك كل غلطة من هاللحظة ورايح .. وأخذت القلم ببرائة وأعطته اياه وأخذه اهو وكمل شغله ..
فتون : يالله فتحت الوورد وش أكتب !
سعود : يالله اكتبي : سعادة رئيس قسم الشؤون والموظفين المحترم
أفيدكم علما أنني الأستاذ سعود ابن سعد الغفـيل ................................ الخ <<< مالكم دخل بالباقي !
كتبت الرسالة وقام وصحح بعض الأخطاء فيها ونسخه وفتح ايميله واهو منحني جمبها ولصق كلام الرسالة
.. وقف وملاها الايميل .. كتبته وأرسلت ..
انرسلت الرسالة واهي ببساطة ضغطت على الانبوكس لتظهر لها الايميلات الجديدة

فتون: سعود عندك ايميلاااااااااات كثييييييييرة ماقريتها
سعود : مالي خلق كلها شغل وانا الحين بإجازة .. اذا رجعت لشغلي شفتها
فرت فتون عيونها على أسامي الايميلات ولقت من أوائل الايميلات ايميل عنوانه :
Rmadan Mobarak ...........................والاسم : Waad
شهالصدف الكشخة اطيح بهالاسم مرتين بنفس الوقت !! أخذت نفس طويل بخفة وقالت : سعود في ايميل مو شكله شغل .. عنوانه كنه رمضان مبارك !!!
سعود : جد ؟ مين الفاضي الي يباركلي على الايميل
فتون بدهاء : مادري الاسم غريب مو فاهمته !!

قرب سعود وقرا العنوان والاسم وفتون جمبه تراقب ملامحه ..وشافت ملامحه لانت وشبح ابتسامه انرسمت على شفاته وباين ان خاطره استاااااانس بشوفة الاسم !!!
وقف واهو يسكر الايميل وفتون قالت : ليش ماشفته ؟؟؟؟
سعود : اممممم مو مهم بعدين اشوفه
فتون : من مين ؟؟؟؟
سعود : معارفي بابريطانيا !
فتون : شهالاسم الغريب !
سعود : على قولك غريب .. يالله قومي نطلع بسحركم برا ..
سعود وهي تضحك : شهالكرررررررم كله من شوفتك لهالايمييييييييييييل ..؟؟
سعود شخص عيونه فيها ذي شفيها فهمته بهالسرعه وقال : يعني أنا عمري ماطلعتكم ومشيتكم يالجاحدة ؟؟؟؟
فتون واهي ترجع بخطواتها على ورى : ههههههههههههههههههههههه الا دومك كريم بس اتوقع هالمرة بتكون الطلعة غييييييير (( وطلعت واهي تضحك واهو استغرب منها ؟؟؟ بسم الله شلون شكت فيه بدون مايقول شي !!
آخ الله يستر منك يافتون !

::

.. بعد ساعه ..
كان كل واحد بهالبيت طالع مكان مختلف عن الثاني .. وين ماتلاقي النفس راحتها ووناستها بقرب من تحب ..

سعود أخذ البنات وراحوا يتسحرون بمطعم على ذوق فتون الي تتشرط وعبير الي كل شي تشوفه هالوقت حلو ^ _ ^

أبو سعود كعادته سنويا اهو واخوانه يجتمعون بالمسجد الي جمب بيت أبوهم يصلون التراويح وبعدها يروحون بيت أبوهم يسهرون عنده ويتسحرون !

أم سعود راحت لبيت أختها تتسحر عندها وتجري عوايدهم بأول ليلة يسهرون بالمطبخ على لف الفطاير وفرزنتها وتقسيمها بجو من المرح والضحك ..

أما خالد لبس وكشخ وراح ياخذ مرام يتسحر معها بأول ليلة رمضانية تجمعهم سوى !
وصل ودق عليها لين فصل ورجع يدق عليها ويعاود الاتصال بلا توقف!

طلعت مرام وشافها خالد ومع ذلك ماوقف اتصال يستهبل اهو ووجهه ..
ركبت مرام السيارة وهي تقول بضحكة : يعني داري اني نازلة ترجني بالاتصال ليش؟
خالد واهو يحرك السيارة بسرعه : تأخرتي دقيقة كاملة وقلت بشوف وينك؟؟
مرام بدلع : لهالدرجة مو قادر تصبر عني ؟؟
خالد كان ممكن يناكفها ويقولها ماهميتيني وهالكلام بس مشاعره هاللحظة كانت أقوى من انه يكبتها وقال : اذا على الصبر فترا على وشك ينتهي .. فخليك تمام معاي لأني مو مسؤول عن أي تصرف يطلع مني !
ولع وجه مرام بالحيا بس حبت تجننه أكثر وقالت بهمس : عادي حبيبي خذ راحتك !
هي قالت هالكلمة ولا ماقالتها غرضها أعطى مفعوله ودار بوجهه يطالعها بنظرة حرقتها وقبل مايقول شي ماااااااالت السيااااارة وصرخت مرام : خــــــــالد انتبـــــــــــه !!
خالد واهو يضبط السيارة ويقول بطريقة معصبة تضحك : وانتي بقيتي فيني عقـل يفكر ولا ينتبـه !!!!
مرام : ههههههههههههههههههههههههه ياعممممممري انت
خالد عض شفته وقال : مرام تكفين خليني أقدر أسوق ولاوصلنا قولي وسوي الي تبين ..
مرام سكتت وابتسامتها الناعمة مرتسمة بكل حلاوة على ملامحها الرقيقة وقلبها مولع بالشخص الي جالس جمبها .. تأملته واهو يسوق بملامحه الي مابين الجد والمرح ! نظراته العشوائية على الطريق وعلى الرايح والجاي .. حست ان لوفيه وصف لمشاعرها هاللحظة فهو الجنون ماغيره ..
انتبهت عليه يوم قال بصوت رخيم : مرام غني!
مرام : وشو ؟؟؟
خالد : انتي صوتك حلو وأتوقع بيكون جنااان اذا غنيتي
استحت مرام بس عجبتها الفكرة واهي مالها غرض من كل حركاتها الي تولع قلبه فيها أكثر .. وقالت : زين شتبي ؟؟
خالد : على ذوقك .. أغنية تحسينها تليق فيني !
مرام : هههههه ماقدروا للحين يألفون شي يليق فيك .. بس باغنيلك اممممممممممممم ..

لون عيونك غرامي .. دخلك صدق كلامي .. قلبي وروحي معك
لو عنك بعدوني .. بتبقى وحدك بعيوني .. احكيني واسمعك

مافيي عيش إلا معك .. مافيي كون إلا إلك

لو مهما صار ما ببقى لحالي .. ارميني بالنار أهونلي كرمالي

تعودت عليك وعطيتك حناني .. روحي بإيديك وحياتي وكياني

لون عيونك غرامي دخلك صدق كلامي .. قلبي وروحي معك
لو عنك بعدوني .. بتبقى وحدك بعيوني .. احكيني واسمعك

خالد بصوت عالي : ياويلاااااااااااااااااااااه وين أروووووح من هالكلااااام الحين !
مرام : ههههههههههه هنا بقلبي لاتروح مكان .. أوكي يالله دورك !
خالد اتنهد وقال : وحده بوحدة يعني !
مرام : امممممم مو كذا .. بس مرات الأغاني تعبر عن شي بخواطرنا مو قادرين نعبر عنه !
ابتسم خالد .. يموت فيها لاتفلسفت بالمشاعر ويقعد يسمعها واهو متونس على رومنسيتها .. قال : طيب .. شغني .. ماظنيت فيه كلمات بالاغاني توافيك .. بس يالله اسمعي هذي أنا أحب أغنيها بس تراني ماقصد فيها شي .. كذا بس أحس لها مكان بخاطري ..
مرام : اوكي سمعني ..
خالد : ياورد من علمك تجرح .. الجرح ماهو من اطباعك
مغليك من شوفتك يفرح.. هون على قلب ملتاعك

أنا هويتك وعزّيتك.. فيالقلب شلتك وعلّيتك
لك منزلٍ كلهم دونك .. لله وش كثر حبيتك
ياورد .. ياورد .. من علمك تجرح ؟؟؟

مرام : ان كانها لي فأنا مستحيل أجرحك خالد !
خالد : قلتلك أغنية لها مكان بقلبي وحبيت أسمعك هي ..
سكتت مرام واتضايقت شوي ليه هالأغنية بالذات ياخالد ؟؟ الله لايجيب جروح بيننا ..

وصلوا ونزلوا ومشوا سوى للمطعم الي يبووون

::

في هالوقت ناس ثانية طلعوا من المطعـم مبشووومين وعبير تقول بخنقة : يعطيك العافية سعود !
فتون : ههههههههههههههههه شفيك يالله تحكين ؟؟
عبير بنفس الصوت : مبشوووووووومة
فتون تهز راسها بأسى وتقول : ياويلي على اختي سعود شوف عبير مبشوومة لازم نجيبلها حلى ولا شي عشان تهضضضضضضضضضضم !!
سعود فهمها وقال : يسعد هالقلب الحنون اوكي عبير عندها لسان تطلب .. هاه عبير بخاطرك نجيب حلى آيسكريم اي شي ؟؟
عبير : عادي برااااحتكم !
فتون : خلاص اجل نجيب !
سعود جا بيرد عليها يناكفها بس دق جواله ويوم طالع لقى أبوه المتصل .. رد عليه واتكلموا شوي وسكر واهو يقول : للأسف فتون راحت عليك تمثليتك على الفاضي !
فتون : ليييييييش شيبي أبوووي ؟؟
سعود : يقول مجتمعين ببيت جدي ويبوني أجيهم .. آخ ودي أروح أرتاح بس مابي أكسر خاطره !
فتون : يوووووووه وين أجل نروووح مابي نروح البيت !
عبير : ولا أنا اوكي ودنا بيت خالتي عند أمي ..
سعود : يالله أجل اركبوا

ركبوا وفتون لسبب ما خفق قلبها بقوووووة من استشعرت وجودها ببيت خالتها !! اهي من صار الي صار لا راحت بيت خالتها ولا واجهت فيصل أبد ولا حتى سمعت صوته !
فيصل ! ماتدري ليه تحس انها مو قادرة تحط عينها بعينه .. بس الي صار حادث مو بايدي يعني مو انا الي رميت نفسي عليه من فوق الدولاب !! بس وربي كان طيب معاي انجرح واتألم بسبتي ومهي أول مره يتألم بسبتي .. ! لا وبعد حمل نفسه غلطتي ياويلي من جمايك فيصل .. انت طيب وحنون ورائع .. لكن .. أعترف اني ما أكرهه .. خاصة بعد الي صار بكون حقيرة لو قلت أكرهه .. بس ماحس قلبي متجاوز هالشعور أبد !

دق جوالها وانتبهت على نفسها ورفعت لقت عهود متصله .. ماتدري ليه حست ببرود يعاكس حماسها بكل مره تتصل عهود .. ردت باعتيادية : هلا
عهود : كل عام وانتي بخييييييييييييييييييييييييييير
فتون :ههههه وانتي بخير
عهود : وينك كنك بسيارة ولا شي ؟؟
فتون : اي والله رايحين بيت خالتي وهذانا وصلنا بانزل .. <<< وينها ووين بيت خالتها بس حاسة تبي تصرفها !!
عهود : اوكي أجل أكلمك بعدين
فتون : اوكي
عهود بضحكة : ماتبين توصلين تباريك لأحد من هنا ولا من هنا .. !!!
فهمت فتون انها تقصد سلطان وضاق صدرها من الشعور المتناقض بداخلها وقالت : بس ياعهود تراني مو ناقصتك ..
عهود : هههههههههههه اوكي لنا كلام بعدين
فتون : اوكي .. باي
عهود : بايات ..

سكرت واهي تتنفس بضيق .. صراع بداخلها مو راضي ينتهي ومو قادرة تحدد مشاعرها من خلاله !
وصلوا البيت ونزلهم سعود وقالهم بيدخل بس اذا جا ياخذهم لأنه مايبي يتأخر على أبوه ومشى لبيت جده ..

دخلت عبير وفتون وكان الباب مفتوح فمشوا ودخلوا الصالة !
فتون أول ما أقبلت على الصالة انتفضت أوصالها من شمت ريحة عطره المنتشرة بالمكان ! وعرفت انه موجود .. واول مادخلوا شافوه لابس ومستعد للخروج بس كان يلاعب دلوعته ساره ويطيرها ويمازحهاا ..
البنات : السلام عليكم
فيصل واهو ينزل ساره : هلاااا والله علييييييييكم السلاااااااام
عبير : مبارك عليك الشهـر
فيصل : علينا وعليك عبـير
طالع بطرف عينه فتون ينتظر منها كلمه ولا مباركة ولا اي همسه بصوتها تسعد قلبه وروحه وماطال انتظاره يوم ابتسمت فتون ابتسامة هزت كيانه وقالت : كل عام وانت بخير فيصل !
فيصل انقلب كيانه فوق تحت من ابتسامتها الحلوة الي أول مره ترسمها له ! ونبرتها الرقيقة الي أول مره تكلمه فيها .. لوهلة كان بيخق قدامها ويطلع كل الي بخاطره .. بس انتبه على نفسه وانتبه انه طال الوقت مارد واهو متخدّر ويا هالابتسامة الناعمة وقال بابتسامة : وانتي بخير فتون ..!
عبير : وين أمي وخالتي ؟؟
فيصل بتنهيدة : بالمطبخ ..
مشت عبير للمطبخ وفتون مشت وراها بس قبل ماتمشي رمت ابتسامة ثانية على فيصل نسفت قلبه هالمره !

راحوا للمطبخ ولقوا امهم وخالتهم مبسطات على الأرض يلفون ويحشون .. ومنى قاعدة جمبهم تسولف شوي وتقلب بجوالها شوي ..
أول ماشافتهم منى قالت : هلااااااااااااااااااااااااا بالخاينات وغلاااا
عبير وهي تضحك عليها : هلابك ..
فتون : تصدقين اتغير شكلك يوم صبغتي
منى اتذكرت ذاك اليوم وموقفها مع أنس وقالت : اييييييييه ماقلتلك ياعبير تعالي معاااااااي
وقامت سحبتها من ايدها ..
فتون : وانا يالجاحدة ؟؟؟؟
منى : بعدين بعدين ..
وطلعت الدرج وعبير معاه ماتدري شعندها متحمسة
أما فتون الي بسرعه تتكيف مع الوضع قعدت مع أمها وخالتها وصارت تخرب عليهم بدل ماتعاونهم !! << حركاتي وانا صغيرة هع

طلع فيصل من البيت واهو يحس بدواااار مو طبيعي .. ياويلي حالي ولعت قلبي بابتسامتها ! ياويلي منك فتون انا بجنونك وصدك وصراخك علي وهبالك متولع وميت فيك .. تبتسمين بوجهي لا كثير علي مايتحملها قلبي بارجع البيت أخطبك الحين ! ضحك على نفسه اهو وحاله الي انقلب بس لانها ابتسمتله .. أجل لو حبتك وش بتقووول ؟؟؟
ركب السيارة وقلبه منشرح بكل فرح .. مابي أفكر بنوع مشاعرها .. ولا بشالي خلاها ترق وتبتسم مابي أبررلها أسباب .. المهم الحين انها حنت .. يعني أكو مشاعر بقلبها وممكن تتقبلني بيوم .. آه ياقلبي وأنا الي بلحظة حلفت انها عايشة بلا شعور .. ابتسمت وأثبتتلي انها تملك أجمل شعور !


::
وصل سعود بيت جده ودخل لقى عمانه وعيال عمانه مجتمعين .. سلم عليهم وما أنكر انه مشتاق لقعدتهم ..
دارت بينهم سوالف ومن بينها قال الجـد أبو سعـد : أقول سعود ..
سعود باهتمام : سـم ؟
الجد أبو سعد : أقول دامك جيت هالمرة ليش ماتملك على بنت عمك مب أحسن ؟
مشاعر صرخت بالرفض بداخل سعود وحسها ظهرت بعيووونه .. ماعرف بايش يجاوب صعب عليه يعلن رفضه لقرب بنت عمه قدام أبوها وعمانه .. وقال واهو يحاول مايغلط بالكلام : والله ما أكره يبه بس تعرف أنا كلها شهر وبارجع أسافر وماحب أعلق البنية وان شاء الله اذا انهيت شغلي ورجعت تممنا الزواج مره وحده !
أبو تركي : على قولك وذا الي أفكر فيه .. مالها داعي الملاك أفكر أزوج تركي لعبير على طول !
تركي انصدم وطارت عيونه !! وسعود انتبله وضحك بخفة عليه .. ! وسكتوا يسمعون نقاش عمانهم إلا أبو سعود يقول : زين يصير عرسه هو وسعود بليلة وحده ..
الجد أبو سعد : وشوله تأجلون عرس تركي لين يجي سعود عقب سنتين .. مالها داعي كل هالتأخير خلهم يعرسون ولا جا سعود بالسلامة سوينا عرسه بروحه !
تركي حاس فمه وهو ينقل عيونه بين سعود وصالح واهم كاتمين ضحكتهم بالقوة على شكله .. قاعدين يخططون ويدبرون عرسه واهو قاعد يسمع منصدم !!
وأخيرا عبروه يوم قال أبو تركي : متى تبي عرسك ياتركي ؟؟؟
تركي بلعثمة : هاه .. مادري بس ليه مانملك قبل ؟؟؟
الجد : شتبي بالملاك وأنا أبوك ؟؟ أعرس وخذ البنية افرح فيها على طول بدل ماتظيع شهور من عمرك على الفاضي ..
أبو تركي : وهذا رايي بعد .. شرايك يابو سعود ؟؟
سعود : اذا علي فأنا ما أمانع بس بشاور البنية

سعود فرح من دومقراطية أبوه ماحب يجبرون أخته بشي ماترضاه ..

الجد : عبير ماظنيتها تخالف خلها تستعد واذا الله كتب تممنا زواجهم بإجازة الحج !
أبو سعود : اجازة الحج زين .. وأنا بشاورها ان شاء الله
تركي اتولع قلبه واهو يتخيل فعلا يتم زواجهم بإجازة الحج .. ومايدري شلون حس برغبة عارمة لاتمام هالزواج فعلا مثل ماقال جده بلا ملاك .. ! واجازة الحج قريبة .. آه ياعمري عليك عبير عساك ترضين وتريحين قلب ماهناله يوم بدون شوفة عيونك !

::


مرت الساعات واهم سوى بالمطعم مو حاسين بالوقت ولادارين عن الدنيا .. حتى جوالاتهم تركوها بالسيارة فما أزعجهم أحد بالاتصال لين انتبهو فجأة للوقت !

خالد واهو يوقف : تأخرنا وماحد من الي يشتغلون هنا نبهنا !
مرام : شكلهم متساهلين عشانها أول ليلة برمضان
خالد بضحكة : ولا انهم دارين عنا وماحبوا ينغصون علينا
مرام واهي تذكر سواياه وقالت : ليتهم طبوا علينا كان أنكرك وأبلغ عليك الهيئة !
خالد : ههههههههههههه حظك الردي حنا بجده الي ماتعرف الهيئات !
مرام : وانت صادق مادري هالشي من صالحنا ولا لاء ..
خالد : لا والله شوفي شلون صايرة الديرة خبصة لانعدام الهيئة بكل مكان ! (( وأشر على الباب واهو يقول :شوفي هالبنية شلون عبايتها مفتوحة ولابسة قصير بعد ! يعني لو فيه هيئة بتتجرأ !!
مرام بغيرة : اوكي ممكن تنزل عيونك وماتشوفها !!
خالد : هههههههههههههه نيتي بريئة صدقيني ..
مرام : وانا استوعبتها والحين لو سمحت لاتطالع باحد
خالد : فديت الي يغارووووووون ..

ابتسمت مرام بخفة واهي محموقة من البنت الي واقفة تضحك بلا حشمة وأخلاق ..والي قهرها انها تطالع خالد بكل جرائة .. مسكت مرام ذراع خالد بحبور ومشت معاه لين طلعوا من المطعم وركبوا السيارة ..

خالد بابتسامة : شفيك حياتي معصبة ؟؟
مرام : مافيني شي ..
خالد : يؤ يؤ يؤ كل هذا عشان هالنسرة الي كانت عند الباب ؟؟
مرام : اي ليه تطالع فيك هي بعد ؟؟
خالد : ههههههههههههههه شسوي بوسامتي الي تذبح ..؟
مرام ابتسمت وماعلقت
خالد : اوكي يالله بوديك البحر توسعين صدرك ..
مرام استانست ودها تقضي أكثر وقت ممكن معاه بس الوقت اتأخر وشالت هم وقالت: خالد تدري ان باقي عشر دقايق على الفجر !
خالد : امهمممم ويعني ؟؟
مرام : عادي ؟؟؟
خالد : قيدنا تأخرنا من زمان .. هي خاربة خاربة ..
مرام وهي تضحك : اوكي اذا بتوديني البحر انا باختار المكان !
خالد : اختاري حياتي ..
مرام : ودني لبحركم الي تروحون فيه انت والشباب تصيدون وتسبحون !
خالد عجبته الفكرة وقال : حلووو حتى هناك أستر لأنها منطقة خاصة
مرام بحماس : زين أجل يالله روووح
خالد : هههههههههههههههه يالله

وراح للمنطقتهم وجنب السيارة ونزل اهو ومرام .. كانت الدنيا مظلمة ومشى بخفة واهو ماسك ايدها وقال : والله لو يدرون اخوياي ان ينهبلون !
مرام : ليييييه ؟؟
خالد : لهم فترة يطلبوني أخاويهم وانا مالي خلق كلش .. ومارحته الحين الا معاك !
مرام : ههههههههه واكيد الطلعة معاي غير
خالد : ما يبيلها سؤال هذي ..

مشوا للبوت وفتحه بمفتاحه الخاص وركب واهو ماسك ايدها يعاونها تصعد ..
مرام كانت متونسة حييييييييييل واهي تدور بالمكان الي كان لغز مجهول لها .. وين يروح خالد ووين يتمشى وكيف البحر الي يقضي أغلب حياته فيه .. ماخلت مكان مافتشته .. وخالد ساند ظهره على حافة البوت يتأملها ويبتسم ..
رفعت مرام عيونها تبي تقول شي الا شافته يطالعها ضحكت وهي تقول : شفيك ؟
خالد : أتأمل القمر الي قدامي ..
استحت مرام وقالت : عيونك الحلوة تشوفني قمر ..
خالد : بغيتي تقولين شي !
مرام : امممممم طرت على بالي فكرة مجنونة !
خالد : وشهي ؟؟
مرام : باقي نص ساعه وتشرق الشمس وودي .. اممممممم أركب الجت كي (( دباب البحر ))
خالد : معاي ؟؟؟
هزت مرام راسها بابتسامتها الناعمة
خالد : هههههههههههههههه تبين تجنيني انتي ترا دخل الوقت ونعتبر صايمين !
مرام : طيب وش بنسوي يعني عادي نركب الجت كي ندور فيه لفة سريعة بس !
خالد : لفة سريعة بس .. آآآآآآآخ ايه اكيد عادي عندك انتي ..
مرام دارت وجهها واهي تضحك عليه
خالد حس انه بيفقد السيطرة على نفسه وقال : ياحلوة خلينا نصلي الفجر الحين
مرام بضحة : نصلي يالله ..
توضوا وصلوا ..
بعدها قعدوا عند حافة البوت يحكون لين أشرقت الشمس باشراقة مشاعرهم العذبة هاللحظة ..

لحظة اتمنى خالد يتوقف الزمن عندها .. اهو وحبيبة روحه بأروع مكان يعشقه وبأجمل وقت شروق شهد عليه البحـر وأمواجه ..

قام وفتح باب البوت الخارجي الي يطل على البحر .. وسحب الدباب وزحلقه بالبحر والتفت غمزلها واهو يقول : يالله !
مرام بلعت ريقها بخوف وقالت : استنى خالد طيب اهو سريع ؟؟؟؟
خالد : انا أتحكم بسرعته !
مرام : طيب مايقلب فينا ؟؟
خالد بضحكة: لا حياتي شفيك خفتي الحين !
مرام : مادري شكلي ببطل !
خالد : لا الحين انا الي مشتهي أركب وأبيك معاي
مرام واهي تطالع المسافة بين البوت والدباب وقالت : طيب شلون بنشقح الموية ؟؟؟
خالد مسك ايدها : انزلي وأنا بركبك
مرام بخوف : ياويلي انا شالي خلاني أقترح هالفكرة ..
خالد بمكر : دايم ثمني كلامك قبل حياتي اوكي ؟؟
ضحكت مرام واهي فاهمة قصدة .. ونزلت معاه ..

خالد علمها وين تحط رجلها وكيف تشقح وتركب وهي خافت تطيح وعيت ..
خالد : اوكي اناأوريك ..
وبخفة مافي أسرع منها شالها زي الطفلة ونقز بمهارة على الدباب ووقف وركبها ورى وركب قدام وكل هذا ومرام مغمضة عيووووووووونها بقووووة !
خالد : هههههههه خلاص فكي عيووونك
فتحت مرام عيونها وشافت الامواج حولها وثارت مشاعرها بجنون واهي ميته من الحماس ..
قعد خالد وقال :اتمسكي فيني زين مرام
مرام : اوكي ..(( ومسكته جوانب ظهره بخفة واهو ابتسم من مسكتها لأنها خفيفة وماتغنيها بس سكت لأنه يدري انها بتتشبث فيه أكثر اذا انطلقوا !!

وبكل مهارة سحب المحرك وانطلق الدباب بكل عنفوان داخل البحر
ومرام صرخت واتمست فيه بقووووووة وهي دافنه وجهها بظهره !
ضحك خالد وقال : مرام طالعي البحر لاتفوتين هالفرصة ..
رفعت مرام راسها وكان منظر البحر جناااان هالوقت ..
الشمس خفيفة وعاكسة أشعتها الهادية على أمواج البحر المتلاطمة ..
ابتسمت بفرح وخالد التفت عليها وغمزلها .. وأسرع بالدباب أكثــر !


**********

دخلت رهف غرفة أخوها بخفة .. سمعت صوت الدش بالحمام وفرحت انه مطول ..
أسرعت لجواله الي كان يشحن وانحنت بسرعه واهي تقلب فيه وراحت للأرقام المخزنة .. دورت بينها على الاسامي وضاق صدرها حيييييييل يوم لقت اخوها مسمي أخوياه اسامي عجيبة مثل .. العربجي .. الفشقة .. دافور العرب ..
ياربي الحين وين خالد بين هالأسامي !
مافي الا أجربها كلها ..

أخذت جوالها ونقلت بسرعه الأرقام من جهازه بالأسامي الغريبة الي كاتبها
ما أمداها تكتب خمس أرقام الا سمعت صوت الدش وقف وارتعد قلبها بكل خووووف !! رجعت جوال اخوها مكانه وطلعت من الغرفة بنفس الخفة الي دخلتها ..

راحت لغرفتها وسكرت الباب واهي تلهث !
قعدت على سريرها تطالع بالجوال ..
وبسرعه استبدلت شريحتها بشريحة ثانية جديدة جابتها لغرض انها توصل لخالد بس !!
خزنت الأرقام بالشريحة الجديدة ..
انتظرتك ياسلوى تساعدني وماعبرتيني واتعذرتي بأعذار مثل وجهك ..
بس مستحيل أستسلم ببساطة .. وباحصل على الرقم بأي طريقة

وضغطت الاتصال على أول رقم خزنته كان باسم :
.. كايدهم ..


::

بهالبارت مافي شخصية الا وظهرت ..
ولا علاقة الا واتبينت ..

وأنتظر رايكم وتعليقكم بكل لهفــة

******
الجزء السادس عشر

صلى سعود الفجـر اهو وأبوه ورجع البيت وأول مادخل غرفته يبي ينام ضربت عينه بالكامبيوتر واتذكر الايميل الي قرا عنوانه مع فتون
وبلا تردد بدل ملابسه بسرعه واهو يفتح الكامبيوتر يتحمل وياطول التحميل على قلبه لحظتها .. انفتح أخيرا وسحب الكرسي وجلس .. فتح ايميله بسرعه ودرات عيونه على الايميلات لين لقط الايميل وفتحه وعيونه متعلقة فيه بكل اهتمام وقرا :

Hi

Alslam alikom
How are you s3od?
Iam w3ad from london
Iam sorry but I want ask you haw ar you?
I hope evrythigs is ok enshallah
Kol 3am o enta b5er
Ramdan mobark
S3od
Iam so soooorrye

Bye

الترجمة :

هاي
السلام عليكم
كيف حالك سعود ؟؟
أنا وعد من لندن
أنا آسفة بس ابغى أسأل كيف حالك ؟
اتمنى يكون كل شي بخير
كل عام وانت بخير
رمضان مبارك
سعود
انا مره آسفـــــــــة
باي

ابتسم سعود ابتسامة حالمة وهمس بلا شعور : وعد ! ياحياتي على ايش الأسف؟
رد عليها وكتب :
هلا وعد .. ماتصدقين شكثر فرحتني رسالتك .. وربي ردتلي الروح ..
انا بخير الحمدلله وكل أموري تمام .. كل عام وانتي بصحة وسلامة يالغـ ـلا !

أرسلها واهو راضي على كل حرف فيها .. بحياته كل ماحوله يهمس بوعد .. اكتملت هالوعود وانتهت بمعرفته بسحـر حياته .. الي مايدري كيف جمعته الصدفة فيها وملكت كيانه بلا استئذان ! شعور عجيب يحسه من تطري على باله يخليه يبتسم ويعيش بحبور داخلي وأمنية مستحيلة تتمرد بقربه منها دايم وطول العمر ..
قلبه الي ماعرف هالمشاعر قبل ولا حس فيها .. يسمع عن الحـب عن الشوق بس ماعاشهم وظن انه ماراح يعيشهم ويوم خطب بنت عمه حاول يوهم نفسه فيهم .. حاول يفتعل هالمشاعر غصب .. عجيب قلبه الي أولد هالمشاعر بقلبه بكل تلقائية وعذوبة من عرف وعد !! هالمشاعر الي اتمنى يحسها تجاه بنت عمه انخطفت منه واتوجهت لوحده يدري ان قربها أبعد من المستحيل نفسه !!
اتألم حيل لهالخاطر ! كيف عرفتها كيف حبيتها كيف صارت بلحظة حلم حياتي ودنيتي؟؟

اتنهد من قلب يعاني لوعة زمن .. رجع لبس وطلع من البيت مشي ..
مشى واهو يسحب هواء عميق يحاول يوسع صدره من الضيق الي حسه وقت استشعر بـُعد وعد عنه للأبد !
واقع مدمر لكنه حقيقي ولابد منه .. !

وصل المسجد ودخل .. بغى يقرا كم آيه تشرح صدره .. اختار أحد المصاحف وقعد آخر المسجد وفتح المصحف على أول سورة بالقرآن يبتدي فيه ختمة رمضان .. وسمى بالله وقرا

::

بنفس الوقت كانت سيارة مارة بهالشارع تحمل بداخلها شخصين ميتين من التعب وعيونهم ووجيههم حمرت من توهج الشمس فيها وسط البحـر
خالد التفت لمرام لقاها ساندة راسها ومسكرة عيونها ..
ابتسم واهو يتذكر شلون هبل فيها وطير مخها وسط البحر .. ماكتفى بالمشي بس.. اختار منطقة هادية وجلس يدور بالدباب مسوي دوامة أمواج كبيرة وضخمة .. وكيف تمسكت مرام فيه بكل قوتها واهي تصررررررخ .. وماحن عليها ورجع الي يوم دمعت عيونها من الخوف
ضحك واهو يتأملها نايمه جمبه .. شكثر دلوعة انتي حياتي فديت نعومتك غلاي ..

نادها بنعومة : ميمي .. مرامو .. مرامي ..
مرام بوهن : هممممم ..
خالد : وصلنا بيتنا انزلي معاي ..
فتحت مرام عيونها بتعب وطالعت بيت خالتها واستغربت وقالت : ليه مارحت بيتي ؟؟
خالد باستهبال : نامي عندنا مرام !
مرام : خالد انت صاحي ؟؟؟
خالد واهو يغزملها : ماظنيت ..
مرام : ههههه جد خالد بروح بيتنا والله ان صحى ابوي ومالقاني بيذبحني ..
خالد : شالي يذبحك انتي خليه يلمسك بس وانا أكسر ايدينه ..
مرام : خالد أبوووووووووي ..
خالد : ابوك على عيني وعلى راسي بس عاد لايدوسلك على طرف ..
مرام : بس غلطانة انا خالد ترانا طالعين من البارح بالليل !!
خالد : اوكي ياعمري أنا جيت بيتنا عشانه جمب البحر باخذلي دش سريع لأني بوصلك وبروح دوامي على طول ..
مرام : جد ؟ بتروح مواصل ؟
خالد : ماعندي خيار ثاني ..
مرام بحنية : يوه خالد تعب عليك ..
خالد بضحكة : من طلبتي تركبين الدباب وانا عارف ان هذي نهايتي ..
مرام أنبها ضميرها وقالت : ياعمريييييييي ليتي ماطلبت ..
خالد : انتي ماتطلبين انتي تامرين أمر على قلبي وماقدر اعترض
مرام بحيا : حبيبي يسعدلي قلبك ..
خالد وهو يضحك : اوكي حياتي ضيعتي علي نومي اوكي .. بس تضيعين علي دوامي هذي قوية شوي ..
مرام : ههههههههههههه يالله يالله ..

وفتحت الباب ونزلت .. ونزل خالد ومشوا للبيت ودخلوا وقبل مايطلعون الدرج قالت مرام بهمس : ياربي فشلة خالد احس وجودي معاك ببيتكم هالوقت غلللللللللط
خالد : هههههههه صدقيني بنتذكرها بعدين ونضحك ..
ضحكت مرام وقعدت بالصالة وخالد طلع غرفته وفتح مالقى سعود فيها ! فرح ونزل وقال لمرام : مرام تعالي استني بالغرفة سعود مافيه !
مرام انحرجت تروح غرفته بس وجودها بالصالة محرجها أكثر لا يصحى أبو سعود ولا أحد من البيت ويشوفها وتتفشل .. واضطرت تقوم وقالت واهي تطلع الدرج : حسبي الله على شيطانك والله ان دروا أهلي مادري وش بيسون فيني ..
خالد واهو يمسك ايدها ويهمس : قوليلهم كنت بغرفته بنهار رمضان .. بيعذرونك !
مرام بحرج : ياربي خالد اسكت خلاص وخذلك دش بسرعه خلنا نخلص
خالد : ههههههه اوكي ..

دخلوا الغرفة وسكروا الباب .. فتح خالد دولابه يطلع ملابس ويقول : بكرا اذا اتزوجنا ان شاء الله بتطلعيلي انتي ملابسي اذا بغيت آخذ شاور ..
مرام بابتسامة : صدقني بسويها بكل محبه .. بس ..
خالد وهو ماسك باب الحمام يبي يدخل : بـس ؟؟
مرام : تتوقع هاليوم قريب ؟؟
خالد قرصه قلبه من سؤالها المفاجئ .. وقال : اتمنى من كل قلبي يكون قريب ..
مرام : اذا على الأمنية فأنا بعد أتمنى ..

خالد مارتاح لكلامها واهو من عقد عليها ماطروا ماضيه لا بزينه ولا بشينه .. اهو اتجنب الكلام واهي تناسته وماحبت تخرب فرحتهم بكل مره يتلاقون !
قال بتنهيدة : بادخل آخذ شاور ..
مرام : خذ راحتك..

دخل خالد واهي دارت عيونها بغرفته .. تناست مشاعر الضيق الي تملكتها لحظة ووقفت تتفرج على أغراضه .. شي حلو لما تكون وسط ممتلكات حبيبك وأغراضه الخاصة تعرف كل شي عنه .. حست بالحر وفسخت عبايتها .. وقعدت على مكتبه وصارت تقلب بأقلامه وأشرطته وتقرا الي عليها وتتفرج على أوراقه وكتبه .. ابتسمت واهي تقرا خربشات كاتبها تتعلق بشغله باين انها جدول مواعيد يرتب أفكاره .. واااو خالد يعني انت ممكن تكون جدي بوقت من الأوقات؟؟
دق جوال خالد وانتفضت بمكانها !!! تركت الاوراق ونزلت من المكتب ومشت لجواله وهي مستغربة من بيدق على خالد هالوقت !!
طالعت الرقم لقته رقم غريب مو مخزن ! كان صوت الدش لازاال يعني خالد مو سامع الجوال .. قررت تخبره اذا طلع .. وتركت الجوال مكانه بإهمال ..

شوي الا رجع يدق نفس الرقم بتواصل مستمر !! شاهاللزقة ياخي يعني لو مثلا خالد نايم شهالازعاج ؟؟؟
انحمقت حييييييل وقررت ترد .. مافيها شي لو سأل خالد من هذي يقوله زوجتي ومن حقي .. وردت : الووو ..
ـ : .............................
مرام : الوووووو
ـ : .........................
سكتت مرام شوي تنتظر تجاوب من الطرف الثاني مالقت .. استغربت وسكرت الجوال ورجعته مكانه وعصفت فيها الأفكار ؟؟؟ مين هالمتصل وليه مايرد ؟؟ يكون خوي خالد وعشان سمع صوت بنت استغرب وسكت ؟؟؟ بس ليه هالوقت عاد .. وليه مو مخزن رقمه عند خالد ؟؟ ...........معـ ـ ـقـول تكـ ـ ون ................ ؟؟
لالالا مرام شفيك انتي خالد غير جواله وطلعه باسم تركي يعني مستحيل تحصل عليه .. ! خفق قلبها بقووووة من هالطاري .. حاولت تنكر أي وساوس لعبت فيها .. بس مع محاولة الانكار هذي شي بداخلها أجبرها تفتح جوال خالد وتنقل الرقم اللي اتصل وتخزنه بجوالها !!
وسكرت جوال خالد ورجعته مكانه ..!!

حست بدوووخة وتعب مع أول يوم صيام لا وبعد بدون نوووم .. اتمددت على سرير خالد تنتظره يطلع وتروح بيتها تنااااام من حظها ماعندها جامعة اليوم ..

بعد دقايق طلع خالد ببجامة البيت ومنشفته على كتفه .. ! واتسمر مكانه يوم شافها واهي نايمة بنعومة على سريره .. !!
كانت نايمة على جمبها وذراعها تحت راسها وشعرها منسدل على وجهها .. وذراعها الثانية منسدلة من على السرير بلا شعور منها وبلوزتها القصير كاشفة جزء من بطنها وظهرها .. اتخدّر خالد واهو يطالعها مع هيأتها الي تذوووب الروووح .. ماقدر يطول النظر فيها واتنهد واهو يدور وجهه للدولاب يطلعله ثوب ! آه ياويل قلبي منك مرام بتجنيني معاك انتي .. تكفين قومي تراني مو متحمل أكثر .. لبس ثوبه وهو مغمض عيونه ويردد : اللهم اني صاائم .. اللهم اني صائم ..
سكر أزارير ثوبه ومشى لعندها وانحنى قدامها وأول شي سواه عدل بلوزتها وغطى الجزء المكشوف ..
رفع شعرها بحنية واهو يهمس : ميمي ..يالله بنمشي ..
<< غاااااااااااطسة بالنوم ومو سامعه
خالد وهو يمسح على راسها : مرام حياتي قوووومي تأخرنا ..
<< لا تـَـجاااااااوب ..
هزها على خفيف وينادي : يالله حياتي اصحي مرامووو
<< لا حياة لمن تنادي !
اتنهد ووقف ومشى لمرايته أخذ فرشه ومشط شعره واتعطر واهو ينادي عليها كل شوي ويرفع صوته بالنداء واهي مو حاسة فيه أبد .. !!
أخذ جواله وحطه بجيبه ورجعلها هزها واهو ينادي : مرام مادريت ان نومك ثقيل بهالشكل يالله حياتي قومي ولا ترا باطلع وأخليك !
<< مسكين يكلم نفسه
اتنهد بقووة ووقف محتار فيها !!
راح قعد جبمها على السرير وشالها من مكانها حطها بحضنه وضمها لصدره وباس جبينها ... الا ........... فتحت عيونها !!
خالد بضحكة: لو أدري ان ضمتي بتصحيك كان ضميتك من أول ..
مرام بكسل نوووم : خلصت نمشي ..؟
خالد انخبل منها وقال : ايه حياتي من أول أصحيك وانتي مو حاسة يالله بانتظرك تحت الحقيني
مرام واهي تقعد بكسل : استنى خالد انزل معاك ..
خالد مو قادر يتحملها بحضنه أكثر حطها على السرير وقال : ولا كلمة مرام .. استناك تحت بسرعه الحقيني ولنا كلام بعدين ..
مرام مو مستوعبة شي فركت عيونها بتعب ويوم ابعدت ايدها مالقته بالغرفة .. !!
قامت لبست عبايتها وطلعت واهي يالله تشوف الطريق .. نزلت وطلعت ولقته بالسيارة ينتظرها ..
ركبت وسكرت الباب وعلى طول سندت راسها على الجمب ونامت
<<< وخالد يردد يالييييييييل ماطولك !


********

على المغرب
طلعت أم سعود من المطبخ وشافت عبير بالصالة وقالت : عبير تعالي يمه اقلي السمبوسة
عبير واهي لامة ركبها ومعها مصحفها تقرا وقالت : يمه وين سولا عنك تعرفيني أصدع من ريحة القلي !
أم سعود: سولا قاعدة تقلي اللقيمات زين تعالي قطعي السلطة وانا اقلي السموبسة
عبير : طيب بس أخلص الجزء ودي هالشهر أختم القرآن مرتين..

فتون من أعلى الدرج : خلصت جزئييييييييييييييييييييييين !!!!!!!!
عبير بقهــر : يووووووه شفتي يمه دايم تسبقني ذي بكل رمضان .. انتي شلون تقرين ابفهم ؟؟؟
فتون وهي تنزل الدرج : زي العالم والناس بس بدون انقطاااع ..
أم سعود : زين أجل امشي قطعي السلطة يافتون
فتون : أول شي سويتوا فميتو ؟؟؟؟؟؟؟؟
ام سعود بضحكة : وحنا نقدر ننساه لاتقلبين السفرة علينا
فتون : ههههههههههه زين عرفتووووني

ودخلت المطبخ مع أمها ومشت للصحن الي فيه الخضرة وهي تقول : شلون أقطعها ؟؟
ام سعود : سلطة يافتون شالي شلون تقطعينها ؟؟
فتون : أول مره اقطع سلطة طيب مادري كيف !
ام سعود : وأنا فاضية أعلمك الحين ؟؟ اطلعي بس نادي اختك
فتون : الحمدلله فرجت اصلا ريحة القلي قالبة معدتي

طلعت نادت عبير واهي قعدت تقلب بالتلفزيون وفاجأة صرخت : عطشاااااااااااااااااااانة كم باااااااااااااقي وقت ؟؟؟؟؟؟
عبير من المطبخ : يامهبولة لاتخربين أجرك باقي نص ساعه ..
فتون : يووووووه ياطولها ..
ومشت للتلفون تمضي وقتها .. دقت على بيت خالتها وشوي الا رد مشعل
مشعل : الووووو
فتون : مشعلووووووووووه شلونك ؟؟؟
مشعل : بسم الله علينا قاعدين نفطر شتبين انتي ؟؟؟
فتون : تفطروووووون؟؟؟ ماشاء الله مسجدكم يحبكم يأذنلكم بدري !!
مشعل : ههههه ليته والله ..
فتون : تستهبل انت ووجهك .. قولي بس شمسوين على الفطوووور ؟؟؟
مشعل : فيمتووووو !
فتون : هههههههههههههه أجل مثلي انت هذا الي همك
مشعل : اي والله مارضيت أصوم الا يوم ذكروني فيه ..

ساره تصارخ جمبه واهو هاوشها يسكتها

فتون : شفيها سوسو ؟؟؟؟
مشعل : أزعجتني وانا بعد ثايمة ثايمة
فتون : ياعممممري عطني اياها ..
مشعل : لا مابي سولفي معاي خلي الوقت يروح جوعااااان
فتون : وانا عطشااااانة

ساره : ابي أكلللللللللللللم ..

فتون : هاتها ياشيخ ..
مشعل : بحط اسبيكر وكلميها
فتون : ياثقل طينتك ياخي مابي اكلمك انت ابي اكلمها إهي
مشعل : مب على كيفكم ابي اسمع ..

وحط اسبيكر ونادها .. وساره قعدت جمبهم تقول : فتوووون انا ثايمة !
فتون : شاطرة حبيبتي ماكلتي شي أبد ؟؟
ساره : ولااااااااااااااااااااشي ..

دخل فيصل هالوقت ولقى مشعل وساره متلمين عند التلفون يسولفون استغرب وقعد جمبهم !

ومشعل يقول : كذاااااابه كذااااااابة .. كل شوي تاكل حلاو وتشرب عصير واذا شبعت قالت اللهم اني ثايمة
ساره : ماما حنان قالت تثـومين ثـوم الاطفال .. آكل شوي وأثوم شوي ..
فتون : اي شطووورة ساره ربي يعطيك حسنااااات ..
مشعل : وانا مصوميني من فجر الله والله جف حلقي
فتون : معليه والله انا كنت اصوم وانا اصغر منك ..
مشعل : انتوا البنات غييييييير تتحملون أكثر من العيال
فتون : ههههههههههههههههه ومن وينلك هالمعلومة ؟؟؟
مشعل : فيصل قالها لمنى اليوم ..
فتون : اممممم فيصل .. شخباره فيصل ؟؟؟
رفع فيصل حاجب يوم سمعها تسأل عنه وأشر لمشعل يسكت ومايقوله انه هنا ..

مشعل : طيب الحمدلله كل شوي يذكر امي بالفيمتو ..
فتون : ههههههههههه حتى اهو برمضان يطق فيه عرق الادمان ؟؟
مشعل : ايييييه كلنا ..
فتون : زين مشعل لا تنسى تشرب الفيمتو بطريقتنا الخاصة

ساره : وشووووووو ؟؟؟

مشعل : ههههههه مو شغلك شي بيني وبين فتون ..
فتون : لا خلها تتعلم بالعكس حلو عليها .. اسمعي سوسو اذا شربتي الفيمتو طولي وانتي رافعة الكاس على فمك ليييييييين يصير فمك أحممممممممر بعدين روحي شوفي وجهك بالمراية كنك حاطة رووووج !

رفع فيصل السماعة هالوقت وقال : شهالكلام تخربين اخواني انتي ؟؟؟
فتون بصدمة : بسم الله انت وين طلعت !
فيصل متجاهل كلامها : وانا اقول من وين متعلمين هالحركات اثرها نصايحك ؟؟
فتون : ايه نصايحي يبه خلنا نستانس مافيها شي ..
فيصل : والوناسة ماتصير الا باللعب بالنعمة !
فتون هاللحظة رجعتلها روح القتال مع فيصل وقالت : الحين هالحركة تسميها لعب بالنعمة ؟؟ والله ودك تجربها بس موقادر ويا هالشنبات ههههههههههههههههههههههههههههههههههههههه
فيصل ضحك بس مابين وافتعل العصبية واهو يقول : ليه شايفتني بزر عندك ؟؟؟
فتون : شدعوة أنا الي بزر يعني ؟؟؟ وهذاني للحين اسويها !!
فيصل : هين انتي بزر لين تعجزين ماتكبرين ..
فتون : طالعة عليييييييييييييييييييييك
فيصل : تشب عاد .. ولا وحده بهالعمر بالله تفتش مخازن الناس وتتسلق الدواليب وتورط غيرها بمصايبها ..
فتون ولع وجهها من الفشلة يوم اتذكرت الموقف وقالت بحرج : انا ماورطت احد انت الملقوف الي دخلت وقتها وورطت عمرك فيني..
فيصل : لا والله ؟؟ وكان أزين لو مادخلت وتركتك تطيحين ويتكسر كل ضلع فيك !
فتون بخرعة : اسم الله علي شهالفال الخايس ؟؟
فيصل : مو تلوميني ليش أدخل !
فتون : تدري عاد هذا انت يافيصل دومك متورط معاي مو شي جديد .. من عرفت نفسي وانا ماغير أوقع بمصايب وبالآخر تجي فيك .. معقولة بعد كل هذا ماكرهتني ؟؟؟
فيصل بشعور صادق همس : ماتصدقين لو أقولك حبيتك أكثر !

فتون انلجم لسانها من اعترافه الصريح وماعرفت بايش ترد .. !!
فيصل نفسه مادرا شلون طلعت هالكلمة منه بلا شعور .. وخفق قلبه بكل عنف واهو يترقب رد جارح .. ولا صراخ لاذع .. ولا تسكر السماعة بوجهه ..

لكنه اتفاجأ يوم سمعها تقول بصوت خانقته العبرة : فيصل أنا آسفة .... باي
سكرت السماعة وضاعت عيونها بالفراغ واهي تكابد دمعتها

" حبيتك أكثر " مو معقول فيصل بعد كل الي سويته فيك تحبني أكثر ؟؟ انت أي قلب تحمل بداخلك .. عمركم شفتوا وحدة تتمنى شخص يكرها ؟؟؟ ان كان أبد ما مر عليكم وحده من هالنوع فيالله عدوني أول وحده تتمنى هالشي .. ايه اتمنى يكرهني فيصل ويشوفني أبشع الخلق بعينه !! لأني ماقدر أحبه .. ماقدر أحققله أحلامه .. ماقدر أعيش مع انسان ذليته وأهنته .. انسان تحمل مصايبي وفوق هذا يحبني وانا مو قادرة أعطيه شي .. ولا شي .. ليتني على الأقل أفكه من شري .. انا ابتسامة وبالقوة ابتسمت يوم شفته لأني حسيته يستاهل بعد كل الي سويته فيه .. لكن هل اذا شفته مره ثانية باقدر أبتسمله من جديد ؟؟؟؟
قطع أفكارها دخول أبوها وسعود من برا .. وأبو سعود بإيده كيس فول وتميز .. << يمي يمي
ابو سعود : فتون امسكي ودي المطبخ
قامت فتون وبالها مو معها ومسكت كيس الفول من تحت ولأنه حااااار والكيس خفيف لسعها بقووووة وصرخت : آآآآآآآآآآآآآآآي يلسع !
ابو سعود : وانتي ليه مسكتيه من تحت .. ؟؟ امسكي ياماما من هنا فووووق ..
مسكت فتون الكيس من فوق واهي مكشرة من الألم ومشت للمطبخ واهي تتأوه وهمست بقهر: حسبي الله عليك يافيصل !

سعود الي سمعها وعقد حواجبه باستغراب !! شدخل فيصل تتحسب عليه ؟؟؟ ولا هي تعودت تحط حرتها فيه حتى بغيابه بعد !
تجاهل الموضوع وطلع لغرفته يبدل وأخذ مصحفه ونزل الصالة يقرا لين يأذن المغرب ..

::

" اللــــــــــه أكبر الله أكبـــــــــــــــــــــر "
صدع الآذان بكل روحانية يتبعه آذان مسجد آخر وآخر وكلها تعلن انتهاء وقت الصيام بهالوقت الكـل يستمع له ويترقبه غير عن كل الأوقات ..
وياحلو الآذان لما يخترق الحواس غصب ويشعل بالقلب مشاعر ايمانية مع أجواء الفطور الجميلة .. كان هذا شعور كل من يفطر ويستمع لباقي الآذان وهو يتردد بكل شموخ واعتلاء .. كم نفتقد بالغربة هذا الصوت الجهوري الي يولد بالقلب الطمأنينة والراحة واحنا نستشعر رمضاننا شامخ بشموخ صوت الآذان .. ((مو ورقة التوقيت جمبنا نطالع وقت المغرب متى ونقارنه بالساعه كل شوي لين يتوافقون ونعلم بعض ان الوقت دخل وناكل تمرتنا وصوت الأغاني يردح ببيوت الكفرة الي بجمبنا !! ))

هههههههههههههههههههههههههههههههههههههههه << يضحكون علي عبير وفتون !! اضحكوا مالومكم يانتوا عايشين بنعمة ببلد الاسلام ماتساويها نعمه احمدوا الله واشكروه

أبو سعود : الحمدلله .. يالله نلحق على الصلاة ياسعود ..
سعود : يالله ..
أبو سعود : وهالعلة خالد عيا لايقوم ؟؟؟
ام سعود : والله مت مووت وانا اصحي فيه تقول اصحي جنازة ماتحس !
ابو سعود : مادري شالي سهره واهو وراه دوام وصيام .. المهم حاولوا فيه يقوم يصلي على الاقل
ام سعود : ان شاء الله

طلعوا يصلون وعبير قالت : يمه بنصلي التراويح بأي مسجد ؟؟
ام سعود : جمب بيتنا مانبي نبعد لان وراي مشاوير القظا
فتون : يووووووه مابي جمب بيتنا ما اخشع الا مع توفيق صائغ ..
ام سعود : لاحبيبتي بعيد وقلتلك وراي مشاوير
عبير : يمه احنا نروح مع السواق وانتي روحي مشاويرك مع سعود ..
ام سعود : وسعود فاضي لدلعكم انتوا الي لازم بكل رمضان مناقر على المسجد .. اهي صلاة ولا تمشي ؟؟
فتون : لا صلاة ولأنها صلاة الواحد يختار المسجد الي يرتاح فيه والامام الي يخشع معاه
ام سعود : الله واكبر فتون تحكي عن الخشوع !! اليوم بس مشوها زي ماقولكم وبكرا روحوا الي تبون ..

فتون : يوووه طيب المهم لحد يغير القناة شوي وتجي طاش ماطاش
ام سعود : عشتوووا .. هذي الي تسولف عن الصلاة والخشوع مسرع ماقلبت على طاش ماطاش !!
فتون : ههههههههههههههههه الحياة دين ودنيا ماااامي
عبير : استغفر الله هذي انتي دايم .. وانتي صايمة انسانة ثانية ومن تفطرين تطلع شياطينك ..
فتون :قصدك تطلع حقيقتي لان شياطيني محبوسة طول رمضان ياويل حالها..
أم سعود : فتوووووون وبكم ان شاء الله !!
فتون : هههههههههههههههههههههههههههههه استغفر الله ..
::

رجعوا من الصلاة وانحطت السفرة الرمضانية المعتادة واتعشوا واحمدوا ربهم على النعمة
وفتون قعدت قبال التلفزيون تتابع برامجها الي خزنتها بجوالها وقت الدعايات قبل ..

ابو سعود وقف واهو ماسك شاهيه وقال : عبير ..
عبير : سم ؟
ابو سعود : تعالي يمه مكتبي أبيك شوي ..
استغربت عبير وقالت: ان شاء الله

راح أبوها لمكتبه واول ماراح التفتت عبير لسعود وامها وقالت : شيبي ابوي ؟؟؟
ام سعود بابتسامة : أندري عنه ؟؟ مناديك هو روحي شوفيه ..
عبير : شكلك تدرين يمه قوليلي وش يبي !
ام سعود : ههههههههههههه وليه ماتخلينه هو يقولك طيب !
عبير : بخليه بس مهدوولي (( والتفتت لسعود : سعود تدري عن شي ؟؟
سعود يمثل البرائة ويهز راسه : أبدا !
عبير : والله ماظنيتك تجهل شي ان كان ماأبديت رايك فيه بعد ..

" وينـــــــك عبير "
<< ابوها يناديها

عبير : جاية جاية .. (( ومشت واهي تقول : الله يستر حاسة السالفة فيها حياة أو موت !
سعود: هههههههههه ولو اهي كذا بيختارك انتي يالدلوعه !

ام سعود : ياعمري عليها جبانة عبير
سعود : مره .. ليتها تصير ربع فتون بس
ام سعود : اي والله لو هي فتون الي مناديها كان نطت تركض ..
سعود وهو يطالعها آخر الصالة تتفرج ولاهي حاسة بأحد : ههههههههههههههههههههههههههههه حبيلها ..

دخلت عبير المكتب لقت ابوها قاعد على الكنب الصغير فيه .. مشت واهي تقول : شفيه يبه ؟؟
ابو سعود بابتسامة : شوي شوي اقعدي اول
عبير استحت وقعدت وهي تقول : ههههههه متحمسة ابعرف ..
ابو سعود : وانا جايك بالكلام .. عبير حبيبتي امس كنت ببيت ابوي انا وعمانك اتسحرنا سوى .. اتكلمنا بموضوع زواجكم واتشاورنا سوى ان يتم زواجكم باجازة الحج ان شاء الله !
عبير سكتت لحظة تبي تستوعب بعدها قالت بصدمة : اجازة الحج هذي ؟؟؟؟؟
ابو سعود : ايه هذي أجل السنة الجاية ؟؟
عبير : يبه انت تقصد زواجكم يعني ملكتم موو؟؟
ابو سعود : لا ياعبير اقصد زواجكم يعني الزواج الي تنتقلين فيه لبيت زوجك .. وشورنا ان يتم الزواج على طول بلا ملاك !
عبير انقهرت وقالت : ليه طيب ؟؟؟
ابو سعود : احسن يمه .. مافي شي يمنعنا نأخر الزواج وتملكون قبل واهو ولد عمك واكيد تعرفينه ويعرفك فماله داعي نقول خلكم تتعرفون على قبل وهالكلام !
عبير : بس .. مادري يبه احسها صعبة بعدين يمكن هو مايبي !
ابو سعود : لا هو كان معانا وأبدى موافقته على الموضوع باقي رايك انتي عبير ..
عبير : شلون يبه زواج بدون ملكة ماحسها تركب !
ابو سعود : بالعكس يمه صدقيني أزينلك .. انا اقولك لو هو غريب كان لابد من الملاك لكن ولد عمك وتعرفينه وشوله نأجل الزواج وخير البر عاجله !
عبير بتردد : مادري يبه .. ماتوقعت ابد زواجنا يتم بهالسرعه وخايفة !
ابو سعود : خوفك ماله داعي حبيبتي وبعدين هو شعور طبيعي بتحسينه حتى لو ملكتي وقرب الزواج بتخافين .. يالله عبورة خليني افرح فيكم بعدين جدك وعمانك موافقين مو حلوة اجي اقولهم عبير رفضت !
عبير : هي مو حلوة بس مادري يبه شلت هم !
ابو سعود : أدري صعب عليك تستوعبين الموضوع بسرعه بس هذي ثلاث شهور قدامك استوعبيه زي ماتبين ..
عبير : ياربي الله يعيييييييين
ابو سعود : يعني موافقة .. ؟
عبير بحيا : مبدئيا ايه بس ودي أستخير !
ابو سعود : من حقك يمه .. استخيري وعلميني بالي تحسينه ومايصير خاطرك الا طيب ..
عبير : ان شاء الله ..

ابو سعود : يالله حبيبتي ناديلي سعود..

قامت عبير وطلعت ودخلت الصالة واهي وجهها مثل الطماطم أحممممممر ..

اول ماشافتها امها وسعود ضحكوا عليها
عبير واهي تقعد بقوة : يعني كنتوا تدروووون ؟؟؟
سعود : أجل امور زي هذي بتخفانا !
عبير : ماشاء الله زين انتوا شرايكم ؟؟
ام سعود بحنية : والله استحسنت الفكرة صحيح مفاجأة هالخبر بس ان فكرتي فيه مايعيبه شي !
عبير : يمه ثلاث شهور بس مره قريييييييييب ..
سعود : ولو انتي مملكة من سنة مستحيل بتستعدين للزواج قبل ثلاث شهور ولا شهرين بعد!
ام سعود : وهو صادق ..
عبير : ياربي خفففففففت

سعود : المهم انتي وش قلتي لابوي
عبير بحرج : قلتله .. موافقة مدبئيا لين استخير !
ام سعود : ياعمري الله يريح قلبك ويكتبلك الي فيه خير يارب ..

عبير : آمين .. (( والتفتت على فتون وشافتها وهي مندمجة بالتلفزيون ونادتها من مكانها : فتوووووووووون يالخااااااااااايسة تعالي اقعدي معااااااااي استغلي أياااااااامي قبل ماتزوووووووج !!
التفتت فتون وبعيونها نظرات استنكار ..

عبير وهي تضحك : اسمعي النكته بس .. احتمال يصير زواجي بإجازة الحج هذي !!
فتون نطت واقفة وهي تصرخ : ايييييييييييييش ؟؟؟؟؟؟
ام سعود : شفيك باسم الله تقولك زواجها مب موتها !

فتون مشت لها بحمق وهي تقول : وش السالفة !!
عبير : ابوي تو كلمني يقول هو وعماني وحتى تركي يبون الزواج بإجازة الحج !
فتون وهي مكشرة : الحمد لله والشكر خل يسولفون عن الملكة بعدين الزواج!
عبير : لا يقولون ماله داعي ملكة ! زواج على طول
فتون بصدمة : مب صاحين .. وانتي شرايك؟؟
عبير : مادري مترددة ..
فتون : يعني احتمال توافقين ؟؟؟
عبير : ايه ليه لاء !!
طالعتها فتون بنظرة اتجمعت فيها الدموع بلا شعور .. ورمت الريموت بقوة على الكنب وطلعت الدرج بسرعه!
عبير تناديها : فتون شفيييييييك ؟؟
سعود تبع فتون بنظراته لين طلعت وقال : فتون اوقات تطلع حساسيتها بمواقف غريبة !
ام سعود والعبرة خنقتها : لاتلوم خواتك ياسعود الا أحمد ربي وأشكره الي علقهم ببعض جدسين بروح وحده !
عبير حزنت حيل على فتون ووقفت واهي تقول : باطلع اشوفها هالبايخة .. وايييييييييه ياسعود نسيت اقولك ابوي يبيييييييك
سعود : بدري ياحلوة .. (( وقام يشوف أبوه وأم سعود راحت بأفكارها لوين ماتتخيل بنتها الكبيرة عروسة بفستانها الأبيض ..

دخلت عبير على فتون لقتها متربعة على السرير وحاطة ايدها على خدها والدموع أربع أربع ..
عبير وهي تسكر الباب : فتون ياعمري الحين ليه الزعل ليه الدموع ؟؟؟
فتون : ..............
عبير قعدت جمبها وقالت تمازحها : تحبيني انتي ووجهك ؟
فتون واهي تدفها : انقلعي انتي مو وجه حب يا أكبر خاينة شفتها بحياتي ..
عبير : شدعوة فتوووووون؟؟ انتي دارية اني باتزوج الحين ولا بعدين !
فتون وهي تمسح دموعها بسرعه : ايه ادري بس مو الحين .. على بالي باقي أقل شي سنة وتملكين قبلها ونستوعب فراقك شوي شوي .. مب فاجأة تصير ثلاث شهوووور بس!
عبير : ياعمري يافتون والله انا نفسي انصدمت بالخبر بس لو فكرتي مافي شي يخليني أرفض !
فتون بغيرة : طبعا ذا الحبيب الغالي الي يلزمك تضحين بالدنيا كلها عشانه ..
عبير بابتسامة: مب أغلى منك يافتون ..
فتون ضحكت بسخرية وقالت : العبي على غيري يا حلوة ..
عبير : ياربي فتون ترا بابطل اتزوج مره وحده شرايك ؟؟؟
فتون : يكون أحسسسسسسسسسسن ..
عبير : خليني اشوف حبيب القلب اذا خطبك وش بتسوين ؟؟
فتون بتكشيرة : منهوو ؟؟
عبير : إلي هو ..
فتون : أقول فكينا من سيرته تكفين ..
عبير : منهوو ؟؟
فتون باستهبال : الي هوووو !!!
عبير : هههههههههههههههههههههههههههه ياحبيلك وبس ..
أخذت فتون المخدة ورمتها بقوة على عبير وضحكت ..

******

"فهذا الشهر الذي أوله مغفره .. وأوسطه رحمه .. وآخره عتق من النار "

أبو فيصل واهو يستمع للشيخ بالتفزيون : سبحان الله ! أوله مغفره ومشت .. وهذانا الحين بأوسطه الله يتغمدنا برحمته
أم فيصل : اللهم آمين .. مر بسرعه ياحسافته ويبيلنا ناخذ عمره قبل لاتجينا العشر الأواخر ويزدحم الحرم ..
ابو فيصل : يالله رتبي مع البنات انتوا كل ما زانت وحده شانت الثانية << افهموا قصده ..
ام فيصل : هههههههههههههههههه لا ان شاء الله يجي يوم نتوافق جميع ..
ابو فيصل : ههههههه ليته ..

منى من أعلى الدرج : يمــــــــــه جا آدم ؟؟؟؟؟
ام فيصل : ايه من أول ..
منى : يالله زين باطلع الحين أنا وحنان ..
أم فيصل : بسرعه ولاتتأخريون عشان ترجعون قبل تجي خالتك..

أبو فيصل : وين بيروحون ؟؟
ام فيصل : للسوق يكملون مشتريات العيد ..
ابو فيصل : الله يلحقنا خير .. المهم اذ جت اختك ابي زي ماتفقنا !!
ام فيصل بضيق : خلاص ترا طولتها عاد كافي 10 ايام ..
ابو فيصل تردد شوي .. بعدها قال : خلاص شوفي انتي خليك صارمة بالبداية وارفضي لا تتنازلين بسرعه عشان يحسون بغلطهم عدل ..
ام فيصل : ابشر ان شاء الله ..
مرت منى على غرفة مرام أول ودقت الباب ودخلت .. لقت مرام تمشي بالغرفة وتكلم بالجوال قعدت على السرير واهي تأشرلها بسرعه تخلص

مرام : أوكي خالد أنا أكلمك بعدين ..
خالد : قصدك أشوفك بعدين ..
مرام بفرحة : ليه جااااااي ؟؟
خالد : طبعا عندي حجة اليوم بجيب أهلي يتسحرون عندكم ناسية ؟؟
مرام : ايه صح اليوم خميييييس .. واااااو وناااااسة ..
خالد : آآآآآآآآآآآآآه الله يصبرني هالكم ساعه ..
مرام : ههههههه صبرت كل هالايام مو صابر هالساعات ..
خالد : والله استخفيت خلاااااص عقاب أهلك مايرحم كلش ..
مرام : قلتلك طلعت هالتمشية من عيووووننا ..
خالد : حسبي الله عليك يامشعل فظيحة انت ..
مرام : ههههههه مادري شالي غيبه ذاك اليوم واستقبلني وانا داخلة واشتغل رادار عند أبوي
خالد : والله ان شفته اليوم لأوريه شغله زين اخليه يحرم يطري اسمي على لسانه
مرام : هههههههه خير تسوي ..
خالد : اوكي ياعمري انتي توصين شي ؟
مرام : سلامتك حبيبي ..
خالد تنهــــــــد من قلبه وبعدها قال : ........... سلام ..
اتونست مرام على تنهيدته الي تبين شكثر متولع ومشتاق .. وسكرت والابتسامة مرتسمة على وجهها ..

منى واهي ساندة خدها على ايدها بملل : عشتي ويا هالخدود الحمر ..
مرام: آآآآآآآآآآآآه يذببببببح يامنى ..
منى : شوي شوي على عمرك تو الناس ..
مرام : والله بيجي يوم أمشي أهلوس بسبته ..
منى : هههههههه آه بس ليت من يجيبلي الحبيب ويعيشني بهالحب والله لأهلوس ماعندي مانع ..
مرام الي عرفت السالفة : أحسه بيجي .. ماظنيت بعد ماشافك بكل ذاك الزين بيظيعك من ايده
منى : آه يجنن يامرام بس يقهررررر اتخيلي كل ما أسأل لينا عنه تقولي ماعلق علي ولا جاب سيرة للي صار أبد ..
مرام : شكل طبعه غامض هذا ومايحب يحكي يحب يتصرف على طوووول ..
منى : ياويل قلبي لو صااااار ..

مرام : هههههههههههههههه وتلوموني قبل اثقلي وما اثقلي وشوفيك الحين مستخفة عليه
منى شبصت ظهرها وقالت مفتعلة الجديه : أبد ! جاني ولا ماجاني ألف واحد يتمناني !!
مرام : هههههههههههههههههههههههههههههه مسرع قلبتي ..
منى : ههههههههههههه المهم خالتي بتجينا على السحور
مرام : يقولي خالد يالله بسرعه مر رمضان !!
منى : اي والله زين قوليلي وين وصلتي بالقرآن ..
مرام : النحل .. وخالد بالكهف !
منى : ماشاء الله خلود يقرا ؟؟
مرام : ايه قعدت وراه لين صار يقرا وبالآخر سبقني
منى : ههههههه ياحليله المهم انا جاية لسالفة وأشغلتيني عنها
مرام : وشوووو ؟
منى : بروح السوق أنا وحنان تجين معانا ؟؟
مرام : حنان بتروووح ؟؟؟
منى : ايه ..
مرام : منى ماتلاحظين حنان اتغيرت شوي وصارت تطلع وتروج وتجي وتقعد معانا أكثر من قبل وتضحك !!
منى بابتسامة : الا ملاحظة وأمي ملاحظة بعد بس ماحبينا نعلق وتركناها بطبيعتها
مرام : شالي غيرها ؟؟
منى : مادري بس وش ماكان الحمدلله وان شاء الله ترجع مثل قبل وأحسن
مرام : ياااااارب يازينها خالتي واهي فرفوووشة
منى : اي والله .. المهم الحين بتجي ولا لاء ؟؟
مرام : اممممممم .. ودي وماودي .. خالتي بتجي ولا ابي يجون وانا تعبانة ومالي خلق ..
منى : قصدك خالد مب خالتي .. انتبهي بس لايدري ابوي يوريك بعد ذاك اليوم !
مرام : بس عاد مب على كيفه يحرمنا من بعض للعيد خلاص كفاية 10 ايام عقاب !
منى : كيفك بتتهورين اليوم لاتلومين الا نفسك
مرام : اهو مشعل لو مادرا عن شي عشنا بسلام ..

فتحت منى الباب واهي تقول باستهبال : ولا انا بعد ماأرضى تـُعصى أوامر أبوي بدون علمه !
مرام : انقلعي بس عساني اشووووووف فيك يوووم متولعة وماتلقين الي يبرد قلبك..
منى : هههههههههههههههههههه بتبطييييييين عضم .. بااااااااي ..

طلعت وسكرت الباب ونادت حنان ونزلوا ركبوا السيارة ومشوا للسوق

*****

طول الطريق وهي تغني : يا واحشني وإنت جنبي .. سبت ألف حاجة في قلبي .. بدلالك بعيونك بجمالك بجفونك.. لست أدري إيه مخبي آآآآآآآآه .. آآآآآآه اممممممممممم ..

خالد : فتون اهجدي الي يسمع يقول هي الي بتعرس بعد ثلاث شهور مب عبير ..

فتون ترد بأغنية : قول كدا .. اهو كدا .. كان فين ياحبيبي كل دا .. عيني أنا روحي أنا .. أنا حاسس بيك من سنه ..

عبير : ههههههههه دامك حاسه ياعمري ليش تنكدتي يوم دريتي اننا بفترق؟؟

فتون برضو تغني : تدرين وادري بنفترق .. تدرين قلبي بيحترق .. انتي الزمان وعيا الزمان لانتفق !

ام سعود : هذي الي ماترد الا بالاغاني يابنت استغفري حنا وين عايشين ..

فتون وهي تضحك : عييييييش الحلم حقيقة .. عيييييش بكل دقيقة ..

عبير ماقاومت : هههههههههههههههههههههههههههههههههههه مب صااااااحية اختي

خالد ضحك بعد وقال : قاموس أغاني هذي ارمي الكلمة عندها وفرها ألاها تغني

فتون طبلت وهي تغني : العين وصابتنا .. وكل مصيبتها ترا من عيووون الناس ترا من عيوون الناس

ام سعود وهي تكتم ضحكتها على بنتها : لا حول ولاقوة الا بالله .. خالد شغل اذاعة القرآن خل يهدا ابليسها
فتون : ههههههههههههههههههههههههههههه جنية على غفلة ..

وصلوا بيت خالتهم ونزلوا ..
دقوا الجرس شوي وفتحلهم فيصل باب الشارع ..
دخلت ام سعود وسلمت عليه ومشت لداخل ..

خالد سلم عليه وقال : طالع ؟؟؟
فيصل : مب الحين شوي .. وانت ؟؟
خالد : طبعا لاء يبيلها سؤال هذي ..
فيصل : نكرتنا خلاص ؟ ايه الله يرحم ذيك الايام ..

دخلو البنات وسلموا وفتون قالت : خالد يالله ارجع البيت ولا بعلم عمي عليك !
خالد : ايييييوا كملت .. انا الي جاي بصرّف مشعل لا والله انتي الي يبيلك تصريف قبل ..
فتون : قلعتكم ليه ماتلزمون حدودكم ؟؟؟
خالد : وانتي أحد وكلك علينا ؟؟؟
فتون : لا بس مؤدبة ولا ارضى بالغلط

فيصل : إممممحق هههههههههههههههههههههههههههه
فتون وايدها على خصرها : شعندك تضحك الا مؤدبه وصايرة مضرب المثل بأخلاقي ..

خالد واهو يرجع على ورى : والدليل الإف إم الي فاتحته لنا بالسيارة (( ودار عنهم ودخل ..
فيصل : أفااااا تسمعين أغاني برمضان ؟؟؟
فتون : لااااااااااااااا .. أنا الي كنت أغني ..
فيصل وهو رافع حواجبه : ماشاء الله أخس والعن ..
فتون : ليه شفيها عندي موهبة وماقدر أكبتها ..
فيصل : شهالمواهب الكشخة .. زين احترمي الشهر على الاقل ..
فتون واهي رافعة حاجب : انا مو النوع الي أغير شخصيتي برمضان وألتزم فيه واتعبد واذا خلص رجعت حليمة لعادتها القديمة لا ..انا هي انا ماأتغير .. ولو باتغير باستمر برمضان وغيره !
فيصل : وهل ممكن تتغيرين ؟؟
فتون : ممكن ليش لاء ؟
فيصل : بكل شي ؟؟
فتون : وشو بكل شي يعني زي ايش ..؟؟
فيصل كان وده يقولها .. " قلبك ومشاعرك " بس اهو رمى عليها بالتلفون اعتراف بحبه وهذاها قدامه ماكن الكلمة مأثرة فيها .. قلبها جليد مايذوب وشالي يلزمه يسوي معها عشان يغيرها ؟؟ اتذكر جفاه وقسوته معها قبل كيف أثرت فيها لين دمعت عيونها .. حاول يستمر بهالاسلوب بس انهار عند طيحها بالمخزن .. وبعدها عجز قلبه يطاوعه يرجع لنفس الاسلوب !!
فتون : قولي زي ايش ..؟
فيصل انتبه وقال : اسألي نفسك يافتون ..
فتون وهي تلف قالت بضيق : فيصل للأسف انا ماعندي محاكاه داخليه ! اذا تبي توصلي شي وصله بطريقتك .. أما انا فلا تنتظر مني أحس على نفسي لأني مستحيل بحس بيوم من الايام ! (( ودارت عنه ومشت ..

الا صوته من وراها : بيجي يوم يافتون تبكين على خسارتك !!

التفتت فتون بقوة وطالعته من فوق لتحت لحظات ورفعت راسها بثقـة ودخلت البيت ..

لقت العيلة كلها مجتمعة وكلمته الأخيره يتردد صداها باذنها " أبكي على خسارتي ؟؟؟ " أي خسارة الي تتكلم عنها يافيصل ؟؟؟ اتنهدت بحمق .. ودخلت سلمت عليهم وقعدت ..

دارت بينهم سوالف عن السوق والتجهيزات والعيد وترتيباته والاستراحات والبحر والطلعات ..

الا ام فيصل تسأل : وين سعود لاتقولون مب جاي؟
ام سعود : الا بيجي ان شاء الله .. دقي عليه يافتون شوفي وينه ..
فتون : اوكي ..( وطلعت جوالها واتصلت وحطت الجوال على اذنها بالوقت الي دخل فيصل الصالة وقعد معاهم وماتدري ليه عورها قلبها مره !

رد سعود : هلا بغلا الدنيا ..
فتون ابتسمت : هلاااااااااااا حبيبي وينك ؟؟
سعود : بالطريق ..
فتون : جاي بيت خالتي ؟؟
سعود : يب ..
فتون : اووكي نستناك .. طيب سعود باطلبك طلب ..
سعود : آمري يا وعـ ... !! آمري فتون ..
فتون لقطت الاسم هالمره وصارت المره الثانية الي يغلط باسمها وينطق وعد ! بس شكله هالمره انتبه على نفسه .. وقالت بضحكة : شفيك تلخبطت !
سعود بحذر : ماتلخبطت ليه انتي شسمعتي ؟؟
فتون بدهاء : سمعت وعــد !!
سعود انصدم لأنه متأكد انه مانطق اسمها كامل !! هذي شلون عرفت الاسم من عندها !!! لايكون مفتشة بأغراضي ولا دارية بطريقتها تسويها فتون هذي من حبها لي تحسب ان لها حق بكل اموري الخاصة .. وقال : ليه قعدة معاك يافتون !
فتون : هههههههههههههههه انتظرها على جمر !
سعود اتأكد انها تدري عن شي وقال : بعـــد ؟؟؟ خلاص خير ان شاء الله والحين شتبين !
فتون وهي تضحك : أبي تمر السوبرماركت تجيبلنا حلويات ..
سعود : اوكي اي نوع ؟؟
فتون : على ذووووقك ..
سعود : خير .. يالله سلام
فتون : سلاماااات .. ((وسكرت واهي متونسة انها مسكت طرف الخيط الي يوصلها لأعماق سعود وتعرف عنه كل شي وتعرف منهي وعد الي مستحله تفكيره لدرجة يخليه ينطق اسمها أكثر من مره !!!

انتبهت على أصواتهم العاااااالية وخالد يترجى خالته ويقول : خاااااااااالتي ارحموا من في الأرض يرحمكم من في السماااااااااااااء ..
ام فيصل وهي تضحك : راحمتك بس راحمة نفسي بعد من هوشة عمك .. والله ان طلعتوا لايطربق الدنيا على راسي ..
خالد : واهو وش درااااااااه ؟؟؟؟ وذا مشعل أنا أأدبه .. (( ووقف ومشى لمشعل وشد إذنه وهو يقول : اسمــع ! لو قلت لابوك ان خالد جانا وقعد مع مرااام ترا باذبحك .. وانا باطلع الحين مع مرام بعد اياني واياك تعلم ابوك بشي..
مشعل بقهر : زيييين ابعد ايدك يالوحش !
ابعد خـالد ايده وقال لخالته : يالله خالتي وافقي بلييييييييييز !
ام فيصل تلتفت لاختها : ياختي شوفي ولدك ذا بيودينا بداهية !
ام سعود : خالد اركد الله يهديك انتوا الي تماديتوا ذاك اليوم ومارجعت البنت الا بصبح الله تستاهلون..
خالد بهيام : شسوي فيها يمه جننت مخي ماعاد صرت أعرف راسي من رجولي !

مرام استحت من كلامه قدام الكـــــــــل وغطت وجهها بظهر منى واهي ميته من الحيا ..

منى : هههههههههههه حرام عليك سيحتها قدامنا ارحمها شوووووي ..
عبير باستهبال : طيب ماينفع تطلعنا بدالها ؟؟؟
خالد : اقول انتي هش بس كلها ثلاث شهور وتبردين قلبك (( ويخبط على صدره : مو انا الي محترق ولاحد حاس فيني ..
ام فيصل : يالله عاد من قبل ماتملك اتفقنا زواجكم عقب ماتخلص مرام الجامعة ..
خالد : ولأني راضي بهالاتفاق الخايس المفروض ماتستقعدون لطلعاتنا يبه زووووجتي حلالي .. !
ام سعود وسعت عيونها بولدها تبي يهجد بس هو من شاف مرام استخف وبدل مايهدا مشى لمرام ومسك ايدها وقالها : قومي يامرام بس يالله ..

طالعت مرام امها وبعيونها رجاااااء تبيها ترضى ..

ام فيصل رضخت بس مابينت لهم وقالت : خلاص مالي شغل ان صار شي ولا درا عمك بقول مادريت عنهم !!
فيصل : خالد وجع اترك اختي ولا انا بعلم ابوي الحين !
خالد : ياحسافة عشرتنا ياولد خالتي !
فيصل : هههههههههههههه وين عشرتنا يوم أطلبك نطلع ..
خالد : خل الطلعات تولي واطلبني بعدين طلب يسوى وتشوف وقفتي معاك شلون..
فيصل : كل ذا عشانها ؟؟ ماخبرتك راعي خقااات ..
خالد : هههههههههههههه اشوف فيك يووم واذكرك !

وسحب ايد مرام غصب عن الكل ومنى تضحك وتقول : شوي شوي على اختي..
مرام ماتت من الحيا منه والفشلة من أهلها .. ولبست عبايتها
وطلعت وركبوا بالسيارة واهو ماصدق حصل عليها أخيرا وانطلق بالسيارة بجنون مو أقوى من جنون مشاعره !

::

بنفس الوقت وصل سعود وأول مادخل سألته فتون : وين الحلويات ؟؟
سعود وقف وقال : يوووه بالسيارة !
فتون برطمت وام سعود قالت : امش ادخل لاحقين عليها ..
.. مشى لأهله سلم عليهم وقعد ..

ماطالت القعدة الا يوم قاموا يجهزون السحور..
حنان سحبت نفسها للدرج وطلعت غرفتها وفتون الي انتبهتلها وابتسمت بمكر وطلعت وراها ..
ما أمداها تسكر الباب الا وسمتعه يدق !! توقعت انها ساره لحقتها وفتحت وابتسمت باستغراب يوم لقت فتون وقالت : خير ؟
فتون : ممكن أدخل ؟؟
حنان : أكيد ممكن بس غريبة شعندك ؟؟؟
قتون : بخاطري أسولف معاك لحالنا ..
حنان : ياعمري انتي تعالي ..
دخلت فتون وسكرت الباب وحنان مشت للاب توبها واهي تقول : ثواني بس ..(( وبسرعه شيكت على أي جديد لعضوها الي أسرها وبعدها سكرت اللاب توب ومشت وقعدت قدام فتون واهي تقول : ايه شعندك ؟؟
فتون وهي تحط رجل على رجل : ماعندي سالفة محددة بس كذا بغيت اسولف معاك .. وفاجأ اتذكرت وقالت : الا والله عندي سالفة خطييييييرة !
حنان وهي تضحك : انتي خلصيني عندك سالفة ولا لاء !
فتون بحماس : الا ياحنان عندي سالفة بمليون ريال بعد !! وماظنيت أحد يقدر يعاوني فيها غيرك !
حنان : وشي حمستيني ؟؟؟
فتون : حنان تذكرين انتي ياما كنتي مستودع أسرار اخوي سعود مووو ؟؟؟
حنان : على قولك .. كنت .. وانا اتغيرت وسكرت الدنيا بوجهي واهو تعب معاي لين يئس مني وتركني ..
فتون : سعود ماتركك ياحنان سعود للحين يتمنى زي ماكلنا نتمنى ترجعين مثل أول وصدقيني بيرجع يعتبرك أمينة سره بكل شي ..
حنان : والله يافتون عشان سعود وعشان ساره وعشان أهلي وكل الي يحبوني هذاني أحاول أتغير وأقتل الحزن بداخلي وأعيش طبيعية حالي حالكم ..
فتون ابتسمت واهي تعرف السر ورى هذا التغيير بس أجلت الموضوع يوم طرا على بالها سالفة سعود الي هي أهم بالنسبة لها <<< بيذبحها صالح لو درا عنها !
فتون بعين لامعة : اوكي اسمعي .. سعود من جا وانا ملاحظة عليه أمور تشكك !
حنان : مثل ايش ؟؟
فتون : أول شي يسرح كثيييييييير بالبداية أخذتها عن حسن نية وقلت يفكر بشغله بس صارت مواقف ثانية بينتلي ان فيه سرررررر بحياته !!
حنان بحماس : شالمواقف قوليلي ؟؟؟
حكتها فتون كل شي صادفها مع سعود .. وبالآخر قالت : واهو حس ان وراي شي وقال بنتكلم بعدين !! وانا مادري كيف اذا اتكلمنا أحسسه انه دارية وأخليه يعترف مو يتهرب !!
حنان بضحكة : وعــد !! من تكون هذي ؟؟
فتون : مااااادري أمووت وأعرف !
حنان : اوكي اسمعي أول شي اذا سألك حسسيه انه مو داري عن نفسه كلش وحتى مو مرتين بس نطق اسمها لا قوليله مرات كثيرة تقلب اسمي باسمها وانت مو داري !
فتون توسعت عيونها وقالت بضحكة : فديت دهااااااائك خالتووووو
حنان : هههههه مو لازم نحبكها صح عشان يخق ويعترف !
فتون : زين واذا اعترف ابين اني متونسة ولا مصدومة ولا كيف !
حنان : على حسب قصته .. فتون انتي يمكن ماتعرفين سعود مثلي سعود انسان غامض مايحب يحكي الي بخاطره لأحد وأسراره يكتمها بقلبه وكل الي همه يسعد الي حوله ويرضي أمه وأبوه حتى لو على حساب نفسه .. ياما ضغط على عمره واتحمل امور تضايقه بسبيل يرضي غيره !
فتون : ياعمري عليه والله ماتعلقت فيه من شوي ..
حنان : سعود يختلف عن غيره عمره ماحب ولا عمره لفتت نظره أي بنت مع كل المعجبات الي حوله حتى أنا ومنى كنا نضحك عليه نقوله شكينا برجولتك لأنه مايعبر البنات كلش ! حتى بنت عمه شوفي ماتحسينه متلهف عليها اذا ماكان متضايق بعد !
فتون بتكشيرة : هين هذي مالومه لو تضايق منها وكرها بعد !
حنان : عاد اقولك هذا هو سعود مو أي بنت تأثر فيه ! ومو بسهولة يحب ويطيح ودام هذي تقولين ماغير يسرح فيها ويطري اسمها فشكل مكانتها مو عادية بقلبه ومهمة حيل عنده !
فتون : ياعمري عليك ياسعود ليت من شافها وعرفها عاد احنا الحين مو دارين توقعاتنا صح ولا تطلع وعد شي ثاني ماطرا على بالنا ..
حنان : انتي اقعدي معاه وخليه يحكيك وعلميني
فتون : ان شاااااء الله ..

ابتسمت حنان لها كنها تبي تعرف اذا عندها شي ثاني ولا خلاص لأنها قلبها عند النت وفتون حست فيها وعرفت ان اللحظة جت وقالت : ابعرف انتي شالي عاجبك بهالنت مسنترة عليه الليل والنهار .. أبد كنك عمي صالح !!
حنان ابتسمت بحذر وقالت : ليه عمك صالح اهو بعد مسنتر على النت ؟؟؟؟
فتون : يوووه مررره .. ماغير بالمواقع الالكترونية والحين طايح بمنتدى مايقوم منه أبد ..
حنان قرصها قلبها وقالت : بعد ؟؟ ماشاء الله عليه وو .. ماتعرفين اي منتدى هذا ؟؟؟
فتون : لا بس ليش السؤااااال ؟؟؟
حنان : لابس لأني أعرف أغلب المنتديات قلت يمكن مر علي فيها ..
فتون : ويهمك هالشي ...؟؟
حنان بلعثمة : عادي بس فضول شفيك انتي ؟
فتون : يحقلك صراحة لأن عمي هذا كومة أسرار ودي اعرفها خاصة رفضه للزواج .. أموت وأعرف ليه رافض يتزوج !! << افا يالنصب !
حنان : معقولة للحين رافض ؟؟؟؟
فتون : ايه والحين أكثر بعـد واصلا ماعاد صار أحد يتجرأ يفتح معاه السيرة لأنه يولع ويعصب أحس ان فيه سر بحياته هو الثاني !
حنان ارتسمت على شفاتها ابتسامة خفيفة مسرع أزالتها لكن فتون مسرع مالقطتها !!

اتمنت يكون كلامها أثر على حنان وأولد الشك بقلبها ان هالي قلب حياتها طول الشهور الي فاتت اهو حلمها القديم صالح !

دخلت ساره عليهم وبإيدها ورقة وشافت فتون وضحكت وقالت : انتي هنا ؟؟؟
فتون وهي تمد لسانها : لا هنااااااااك !
ساره ضحكت وعطت حنان ورقة ورجعت تبي تطلع وهي تقول : ماما تقول يالله السحور ..
فتون : يالله .. (( وطلعت معها وحنان قامت للاب توب بسرعه .. وقبل ماتفتحه قلبت ورقة ساره بتشوف وشهي ؟؟؟
شافتها راسمة بنت صغيرة طايحة على الأرض !! رسمة بريئة لبنوته أم 4 سنوات لكن واضح ان الرسمة معبرة ومؤثرة واهي راسمه حول البنت الطايحة 7 قلووووب ! واضح انها تقصد بهالقلوب أهلها .. بس ليه هالرسمة ياسوسو ليه ؟؟؟؟؟

::

نزلت فتون الدرج وهي تنزل انتبهت لفيصل قاعد يكلم بالجوال .. والصالة فاضية الكل بالمطبخ والخدامات رايحين جايين بالسفرة والصحون وخرابيط السحور ..
مشت وقعدت على الكنب وراقبته واهو يكلم بالجوال واهو حس بوجودها بس مابيّن انه منتبه وكمل كلامه يقول :
ايه على قولك الغربة بحد ذاتها كريهة مو عاد غربة ووحده والله شي يقتل ! ..
هههههههههههههههههههه خلاص يبه كلم البنت وانا عقب باتصرف !

انصدمت فتون من هالكلام ؟؟ شالي غربة ووحده وشالي كلم البنت ! فيصل انت شتخربط فيه ؟؟ يوووه شفيني انا الحين شدخلني ! ياربي تعبت من أحاسيسي هذي الي مرات أحسها تهتم بكل مايتلق فيك ومرات أحسها تنفر بقوة منك ! اتذكرت الخسارة الي اتكلم عنها وعورها قلبها .. أي خسارة تقصد فيصل فهمني تراني خلاص مب طايقة عمري !!

سكر فيصل الجوال ورفع راسه وشافها واهي مسرحة وقال بصوت رخيم : بايش تفكرين ؟؟؟
انتبهت فتون وقالت : نعـم ؟؟؟
فيصل : أوه .. آسف !
فتون : على ايش .. ؟
فيصل : سألت سؤال مالي حق فيه .. فوتيها !
فتون ضاعت الحروف عند شفاتها وماعرفت بايش ترد .. يعني اهي بروحها محتاره يجي اهو يحيرها أكثر معاه .. لو هي بوضعها قبل كان من قبل مايسحب سؤاله صرخت فيه وقالت مو شغلك !! بس الحين مو قادره ترده وبنفس الوقت مو قادرة ترد عليه !!

قامت وكل الضيق حاشيها وقالت بهمس : عن اذنك ..
ومشت للمطبخ وين ماكل العيلة هناك الي يغرف والي يحوس والي يضحك ولاحد داري بالمعركة النفسية الي تدور بين شخصين !

قعدوا على السفرة واتسحروا سوى ..

::

للمره الثالثة تلاحظ مرام جوال خالد يدق واهو مايرد عليه .. !! كان حاطه على الصامت يشحن وقالب وجهه .. بس اهي انتبهت لنور الشاشة الظاهر من الجوال وبالقوة ضبطت أنفاسها واهي تتمنى تعرف الرقم المتصل !
وقف خالد على محطة بانزين وخلال مايعبي العامل سألها : تبين شي من السوبرماركت ؟؟؟
مرام : اممممم انت تبي؟؟
خالد : اذا بغيتي شي نزلت جبتلي مثلك
مرام : اوكي ابي بيرا ..
خالد باستغراب : بيرا ؟؟؟؟؟؟؟
مرام بضحكة : ايه شفيك مستغرب ترا بيرا عصير عادي بس غازي وطعمه روعة
خالد : عاد تصدقين مايليق عليك أحس البيرا مشروب رجالي !
مرام : هههههههههههههههههه لاتكفى لاتحس كذا لأني مدمنتها ادمان << تقلدني
خالد : ههههه بالعافية عليك.. اوكي بجيبلي معاك أجربها
مرام : زين جيب تفاح موسي اهو اطعم شي
خالد : والله خبرة ماشاء الله
مرام : هههههههههههههههه حدي

ضحك خالد ونزل واهي ظلت بالسيارة تراقبه بعيونها لين اختفى وبسرعه أخذت جواله وطالعت الرقم لقته نفس الرقم الي اتصل ذاك اليوم والي خزنته بجوالها !!!
رفعت حاجبها واهي تحاول تلقى تفسير لاتصال هالرقم المتكرر على خالد .. اهي خزنته بجوالها بس ماحاولت تعرف منهو أبد .. وفاجأة واهي ماسكة الجوال رن نفس الرقم وخفق قلبها بكل عنف .. ودها ترد وتعرف منهو وبنفس الوقت خايفة .. مو خايفة من خالد .. خايفة تنصدم من الشخص .. خايفة يطلعها أحد ماتتمناه .. وبلحظة خانها التفكير ضغطت رد على الاتصال وهالمرة اهي الي سكتت : ............
صوت أنثوي ناعم : الوووو .. !
شخصت عيون مرام من سمعت الصوت وأخذت نفس عميق وقالت : نعم !!
ـ : أهلين .. مين معاي ؟؟؟
مرام : انتي الي مين ؟؟
ـ : عفوا هذا مو جوال خالد ؟؟؟
مرام : الا جوال خالد وأنا زوجـة خالد .. مين حضرتك ؟؟
ـ .......... ( صمت ) .......... وانقطع الخط !!

سكرت مرام الجوال بقهر ورمته مكانه !!! سعرت النار بصدرها واهي تقول هذي هي ماغيرها أكيد .. قلتلي ياخالد انك غيرت رقمك عشان ماتوصلك وهذي هي الحين وصلتلك ؟؟؟ شلون وصلت ؟؟ ولايكون كلمتك !! ياويلي لو كنت راد عليها ومكلمها .. عصفت فيها الأفكار واهي تحس نفسها وسط نار تسعر ..

طلع خالد من السوبرماركت ومشى وركب السيارة ومعاه الكيس ..
التفت واهو يقول : تأخرت عليك ؟؟
حاولت مرام تخفي انفعالها وقالت : لا عادي ..
عادتها تبتسم اذا كلمها بس هالمره ردت باقتضاب ..
حرك السيارة واهو يقول : خذي البيرا اشربي !
مرام : مابي الحين ..
خالد : راح تسخن ..
مرام : كيفها عاد مو مشتهية الحين ..
سكت خالد وطالعها وحس ان فيها شي مو طبيعي .. قال بنعومة : حبي شفيك ؟؟
مرام : ولا شي ..
خالد : شلون ولاشي تركتك تضحكين والحين الشرر يتطاير من عينك !!
اتنهدت مرام وسكتت ..
رفع خالد حواجبه باستغراب وضربت عينه بجواله لقاه مفصول من الشاحن ومكانه متغير وخفق قلبه بقوووة ! عرف انها تلقفت وردت على الاتصال وأكيد سمعت صوت رهف بس شالي دار بينهم هذا الي مايدري عنه !!
سكت وعرف ان هالليلة ليلته الي هرب منها ومن مواجهة مرام لماضيه .. وكن هالخاطر وصلها يوم قالت بصوت مرتجف : خالد انا عمري ماسألتك عن ماضيك واتجنبت الحكي فيه .. بس الحين لو سمحت أبي أعرف هذي شلون تقدر توصلك ؟؟؟
خالد بهدوء : رديتي على جوالي ؟؟؟
مرام : ايه رديت ولو سمحت لا تسألني ليه لأن هذي مو أول مره ألقى اتصالها بجوالك !
خالد : اممممم .. برضو مايحقلك تردين !
مرام بانفعال : ايه المفروض أقعد غبية على عماي ولا ادري عن شي .. مو كافي محترمتك ولاعمري سألتك عنها بشي لأني صدقت وعدك يوم تقولي ماضيك انتهى ومستحيل تخبي عني اي شي يطري بحياتك !!!
خالد بنفس الهدوء : وانا عند وعدي مرام ..
مرام بنفس الانفعال : وين عند وعدك وانت زعلت الحين لأنك ماتبيني أعرف بمكالماتك ولا ادري عن شي !!
خالد انجرح بس اتحملها وقال : انا زعلت عشانك رديتي على جوالي !
مرام : وليه تزعل ؟؟؟؟ خايف أعرف شي عنك موووو ؟؟؟
خالد : لا حياتي خايف يطلع واحد من أخوياي ومابيه يسمع صوتك !

هنا سكتت مرام وماعرفت ترد !! حست انفاعلها زاد عن حده واهو ماتوضح انه غلطان بشي لحد الآن ! انقهرت من نفسها ومن الوضع ومن الاتصال .. ودارت وجهها للشباك واهي تكابد دموعها ..
التفت خالد وشاف شكثر وجهها مولع من القهر ..
مد ايده ومسك ايدها بنعومة وضغط عليها وهالحركة خلت دموعها تخونها وتنزل ..
شاف خالد دموعها وقال بحنية : ماتستاهل إهي ولا دمعة من عينك .. !
ماردت مرام ومسحت دمعتها بايدها الثانية .. وخالد سأل : كلمتيها ؟؟
هزت مرام راسها ..
خالد : شقالت لاني ترا ماكلمتها ؟؟
التفتت مرام وطالعته بعدم تصديق وقالت : جد ؟؟
خالد بابتسامة تذوب : والله حياتي ماكلمتها .. اهي مره بس رديت ومن سمعت صوتها عرفتها وسكرت بوجهها ولاعاد صرت أرد لين الحين انتي الي رديتي ..
يوه شكثر تأنيب الضمير مؤلم واهي الي حسبته راد عليها ومكلمها ومخبي عنها هالشي .. انقهرت حيل من نفسها والي حز بخاطرها اكثر تحمله لصراخها وانفعالها بكل هدوء واهو مو غلطان بشي .. !
مرام : معليه خالد انا غيرتي أعمتني ..
خالد : غاري ياعمري ومن حقك تغارين أنا كلي لك ومحد له حق يشاركني فيك بس اهم شي ماتظلمني ..
مرام من بين دموعها : معليه آسفة ..
خالد : أنا الي آسف لاني احطك بمواقف مهي من مستواك ..
مرام : خالد اهي شلون توصلك ..؟؟
خالد بتنهيدة : انتي لازم تعرفين بكل شي ..

وصلوا البحـر واختاروا أحد الجلسات المغلقة.. وهناك ماكان بخواطرهم لحظتها الا تفريغ هالشحنات الي سببها لهم هالاتصال بوقت اتمنى خالد تكون هالجلسة غير !

خالد : شوفي حياتي .. انا وقت ما كنت أدرس الجامعة اشتغلت بشركة تدريب كم شهر بس .. وبهالشركة اتعرفت على زميل لي اسمه عادل .. عزمني مره على بيته و .. وشفتـ ..
مرام فهمت وكملت : شفت هالبنت هناك .. بالصدفة مو ؟
خالد : بالضبط ..
مرام : اوكي انا فهمت الباقي .. تطورت علاقتكم من بعد هالصدفة وانت حبيتها وبغيت تاخذها بس ظروف دراستك منعتك ..
هز خالد راسه بابتسامة ..
مرام : اوكي خالد الحين هذا ماضي الي مو قادرة افهمه شالي رجعها ؟؟
خالد : اهي اتزوجت ولد عمها وماتوفقت معاه واتطلقت .. ورجعت تكلمني تبي ترجع الي بيننا ..
مرام وهي رافعة حاجب : أووه ! طموحها عالي هذي !!
خالد : وش ماكان حياتي انا رفضتها بكل قناعة لاني ربطت قلبي فيك .. انتي وبس انتي ومابي غيرك انتي ..
مرام ذاب قلبها من كلامه بس لازال خوفها يقرصها وقالت : حبيبي بس اهي وصلتلك الحين أكيد عن طريق اخوها الي هو خويك .. ودام علاقتك مستمرة بأخوها بتقدر توصلك متى ماحبت !
خالد : علاقتي مو قوية فيه .. ويوم غيرت جوالي مافكرت أعطيه بس للأسف جا مره اهو وفريق عمل لشركتنا وشافني وسلم علي وسألني عن جوالي وانحرجت وعطيته ..
مرام : مشكلة يعني والحل ؟؟
خالد باستهبال : تبيني أتهاوش معاه واتطاق انا وياه عشان يكرهني وتنقطع علاقتنا ؟؟
مرام بضحكة : ماظن فيه حل غير كذا
خالد : لا ياعمري الحل بايدك انتي ..
مرام .. : انا ؟؟
خالد : ايه انتي اذا صدقتيني واقتنعتي اني مستحيل اخونك وأخبي عنك شي وانك الوحيدة بقلبي مابه غيرك .. راح تريحين قلبك وتريحيني ..
مرام : انا مصدقتك خالد بس اتصالاتها اهي و ..
خالد وهو يمسك ايدها بنعومة : خليها تحرق جوالي مو راد عليها ولا على أي رقم غريب .. اهي مأملة لأن مابعد تزوجنا بس اذا تم زواجنا ان شاء الله بتقطع الأمل ..
مرام بتنهيدة : يــــارب .. لاني مو متحملة أشوف وحده تحاربني عليك ..
خالد : مستحيل ياحياتي وحده بهالدنيا تساويك
ابتسمت مرام ابتسامة سحرت عينه وقلبه ..
رفع ايدها لفمه واهو يطالعها بحب وباس أصابعها بنعومة اصبع اصبع وهمس : أحبك مرام !

وشهد كل احساس حي بداخلهم على هالحب الكبير الي يربط بين قلوبهم .. والي مايندرى هل بتصفالهم الدنيا ويستمر حبهم على هالحال ..ولا بتخونهم الدنيا بلحظة غفلة منهم !!

::


نرجع لبيت ابو فيصل .. بعد السحور
طلع سعود جاب الحلويات وأول مادخل تراكضوا عليه ساره ومشعل
وفتون تمشي من وراهم : خير خير خير ؟؟ ابعد انت وياها هذا لي ..(( وأخذت الكيس
ساره تقول لفتون : ممكن شوكلت لو ثمحتي !
مشعل : وانا عطيني بعد !
فتون : اسكت انت اذا عرفت تتكلم مثل اختك عطيتك ..
مشعل : ماعرف ذي خالتي حنان معلمتها وانا محد علمني
فتون : استح على وجهك والله امك مربيتك أحسن تربية بس مايبان فيك
مشعل: بتعطيني ولا شلون ؟
فتون : انقلع والله ماعطيك شي

مشعل سحب الكيس منها واهي جرته بقوة وصاروا يتجارووون الكيس لين انشق وطاحت الحلويات بالارض ..
مشعل : أحلىىىىىىىىى باخذها كلها (( وانحنى ولم أغلبها بإيدينه
فتون : حلويااااااااااااتي ياخسييييييييييس .. سعوووووود شووووفه !
سعود : وبعدين معاكم بزران انتوا ؟؟
فتون : قوله يجيبها الحمار أخذ أزين شي
سعود : عيب يامشعل عطها واهي تعطيك من نفسها ..
مشعل الي بدا يفتح الحلويات : مب راضية تعطيني تقول اتكلم بأدب وانا مب فاضيلها الحين
فتون : عساك تغص فيها ان شاء الله !
مشعل بانفعال : استغفري !!!!
فتون : هههههههههه مسكين الا عساه سم بعد !
مشعل صرخ : استغفررررررررررري ..

منى : بس يامشعل لا تصارخ !!

مشعل بقهـــــر : خليها تستغفر عشان اقدر آكل لأن دعوة المظلوم مستجابة ..
ضحكوا عليه وام فيصل قالت : دامك تعرف انها مظلومة ليش تاخذ حقها ..

فتون رمت باقي الحلويات على مشعل و أخذت لبنان وأكلته وقعدت ببرود على الكنب والتقت عينها بعين فيصل الي كان شاهد على كل الي صار ..

كانت تعلك اللبان ويوم شافته خففت العلك وعيونها اتعلقت بعيونه !

"وش الخسارة يافيصل قولي ؟؟؟ "

" ابعدي عيونك لاتطالعيني تراني مو ناقص اعيش بألغازك أكثر"

" انا نفسي مو عارفة ليه ضاقت فيني الدنيا من سمعتني هالكلمة.. "

" بايش تفكرين يافتون وشالي تحسين فيه .. ريحي خاطرك وريحيني معاك "

ماتحمل نظراتها ونزل عينه وحاول يشغل نفسه بأي سوالف مع سعود ..
بس ماكانت أي سوالف !!
كانت سالفة لفتت سماع كل المتواجدين والي منشغلين بالسوالف مع بعضهم يوم قال فيصل : وافقت الشركة على طلب سفري وان شاء الله بعد العيد بسافر أمريكا !!
ام فيصل بفرح : ماشاء الله مبرووووووك ماعلمتني من قبل !
فيصل : حبيت أعلمكم اذا اجتمعنا كلنا ..
سعود : مبروك والله وزين سويت يوم قدمت عليها ..
حنان : حركة يافيصل عاد يبيلك تدبر امور الفيزا والسفر من الحين ..
فيصل : وهذاني حايس بهالترتيبات الله يعين ويسهل !
منى : يوووه فيصل ماتخيل البيت بدوووووونك عاد لازم من هالسفرة ؟؟؟
فيصل : اهو مب لازم بس انا حبيت أجربها وأجرب نفسي بالشغل هناك .. وقدمت عليها ووافقوا الحمدلله
أم سعود : الله يسهلك يارب ..
عبير : وكم بتقعد ؟؟
فيصل : اهي يا اربع شهور يا ثمان يا سنة .. وكل واحد ومهاراته !
سعود : موفق ان شاء الله واذا عندك اي استفسار اسألني ..
فيصل : أكيد ماستغنى !!

كانت ساكته طول هالكـلام محد انتبه لسكوتها الا اهو ماغيره !! رفع عينه وشافها وكنه انتبه او توهم انه وجهها حيل مصدوووم !!
اتمناها تنطق تقول اي كلمة تعبر عن خاطرها .. يبي يعرف شتحس فيه وش ردة فعلها لكنها كانت ساكتة كنها للحين ماستوعبت !
كمل سوالفه وعينه كل شوي تلقط أي حركة منها واهي ماغير ساكته وتقلب بجوالها شوي وتغير جلستها كل شوي كنها متوترة وشي مو عاجبها !

مر الوقت واتأخر وقامت ام سعود واهي تقول : يالله ماورى ماقعدنا ..
سعود : تراني رجعت مصطفى البيت وانا بوصلكم
ام سعود : زين اشوا اننا ماعتمدنا على هالخالد الي خرج ولم يعد
منى : هههههههههههه مهبول ولدك ياخالة والله ان اتأخروا هالمرة لايمدد أبوي العقاب سنة بعد !
خالد : مايتوب اهو بس خليها تجي على روسهم ..
ام فيصل : دقي يامنى على اختك هاوشيها وقوليلها ترجع بسرعه ..
منى : اوكي ..

وطلعوا كلهم من البيت وفتون تسحب رجولها تسحيب .. وبالحوش انتبهت لفيصل واهو ماشي للملحق .. التفتت لقت اهلها عند الباب يطلعون .. رجعت تلفت لفيصل بخاطرها كلام تبي تقوله ماقدرت تمنع نفسها ومشت بسرعه عنده واهو منشغل عند باب الملحق ..

وقفت وراه لحظات وبعدها قالت : ليه بتسافر ؟؟؟؟
التفت فيصل وبعيونه نظرة استغراب .. وشافها واهي عاقدة ذراعينها على صدرها وبعيونها نظرات تحقيق واستجواب !
ابتسم وقال : شغل يافتون !
فتون : انت قلت انه اختياري ومو ضروري اوكي ليه تغرّب عمرك وتتعب قلبك بفراق أهلك وتتعب ناس كثير معاك !
فيصل بسخرية : محد مهتم لفراقي واجد .. يمكن يزعلون بالبداية بس مسرع مايلهون ويتعودون على غيابي ..
كان يتكلم عن هالناس واهو مستبعدها منهم .. حست ان سفره هذا وراه ألف رسالة ورسالة يوصلها لها .. نزلت عيونها على الارض شوي ورجعت رفعتها وفيها نظرة غريبة واهي تقول : شالخسارة يافيصل ؟؟؟
فيصل ابتسم يوم درا انها شغلت بالها هالكلمة وقال : لا تشغلين بالك .. بتعرفينها مع الايام ..
فتون : وانا مافيني صبر اصدمني مره وحده وقولي !
فيصل : وليه تحدين عمرك على الصدمات فتون ليه ماتجنبين نفسك هالخسارة وبس!
فتون :لأني ... لأني ماعندي احساس يافيصل اوكي ؟؟ وصلي انت الي تبي ولا تتوقع مني اوتعي أنا على نفسي وأحس .. لأن قلبي حجر مايحس حلووو ؟؟؟
فيصل : لا مو حلو .. ولا هو صحيح هالكلام !
فتون بسخرية : عمرنا ماراح نتفق .. ! (( ودارت مبتعدة عنه وبخاطرها تتفجر أنواع المشاعر المبعثرة .. شالي صار فيها ماتدري .. بس الي تدري عنه ان فيصل كوى قلبها وروحها !

::

وصلوا البيت وطلعت فتون غرفتها ولاحظت عبير صمتها وملامحها المعصبة << لاحظوا معصبة مو حزينة ! انقهرت من نفسها ليه شغل بالها بكلامه ليه اتأثرت بسالفة سفره .. ليه هددها بالخسارة الي مو قادرة تعرفها !!
عبير : فتون شفييييييييييك ؟؟؟
فتون : مب طايقة عمري !
عبير : ليه طيب شصاير !
فتون بحمــق : أكررررررررره ولد خالتك سامعه شلون أكرهه ؟؟ أكرررررررررهـه ! (( وأخذت ملابسها ودخلت الحمام !
استغربت عبير شالي خلاها تقول هالكـلام ؟؟ ضحكت عليها وقالت هذي كل ماحست انها تحبه قالت أكرهه .. هههههههه حتى قلبك فلـّـة يافتون !

طلعت من الحمام لقت عبير نايمة .. صلت الفجر ونزلت الصالة .. قعدت تقلب بالتلفزيون تنتظر سعود يرجع من الصلاة .. وماطال انتظارها يوم دخل ابوها وسعود ومعاهم خالد
أبو سعود : ماشاء الله شالي مسهرك للحين ؟؟؟؟
فتون : انتظر سعود .. ودي اسولف معاه شوي
ابو سعود واهو يمشي للدرج : لاحقين على السوالف الحين ناموا أبركلكم ..
خالد : والله أنا تعبان وبروح أنام
فتون : نوم الظالم عباااااااادة
خبطها خالد على راسها وطلع الدرج تاركها تبرطم من وراه وتسب ..

قعد سعود على الكنب واهو يتنهد .. وسند راسه على ورى وسكر عيونه .. ابتسمت فتون على شكله ومشت وقعدت جمبه وقالت بضحكة : ياعمري ياسعود أجل طحت ومحد سمى عليك!
ضحك سعود بخفة واهو لازال على وضعه .. ياحلوها شكلها واثقة من كلامها ..!
فتون : شفيك تضحك زين ضحكنا معاك ؟؟

سعود : شتبين تعرفين ؟؟
فتون بتلقائية : منهي وعـد ؟؟
سعود : شلون عرفتي عنها ؟؟
فتون :حبيبي انت مو داري عن نفسك !! ترا أغلب وقتك مسرح وفكرك طاير بالعلالي .. وزود على كذا مرات كثيييييييييرة تجي تناديني تروح تناديني باسمها !! سكت انا مره مرتين ثلاث اربع لين خلاص حسيت ان في سالفة مو عادية والي أثبتلي صراحة الايميل الي جاك منها والي عرفته على طول لأني سامعة الاسم قبل !
سعود لازال مسكر عينه ويستمع لفتون وقلبه ضج بالمشاعر هاللحظة .. معقولة لهالدرجة اتصرف بلا وعي .. كنت اضحك على نفسي لاشفت وجه وعد بكل مكان .. بس ذا اسمها بعد مايفارق لساني .. آه ياوعد ملكتي روحي ..
فتون : سعود نمت ؟؟؟؟
سعود فتح عيونه بخفه وهمس : لا مانمت .. اوكي فتون تبي تعرفين منهي هذي ؟؟؟
فتون : أكييييييييد
سعود : بوعد يندفن هالكلام بالصالة ومايطلع ؟؟؟
فتون بحماس : ياشيخ ينحرق بعد مو يندفن بس علللللللمني
سعود سكر عينه وحس ان بخاطره يفضفض مشاعره لأحد وارتاح يحكي فتون لأنه يدري ان حبها الكبير له بيخليها تحافظ على سره .. وقال : أوكي .. وعد هذي بنت جمعتني وياها صدفة .. بنت لفتتني من أول مره شفتها حسيت انها مو غريبة علي .. كان فيها شي جاذبني وخلاني ماارتاح لين أكلمها .. وكلمتها ومع الوقت عرفتها أكثر .. مادري شالي صار بالضبط ولقيتها ملكت قلبي وحياتي .. مابغيت أحبها .. كنت أبي أعاونها لأنها تحتاج المعونة .. وكنت أبرر اهتمامي فيها اهتمام واحد بوحده محتاجة ومن ديرته .. بس بالآخر صار كم موقف خلاني أتصرف بدافع غير الاهتمام .. حسيت الي يحركني شي ثاني أكبر من مجرد اهتمام .. حسيت اني حبيتها بكل نبض ينبض بكياني ..
فتون : ............ واهي ؟
سعود مافهم سؤالها لأنه كان يحكي مشاعره بحبور كنه يحكي نفسه وعبر عنها واهو يتخيلها قدامها متناسي أي شي حوله ..
سعود قعد وطالع فيها لحظات وقال : شفيها اهي ؟؟
فتون : حبتك ؟؟؟؟
سعود اتذكر دموع وعد الي شافها بعيونها يوم سفره .. وقال : محد فينا اعترف بحبه للثاني بس تصرفاتنا تبين .. انتي قوليلي اذا تأثرتي لسفر شخص معنى كذا تحبينه ؟؟؟
ضاع الكلام من فتون واهي تحس هالسؤال موجه لها شخصيا .. ماتنكر ان سالفة سفر فيصل أثرت فيها بس اهي تنكر انها تحبه ! فلو بتقارن كلام سعود بمشاعرها فجوابها بيكون الرفض لا محالة وقالت : بصراحة مو شرط ! يمكن التأثر يكون لأن الشخص الي بيسافر تعودنا على وجوده وله مكانة بيننا وغيابة بيسبب فراغ كبير ..
سعود : اممم .. هذا الي قلته لنفسي أنا بعد ..
فتون : اهي تأثرت يوم سافرت ؟؟؟
سعود : شفت دموع بعيونها
فتون بخاطرها .. دموع ؟؟ لا هذا شي ثاني الحين .. ماظنيت انا بابكي على فيصل .. واتذكرت " بيجي يوم تبكين على خسارتك " يوووه فيصل إبعد عن بالي ارجوك خلني أركز مع اخووووي .. قالت بضيق : الدموع تعبر عن مشاعر كثيرة سعود .. بس أكيد بتميز مشاعرها اذا رجعت وشفت لهفتها وفرحتها برجعتك ..
ابتسم سعود وقال : واذا شفتها وشفت فرحتها وعرفت انها تحبني وانا أحبها اوكي وبعدين ؟؟؟
فتون : بعدين لا تظيعها من ايدك وكلـ ........... ! قطعت كلامها وقالت بضيق : بنت عمي ؟؟
هز سعود راسه واتنهد بقوووووة ورجع سند راسه وقال : حبي كان خطأ يافتون .. بس مادريت عن نفسي الا يوم وقعت ولازم أحاول أطلع من شباكها .. انا مردي راجع لديرتي ونصيبي اهو بنت عمي رضيت أم أبيت ..
فتون بقهر : لا ياسعود والله قهر ! أكيد انت ماحبيت وعد الا لانك لقيت فيها أشياء مالقتيها بمنال واهي الي بتسعدك وتريحك .. حسافة تظيع من ايدك وتربط نصيبك مع وحده عمرك ماراح تحبها ..
سعود مقتنع بكلامها بس قال : هذا قدري يافتون ..
فتون : وانت لا تستسلمله ..!
سعود : غصب عني انا مو عايش لنفسي بس .. انا عطيت كلمتي من شهور لابوي وجدي وعمي وانحسبت هالكلمة علي ولازم أوفيها لو وش ماصار .. صعب تستوعبين هالكلام وتقتنعين فيه .. بس انا مستوعب أهميته وش المشاكل الي بتصير من وراه لو ماتم !
فتون ضاق صدرها مرررررره وقالت : ياليتها عاد تستاهل هالتضحية .. ليتها تستاهلك وتستاهل قلبك هذي الي مادري بأي طريقة تفكر وتتصرف !!!!
سعود يحاول يبررلها : الدنيا قست عليها يافتون واذا لقت العوض بتتعدل .. المهم أنا حكيتك لأنك بغيتي تعرفين بس أبيك تنسين هالكلام يافتون ولا تجيبين طاريه لأحد !
فتون : ابشر ياسعود ولو اني اتمنى ان ربي يقلب الأمور وتصير اهي مكان منالوه
سعود بتنهيدة : أنت ترييييد وأنا أرييييد والله يفعل مايريد !

وانتهت الجلسة عند هالكلمة .. مهما خططنا وفكرنا ودبرنا بالآخر الله يفعل مايريد والي كاتبه اهو الي بيصير !

******
ابريطانيا

مر أول اسبوع على شغل وعـد بالمحل وكانت مره مرتاحة خاصة انها قدرت ترجع للحجاب هالشي الي أجبرتها ظروفها تتركه ووقت الي اتحسنت هالظروف ماترددت ولا لحظة انها ترجع تلبسه بكل اعتزاز ..
طلعت من المحل بعد ماستلمت راتب عمل أول اسبوع تدريبي..
والاسبوع الجاي يترسم دوامها موظفة استقبال ..
كانت شايلة شنطتها الصغيرة على كتفها وتمشي وعيونها ضايعة بالرايح والجاي.. تحس بتعب مع الصيام لكن نصيبها من الدنيا اهو التعب .. التعب النفسي والجسدي .. شهد وقفت معها وعاونتها وماقصرت بس مرات تتعاكس الظروف .. مثل هالمره دوام وعد يبدا وينتهي وشهد بمحلها صعب تطلع ..
لزم على وعد انها تروح وتجي بالباص وهالشي معناه تتحمل المشي والحر لين توصل لمحطة الباص ..

وصلت المحطة وطالعت الساعه .. باقي دقايق ويوصل الباص ..
سندت ظهرها على الجدار بتعب .. هل ممكن تنقلب الأقدار بيوم وتعيش معززة بحياتها بدل هالمعاناة الي تعيشها .. ؟؟ هل عدل حياتها الي تعيشها والي يقابلها ببلدثانية وسط أروع القصور بنت تعيش منعمة بالخدم والحشم والسائق الخاص !!
وين العدل مابين حياتها وحياة البنت المرفهـة بذاك المكان ؟؟

وصل الباص وركبت وأخذها لمنطقة أول مره تروحها .. تعرف فيها بعض العوائل بس لها سنين ماشافتهم !
وجاية تكسب فيهم أجر عسى الله يعوضها

وصلت ونزلت .. ومشت بين البيوت الصغيرة .. اهي مع ضعفها الا انها باينة بين هالبيوت والناس انها بنت عز ! حمدت ربها وشكرته حالها أحسن من غيرها بكثير ..

لقت طفلين يلعبون .. نادت واحد منهم وانحنت قدامه وقالت : وت از يور نيم ؟؟
الطفل : إياد ..
ابتسمت وعد بفرح .. لقت البيت المنشود بدون ماتبحث عنه
مسكت ايده وقالت : وديني لبيتك إياد ..
مشى معها واهو يطالعها بابتسامة ونظرة غرابة .. مسحت على شعره بابتسامة مطمنة

وصلوا البيت وقالت وعد :إياد حبيبي روح ناد ماما
إياد : اوووكي .. (( ودخل البيت يركض ينادي امه ..

أخذت وعد نفس عميق وطلعت المبلغ الي استلمته توها .. طالعت فيه لحظات لو سألوها شكثر محتاجته بتعدد حاجاتها الي ماتنتهي .. !!
لكنها مقتنعة بقول الله سبحانه وتعالى ((من ذا الذي يقرض الله قرضاً حسناً فيضاعفه له أضعافاً كثيرة ))
واهي تتصدق ياعسى الله يفتح الخير بوجهها ويعوضها ويطفي نار خطيئتها ..

أقبلت أم اياد والتعب ظاهر على ملامحها ومن شافت وعد عرفتها وابتسمت بفرح واهي تقول : وعـــــــــد ! ياأهلا وسهلا حبيبتي
وعد بابتسامة : هلا فيكِ خالتي (( وحضنتها بكل رحمة ومحبة ..
أم إياد : اتفضلي ياقلبي ..
وعد : سوري خالتي ماقدر لازم ألحق على الباص .. بس أنا جاية أباركلك بالشهر وأعطيك هدية بسيطة مني ..
ام إياد : تسلمي ياقلبي لشو متعبة حالك !
وعد : غالية ياخالة ولك حق علينا .. (( وحطت المبلغ بايدها وام اياد دمعت عيونها من الفرحة وشكرتها من قلبها
ودعتها وعد ومشت واهي تحتسب أجرها عند ربها .. ابتسمت بكل فرح واهي الي اتسببت بإدخال السرور على ناس طيبة ومحتاجة اتذكرت حديث الرسول الي يقول (( وإن أحب الأعمال إلى الله سرور تدخله على مؤمن ، تكشف عنه كرباً ، أو تقضي عنه ديناً ، أو تطرد عنه جوعاً ))
الحمدلله عمري مانمت جيعانة أنا أحسن من غيري بكثير .. الحمدلله ..
وصلت للمحطة وانتظرت الباص الثاني .. جا وأخذها لمنطقة بيتها ..
نزلت ومشت للبيت ماصدقت وصلت بسرعه راحت لأمها سلمت عليها وعطتها دواها وراحت لغرفتها أخذتلها شاور يبرد عليها وبعدها نامت بكل تعب ..

مر الوقت ماحست الا يوم جاتها أمها تدق عليها الباب وتقولها شهد جاية تنتظرنا
انتبهت للوقت يوووه صارلي كم نايمة وشهد عازمتنا على الفطوووور ..
طلعت من الغرفة لقت شهد بالصالة ..
شهد : صباح الليييييييييييل ..
وعد : هههههههه مساء الورد معليه نمت مو دارية عن نفسي
شهد : ومو عارفة كيف اوصلك لاتلفون ولا جوال !
وعد : مشي حالك حبيبتي ..
شهد : على قولك .. يالله مطوله ؟؟؟
وعد : دقايق بس ..

رجعت غرفتها جهزت على السريع ولبست طرحتها .. وطلعت لهم عاونت امها وطلعوا من البيت وركبوا السيارة ومشوا لبيت صديقتهم الغالية شهد وأمها ..

أفطروا سوى وقعدت أم وعد ويا أم شهد وبعض الجارات..

ووعد وشهد كانوا بالغرفة سوى ..
وعد اهي تقلب بجوال شهد : قدم جهازك ليه ماتجيبي نفس جهازي ؟؟؟
شهد : بفكر أغيره بس ماقررت أي نوع ..
وعد : جيبي نفس جهازي مره حلو وسهل
شهد : اوكي اعطيني جهازك دامك راميته بالدولاب على الفاضي
وعد بنظرة سخرية : لا ياعمري تحلمي فيه .. هذا أعز شي أملكله !
شهد : ياعييييييييني .. بس جد وعد افتحي الجوال واستخدميه بدل مهو مرمي بس كذا ..
وعد : شهد اتكلمنا بدا الموضوع قبل بليز لاتضغطي علي انا مرتاحة كذا
شهد : اوكي ليه ماتفتحيه ولما يجي تقفليه ؟؟
وعد : ليه شايفتني استغلالية !
شهد : مو كذا .. بس مادري انتي كيف تفكري !
وعد :صدقيني انا مرتاحة على الاقل مو محملته جميل !
شهد : مادري اش حايكون موقفه اذا جا وماحصلك ولا حصل أي أثر عنك ..

وعد على طول اتجمعت الدموع بعينها وقالت : ياشهد انا الي متعلقة فيه بس هو عادي ! هو كان يهتم ويسأل لأني بنت بلده وحس بقرابة بيننا بدي الغربة بس وقت مايجي ويلاقيني اختفيت ماعتقد حيهتم بالشكل الي تتصوريه ..
شهد : مادري ليه احس انه حيقلب الدنيا عليك ..
وعد : وانا احس انه حينصدم بالبداية بعدين حايعيش طبيعي ولا كن صار شي !
شهد : يالله ماندري عاد يمكن يصير شي ثاني مانتوقعه !
وعد : المهم انتي اسحبي نفسك من الموضوع وخلاص
شهد : انا زي مانتي عارفة محلنا حينقل الاسبوع الجاي للسوق الثاني .. وماعتقد حيقدر يوصلي أبدا ..
وعد بحزن : مرات اقول لنفسي خليني أتركله أي أثر بسيط يوصله لي يمكن يفكر يدورني .. يمكن يفقدني ويسأل عني .. أكون سويت الي علي وابتعدت ولو جاني يكون جاني بإرادته وتمشي الأمور وقتها زي ماربي يريد .. بس ارجع اقول لا ليه أعاني والواقع واضح انه مستحيل تستمر علاقتنا مهما كان نوعها ..
شهد : ياعمري ياوعد شوفي كيف تعبتي وانتي بس استعديتي لفراقه ..
وعد بكت من قلبها وقالت : ماتمنيت أحب أحد أبدا ولا اتعلق بأحد .. ماابغى أعاني أكثر من معاناتي انا الي فيني كافيني .. ليه لما حبيت لقيتني وقعت بحب واحد مو مناسب ؟؟ ليه سعود بالذات ؟؟ سعـ ـود ! ياويلي والله صعب فراقه ياشهد صعب .. صعب .. (( وراحت بنوبة بكاء تقطع القلب ..

قلبها الي غيم عليه الحزن سنين ودنين .. أشرقت عليه مشاعر ماحستها بيوم ! مشاعر عذبة نقلتها لسعادة وعيشتها بحبور وهناء وقت الي تملك قلبها حـب من يستحق الحـب ! لكن انقتلت هالمشاعر واهي بالمهاد يوم تجسدت الحقيقة قدامها .. مستحيل تكون لسعود !! وياويل قلبها الي تعلق بحتى حروف اسمــه !

*****


كلها أيام وليالي وينتهي هالشهر الفضيل .. ناس معتكفة بالمسجد وناس بالحرم وناس ماتطلع من السوق !
هذا هي ام سعود وبناتها طالعين من المسجد بعد صلاة التراويح والخشوم حمر كثر ماصاحوا مع الدعاء .. ركبوا السيارة ينتظرون سعود .. شوي وأقبل عليهم من بين زحمة الرجال ..
ركب السيارة واهو يقول : يووه اليوم زحمة شي مو طبيعي
ام سعود : اكيد للية خمس وعشرين وشاكين انها ليلة القدر ..
سعود : الله يكتبلنا أجرها
ام سعود : آمين .. يالله تأخرنا ترا تلاقيهم يحرتونا وأكيد خالتك وصلت ..

فتون : خليهم يحترونا عارفين اننا بالصلاة ليش ماراحوا هم صلوا بعد ..
سعود : مب كل واحد يقدر على قيام المساجد فتون ..
أم سعود : بالذات مسجد توفيق صائغ يطول حيل بالصلاة ..
فتون : وش عندها خالتي جاية بيت جدي اليوم ؟؟
ام سعود : هَـو .. مب أول مره تجي تسلم عليهم ومهي مطولة بالكثير ساعه وتروح ..
فتون : بيجي احد معها ؟؟
ام سعود :مشعل وساره بس ..
فتون : وليه مو مطولة شوراهم ؟؟؟
ام سعود بغت تخبرهم بس سكتت يوم دقها سعود !!
وقالت : مادري عاد كلن وظروفه ..

التفتت فتون لعبير وشافتها مسرحة بعالم ثاني وابتسامة خفيفة على وجهها ..
فتون واهي تنغزها : ألووووو
عبير انبتهت : هاه .. !
فتون : وين وصلتي عسى ماظيعتي بس ؟؟
عبير : لا معاكم لا تخافين ..
كانت سارحة تتخيل لو تلتقي اليوم بتركي .. العيلة كلها مجتمعة ببيت الجد واهي من زمااان ماشافته .. كيف بيكون لقائهم وذي أول مره يتواجهون بعد خطوبتهم !!

ضحكت فتون عليها .. ياحلوها اختي شكلها تفكر بالحبيب .. ! مر عليها طيف فيصل هاللحظة .. واتذكرت كلامه واتذكرت سالفة سفره وانقهرت وهمست بحمق : سخيف !
عبير باستغراب : منهوو ؟
فتون : واحد قاعد يلعب باعصابي ..
عبير : هههههههههههههههه أخيرا قدر عليها ..
فتون وهي صاكة على سنونها : أكرررررهـه
عبير بمكر : زين ليه كل شوي تطرينه دامك تكرهينه
فتون انقهرت من عبير وانقهرت من نفسها بعد << ماعندها غير القهر هذي وقالت بقهر بعد: اقول ارجعي اسرحي أحسن ..
عبير : هههههههههههههههههههه أبركلي

وصلوا ونزلوا من السيارة ودخلو البيت .. كلن راح لمجلسه وسلموا على العيلة ولقت أم سعود اختها ودخلوا بضجة السوالف ..

انتبهت عبير لوجدان واهي قاعدة تسولف مع نهى واتذكرت سلامها كيف كان حيل بارد .. عكس قبل الي كانت تمازحها وتفرح بجيتها ..
قامت ومشت لعندها ووجدان استغربت واهي تطالع عبير تمشيلها وابتسامة على وجهها.. مسكت عبير ايد وجدان وقالتلها : وجدان أبيك شوي ..
خفق قلب وجدان بقوة .. ذي شتبي فيني ؟؟ لايكون تحكيني عن خطوبتها وحبها اهي وتركي لا عبير أرجوك اتركيني ..
لفوا طرحهم وطلعوا الحوش ووجدان على طول قالت : شعندك عبير ؟؟؟
عبير انسندت على حافة النافورة وقالت بابتسامة : وجدان قد ايش حاقدة علي ؟؟؟؟
سكتت وجدان لحظات بعدها رفعت حاجب ودارت وجهها بدون رد ..
عبير : ادري انك حقدتي علي من كل قلبك ان كانك ماكرهتيني بعد .. بس وجدان حبيبتي انتي بنت عمتي وغالية عندي بغلاة فتون اختي .. مابي هالسوالف تفرقنا وتسبب خدش بعلاقتنا ..
وجدان بهمس : عبير مافي شي ..
عبير : شلون مافي شي ؟؟ شوفي حتى ماتبين تحطين عينك بعيني .. وجدان انا دارية ياعمري شكثر الوضع حساس بالنسبة لك لكن هذا قدر مكتوب من عند ربي لكل وحده مننا مو بكيفنا احنا نمشي الاقدار !
وجدان : اوكي عبير وانا استسلمت للقدر شالمشكلة ؟؟
عبير : استسلمتي بالكلام بس لكن قلبك لازال حاقد وزعلان موو ؟؟
وجدان : لاتخافين ماراح آذيكم بشي !
عبير : وجدان باعطيك كف على هالكلام !! الحين انا شكيت بأذيتك ؟؟ ادري انك مستحيل تسوينها لأنك ذوق وأخلاق .. انا الي مزعلني اهو حزنك وأحسك مب طايقة رقعة وجهي .. و لاتحسبين كل الي يهمني تركي يخطبني والباقي بالطقاق لا ياوجدان أنا تهمني علاقتي معاك ولايرضيني تزعلين بهالشكل أبد ..
وجدان : هو سؤال واحد ياعبير .. يوم سألتيني قبل ان كان أحب تركي وعرفتي اني أحبه .. وش كنتي تفكرين لحظتها ؟؟؟ ليه ماقتيلي انك انتي بعد تحبينه وانه هو يحبك ؟؟؟؟
عبير : اول شي ياحياتي أنا ماكنت أدري انه يحبني !! تعرفين شكثر ولد خالك غامض ولايحكي ولايعبر ولا يبين .. لكن صحيح انا كنت أحبه وقتها بس كيف تبيني أعترفلك وانتي باين انك متأثره بحبه وباجرحك لو اتكلمت .. ولأني وقتها والله مادري وش تركي يفكر فيه وشالي بخاطره ؟؟؟
وجدان : يعني تبين تقنعيني ان ماكان بينكم علاقة ؟؟؟
عبير بانفعال : لااااااااا .. وجدان انتي صاحية ؟؟ والله مابيننا ولا شي لهاللحظة .. ويكون بمعلومك له كم خاطبني للحين ماسمعت حتى صوته !! يمكن انتي تشوفينه وتكلمينه أكثر مني بس أنا وربي مابيني وبينه شي !
وجدان حنت شوي وقالت : اشوفه واكلمه صح بس صدقيني تركي مايعتبرني غير اخته !
عبير : هنيالك حياتي بأخوته لا تحسبيني بازعل واقول ينتهي اي شي بينكم لا .. وياليت انتي تريحين قلبك وتعتبرينه زي أخوك !
وجدان ابتسمت أخيرا وقالت : لا تلومويني عبير صراحة كانت صدمة بالنسبة لي وكرهتك وكرهت تركي بعد وقتها .. بس على قولك كل شي مقدر ومكتوب ..
عبير بابتسامة : وجدان انتي صغيرة وحلوة وربي ان شاء الله يعوضك بالي يسعدك ويعيشك بين السماء والأرض ..
وجدان : آمين ..
عبير واهي تغمزلها : يعني صافي يالبن ..؟
وجدان واهي تضحك : صافي ياقشطة ..
انفتح باب الرجال وطلع خالد ووجدان استحت ومشت راجعة لداخل ..
خالد : شعندكم برا ؟؟
عبير : نسولف شوي ..
خالد : أوكي انا ماشي ..
عبير : على وين ؟؟
خالد : مايبيلها سؤال !
عبير : ياويلي من هذا الي حتى واهو ببيت جدي مو قادر يصبر عنها !
خالد بهيام : قلتيها ياعبير .. احس اني فاقد التركيز وانا لي ثلاث ايام ماشفتها
عبير باستهبال : لا أجل الحق على عمرك !
خالد : هههههههههه اوكي يالله باي
عبير : باي ..
طلع خالد واهي وقفت مكانها شوي .. وبعدها مشت راجعة لداخل الا سمعت صوت من وراها يغني : مساء الخير والاحساس والطيبة .. مساء مايليق الا بأحبابي
اتسمرت عبير مكانها واهي تسمع هالصوت الي خفقله قلبها بكل عنف .. التفتت بخفة وشافت تركي واقف عند الباب وابتسملها يوم التفتت ابتسامة ذوبتها وكمـل : هلا بالي يصيب العطـر بالريبه .. يقول العطـر أنا زايل واهو باقي ..
ولع وجه عبير من الحيا وحست انها شوي وتطيح من الحرج وقالت بضحكة خجل : هلا تركي ..
تركي انخبل منها وقال : هلااااااااابك .. شلونك عبير ؟
عبير بصوت أقرب للهمس : بخير .. انت شلونك
تركي غني بهمس وعيونه معلقة فيها : انا مو تعبان أنا .. أنا دنيا من التعب راحتها بإيديك ..
نزلت عبير عيونها للأرض كثير عليها كل هذا مره وحده .. بتذبحني ياتركي خلاص روووح وبالقوة قدرت تهمس : سلامتك من التعب ..
تركي بشوق : متى ياعبير متى .. ؟

" وشو الي متى ؟؟ "

التفت تركي بقوة وعبير من سمعت الصوت وشافت التفاتة تركي خافت يكون أبوها ولا حدا عمانها وضربت الأرض ركض على داخل .. بس واهي تركض سمعت ضحـــــــــــــكـة من وراها قدرت تميز آذانها صاحب الضحكة وعرفت انه عمها صالح وولعت من القهر .. !

صالح : ههههههههههههههههههههههههههههه جبانة بنت أخوي ..
تركي بقهر : انت الحين شطلعك لا بارك الله بهالشنبات
صالح وهو يخبط على صدره : جيت وأنا عمكم أنقذ الموقف لا تخقون وتروحون فيها ..
تركي : وماسويت خير طيرتها من قدامي وأنا الي ماصدقت عيني يوم شفتها
صالح وهو يدفه : تحب بنت أخوي انت ووجهك !
تركي واهو يلوي ايد صالح : يالله ليتني أشوف فيك يوم تحترق من الشوق وماتلقى من تطفي شوقك !
صالح وهو يضحك : طحنا بهالحظ من زماااااااااااان شدراك انت..
تركي واهو يدفه : ماظنيت انت وهالوجه تعرف تحب وتشتاق
صالح يفتعل الحزن : شفيكم كلكم تحطمون مشاعري ترا انا في قللللب .. في احسااااس !
تركي : تخسى ..امش ندخل ماعاد لها داعي وقفتي برا
صالح واهو يمشي لداخل : قلعتك انت ماسمعت الحديث الي يقول في التأني السلامة وفي العجلة الندامة ..
تركي واهو لازال منقهر منه : اقول اص بس لا عرفت وش نوع هالحديث تعال اتفلسف
ضحك صالح عليه ودخل واهو بخاطره مقتنع بالي سواه .. من لمحهم من شباك المجلس واقفين برا انهبل .. بغى يوقف معهم لايطلع عليهم حدا الشيبان ويصير موقفهم غلط وماكانت نيته يبعد عبير بس اهي ماتت من الخوف وهجت بلا تفكير !

::

كانت فتون قاعدة وانبتهت لتصاريخ البزران بالحوش .. طالعت من الشباك لقت وائل ولد عمها وباقي البزران يلعبون كوره وساره بينهم ..
فتحت الشباك وطلعت راسها وقالت : سااااااره .. ادخلي حبيبتي لاتعورك الكورة ..
ساره : أبي العب ..
فتون : وائل انتبه لا تجي الكورة عليها
وائل : خليها تدخل بنتكم هذي نبي نلعب حنا براحتنا ..
فتون انقهرت منه وقالت : العبوا محد ماسكم بس فتح عيونك زين ولا تصقع أحد
وائل برطم بكلام غير مسموع ..
فتون : اقول لا تقعد تخربط .. ساره بتقعد برا وانت انتبه وانت تلعب وبس !

ورجعت تقعد وجت عينها بمنال وشافتها تطالعها بحمق .. شكلها سمعتني وأنا أصارخ على وائل ياشيخة انقلعي انتي وهالنظرات ..

شوي الا دخلت ساره مغطية وجهها وتبببببببببببببكي ..
شافتها فتون وقامتلها بسرعه وقالت : شفيك ياساره ؟؟؟
ساره وهي تبكي : وااائل .. ضربني بالكورة .. على وذهـي " وجهي"
فتون ولعت من القهر ومسكت ايدها وطلعت الحوش واهي تتوعد فيه وتسب .. شافت البزران وماشافته بينهم سألت عنه قالها مشعل انه ضربها بالعاني ودخل البيت غرفة الخدامات ..

مشت مسرعه والبزران تحمسوا ومشوا وراها .. راحت من الباب الثاني الي يفصل عن الحريم ومشت للغرفة وفتحت الباب بكل قووووة ودخلت ..
لقت وائل واقف فيها
فتون بصراخ : ليش تصقع ساره بالكورة .. ؟؟؟؟؟؟
وائل : مانتبهتلها ..
فتون : لاتكذب انا دارية انك مسويها بالعاني لأن ما امداني أكلمك الا دخلت ساره تصيح .. وتوني سائلتهم برا قالولي صقعتها بالعاني ..
وائل بخوف : كذابييييييين
فتون : انت الكذاب ياسخيف .. قسم بالله لو عدت الحركة هذي مره ثانية ترا أنا الي باضربك ولاهمني اخوك ولا اختك ولا مين من يكون ..

" انتي قربي منه بس وتشوفين وش يصير فيك يالبزر "

التفتت فتون لقت منال واقفة وراها قالت بقرف : أعوذ بالله من الشيطان الرجيم ..اقول انتي اص ولا كلمة ماتدرين عن السالفة لا تتدخلين ..
منال : لا أدري بس مانزل مستواي للبزران مثلك جاية تهددين اخوي .. فيك حرة طلعيها فينا احنا مو بهالبزر !
فتون : مني محترة ولاشي الظاهر انتي الي محتره وذا حالك دايم ياكافي عمرك لا ابتسمتي ولا ضحكتي كن عفريت حاشيك ..
منال : انطمي ولا كلمة يالحقوده انا مادري أهلك شلون متحملينك انتي وهالسان الوصخ والاخلاق الخايسة
فتون : شوفوا من يتكلم على الأقل أنا عايشة طبيعية مو مثلك معقدة قلبك أسود من الدولاب الي وراك !

كـــــــــف قــــــوي صقعتهــــا منال فييييييييه واهي تقول : سكتلك أنا واجد وانتي كل مالك تتمادين ..
فتون مسكت خدها واهي مصدومة !!! عمرها مانضربت بحياتها والحين تنضرب من أكره مخلوقة على قلبها بكــت من القهر وقالت بصيااااااااااح : ياحماااااااااااااارة عســــــــــــــــى إيدك الكســــــــــر ان شــــــــــاء الله ..

كان صياحها عااااااااالي ووصــــــل لمسامع حدا الخدامات الي راحت نادت عبير وقالتلها فتون تبكي وجت عبير تركض وشافت اختها ماسكة خدها وتبكــــــي .. ومنال عند الباب تطالعها من فوق لتحت وتقول : انت الي حديتيني أمد ايدي عليك احترمي نفسك وألفاظك تسلمين ..

عبيـر بصدمـة : شصــــــــاير ؟؟؟؟
مشعل كان واقف وشايف كل الي صار وحكى عبير ..

عبير بانفعـال : منال انتي كيف تتجرأين وتمدين ايدك عليها ؟؟؟
منال بصراااخ : لأنها طويلة لسان وحقوودة وماتحترم أحد ..
عبيـر : كنك قاعدة تعددين صفاتك انتي مو هي .. ماشفت أحقد منك ياسخيفة ..
منال : عبيـــــر احترمي نفســـك وخليك برا الموضوع لايجيك كف ثاني انتي بعد !!

مشعل ركــض طاير لمجلس الرجال ودخل يركض عند سعود وهو يلهث بحماس وخووف..
سعود باستغراب : مشعل شفيك
مشعل قرب منه وقال واهو يلهث : منال ضربت فتون كف .. !
سعود بصدمـة : ايش ؟؟؟؟؟؟
مشعل : واللللللله ..
وقف سعود والغضب معتلي وجهه وقال لمشعل : شوفلي الطريق بسرعه ..
ركض مشعل وشافله الطريق ودخل سعود وعيونه تصرخ بالغضب ..
وصل الغرفة الي كانت بعيدة عن مجلس الحريم وباب يفصل بينهم .. ومنال يوم سمعت صوت سعود لبست طرحتها بضيق .. ودخل وشافها واهي رافعة حاجب وتطالعهم من فوق لتحت !
شاف فتون واهي منكسرة وتبكي وخدها محمر وآثار الاصابع فيه وانفعل واهو يقول: ليش تمدين ايدك عليها !
منال كانت مولعة حدها ومو ناقصة أحد وقالت : سعود لو سمحت انت بالذات مابي أغلط عليك !
سعود : ولك عين تغلطين أكبر من هالغلط بعد ؟؟؟؟
منال : انت ماتدري عن شي ارجوك لا تتدخل ..
سعود : وشالي صار زين فمهوني ..
حكته عبير الي صار باختصار واهي يالله تنفس من القهر ..

مشت فتون ومسكت ايد اخوها واهي تقول : خلك منها ياسعود ولاتنزل نفسك لمستواها وتكلمها !
منال بسخرية : الظاهر ناسية وش يصيرلي سعود يابنت عمي !
فتون : لا شلون أنسى أسوأ حدث بحياتي !
سعود صرخ : فتووووووون .. اطلعي برا انتي واختك وخلوني معاها وانتبهوا لجد يجي هالغرفة !
طلعوا خواته واهو التفت لمنال بقوة وقال بغضب : مهما كانت الاسباب يامنال ايدك ماتمدينها على خواتي سامعه ولا لاء !!
منال : وان كان خواتك مايأدبهم الا الضرب شتبيني أسوي ؟؟
سعود : خواتي وأنا أعرفهم وأعرف أخلاقهم شزينها ومايغلطون على أحد الا اذا كان اهو يستاهل الغلط !
منال : ايه قولها صريحة ياسعود .. قول ان أخلاقي مو عاجبتك واني أستاهل من يغلط علي واني ما أعنيلك شي بحياتك !
سعود : منال لاتقعدين تفسرين كلامي على كيفك أنا مو قاعد أبدي رايي فيك أنا قاعد أتكلم عن الي صار الحين ..!
منال : والحين شايفني غلطانة مو لأني فعلا غلطانة .. لأنك ماتشوف أي زين فيني لا انت ولا خواتك !!
سعود : وانتي على أي أساس حكمتي بهالشي ..؟
منال : أدري ياسعود .. أدري انكم ماتبوني وانك منجبر تاخذني وأدري اني ماأحرك بقلبك أي شعور .. كنت قبل أهتم بجيتك وقعدتك ولا حتى نظرتك لي وبسمتك بس الحين لا لأني أدري انك تغصب نفسك عليها ويبه ترا محد ضاربك على إيدك .. تقدر تفسخ الي بيننا واحمد ربك ان ماصار شي رسمي ..
سعود : كلامك ذا كله يامنال من خيالك ومن نظرتك السودا للدنيا .. انا محد جابرني عليك وافقت بإرداتي وبتستمر خطوبنتا برضو بإرادتي !!
منال : ليه ياسعود ؟؟؟ انا مابي رحمة من أحد ولا انك تراعي المشاكل مع ابوك وابوي على حسابنا .. تحس انك ماتبيني مو مرتاحلي يبه خلني ودورلك على الي تسعدك !
سعود بضيق : منال أرجوك فضي هالسيرة .. ان كنتي تظنيني من النوع الي يفكرش خطوبته عشان راحة وحب فما عرفتيني زين يامنال .. الي يربطنا أكبر من كذا يابنت عمي !
منال : وشو .. عاداتنا وتقاليدنا .. فرحة جدي وابوي وأبوك ؟؟؟؟
سعود : وهالأمور ماتعنيلك شي ؟؟؟
منال : مو لدرجة انك تضغط على نفسك ومشاعرك وتجبر عمرك علي !
سعود : قلتلك انا مو مجبور انتي ليه مو مصدقة ؟؟؟
منال : لاني ماشفت عكس كذا !!
سعود : ماحصلت فرصة أثبتلك العكس .. منال أرجوك .. لاتخليني أكره عمري وأكره الساعه الي فكرت أخطب فيها .. اتركي عنك هالأفكار وفكري زي العالم والناس .. وأهم شي لازم تفكرين فيه وتحطينه ببالك اني ما ارضى أحد يغلط على خواتي لو مين من يكون !
طالعته منال بنظرة ألم لمعت فيها الدموع .. لاحظها سعود ورق قلبه وقال : فيك خصال طيبة يابنت عمي بس انتي الي مسودة الدنيا بوجهك .. اصحي قبل ماتخسرين كل الي حولك .. (( ومشى للباب واهو يقول : عن اذنك (( وطلع تاركها تبكي إحساسها فعلا بالخسارة .. خسارة نفسها قبل أي خسارة ثانية !!

*******

بمنزل ثاني فوضـى تختلف تمااااااما عن ذيك الفوضى .. ومشاعر من نوع غير !

نزل أنس واهو بأبهى حلة وكشخـة وأمه ابتسمت من خاطر أم تتمنى الخير والسعادة لولدها
لينا : اككككككككشخ عز الله رحتي فيها يامنى
ضحك أنس وقال : جاهزين نمشي ؟؟
ام أنس : ايه يالله ..
وطلعوا وركبوا السيارة متوجهين لبيت أبو فيصل ..

لينا : تصدقون منى الخبلة من الحيا حتى انا ماتكلمني .. ترسلي مسجات وتستقبل مسجات واذا دقيت سكرت بوجهي من الحيا
أم أنس : ههههههههههههه ياحلوها هالبنت خجولة ومؤدبة يوم الخطبة ولا رفعت عينها من الأرض ..
لينا : بالبداية بس ولا بعدين بتشوفون تراها أرج مني ..
ابتسم أنس واهو يتخيل منى بملامحها الناعمة .. من شافها ببيته يوم وصوله واهو ماهناله بال لين كلم أمه تخطبها .. مايبي يحكي مع لينا عنها مايبي يسمع بس سيرتها .. ماكان يرضي قلبه الا انه يخطبهـا .. وخطبها ويا وكبـــــر فرحته يوم وافقت .. مايدري انها اهي بعد ماصدقت بخبر خطوبته ! اليوم شوفتهم الشرعية طبعا محد داري عن الشوفة الحلوة الي صارت بيوم وصله << هع هع

وصلوا البيت .. واستقبلوهم أهل البيت بكل حفاوة وترحيب .. أنس دخل مع فيصل وأبو فيصل لمجلس الرجال .. ولينا وأمها استقبلوهم أم فيصل وحنان ومرام .. وقعدوا سوى قعدة ودية ..

نزلت منى وطالعت نفسها بالمراية للمرة العاشرة .. ودخلت عليهم وسلمت وماقصرت ام أنس بالمديح الي أحرجها واهي حدها مو نااااااقصة ..

ماطال الوقت يوم جا فيصل وناداها تدخل

طلعت منى وأمها ومنى تحس الأرض تتزلزل تحتها !
فيصل : ههههههه شفيك يالله تبلعين ريقك !
منى بحرررررج : خايفة يافيصل ياربي طيب وين أقعد ؟؟
فيصل : اقعدي قبااااله خليه يتمقلك لايجي بعديني يقول ماشفتها زين !
منى : لااااااااا والله فشلة !
ام فيصل : انتي خذي صينية الشاهي حطيها لهم واقعدي جمب اخوك
منى : مابي اشيل لاء .. والله لا أكبها على وجهه من الخوف
فيصل : ههههههههههه مهبولة اختي .. انا بشيل الصينية الحين انتي امشي بس وهناك تخيريلك مكان ..
منى : زين ..
ومشت مع اخوها واهي يالله تتنفس من الخوف .. فتح فيصل الباب وطالعها تدخل
منى وهي صاكة سنونها : انت ادخل قببببببلي غطي علي ..
فيصل : الحمدلله اقول ادخلي لا أجرك مع ايدك
استسلمت منى واهي تتوعد فيصل بقلبها .. ومشت وعيونها بالأرض لين وصلت قدام أبوها ورفعت راسها تطالعه وتأشر بإيدها .. وين ؟؟ يعني وين أقعد ؟؟
أبو فيصل اشرلها بعيونه على المكان وكان قبال أنس .. مشت وقعدت وعيونها على الارض مارفعتها أبد ..
أنس ماقدر يمنع ابتسامة ترتسم على وجهه واهو يطالع هالبنت الصغيرة شلون كبرت وأنوثتها اكتملت بكل نعومة وحلاوة ..
كان ماخذ راحته بالنظر لين بدا أبو فيصل يعرف بمنى ويعرف منى بأنس مايدري انهم حافظين سيرة بعض .. !
منى على غفلة منها رفعت عيونها توقعت ان انس يطالع أبوها واهو يحكي واتفاجأت يوم شافت نظراته مصوبة عليها ونزلت عيونها بسرعه وقلبها يضرب طبوووووووووول ..

ضحك أنس بخاطره .. واهو يتمنى تعلن موافقتها هالمره قدامه ليطير فيها لآخر الدنيا من الفرحة .. بس كان العرف انها تقوم خلاص وابوها يسأله عن رايه وهذا الي صار لما أعلن أنس موافقتـه بكل ثقة وأصر يعرف ردها الحين قبل يطلع ..

دخل فيصل لقاها قاعدة على الدرج مادخلت للحريم ..
فيصل : هههههههههههههههههه هذا معناه انك موافقة ومستخفة؟؟؟
منى : اسكت روح عني تراني شوي وأصيييييييح من الحرج
فيصل : هههههههههه عليكم احاسيس عجيبة انتوا يالبنات .. المهم أنس يبيك تردين الحين موافقة ولا لا؟
منى : ليه الحين اصبروا علي شوي ..
فيصل : يالله عاد ذا شي روتيني اتعودنا عليه ولا ادري انك موافقة حتى بغيت أرجع بنص الطريق اسوي نفسي سائلك لأني عارف جوابك
منى : ياسلاااااااااام من حقي افكر وأستخير و
فيصل : خلاص بقولهم رفضت ..(( ومشى عنها الا منى صرخت : فيصل والله لا أذبحك
فيصل بمكر : أجل قوليها وخلصينا ..
منى بحيا : موافقة ..

وبكذا اتحددت ملكتها ثاني العيد لأن ثالث العيد اهو يوم عودة أنس وسعود لابريطانيا
شفتوا مسكينة حظها شلون ؟؟ << نفس حظي 


********

نزلت الدرج بسرعه وعبايتها بإيد وشنطتها بإيد وسعود قابلها أول الدرج وهو يقول : بل بل بل على ويييييييين كل هالرجة ؟؟
فتون واهي تلبس عبايتها بسرعه : عهود تنتظرني برا وبنروح السوق
سعود : هالوقت ؟؟
فتون : ايه شفيها ..
سعود : مره متأخر
فتون : شنسوي عاد باقي يومين على العيد وباقي اشياء ماشتريتها ..
سعود : عسى بتروحون مع سواق؟
فتون : لا مع أخوها ..
سعود برضو مارتاح وقال : أوكي زيني حجابك واقصري صوتك وبلا هبال قدام الرجال..
فتون واهي تطلع : لا توصي حرييييييييييييص !

طلعت واول ما اقبلت على السيارة رجعتلها الرهبة الي تحسها من وجود هالشخص والي تخليها لاشعوريا تخفض صوتها وتستحي وتحسب حساب لكل حركاتها ..

ركبت السيارة ورى عهود وهمست بالسلام ..
عهود باستهبال : وشووو ؟؟ ما اسمع !
فتون بخاطرها يعل ابليسك عهود الشر .. وقالت بصوت أعلى شوي : قلت السلام ..
سلطان : عليكم السلام .. شلونك فتون ؟
بلعت فتون ريقها واهي تذكر موقفها معاه وقالت : بخير .. (( بس وماقدرت حتى تسأله عن احواله ..
مشوا للسوق وسلطان طول الطريق يدندن بروقااان .. وعهود تعلق على أغانيه وفتون بالقوة تمسك نفسها عن الضحك ..
وصلوا ونزلوا ..
وسلطان وراهم قال : لا تطولون بانتظركم عند ستار بكس ..
عهود فرحت انه مو ماشي معاهم وقالت : ابشررررررر ..
ودخلوا السوق .. مشت عهود وفتون لمحلات الاكسسوارات ..
عهود : آخ ياهالمحل مغري كل مامريت جمبه أتمنى أشري شي بس نفسي ماتطاوعني !
فتون باستهبال : المشكلة ترا مو فينا المشكلة فيهم اهم الي مايجيبون شي يناسب أنوثتنا
عهود : هههههههههه امحق أنوثه ..
فتون : شوفي هالمحل جنون عبير تموت على التناير الي عنده ..
عهود : اي دام تنانير مو داخلة ..
فتون وهي تضحك : عهود ترا لازم نتعود نلبسها ..
عهود : ليش ان شاء الله

فتون : الترم هذا بنبدا الجامعة ان شاء الله وش تبينا نلبس ؟؟؟

عهود : بالبس بانطلون وأخلي العباية علي ..
فتون : يوووووه فطسسسسسسسسة ..
عهود : ولا اني البس تنورة يييييييووه ماعرف أمشي !
فتون : عاد انا الي أعرف بس لازم نتعود ..

دخلوا المحل الي يبون وشروا أغراضهم ويوم طلعوا انبتهوا للسوق شلون كل ماله يزدحم
فتون : اعوذ بالله ساعه عشان نحاسب مادري وش مطلع الناس من بيوتهم ..
عهود : هههههههههه مطلعهم الي مطلعك
فتون : كلهم يبون ساعه حزام ورباطات شعر ؟؟؟
عهود : يعني الي حولها ..
فتون : اوكي شكله مايمدينا نشرب شي بهالزحمة خلاص يالله نرجع ..
عهود : نروح ستار بكس عند اخوي نشرب ونطلع مره وحده ..
فتون : لا صعبة عهود ماااااااابي ..
عهود : اقول امشي بس بخاطري ذاك الكابتشينو الي يعدل المزاااااج ..
فتون اشتهت تشرب بس ميته حيا من سلطان .. عمرها ماستحت من أحد قبل وش معنى سلطان يولد بقلبها مشاعر الخجل !
استسلمت ومشت اهي وعهود .. وكلمت عهود أخوها تقوله يطلبلهم كابتشنو ..
وقفوا سوى يتفرجون على الحلويات وسلطان يحاسب البايع .. التفت لهم وقال : بتقعدون ؟؟
عهود : ايه ايه يالله !
فتون بهمس : وين نقعد مع اخوك انتي صاحية ؟؟؟
عهود : عادي فتون ترا اخوي مايعض ..
مشوا لوحده من الطاولات المكشوفة وحطوا مشروباتهم .. وفتون ميته من الحرج .. عمرها ماسوتها قبل والحين بتسويها مع واحد مجرد اسمه يحرجها .. مو عاد تقعد معاه على طاولة وحده ..
قعدوا على الكراسي فتون وعهود جمب بعض وسلطان قدامهم كان يتصرف بتلقائية كنه مع خواته .. مو منتبه للانفعالات العجيبة الي تتأجج بخاطر فتون .. وهذا الي خلاه يبتسملها بكل مودة ويقول : كبرتي وحلويتي فتون !
ولع وجهها من الحيا واهو ضحك على حياها الوااااضح وقال : بس خلاص هي كلمة وسحبناها ..
خفق قلب فتون بعنف من وجوده وابتساماته وكلامه هالأمور الي حركت فيها أنوثتها ..
سلطان انشغل باتصال جاله ..
وعهود دقت ذراع فتون وهي تقول بهمس : فتون شوفي ذاك من دخلنا الكفي واهو يطالعنا !!
فتون وهي تحرك الملعقة بكاسها : كيفه لا تطالعين فيه ..
عهود : شوفي امانة نظراته مو واحد معجب ..نظرات تخرع باسم الله كنه شايف فلم مرعب قدامه ..
ضحكت فتون على تعليقها وقالت : بس لا تطالعين فيه انتي بعد لا ينتبه لك اخوك ويوريك ..

سلطان قطع عليه الارسال داخل المحل فوقف وابتعد شوي واهو يكلم ..

بهاللحظة أقبل الشخص عليهم وعهود اخترعت وقالت : فتون جاي عندنا ؟؟؟

فتون : منهوو ؟؟
عهود : الشاب الي اقولك شوفيه جاي عندنا ونظراته تخرررررع !!

التفتت فتون وشــافته واهو مقبل عليهم وفورا عرفتـه .. وشخصت عيونها وشهـــقت من كل قلبهــــــا !!

آخر شي كانت تتوقعه انها تشوف هالشخص .. !!
وبهالمكان .. !!
وبهالوضع !!!!!!

**********
البارت الجاي قريييييييب .. بس ابي توقعاتكم بالتفصييييييل
خليني اشوف مدى تقارب الأفكار

الجزء السابع عشر

وقفت فتون وعيونها معلقة بالشخص الي يتقدم لها وقالت بخـوف : فيـ ـصـ ـل!!!!
وصلها فيصل والشرار يتطاير من عينه وقال واهو ينقل بصره بينها وبين عهود : منهي هذي ؟؟
فتون بتلقائية : عهود صديقتي
فيصل : ومنهو الي كان جالس معاكم ؟؟؟
فتون : سلطان اخوها !
فيصل همسلها بصراامة : وانتي من متى تقعدين مع رجال غريب ؟؟
عهود كانت قاعدة ومو سامعه وش يقول .. وقفت وسألت فتون : فتون تعرفينه ؟
فتون وعيونها على فيصل : ايه ولد خالتي ..
عهود : اه ماشاءالله .. (( وابتسمتله وقالت : اهلين ..
طالعها فيصل بنظرة غصب خلتها تكش منه وطالعته من فوق لتحت ورجعت مكانها ..

فيصل : لهالدرجة شايلة الكلافة بينكم ؟؟؟؟
فتون : فيصل احنا كنا نتسوق وعطشنا وجينا المحل نشربلنا شي ونمشي .. ماكنا مرتبين للقعدة !
فيصل : وتقدرين تقولين هالكلام لأبوك ؟؟؟
فتون بضيق : شدخل ابوي الحين لاتقول انك بتعلمه !
فيصل : المفروض أسويها عشان يأدبك ويحبسك بالبيت .. (( ورمى نظرة على سلطان ورجع طالعها واهو يقول بسخرية : معليه خربت قعدتكم .. اتركك تنبسطين يا مـؤدبة !!

وطالعها باحتقار من فوق لتحت ومشى عنها .. يسخر من أدبها الي كانت تتباهى فيه يوم هي ببيتهم .. لكن فتون ماهمتها سخريته هاللحظة .. كل الي همها شالفكرة الي أخذها عنها .. ؟؟؟ لحقته بعيونها واهو يمشي مبتعد طالع من المحل .. مايدري هل المفروض يجرها وياخذها معاه ولا يتركها بالطقاق دام أهلها هيتوها اهو شعليه ؟؟؟ ماقدر يهتدي لفكرة واهو النار تكوي قلبه وتحرق كيانه !! لكن فتون حست انه بطلوعه هاللحظة بتخسره .. شي بداخلها انفجر وخلاها تدف الكرسي بلا شعور وتركض وراه واهي تنادي : فيصـــــــــــــــــــــــــــــل !!

وقف فيصل مكانه عند الباب والتفت نص التفاته واهو يطالعها بتكشيرة !
بلعت فتون ريقها وقالت : خذني معاك !
فيصل بقرف : آخذك معاي ؟؟ وليه مو الحبيب الي جابك اهو ياخذك ؟؟؟
فتون برجاء : فيصل لاتقول كذا ..
فيصل : وهذا الحاصل .. الي خلاك تجين معاه يخليك ترجعين معاه واتركيني بحالي تكفين .. (( وطلع من المحل
لكن وين يروح من عناد فتون .. فتون العنيدة بكل شي تملكها العناد بهالموقف بالذات .. حست انها مستحيل تتقبل فكرة ان فيصل يروح منها واهي تظل مع سلطان وماتدري هل فيصل بيرجعلها ولا لاء !!
طلعت وراه واهي تنادي عليه : فيصل تكفى لاتتركني برووح معاك ..

مشى فيصل مطنشها لين وصل سيارته عند المواقف واهي مشت بسرعه لين وصلت عنده وقالت : انا مادري انت شتفكر فيه الحين لكن وش ماكان أقولك ترا مابيني وبين سلطان شي !!
فيصل بصرامة : ارجعي المحل يافتون لأني مو ماخذك !
فتون : اوكي براحتك .. لا تاخذني بس مو راجعة المحل ..
فيصل : وانتي تبين تطلعين من غلط تروحين تطيحين بغلط ثاني ؟؟ ارجعي المحل شوفي الشارع شلون زحمة انا مو داري شلون أهلك طلعوك بهالوقت !
فتون : رجعة للمحل مو رااااااااجعة .. ياتاخذني معاك يا بدورلي تاكسي يرجعني البيت ..
فيصل : ممكن أفهم ليه طيب ؟؟
فتون : عشان أثبتلك ان مابيني وبين سلطان شي .. ولا كان فرحت بطلعتك وكملت قعدتي معاهم .. !
فيصل : لا تخافين تراني مو معلم أهلك ..
فتون بانفعال : شدخل أهلي يافيصل أنا أبيك انت الي تفهم وتصدقني ..
فيصل : أفهم الي أفهمه شيهمك انتي ؟
فتون : يهمني تفهمني يافيصل لأني ....
فيصل: .... لأنك ؟
ضاعت الحروف عند شفاة فتون .. ماعرفت وش تقول وكيف تعبر عن الشعور الثاير بداخلها هاللحظة .. لمجرد ماطلع فيصل من قدامها واستشعرت خسارته شي بداخلها دفعها تتمسك فيه وترجعه لها وكن سهم انغرس بقلبها يوم حست بضياعه منها !
لمعت الدموع بعيونها وقالت : لأني مابي أخسرك فيصل !
سكت فيصل لحظات .. لوهلة ماستوعب كلامها .. مو معقولة أخيرا حست بقيمته وهمتها خسارته .. ماينكر ان قلبه تشقق من الفرحة بس فرصته يستغل ضعفها هالوقت ويكسب الموقف بصفه وقال : لا تمثلين يافتون انتي تكرهيني ولو الحجر يلين قلبك عمره مايلين ..
انجـرحت فتون من كلامه .. بس ماتلومه واهي الي حسسته بهالمشاعر واهي الي عمرها ماعاملته بشي غير الكره والصد والخناق والقسوة ..
قالت بضيق : وشالي يجبرني أمثل عليك ؟؟؟
فيصل احتار بجوابه .. بس ماحب يضعف قدامها وأنهى النقاش واهو يقول بصرامة : نأجل هالموضوع لبعدين .. اركبي السيارة وخلصيني ..
مشت فتون للسيارة واهي تطالع فيه .. شاف بنظراتها صدق ورجاء ولعوا قلبه عليها أكثر بس كابد مشاعره بقوة لا يضعف .. ذي فرصة جته من الله ليختبر مشاعرها ..
فتحت الباب الوراني يوم جت تحط رجلها راودتها فكرة ثانية وطلعت وسكرت الباب وفتحت الباب الأمامي وركبت وسكرته ..
ركب فيصل وطالعها بنص عين وماعلق ..

مشى بالسيارة وساد عليهم الصمت طول الطريق .. دق جوال فتون باسم عهود راحت سكرته بوجهها .. ومافاتتها ابتسامة السخرية الي على وجه فيصل هالوقت .. ودها تصرخ ودها يحس بالنار الي بقلبها .. كل شي هان عندها هاللحظة حتى لو يعلم أبوها ماهمها شي قد مايهمها انها ماتخسره اهو وانه يفهمها ويعذرها !!

وصلوا البيت ولف فيصل من شارع ثاني ودار للباب الخلفي ووقف السيارة بعيد شوي ونزلوا ماشين للبيت ..
سوى هالحركة عشان لايشوفها أحد من أهلها واهي نازلة من عنده ويعرفون عن شي .. آلمتها حركته هذي بدل ماتفرحها .. للمرة المليون يتحمل مصايبها وللمرة المليون يخبي عنها .. وماتدري متى تبطل تهورها .. فاجأها صوت فيصل يوم سألها نفس السؤال

فيصل : متى تبطلين تهور يافتون ؟؟؟
ضاعت عيون فتون بالرصيف الي قدامها وقالت بضيق : مالقيت من يردعني ..
فيصل : أهلك مو مقصرين .. ماشفت أحد مهتم ببناته كثرهم ..
فتون : أهلي عمرهم ماقصروا وانا ما اقصد هالشي ..
فيصل : ها شتقصدين ..؟؟
طالعته فتون بنظرة شاف فيها الألم وقالت : فيصل انا عندي فراغ مايملاه الا التهور هذا .. تقدر تقول مالقيت من يملى علي فراغي ..
فيصل : لا لقيتي بس انتي مسكرة عينك عنه وعاجبك وضعك الي تعيشينه

سكتت فتون لحظات وبعدها قالت : فيصل لو طلبتك طلب توافق عليه ؟؟؟؟
فيصل وده يقولها اطلبي عيوني أطلعها لك .. بس اتظاهر بالبرود وقال : يعتمد على نوع الطلب !
فتون : ان كان ودك أبطل تهوّر !
فيصل : أووه ! اوكي اطلبي أشوف!

فتون برجاء : لا تسافر ..

انصدم فيصل من طلبها .. شالي يخليها تطلبه هالطلب معقولة لهالدرجة هامها سفره أو قعدته ؟؟ معقولة تبيه يقعد عشان يملا فراغها .. عشان يمنع تهورها !
فيصل : انتي من جدك يافتون ..؟؟
فتون لمعت عينها بالدموع وقالت : اي من جدي فيصل انت قلت السفرة مو ضرورية حيل اوكي بلاش منها لاتسافر !
فيصل : عشان أمنع تهورك موو ؟؟؟
فتون : فيصل تدري شلون بتمنعه ؟؟؟
فيصل : اي أدري زي موقف اليوم .. تببني جمبك أراقب مغامراتك وأحميك وأدافع عنك ..
فتون : لا يافيصل مو كذا ..
فيصل : فتووون .. تدرين انتي شكثر غالية عندي .. بس فكري فيها انتي شقدمتيلي ولا شعطيتني شي يخليني أمنع سفري عشانك .. همم ؟؟؟
سكتت فتون وطالعته بألم .. تألم حيل لهالنظرة بس نزل عيونه واهو يقول بتنهيدة : كان ودي أنفذلك طلبك بس اعذريني فتون .. بسافر !

طعـــــنة طعنت قلبهــا
هاللحظة حست ان بحياتها كل شي يهون .. الا فيصل .. مايهون ..!
ممكن ترضى بكل الجروح .. الا فيصل .. لايروح !
وطعن قلبها يوم أصر على سفره !

نزلت عيونها الأرض واهي حاسة بألم عمرها ماحسته بحياتها .. ! بس طبيعتها القوية خلتها تحبس دموعها .. وتبلع غصتها .. وتتظاهر بالبرود والنار تسعر بدخلها .. مشت للباب وطلعت مفتاحها وفتحته .. وقبل ماتدخل التفتت على فيصل وقالت : مادري أعتذرلك ولا أشكرك ؟؟
فيصل واهو رافع حاجب : لو فكرتي فيها يلزمك تعتذريلي وتشكريني .. بس مابي منك شي يافتون غير تنتبهين على نفسك وبس ..
هزت فتون راسها بخفة ودخلت البيت بدون حتى ماتودعه ولا بكلمة .. تركت الباب مفتوح وراها ماتدري ليه .. توقعت انه بيدخل يناديها يقولها اي كلمة تبرد خاطرها .. أو يغير فكرته بالسفر ..
بس اتفاجأت يوم مد ايده واهو برا وسكــر الباب .. وقفت مكانها لحظات لين سمعت صوت سيارته شخطت من قدام الباب مبتعدة ..
وهنا بس .. انهارت على الأرض تبكي ..!! تبكي بدموع جديدة .. وشهاق من نوع غيـر !
وقلب يصرخ باسم فيـــ ـــ ـــصــ ــ ــل !

******

* صباح يوم العيـد *

هالوقت ببيوت مختلفة نبدا :
.. بيت ابو فيصل ..

" من العايدين .. من الفايزين .. ان شاء الله .. "
كانت ساره ترقص بفستانها الوردي على صوت هالاغنية الي بالتلفزيون ..
مشعل طالعها بقهر وده يرقص بس شعليكم حاط السكبة والشماغ ولا يبي يتلفت حتى .. وقال : خلاص لا ترقصين اقعدي ..
ساره : مابي أقعد عيييييييد أبي أرقــث " أرقص"
مشعل : بيخرب فستانك من الرقص ..
طنشته ساره وصارت ترقص .. ومشعل يشوفها واهو متحقرص .. وبالآخر رمى الشماغ والعقال ورفع الصوووت واستخف واهو يرقص .. ضحكت ساره عليه وصاروا يرقصوون ويغنووون مادروا الا بالي جا يرقص معاهم
ساره : ههههههههههههههههههههههههههههه فيثـل ؟؟ " فيصل "
فيصل : ايه بس انتوا ترقصون حتى أنا أعرف ارقص
مشعل اتحمس وقال : يالله فيصل اسمع ذي اغنية رهيبة خلنا نرقص عليها
فيصل باستهبال: احللللللللف ياشييييييخ ؟؟؟
مشعل بحماس : والله رهيبة تجيب الزار .. (( وقام يرقص من قلبه ..

نزلوا البنات بعباياتهم وضحكوا عليهم وعلى فيصل الي مجاريهم يرقص معاهم
منى : سوووووسوووو ماعايدتي علي !!
ركضت ساره على منى وضمتها ومنى تقول : كل عام وانتي بخييييييير
ساره : وانتي بخير ..

مرام واهي ترمي نفسها على الكنب : يووووووووه فيني النوووووووووم ..
فيصل : قلعتك دارية ان ورانا صلاة عيد وشوله نايمة متأخر !
مرام : وهو بكيفي ! ماكن ولد خالتك ناشب بحلقي عيا يطلع ..
منى : هههههههههههه تلقينه الحين نايم مو داري لاعن عيد ولا عن سعيد ..
مرام : ايه صح .. هذا هو دايم يضيع أول مناسبة شوفي أول يوم رمضان قضاه كله بالنوم ..
فيصل: والله عمي سعد متساهل شوي مع عياله .. والله لو انا اسويها ان يتوطا أبوي ببطني ..
مرام : والله ياحظهم شوف الحين انا جاريني غصب للصلاة وفتون نايمة محد نغص عليها .. ابوهم قال الي يبي يجي مايجبر أحد !
فيصل اتذكر موقفه الأخير معها وقال : فتون ؟ فتون بالذات المفروض عمي يشد عليها !
مرام : بالعكس والله ياحظهم ..
نزل أبو فيصل وأم فيصل وعند هاللحظة نسى كل واحد منهم الي بخاطره وقاموا سلموا على أهلهم وباركولهم بالعيد .. ونزلت حنان والفرحة ظاهره بمحياها .. عايدت على الكل ومشوا راكبين السيارة متجهين لصلاة العيد .. وبعد الصلاة كعادتهم يروحون يسلمون على العمان والعمات ..

::

بيت أبو سعود

ركب سعود وأبوه قدام وأم سعود بالخلف ..
أبو سعود : متأكدة يانورة ان خالد بيجيب البنات ؟؟؟
ام سعود : اي والله ان شاء الله .. ماطلعت الا وهم صاحين وبيلحقونا على الصلاة
ابو سعود : زين نشوف ..
حرك سعود السيارة ومشى لمصلى العيد .. وين مابهجة العيد كلها تكمن بذاك المكان .. وصلوا ونزلوا للصلاة .. الشمس مشرقة بهدوء .. كنها تراعي أجواء العيد وملطفة أشعتها عليهم .. أصوات التهليل والتكبير تصدع مشعله بالقلب مشاعر الفرح بهاليوم .. هاليوم الي تتصافى فيه النفوس وتسلى فيه القلوب .. وتهدا معاه ))الخواطر .. (( ويبكي المغترب على أهله
صلوا الصلاة واستمعوا للخطبة الي كانت تحث على تصفية القلوب والنفوس بعبارات وجمل مؤثرة خلت الحاضرين بعد انتهاء الخبطة يسلمون على بعضهم ويهنون بعضهم بنفوس متجددة سعيدة ..
رجع أبو سعود وسعود للسيارة .. وأم سعود الي ماشافت بناتها دقت على جوالاتهم وقالوها انهم بالسيارة مع خالد ..

خالد مُصر انه حضر الخطبة وسعود مُصر انه ماشافه ولا لمحه .. وفتون تصر ان محد شافهم من الزحمة وام سعود تصر ان عيونها كانت تراقب الرايح والجاي !! وعبير ساكته ماتكلمت ولا بحرف .. ها شرايكم انتوا حضروا الخبطة ولا راحت عليهم نومة ؟؟؟

مشوا سوى لبيت الجد .. وين مالعيلة كلها مجتمعة على الفطور ..

::

بيت أبو تركي

نهى واهي تنط على السرير : سهرتنا الليلة خلوووووووها صباااااحي .. حلووووة محبتنا وفينا الهوى صاااااااااحي ..
وائل : الحمدلله والشكر الدنيا نهار وذي تقول سهرتنا ..
نهى : كيفي يبه مستخفففففففففة من الفررررررحة اول عييييييد يبدا بدون مشااااااكل عساك ماترجعين نوالووووووووه ..

منال وايه ترفع ايدينها : آآآآآآآآمين يارب بهاليوم الفضييييل

نهى : ههههههههههههههههههههه صار العيد يوم فضيل ؟؟
منال : اي هالعيد بالذات فضيل لأنها سافرت مع أهلها ليت كل عيد يسوون خير ويسافرون

وائل : اقول صجيتونا فيها متى يرجع ابوي وتركي من الصلاة ؟؟؟
منال : شوي ويرجع يالله انتوا جاهزين ؟؟
نهى واهي تنط من فوق السرير : باقي ألبس اكسسورااااتي ..
منال : بسرعه لايلج علينا ابوي بالله ترانا مو ناقصين كيني ميني ..
وطلعت لغرفتها واهي تحاول تولد بقلبها اي بهجة بالعيد .. تحس مروره بالنسبة لها مثل مرور اي يوم غيره ماعاد تحس بطعم لأي شي بدنياها .. يمكن الي يخليها تبتسم هاللحظة اهي الفرحة الي شافتها بعيون نهى ووائل !
وصل أبو تركي ونزلوا وسلموا عليه وباركوله وماخفى عليهم حزن عميق بداخله .. !!
بكل مناسبة لازم يمر طيف المرحومة بباله .. ويتخيلها حوله .. تبخره .. تهنيه .. تسعده .. !
كانت ذكراها هاللحظة بالذات وقت ماهو مستشعر فراغ كبير .. أولدت بقلبه ألم خلاه يقعد على الكنب ويفرك وجهه بإيدينه وكلهم فهموا الموقف ومشاعر ابوهم هاللحظة ..
وتلقائيا تسربت هالمشاعر لقلوبهم وقعدوا حوله يرافق خيالهم طيف أمهم المرحومة !!
ابو تركي بتنهيدة : الله يرحمك يام تركي ..
كلهم بهمس : آمين ..
سكت ابو تركي لحظات وماحب يطول الحزن على عياله .. وقف وقال : يالله مشينا .. تركي خلنا نمر بيت خوالك أول !
ابتسموا كلهم بفــرح على هالتغيير .. يموتون على قعدة خوالهم ريحة امهم وذكراها .. واكتملت فرحتهم بالعيد يوم ابتدا هاليوم بزيارة الغوالي .. اخوان امهم وأهلها ..

::

بيت الجد
وصلت كل العيلة وتبادلوا التهاني والتباريك ..
بهالوقت كان لازم تنفتح الصوالين على بعض لوجود الجد والجده والكل بيهنيهم بالعيد وبيسلم عليهم..
دخل الجد والعمان وعيالهم وأصواتهم تلعلع بالتباريك ..
وصالح يقول بصوت عالي : عييييييد مبااااارك على الجميييييييع من العاااااايدين من الفااااااايزين عساكم من عواااده
فتون : ههههههههههههههههههه زين اتركلنا كلمة نرد فيها ..
وقامت تسلم على جدها وعمانها .. والشباب قعدوا حول جدتهم وعماتهم يحاكونهم ويعلقون عليهم ويضحكون ..
وابو تركي بدا يعايد البزران ..

فتون وهي تضحك : عمي عطني وجه تراني انا لازلت عايشة طفولتي
نهى غطت فمها بايدها واهي تضحك على كلام فتون لأنهم مو متجرأين يمزحون مع ابوهم بهالشكل لكن فتون ماعليها من احد ..
ابو تركي بابتسامة : وانا اشهد انك انتي ونهى تصغرون ماتكبرون
فتون : هههههههه زين اجل عايدنا مثل الصغار
سعود : فتووووووون (( التفتت فتون تطالعه الا هو همس : عيب عليك !
فتون : ههههههههههههههههه عمي قلت شي غلط؟؟
ابو تركي : لا ابد خلها تستاهل هذي اخت الغالية مرة الغالي ..

ولع وجه عبير من الحيا واهي الي كانت طول الوقت ميته من الحرج لوجود تركي بالمكان .. مع انه اهو حاول مايطول النظر فيها لأنه بروحه منخبل منها ..

منال كانت آخر الصالة تراقب المشاهد الي تصير قدامها وقلبها يغلي .. ودها تمسك فتون تذبحها الي ماغير تضحك مو مهتمة بأحد ..
حست بضيق ماقدرت تفسره .. ليه مو قادرة تضحك ليه مو قادرة تشاركهم فرحهم على الأقل بهاليوم ..؟؟ وكان آخرة تفكيرها هذا سحبت نفسها وطلعت قدام عيون سعود الي انقهر حييييل يوم طلعت ..!! لأن هاليوم آخر يوم يشوفها وبعد يومين بيسافر .. كان متمني يروح واهو حامل صورة طيبة عنها .. صورة تخليه يرجع مشتاق لوجودها .. صورة تولد الحماس بقلبه لاتمام كل شي حلو بينهم ! بس اهي قشعت هالصورة بحركاتها .. وبطلوعها قتلت آخر شعور كان ممكن يولد ود بسيط بينهم !

جت أم وجدان واهي شايلة سلة حلاويات ودارت فيها واهي تغني الاغنية المعروفة : ياحلاوة العيد ياحلاوة .. فستاني جديد ياحلاوة .. أشكال وألوان ياحلاوة ..
ضحكوا على خفة دمها والبزران تراكضوا على الحلويات ..
وأولهم نهى وفتون ..
فتون : يادووووبا أخذتي فروروشر كثييييييير
نهى : هههههه طالعي كم حبة بايدك يامفتريـّة ..
فتون ببرائة : سبعة بس ..!!

الجده بصراخ : فتوووون ونهى يعل ابليسكم رجعوا الحلاو !! خلصتوا السلة ماصارت..
فتون : عااااااادي يمه عيييييد عييييييييد ...
الجده : واذا صار عيد خذولكم ذواقة هو مب شبع ..

جتهم وجدان وهي تقول : ودامكم اخذتوا الحين مانتوا ماخذين من الي جابتها امي
نهى : وش جابت امك ؟؟؟
وجدان : مارونق لاسيييييييييه !
فتون : ياسلاااااااااام هذي العمة ولا بلاااااااااش ..
وجدان :الله الله كل ذا عشان الحلااااة
فتون : ههههههه افا عليك انا من يومي احب عمتي ..

طالعت عبير بوجدان شكثر فرحانة ومبتهجة بالعيد وفرحتلها حيييييييل انها تجاوزت أزمتها واتمنت تظل دايم على هالحال وأحسن ..

وصل الفطور وقاموا الحريم وبناتهم يجهزونه .. ووقتها رجعوا الرجال للصالة ..

كانت عبير ماسكة السفر وماشية فيها للمجلس يوم انتبهت لتركي واهو داخل من الباب الثاني لمجلس الرجال .. لمحها واهي ماشية لحالها ابتسملها واهو يقول : فقدت رسالتك هالمره !
عبير بحيا : بصراحة قلت مو مرسلة بشوف انت ترسل ولا لاء ؟؟
تركي : أووه .. يعني كلنا انتظرنا بعضنا وآخرتها محد عبر الثاني ..
عبير انقهرت يوم درت انه ينتظرها واهي الي حسبته مطنشها وقالت : عادي لو ارسلك الحين ؟؟؟
تركي بابتسامة ساحرة : خلي جوالك جمبك انا الي بارسلك !
عبير بضحكة : اوكي ..
طلعت فتون من المطبخ وشافتهم واقفين بالسيب وقالت باستبهال: ابووووي ابووووي ابووووووي ..!!!!
تركي التفت يدوره وعبير اتخبت ورى الباب واهي ميته من الحرج ..
فتون : هههههههههههههههههههههههههههههههه ياجبنااااااااااااااااء
تركي : حسبي الله على عدوك انتي على عمك ماشفت أقلق منكم
فتون : هههههههههههههههههههههههه فديته عممممي راعي الفزعااات
عبير ضحكت ومشت مسرعه بالسفرة ومرت من ورى تركي الي قالها يوم مشت وراه : يارض احفظي ماعليك اليوم طالع قمر ..
وقفت عبير مكانها ماعرفت شلون تدخل على الحريم ووجها مولع من الحيا .. دارت وجهها تبي تضبط نفسها وشافته واهو يمشي على داخل .. وفاجأة التفت وشافها وغمزلها بابتسامة تذوب الروح واختفى عن عينها ..
اخذت عبير نفس طوييييييل واهي تحاول تزيل ابتسامتها الي مافارقتها من شافت تركي وهي ماتبي أحد يشك فيها ويا هالابتسامة .. وفاجأة اختفت ابتسامتها غصب يوم سحبت فتون السفرة منها بقوة وهي تقول : متنا جووووه وانتي سرحانة بعالم الحبيب ..
ودخلت الصالة وعبير متصمنة مكانها !! ياويلي من هالبنت شكلي غلط الحين وانا بادخل بايد فاضية .. ورجعت المطبخ من جديد وهي تحاول تبعد عن عيونها تركي وابتسامته !
تخدروا كلهم بعد الفطور وكبس عليهم النوم واهم بعضهم مواصل مانام ولا الي نام ساعة او ساعتين .. قاموا واتوادعوا متفقين يجتمعون بالليل على العشا ..

طلعت ام سعود وبناتها الحوش متوجهين لباب الشارع .. ولمحت عبير وفتون منال واهي راجعة للباب وفتون اتأففت من شافتها وهمست : توها تفكر ترجع يوم راحوا الناس لاماقدر على هالأخلاااااق !
طالعت عبير بمنال وصراع نفسي بداخلها مابين انها تروح لها ولا تطنشها وتمشي عنها .. بس حبها لتركي ورغبتها بتصفية أي أمور ممكن تنغص عليهم علاقتهم خلاها تمشي لها وبخاطرها تقول .. عشانك بس ياتركي ..!
شافتها منال واهي جايتها ووقفت تطالعها بشزز ..
عبير بابتسامة : شفيك منال ؟؟
منال بتكشيرة : مافيني شي !
عبير : خلاص منال اليوم عيد ليه ماتصفين الي بقلبك ؟؟
منال بسخرية : انتي صفيتي الي بقلبك ماشاء الله ؟؟
عبير : من قالك اني شلت بقلبي عليك من الأساس .. منال حنا بنات عم مايصير نزعل من بعض بهالشكل وان كان غلطت عليك فلاتنسين انك انتي بعد غلطتي على اختي !
منال : اختك تستاهل الي جاها وأكثر ياعبير !
عبير : انا مو جاية اتكلم عن الي صار وأحلل مين الغلطان .. انا جاية اقول صفي قلبك وانسي وخلي هالعيد فاتحة خير !
منال : انتي ياعبير تستاهلين بس اختك مستحيل اقدر اتصافى معها ..
عبير بابتسامة : فتون ماتكرهك يامنال ..
منال : طريقة حلوة تلطفين فيها الي بيننا بس انا ماعاد ارجي خير من اختك !
عبير انقهرت منها تتكلم مو كأنها هي الغلطانة بس مشت الموضوع وقالت : قلبك طيب يامنال وبتصفين ان شاء الله ..
منال : كلك ذوق عبير ..
عبير : تسلمين .. يالله اشوفك بالليل
منال : ان شاء الله ..
ابتسمت لها عبير ومشت عنها وطلعت !

أما فتون فهي قبل ماتطلع مادرت الا بالي يسحب ذراعها ويمشي فيها
رفعت راسها بصدمة وقالت : عمي صلوووح شتبي!
وقفها صالح قدامه وقال : قوليلي يافتون انتي متأكدة انك ماغلطتي وقلتي لحنان اني صالح ؟؟؟
فتون : لا والله ماقلتلها الا الكلام الي حكتيتك عنه وبس
صالح : ياختي غريبة ماعاد شفتها على الماسنجر بعد المره الي تضايفنا فيها الا مره وحده بس وكلمتها كلمتين السلام كيف الحال وشوي الا هي قالت اشوفك بعدين وطلعت وماعاد شفتها ابد !!
فتون : امممم مادري يعني انت شاك انها عرفتك ؟؟
صالح : يمكن ؟؟
فتون : اوكي مو حضرتك كاتب اسمك
صالح : بالبداية بس بس الحين غيرته ..
فتون : شخليته ؟؟
صالح واهو يحك راسه : معقول تذكر هالكلمة ؟؟؟؟
فتون : اي كلمة انت شتخربط ؟؟؟
سرح صالح شوي بعدها قال : اسمعي فتون.. انا دايم اشوف تاريخ ردودها بالمنتدى على الفجر.. شوفيلك يوم تصحين هالوقت ودقي عليها انك تبينها بسالفة على المسن .. ماتقدرين تقولينها بالجوال .. واذا دخلت دقي علي انا ادخل وانتي اطلعي متعذرة بأي سبب
فتون : يوووووووه عمي الفجر عاد بناااااااااااام !
صالح برجاء :فتون تكفين ارحمي عمك الي ابد مو قادر ينام ..
فتون : آآآآخ شسوي بقلبي الطيب .. اوكي عطني عيدية اول !
صالح : اقول لا تصدقين عمرك انتي تراك ملوزمة تردين جمايلي !
فتون : مالك جمايل علي بس لاتتهرب وعطني عيدية ..
صالح : تصدقين عاد والله تستاهلين .. (( وطلع محفظته وسحب منها خمس ميه وعطاها ..
فتون واهي تسحبها بقوة وتضحك : هههههههههههههههههه مشكووووووور عمووو ياشيخ تبيني اسهرلك الليل كله سهرت
صالح : هههههههههههههههههههههه بس عاد لاتحلمين بثانية
فتون : ههههههههههههه زين يالله اتأخرت على أهلي بااااااااي ..
صالح : يالله باي ..
ومشى لداخل البيت واهو يتمنى تنجح هالخطة .. خلاص مو قادر يصبر أكثر لازم يكشف القناع ويظهرلها بكل وضوح .. نفسه يوقف هالمغامرة وياخذ امه ويروح يخطبها ! ابتسم واهو يقول بخاطره شكل هذا الي بسويه أول ماتعرف حقيقتي !

ركبوا السيارة ومشى خالد فيهم .. وعبير طلعت جوالها وانتبهت لوجود رسالة واستغربت متى رن جوالها وماسمعته ؟؟؟؟
فتحت الجوال بسرعه لقت رسالة من تركي تقول :

أشوف الناس من حولي تهلي وتبتسم بالعيد
وأنا عيدي مع وصلك يحلي كل أعيادي !!
فقدتك ليلة البارح وانا اقول بترسل أكيد
ومرت ليلتي بدونك تشتت كل مواعيدي
حلفت وقتها ان فرحتي ماهي لجل العيد
لا حس قلبي بقربك هنا فرحتي تزدادي


ابتسمت عبير من الفرح وبنفس الوقت حزنت انها ماشافتها اول ما ارسلها ..
وبسرعه ردت وكتبت :
حبيبي لك بقلبي شعور يحلي كل وجداني .. أعذر عمري وقت العيد واقول مالها ثاني
وأرسلك تهاني وحب .. يا أحلى روح وأجمل قلب
كل عـــــام وحبنا .. بخير ..

سكرت جوالها واهي ماتدري متى يقراها ومتى بيرد .. بس هي ماعاد تبي شي يكفيها حبه لها الي خلاها تملك الدنيا ومافيها ..

*************

.. ثاني العيد .. يوم ملكة أنس ومنى ..

صعدوا البوت بعد ماحرقتهم السباحة بعز الشمس الحارقة .. رموا أنفسهم على أرض البوت وخالد يصرخ : جنوووووووووون وربي جنوووووووووووون سباحتنا بعز الظهر ..
فيصل : عييييييد يابابا عيييييييييييييد
تركي : انت انطم بس شعليك مسافر بكرا لجنة مامثلها ..
خالد بصراخ بعد : يعل ابليسك فيصلوووووووه لاتسااااااااااااااااافر ..
فيصل ضحك وقال : شفيكم حبيتوني فاجأة انت مو أول واحد يقولي لاتسااااافر
خالد : وتغلى علينا انت وجهك ؟؟ قال شغل ينمي مهاراتي تخسى يابو المهارات ..
فيصل باستهبال: ياربي شكثر معجبيني أنا شسوي بعمري ..!
تركي : اقول لاتصدق عمرك مسألة وقت وننساك ..
خالد غنى : مسألة وقت .. وقت وأنسى.. قلبي الي نسااااني .. وضحكتي الي هجرتني .. راجعة لقلبي ثااااني ..
فيصل يسبل عيونه باستهبال : كل هالعذاب وانا توني مارحت !
خالد : هههههههههههههههههههه اهجد مالقيت الا انت اغنيها لك
تركي : عاد من زين كلماتها لايهديك احد اياها بس ..
خالد كمل الاغنية : والله والله وحياة جرحي .. وعمري الي عطيت .. مثل ما قلت أحبك راح أقولك نسيت ! (( سكت شوي بعدها قال : يمه تعور هالكلمات ..!!
فيصل : اندري عنك معجب فيها
خالد اتنهد تنهيدة طويييييييييييلة وفز واقف واهو يقول : يالله بس خلونا نرجع
تركي ثاني ركبه وساند ايدينه ورى ظهره وقال : شعندك مستعجل ..؟
خالد : الطلعة من غير صلوح ماتسوى كلش ..
تركي : شسلطه ماطلع مع سعود وأنس الا بوقت طلعتنا ..
خالد : حتى ناصر مسوي فيها نشمي مع اهله ومعيي يطلع ..
تركي ابتسم بسخرية واهو يتذكر آخر لقاؤه مع ناصر والي قاله ان بدر متمرمط بين مكاتب الشرطة .. !
فيصل : الا على طاري صالح بيجي الملكة اليوم ؟؟؟
خالد : اتوقع دامه مع أنس وسعود أكيد بيعزمونه ..

تركي نط واقف واهو يقول : باركب جتسكي وبعدها نمشي ..
فيصل : يالله وانا معاك .. خلني أودعه ..
خالد صرخ : فيييييييييييييييييييييييصل !!!!
فيصل وتركي اخترعوا والتفتوا عليه مستغربين .. الا خالد ركض بكل سرعته وشال فيصل بقوة مايدري من وين طلعت ورماه من فوق البوت على البحر واهو يصرخ فيه : لا تسااااااااااااااافر يالنذذذذذذذذل !
تركي : هههههههههههههههههههههههههه من الحب ماقتل..
طلع فيصل من وسط الأمواج واهو يضحك ويقول : مسافر ياحبيب الروح وانا كلي ألم وجروح.. أببعد عن هواك واروح سامحني على الفراق ..
ضحكوا عليه ونزلو كلهم بالجتسكي وانطلقوا فيه وسط الأمواج الساخنة
وظلوا يطاردون بعض ويحدون بعض بكل مرح مايندرون هل بيعودن هاللعب ثاني ؟؟

::
بيت أبو فيصل
دخلت أم فيصل البيت واهي شايلة أغراض جايبتها من السوق .. فصخت عبايتها واهي تتأفف من الحر وتنادي : وااااااااااتي ..
جتها الخدامة وقالتلها تحط الأغراض بالثلاجة .. وسألتها : وين البنات ؟؟
واتي : منى وحنان لسه مافي إجي .. ومدام حنان سوى سوى ساره في غرفة ..
واتي : زين ناديها بالله
واتي : اوكي ..

قعدت ام فيصل قبال المكيف ميته من الحر وطلعت جوالها ودقت على منى .. شوي وردت عليها
ام فيصل : هلا يمه وينكم للحين مارجعتوا ؟؟
منى وهي شوي وتبكي : يمه مالقيت للحين صندل شسوي ؟؟؟
ام فيصل : يووووه طيب رحتي لاستبس يمدحون صنادله ..
منى : هذانا بالطريق الحين نشوفه والله لو مالقيت فيه بانننننجن ..
ام فيصل : لا ان شاء الله تلقين واذا مالقيتي دقي علي اشوف ..
منى : ان شاء الله ..
أم فيصل : يالله (( وسكرت منها ودقت على جوال بنت اختها عبير ..
ردت عبير : هلا خالتوووو
ام فيصل : هلا عبير يمه شلونك ؟؟
عبير : بخير الحمدلله انتوا شلونكم شلون تجهيزاتكم ؟؟
ام فيصل : حايسين لهالحين .. اتخيلي العروس ومرام دايرين بهالحر يدورون صندل لمنى عجزوا يلقووون
عبير : يوووووه ليه توهم يروحون ؟؟؟
ام فيصل : تعرفين جانا العيد ربشنا واتوهقت الحين ..
عبير : ياربي شلون فستنانها اهي ؟؟؟
ام فيصل : تركواز على ذهبي قوليلي عندك صندل بهاللون ؟؟؟
عبير : ايييييييه خالتي عندي صندل فيه هاللونين بالضبط ..
ام فيصل : زييييين ياعبير عطيه منى تلبسه انتوا مقاسكم واحد ..
عبير : ابشري خلاص الحين بدق عليها
ام فيصل ارتاحت وقالت : الله يسعدك يالله دقي عليها
عبير : يالله ..
وسكرت منها ودقت عبير على منى وقالتلها وعاتبتها ليش ماكلمتها من أول وسألتها .. وفرحت منى ورجعت بيتها مرتاحة ..

باللليل كانت الأوضاع مستقرة وكل شي مرتب خصوصا ان ملكتها مختصرة ماغير بيت الخالة وأهل العريس ..
جاتها كوفيرا صلحتلها تسريحة ناعمة وحلوة مع شعرها الطويل ومكياج مناسب وحلو مع لون فستانها ..
مرام زينت شعرها كريزي اول مره تسويها وطلعت تهبل فيها واتمكيجت بلون فستانها أسود بوردي ..
حنان بعد كانت نعومة بفستانها السكري المطرز بخرز فضي ناعم .. ومكياجها هادي وناعم مثل ملامحها .. وطبعا مانقصها الشال الفضي الملفوف حول رقبتها ..

وصلــت أم سعود وبناتها مع خالد ودخلوا البيت وعبير وفتون مو ناقصهم زين عن بنات خالتهم ..
مشى خالد للملحق بس ماقدر يدخل بدون مايشوف مرام واهي بكامل زينتها بهالليلة ..
دق عليها ليييين فصل وماردت ..
انقهر ورجع دق مره ثانية ومره ثالثة لين جاه صوتها واهي تلهث وتقول : هلا خالد ..
خالد : ويييييينك ؟؟؟؟
مرام : معليه حبيبي مشغولة شوي ويجون اهل انس ..
خالد : اوكي اطلعي الحوش بشوفك ..
مرام : خالد اقولك مشغولة أنا والله ماقدر أطلع ..
خالد : مشغولة بايش شتسوين ؟؟؟
مرام : الف شغله وشغله الحين انا بالمطبخ ازين الحلى بالصواني واذا خلصت بروح أبخر المجالس ..
خالد : وليه كل هذا عليك وين الباقين ؟؟؟
مرام : كلن ماسكله شغله خالد خلاص حبيبي انا اكلمك بعدين !
خالد : يعني مو طالعتلي الحين ..
مرام : والله ماقدر حبيبي ..
خالد : اوكي باي ..
مرام : خالد لاتزعل والله مو بايدي
خالد : خير .. يالله سلام ..
مرام بهمس : سلام ..
وسكرت منه واهي منقهرة منه هذا شكثر دلوع ومتعبها معاه .. يبيني تحت ايده كل لحظة وكل وقت واذا تعكست ظروفي ماراعاني وزعل كريه طبعك ياخالد !
اتأففت ومشت تكمل شغلها .. وبخرت المجالس وشوي ودق الجرس معلن وصول العريس وأهله ومنى تلفت أعصابها من الخوف وحنان تضحك عليها وتهديها ..

اجتمعوا الرجال سوى بالملحق كان أنس واخوانه وعمه .. وأبو سعود وعياله وصالح .. وصديق ابو فيصل المقرب " ابو وليد "

زفوا منى زفة هادية ناعمة ماكانت اهي تبي كوشة وحوسة دام الملكة مختصرة
سلمت على أم أنس واهي ميته من الحرج ولينا من فرحتها بصديقتها قامتلها وحضنتها من قلبها ..

جابولها كتاب العقد ومرام تقول باستهبال: هاه وش شعورك ياحلوة ؟؟؟؟
منى : اص بس بموووووت ..
ضحكوا عليها ووقعت على عقد ارتباطها بأنس وهاللحظة أعلنت تغير الأحوال من بنت الى زوجة وخفق قلبها بقوة واهي تستوعب الموضوع ..
قامولها باركولها ومرام هالمره اهي الي حضنت اختها ودمعت عينها واهي تقول : زين ماطلعت من البيت قبلك خفت تاخذين الدلال كله
منى : ههههههههههه يالنحسة ..
شالت ام فيصل الكتاب واهي تغمز للبنات وتقول : عقبال مانفرح فيكم قريب ..
عبير بضحكة : آآآآآآآآمين ..
فتون : ياولي على اختي هالمستخفة ..
حنان : مايندرى يمكن انتي تلحقينها فتون !
فتون بتكشيرة : ليه مو انتي الي تلحقينها ..
حنان بضحكة : مايندرى ليش لاء !!
ابتسموا كلهم بفرح على نفسيتها المتغيرة وقامت ام فيصل ترجع الكتاب لفيصل ..
دخل فيصل بالكتاب واعطاه انس الي شاف التوقيع وابتسم وقاموا سلموا عليه وهنوه وباركوله ..
سعود : محد قدك يا انس عيد وعرس لا اله الا الله ..
انس : ههههههههههه كفانا الله شر الحسد ..

أبو وليد : وانت عقبالك ياسعود
سعود بابتسامة : بحياتك ياعم .. انا خلني اخلص من سفرتي ويجيب الله خير
ابو وليد : وين تشتغل ؟؟؟
سعود : بابريطانيا !
انقلب وجه ابو وليد من سمع هالاسم .. ولاحظ سعود علامات الارتباك على وجه ابو وليد بس ماعلق لين قال ابو وليد بغصة : كم باقيلك بابريطانيا؟؟
سعود : سنة ونص ان شاء الله ..
ابو وليد : الله يعديها على خير ..
سعود : آمين ..
سكت ابو وليد وضاع بأفكار وماضي قلب حاله هالوقت لضيق ماله مثيل خلاه يستأذن ويطلع قبل مايتعشى .. !!

استغرب سعود منه وعلى حاله الي انقلب فاجأة .. بس مافكر بالموضوع كثير الا يوم قال أبو فيصل : سعود شصار مع ابو وليد ليه طلع مبكر ؟؟
سعود : علمي علمك ياعم !
ابو فيصل بتنهيدة : ايه وانا الي حرصت أعزمه أغير عليه جو الهموم الي عايشها ..
سعود : صحيح مبين عليه واجد مهموم !
ابو فيصل : الله يهدي خاطره هالرجال كان يحلي المجلس بسوالفه .. مادري شالي صار وغيره !
سعود وهو يتذكر وجه ابو وليد الي انقلب فاجأة : سبحان الله .. دنيا ماترحم أحد ..!

جاهم صالح هالوقت وهمس لسعود : شفيكم تسرسرون ..؟؟
سعود : شدخلك ياخي لايكون عشاني عزمتك تحسب لك حق تتدخل بكل شي
صالح : بل بل بل هذا وانت مسافر بكرا ذا كلامك صدق من قال يارايح كثر الفضايح!
سعود : هههههههههههه زين قولي ماتحركت مشاعرك ياخي وفكرت تخطب انت بعد ..
صالح : الا شدراك انت بغربتك مو داري عني انا مفكر من زماااان ..
سعود وهو رافع حواجبه : ماشاء الله زين شفايدة التفكير نبي تنفيذ يالله ..
صالح بتنهيدة : اصبر علي شوي وتشوف الي يسرك
سعود بضحكة : انت شوراك ؟؟
صالح باستهبال : مادري ياهو فيصل ياخالد انت شوف من وراي !
سعود بضحكة : اقول قم بس قم ..!
ضحك صالح واخذه التفكير بهاليوم الي اهو حلم حياته هل بيكون واقع بيوم من الايام ..؟ خطوبته اهو على نور عيونه حنان ؟؟ ثارت مشاعره عند هاللحظة واتمنى من كل قلبه يشوفها .. يلمحها .. بس كيف بيقدر واهو بالملحق واهي داخل البيت .. ياويلي انا واهي بنفس المكان جدران تفصل بيننا بس قلبي عندها آه عساه يفداك حناني !

دخل ابو فيصل وضيفهم على العشا بكل ترحيب وحفاوة ..

وبعد العشا انتقل أنس مع ابو فيصل للمجلس الثاني الي يلتقي فيه مع العروس ..
وآخ من العروس الي ذابحها الحيا ومي قادرة تخطو ولا خطوة

مرام : هههههههههههههههههههههههههههه يازين اختي مادريت انها تستحي
منى : وجع وش شايفتني ؟
لينا : تهبليييييين كلك ملح وقبلة بس ادخلي على اخوووووي تراه حده مستخف ..

منى : اسكتوا تكفون خلوني اضبط عمري .. 1 2 3 4 5 6 ..
ضحكوا عليها البنات وام فيصل قالت : يالله يامنى ياعمري وانا بادخل معاك
اخذت منى نفس طويل وقالت : يالله ..
وفتحت ام فيصل الباب واهي متغطية ودخلت بنتها الي وقفولها كل الجالسين ..
سلموا عليهم وباركولهم واهي عيونها ظايعة وابتسامة حيا محلية وجهها ..
التقت عيونهم ببعض بس بيني وبينكم أنس ماكان أقل ارتباك من منى .. لاهو جرئ مثل خالد ولاهو خبره مثل سعود .. قوي بكل المواقف الا بهاللحظة قلبه يرقع طبووووول ..

نزلت عيونها ووقفت جمبه واهو انحبست الكلمات بحلقه ماقدر ينطق ولا بكلمة مبروك .. جابولهم الطقم وأنس خق هاللحظة بيمسك ايدها ورقبتها ياويل حاله بس ..!!
وحاول يضبط ارتعاشة ايديه ومسك الطقم وبدا يلبسها واهو يلعن بداخله هالعادة الكريهة !!!
طلعوا وفضولهم المجلس ولوهلة كان أنس بيقوم ويطلع معاهم !

انعكست الأدوار هاللحظة وصار أنس اهو الي مرتبك ومنى جاتها جرائة تطالع فيه ..
طالع فيها وماقدر يمنع ابتسامته وأخيرا قدر يقول : مبرووك !
منى بحرج : الله يبارك فيك ..
أنس اتأملها وحس ملامحها الناعمة شبيهة لمغنية أجنبية وقال : شكلك يذكرني بوحده !
منى باستغراب : نعم !
انس انتبه على نفسه وماعرف هذا وقت كلامه ولا لاء وقال : لا ولا شي !
منى : منهي الوحده الي اذكرك فيها ؟؟
انس بارتباك : خلاص منى بعدين ..
منى واهي رافعة حاجب : غريبة شجابها على بالك ..
أنس استغرب منها شفيها هذي زعلت ؟؟ ياماما تراها مغنية بس انا مهبول يوم فتحت السيرة الحين .. وضحك على ملامحها الي انقلبت لضيق وقال : ليه زعلتي تغارين ؟؟
منى ماغير تتلقى صدمات وقالت : نعــم !!
أنس : انتي شفيك مو عاجبك كلامي كل شوي منصدمة !
منى : انا ولا انت الي مو عارف تحكي .. !
أنس بحزن : أفااا ذا أولها ..؟؟
منى ضاق صدرها حيل شفيه هذا قلب الدعوة خناق ! انا الي ألوم حظي على أول لقاء بيننا .. وقفت وقالت : الظاهر محد منا عارف يحكي ..
أنس وقف واهو يقول : على وين ليش قمتي ؟
منى وهي تكابد دمعتها : خلاص باطلع تعبانة وانت بعد روح ارتاح وراك سفر !
أنس اتضااااااااايق يبيها تقعد ويبي يصلح كلامه بس للأسف خانه التعبير وقال : على راحتك !
انقهرت منى من بروده ودارت ويوم جت تبي تطلع نادها بنعومة : منى ..
وقفت منى وحست صوته كنه جايها من عمممممق قلبها والتفتت وبعيونها علامة استفهام..
أنس يبي يقول اي كلمه يداري خاطرها فيها بس ماطلعت معه الا : تصبحين الخير
منى وهي تحاول تخفي سخريتها : وانت من أهله .. (( وطلعت ..
ظل مكانه متحقرص مايدري شلون قال الي قاله وكيف خلاها تطلع وهي زعلانة !! آخ والله غبي قاعد افكر كيف أراضيها اصلا شلون زعلتها بأول مره نتقابل يعل لساني هالي يبيله قطع !

دخلت منى من الباب الخلفي عشان محد يشوفها ويسألها ويحرجها وطلعت من الدرج الخلفي فورا على غرفتها ..

اما بالمجلس تحت دق أنس على أهله وقالهم يطلعون .. استغربوا اجل وين منى ؟؟؟؟
لبسوا عباياتهم وطلعوا وحنان ومرام يودعونهم عند الباب ..

انتبهت هاللحظة مرام لخالد واهو واقف عند الملحق وأشرتله بإيدها ..
طالع فيها وبخاطره ميت عليها بس وجه لها نظرات جامده قهرتها ..

طلع أنس وأهله .. وداروا البنات بيرجعون الا صوت خالد ينادي مرام ..!
التفتت مرام وشافته ومشت بنعومة للدرج الخارجي ..
كان يبي يخانقها يعاتبها يلومها بس آخ ماتحمل شكلها .. كانت لابسة فستان أسود مموج بوردي قصير من قدام وطويل من ورى ومكياجها نفس الفستان ..
تظاهر بالقوة وقال : يعني لو ماناديتك ماكنتي بتطلعين ؟؟
مرام : الا بس مو الحين !
خالد : متى ؟ عقب ماروح !
مرام بدلع لعلها تراضيه : لا اصلا ليه تروح أمس ماشفتك زين وابيك اليوم تسهر معاي ..
ياويل قلبه مايتحمل كل هذا تأملها من راسها لين رجولها بنظرة ولعت كيانها وقال : مرام ترا بتجي لحظة أنسى نفسي فيها ..ارجوك وقتها لا تلوميني !
ضحكت مرام بحيا وقالت : عساها تبطي هاللحظة خالد مافينا نوقع بعقاب ثااني !
خالد بوله : زين مرام اقنعي اهلك يقربون موعد زواجنا شالي انتظر لين تخلصين الجامعة سنة ونص آآآآآآآآآآآآآه ياويل قلبي مو متحمل !
مرام حطت اصبعها على فمه وهي تقول بهمس : أص خاااااالد فضحتنا !
خالد حس بلمستها مثل السحر هز كيانه ومسك ايدها وباسها ..
تلفتت مرام يمين ويسار وهي تحس ان وقفتهم غلط مكانهم غلط حركاتهم غلط بس من وين بيفهم خالد المتهور
سحبت ايدها بخفة وهي تقول : خالد روح حبيبي وكلها ساعة بيفضى البيت ..
خالد اتنهد ومشى واهو يقول : يجيب الله مطر .. !
هزت مرام راسها واهي تضحك عليه ورجعت للبيت .. لقت خالتها والبنات متجمعات وقعدت معاهم ..

انتهت السهرة ودخلوا أبو فيصل وفيصل وسعود وخالد البيت بعد مانبهوا البنات يتسترون ..
أبو فيصل سحب نفسه على غرفته أما الشباب فقعدوا مع خالاتهم الي كانوا مندمجين بالسوالف عن الملكة وأهل أنس

خالد اختار مكانه بكل ثقة جمب مرام ..
وفيصل قعد واهو يقول: وين العروسة ؟؟؟
عبير : شكلها طلعت غرفتها بروح أشوفها .. (( وقامت وطلعت الدرج ..

أما فتون كان وجود فيصل بهالمكان مسبب لها دوامة داخليه ماصارت ولا استوت .. كل مواقفها معاه تطايرت قدام عيونها .. زينها وشينها .. ماتدري ليه وكيف ومتى صار فيصل هاجسها وذكراه ماتغيب عن بالها .. اتمنت لو يحس فيها ويحس بالألم الي سببه لها واهو مايدري .. ولا يمكن يدري .. يمكن متعمد !! طيب ليه يافيصل مو انت تحبني ..؟ ليه تعاملني بهالشكل ؟؟ ليه صرت قاسي فيصل ترا مو حلو عليك ؟؟

انتبهت على أصواتهم وخالد يقول : عساها تقلع قبل ماتوصلها يارب ..
فيصل : عادي أحجز على الي بعدها ..
خالد : عسى حريقة تصيب طيارات المطار كلها بعد ..

مرام بالقوة كتمت ضحكتها .. وسعود قال : خالد وجع ! خلني أسافر همين ادع مثل ماتبي ..
خالد : وانت بعد عسى شركتك تطردك وترجعلنا من ثاني يوم ..
سعود : الحمدلله والشكر انت شفيها فيوزك ضاربه ؟؟
خالد : فيوزي ضاربة عاد ذا شي يخصني .. بس انتوا اسألوا انفسكم يالمثقفين بالله الثقافة مو موجودة الا برا السعودية عشان تسافرولها ؟؟؟
سعود : السعودية فيها الخير والبركة بس مهي كاملة .. لو الي نبيه بالذات موجود فيها كان ما ابتعثتنا شراكتنا ..
خالد : أجل تدري.. يعل شركاتكم الدمار الشامل الي ينسفها بلارحمة!!

هنا مرام ماتحملت وانفجرت : هههههههههههههههههههههههههههههههههههههههههههههههههه هههههههههههه
ضحك خالد على ضحكها وفيصل قال : يبه بسااااافر يعني بسافر وانت موت بحرتك !

فتون كانت قريبة من فيصل وقالت واهي مغطيه وجهها بجوالها : مو بس اهو !!

التفتلها فيصل بخفة واهو يحاول يستوعب كلامها .. وده يسألها بس مو قادر لأن أي كلام زايد بيكون مفضوح بهالجلسة .. اتنهد تنهيدة ماخفت على فتون .. وبعدها قال : خل سفري يحسسك بقيمتي ياما ركضت وراك وترجيتك وماشفت منك الا الصد والاستهتار
خالد الي مافهم وقال : يالخراط من متى وانت تلاحقني .. أنا الي أدورك وأدق عليك والفواتير تثبت ولا نسينا ماكلينا ؟؟؟
مرام : ههههههههههه اتخانقوا !! ياهوه هدوا اللعب كلها ساعات وتتوادعون ..

ساره : لا انا بروح مع فيصل ..
فيصل بحنية : ياروح فيصل انتي الي تستاهلين أكنسل سفرتي عشان هالقلب الطيب بعد عمري
ساره : طيب لاتسافر ..!
خالد : أحلى سوسو ايه هاوشيه قوليله لو سافرت انا باتعب واظيع بدونك ..
ساره : لو سافرت أنا بمووت !

فتون ماتحملت وتجمعت الدموع بعيونها وقامت ماشية للمطبخ .. محد اهتم لحركتها حيل الا فيصل الا اتمنى يقوم ويلحقها ..
وقال بحمق : اسم الله عليك حياتي شالي تموتين ساره انتي بتحتريني لين أرجع وأجيبلك هدية حلوووووة معااااي
ساره : وشهي ؟؟
فيصل : أنا بدق عليك من هناك وأقولك وش الاشياء الحلوة وانتي تختارين ..
ساره بفرح : طيييييييب ..

حنان : سوسو تعالي حبيبتي ..
جتها ساره ومسكت حنان دقنها وباستها على خدها وقالت : روحي البسي بجامتك عشان تنامين عندي اليوم
ساره بفرح : والله ؟؟؟؟؟؟؟؟؟؟؟؟؟
حنان بابتسامة : اي والله
ساره : طيب بجيب دورا من الحوش تنام معانا
حنان : يالله روحي جيبيها بسرعه ..

طلعت ساره الحوش تركض تدور لعبتها .. وأثناء هالوقت انتبهت للملحق مفتوح بابه والنور ! مشت بخفة لين الباب ووقف وراه تطالع من بعيد ..
" تعالي ياحلوة "
انتفضت ساره بخوف يوم سمعت الصوت وقالت يوم انتبهت لرجال بالملحق : انت مييييييين؟؟
" أنا صالح عم فتووون تعالي سلمي علي "
مشت ساره بحيا ودخلت ومشت لعنده وسلم عليها وعلى طول انتبه لخدها الأحمر وقال : من عورك هنا ؟؟؟
ساره : وين ؟؟
صالح واهو يأَشر على خدها : هنا فيه جرح أحمر ..
ساره اتذكرت وقالت وهي تضحك : هذا مو جرح .. هذي ماما حنان باثـتني بقوة !
فتح صالح فمه ببلاهة واهو مبتسم ويتخيل حنانه بالروج الأحمر تبوس ساره ! آه ياويل قلبي ويلااااااااه .. كافي ياحنان طيرتي مخي يابنت الناس وانا واياك مالتقينا !!
ابتسم لساره وقال : تحبين ماما حنان ؟؟
سار وهي توسع ايدينها : ايه أحبها قد البحررررررررررر
صالح : هههههههه ماشاء الله واهي تحبك ؟؟
ساره بحماس : تحبني أكثر وحده بالعاااااااااااالم .. !
صالح : واااااااو شدراك ؟؟؟
ساره بفرح : هي قالتلي وقالت لو أنا مت بتموت معااااااااي !
كشر صالح من هالكلام وقال بضيق : شدخل الموت اسم الله عليك انتي واهي ..
ساره ببرائة تقلد نفس سؤاله : وانت تحب ماما حنان ؟؟
انصدم صالح من سؤالها .. شهالبرائة الي خلتك تسألين أخطر سؤال على قلبي ؟؟ كلمة أحبك قليييييييلة بحق مشاعري تجاهها بس انتي شعرفك يالمفعوصة !
وابتسم وقال : اذا انتي تحبنيها انا بحبها ..
ضحكت ساره وقالت : بث ترا هي ماراح تحبك .. هي قالت انا بث تحبني أكثر وحده بالعاااااااااالم !
ضحك صالح .. شكلها متونسة بهالحب والله مالومك بحبها ياجعلي فدوة لقلبها وقال : اوكي ياحلوة ممكن تجيبلي موية ؟؟؟
ساره : طيب تعال داخل كلهم هناك ..
صالح بضحكة : ماقدر انا قاعد أستنى سعود يجي يوصلني البيت ..
هزت ساره راسها واهي مو فاهمة وصالح قال : هاه تجيبيلي موية ..؟
ساره : طيب بس أول بدور دورا ..
صالح مافهم شدخل هالدورا وقال : جيبلي موية يالله عشان أعطيك حاجة حلوة ..
ساره : وشوووووووو
صالح : مفاجــــأة !
ساره بحماس : معاك الحييييييييين ؟؟
صالح : ايه معاااي بس جيبلي موية بسررررعه
ساره وهي تضحك : طيب ..
وركضت لداخل البيت وصالح يضحك عليها .. تجنن الله يحفظها مالوم حنان بحبها .. حنان .. آه حناني متى نستوعب واقعنا ونعرف بعضنا .. متى !

دخلت ساره البيت واهي تركض وراحت للثلاجة فتحتها وأخذت قارورة موية ورجعت تركض للباب تبي تطلع الحوش
نادتها حنان : سوسو شعندك طالعة مو قلتي تجيبين دورا وتجين ؟؟؟؟
ساره ركضت لها ومسكتها مع ايدها تسحبها وتقول : تعالي نشوف المفااااااجأة
حنان واهي تمشي معها : أي مفاجأة ؟؟
ساره : ماااااادري بس فيه مفاجأة برا ..
حنان : ساره شهالخرابيط امشي معاي بس ندخل
ساره جرتها للحوش ومشت فيها للملحق واهي تقول : اول شوفي المفاجأة بعدين نرجع ..
وصلت الملحق وحنان تقول : سوسو مافي شي بالمجلس حبيبتي .. دورا مو هنا دورا بالحديقة الي ورا ..

ساره فتحت الباب بوسعه واهي تقول : انا مابي دورا ابي المفاجأة !

رفعت حنان عيونها لتوقع بأكبر صدمة يوم شافت صالح واقف قدامها وسط المجلس !
شخص بصرها فيه وقالت بلا شعور : انـ ـت ؟؟
صالح ماكان أقل صدمة منها .. فجأة تظهر بنت قدامه ويوم شاف لقاها حبيبة قلبه الي اتمنى يلمحها بس بهاليوم !
اتعلقت عيونه فيها لحظات ومافهم سؤالها الموجه له ! وماطال تفكيره الا يوم دارت بسرعه بترجع لكن ساره مسكت ايدها وهي تقول : تعالي نشوف المفاجأة !!
حنان حاولت تجر ايدها من ساره واهي شوي ويغمى عليها من الصدمة والفشلة ! وماصدقت فلتت ايدها جت تبي تمشي إلا لقت نفسها واقعة بورطة ثاني يوم اتمسكت خيوط الدعاسة الي عند الباب براس كعبها !!

حاولت تجره بس كانت بتطيح ! غمضت عينها بقوة واهي تتمنى الأرض تنشق وتبلعها .. بغت تنحني وتنفصخ الصندل وتتركه مكانه وترجع لكن اتذكرت ان الصندل عبارة عن حبال لنص الساق وياحليلها واهي تكشف ساقها قدامه ..!!
شافها صالح واهي تسحب رجلها بقوه ومتمسكة بحافة الباب وساره جمبها تطالعها بحيرة!!

احتار لحظات هل يجي يساعدها ولا يتركها وياصعوبة هالموقف على كل واحد منهم !! بس كان لابد من انه يتحرك ويسوي شي ولا بتموت من فشلتها قدامه ..
مشى وقلبه يخفق بعنف ونزل عيونه بالأرض لين وصلها وانحنى على الأرض ومسك صندلها بصوابع مرتعشة ورفعه واهي ولعت من الحيا والفشلة .. ! فك خيوط الدعاسة من كعبها .. وترك صندلها وفهمت انها أخيرا فرجت ..
دارت بسرعه وضربت الأرض ركض على داخل بدون حتى ماتشكره !!

لحقها صالح بعيونه واهي تركض مبتعدة وقلبه طاير معها .. رمى نفسه على الأرض وجلس والموقف ينعاد قدامه وقلبه يرقع طبووووووول .. حوريه الي كانت قدامي !!حمرة هادية كانت معتليه وجهها .. هذا المكياج ؟؟ ولا هذا الحيا ؟؟ ولاهذي طبيعتك حناني ..ياويلااااه شلون جيتي برجولك لمكاني ؟؟ وحققتيلي أجمل أمنيه بشوفتك ! بس شقصدك يوم تسأليني " انت" ؟ معقول هاللحظة خلتها تربط بيني وبين العضو المجهول ؟؟ ولا أنا ماعندي غير هالتفكير بس واهي قصدها شي ثاني ؟؟ آه حناني .. ملكتي روحي وقلبي ووجداااااااااااني ! << ماقدر على هالرومانسية ..

اتنهد من كل قلبه وفاجأة استوعب المكان الي قاعد فيه ووقف بسرعه ومشى لجواله يدق على سعود هذا الي قاله دقايق وأجيك والحين خاس داخل ماطلع !

حنان دخلت واهي ماتشوف طريقها من الاحرااااج الي متملكها من راسها لرجولها .. طلعت غرفتها بسرعه وقلبها ماهدت دقاته من رفعت راسها وشافته لهاللحظة .. ياربي أنا شوداني لعنده ؟؟ شهالموقف الي طحت فيه معاه .. ليه معاك انت صالح بالذات .. ؟؟ دخلت غرفتها وساره معها ماهمست ولا بكلمة .. سكرت باب غرفتها وقعدت على السرير والموقف ينعاد قدامها .. شفت بعينك نظرة مو غريبه علي صالح .. ليه أحسك قريب مني وانت أبعد مايكون عني .. ؟؟ ياربي وش بيقول عني الحين ؟؟
صدقتي ياساره وربي مفاجأة !!

::

قامت ام سعود تلبس عبايتها بيطلعون .. وفيصل مشى للمطبخ وشاف بابه الخارجي مفتوح !! مشى بخفة واهو يتلفت وراه وطلع من الباب ..
دار بعيونه وانتبه لفتون قاعدة على الدرج المجانب للمطبخ ورافعة ركبها ودافنة وجهها بينهم وتبكي وشعرها القصير طايح على جوانب وجهها .. !! انصدم من شكلها وفرجة بين شفاته مفتوحة واهو يطالعها وقلبه تقطططططع بداخله عليها !! هذي المره الثانية من بعد المخزن يشوفها بمنظر يقطع قلبه .. مشى خطوة لا شعوريه ناحيتها .. كان يبي يرفع راسه يمسح دمعها يضمها يهديها يعرف شالي يبكيها .. بس وقف مكانه واستوعب الوضع الي بينهم ونزل عيونه بالأرض وتنحنح بخفة لايخرعها ..

انتبهت فتون للصوت ورفعت راسها وشافته قدامها ومسحت دموعها بسرعه ولفت طرحتها على راسها ووقفت ..
رفع فيصل عينه ومشى بخفة واهو يراقب وجهها بعد ماتركت الدموع آثارها عليه .. ماتحمل منظرها وقال : فتون شفيك ؟؟
بلعت فتون ريقها تكتمت شهاقها وضاعت عيونها بالفراغ والدموع مجمعة فيها ..
فيصل بحنيه : ليه تبكين يافتون ؟؟
فتون انقهرت منه يعني مو عارف ليه أبكي ؟؟ مو عارف انه من رجعني ذاك اليوم بيتي وذا حالي ! غبي يافيصل ولا تستغبي !
فيصل بدا يتسوعب شالي فيها واتنهد بخفة واتذكر كلمتها بالصالة وقال : شكنتي تقصدين؟؟
فهمت فتون انه يقصد كلمتها الي بالصالة وقالت بصوت مليان دموع : فيصل سفرك بيموت ناس كثير بحرتهم .. مافيك ترحمهم وتكنسل ؟؟؟
فيصل لوهلة بغى يضعف .. كل هالي فيك حياتي عشاني بسافر ؟؟ وقال : ولو رحمتهم وكنسلت يافتوون قوليلي انا وش كسبان ؟؟ بتظلين انتي فتون انتي المستهترة بكل شي .. مستهترة بوجودي مستهترة بمشاعري مستهترة بكلامي وبتحرقين قلبي مثل ماكنتي تحرقينه دايم !
فتون : لا فيصل لاااا ..
فيصل : شلون لا مو كنتي كذا دايم معاي ؟؟
فتون : ايه كنت كذا فيصل لأني وبكل صراحة ماكنت أحبك .. ماكان يعجبني اهتمامك فيني لأني أحسك فاهمني وفاهم حركاتي وكاشف كل صغيرة وكبيرة عني ومقيدني بتصرفاتي وانا ماحب أحد يتحكم فيني ولا يفرض جمايله علي.. !
فيصل بسخرية : يعني حبي واهتمامي لك كرهك فيني ..
فتون : هذاك أول فيصل مو الحين ..
فيصل : وشالي اتغير الحين ؟؟
فتون : مادري فيصل احس اني بموت اذا سافرت .. مو قادرة أتحمل فكرة انك بتسافر وتخليني وش ممكن تفسر هذا انت قوول ؟؟
فيصل سكت ونقل بصره بين عيونها الاثنين كنه يحاول يقرا مشاعرها فيهم .. مابغى يوهم نفسه بمشاعرها الانفعالية الي مايدري هل هي وليدة لحظة ولا مشاعر نابعة من عمق قلبها !
سكت لحظات كانت دهووور على قلب فتون الي تحس بالنار تحرق كيانها بسبته .. وأخيرا نطق وقال : فتون انا مابي أعرف وش مشاعرك هاللحظة .. أي شخص ممكن يتألم من فراق واحد كان مسوي ضجة بحياته وش ماكان نوع هالضجة .. خلي سفرتي هذي تكون اختبار فعلي لمشاعرك وتعرفين اذا انا فعلا صرت شي بالنسبة لك ولا لاء ؟؟
فتون : فيصل بدون ماتسافر وبدون ما اختبر نفسي انا متأكدة انك شي كبير بالنسبة لي ..
ابتسم فيصل وقال : حتى بأجمل أحلامي ماحلمت انك بتبكين علي بهالشكل وتترجيني أبقى قربك !
فتون : تتريق ؟؟
فيصل : لا سلامتك ..
فتون : عادي ترا يحقلك .. انا الي عايشة مافكر الا بنفسي ماصدقت ان بيجي يوم أبكي وأزعل على واحد والعجيب ان هالواحد انت ..
فيصل : وبتستغربين اني زعلان أكثر من اني فرحان !
فتون : ليه !
فيصل : كان ودي توتعين على عمرك قبل .. يوم اني موجود قربك وبين ايديك .. أما الحين فتون انا يوم قررت أسافر مافكرت أتراجع عن سفري ولا لأي سبب كان !

فتون بهمس : انت ليه صاير قاسي ؟؟
فيصل : على إيدك .. انتي الي علمتيني .. !
فتون : فيصل بتذبحني بسفرتك !
فيصل : صدقيني بتتألمين بالبداية وبعدها بارجع شخص عادي مثل ماكنت ..
فتون : ليه انت مو مصدقني لهالدرجة ؟
فيصل : بعد كل الي شفت منك صعبة أصدقك بكل بساطة ..

فتون انطعن قلبهــــا بكل ألم !! ليه يوم اتغيرت مشاعرها ناحيته سخر منها وتركها !! ولعـــــــت من الغيـــــــظ والقهــــــر ..وحست بجرح بكربيائها ومن مين بعد ؟؟ من الشخص الي كانت اهي تتفنن بجرحه طول حياتها .. ! بس مولهالدرجة اهي ضعيفة ولا لهالدرجة مشاعرها تتحكم فيها وتذلها ..

رجعت خطوة على ورى وطالعته من فوق لتحت وايه رافعة حاحب واحد وقالت بصوت متهدج من الدموع : اوكي فيصل .. خل سفرك ينفعك !!!

ودارت عنه مسرعة لداخل وعيونه تتبعها وكلامها ينعاد بباله .. " خل سفرك ينفعك " طبعا بينفعني بس انتي شقصدك فتون ؟؟ دار مكانه لحظات وفجأة وقف يوم اتذكر سلطان .. ! هذا الي شافها معاه .. وأكيد ذا نفسه الي سمعها من فترة تكلم عهود بالجوال عنه !! لايكون بيصفالك الجو يافتون اذا سافرت تلعبين وتتهورين كعادتك ؟؟؟ انا مسافر ايه وأهم أسباب سفري اهي انك تعيشين فراقي وقيمتي لحظة بلحظة .. تبكين على غيابي وتتحرين رجعتي يوم ورى يوم .. !! لكن سلطان هذا الي طلعلي مادري من وين ؟؟ مايدري ليه نغزه قلبه ومارتاح خاصة يوم ابتعدت فتون الحين واهي تتظاهر بالقوة وممكن تنتقم لكرامتها بأي تهور تقدم عليه ..

لا فتون حبي اي نعم انا قسيت عليك بس صدقيني أحبك وأبيك ومستحيل أتركك تظيعين من إيدي لو تنقلب الدنيا فوق تحت !!
وعلى هالخاطر مشى مسرع لداخل يبي يلحق عليهم قبل يطلعون .. دخل الصالة ولقى عبير طالعة نادها بسرعه : عبير وين أمك ؟؟؟
عبير : برا عند الباب ..
تجاوزها فيصل بسرعه وطلع وشاف خالته عند الباب .. ناداها بسرعه واستغربت منه بس ماتركلها مجال تفكر .. مسك ايدها ومشى معها للملحق ودخل واياها وسكر الباب !











في أكشخ وأجمل قصور الحي .. انفتح باب الشارع المزين بأجمل ديزاين يعكس صورة لديزاين القصر من داخل .. لا بالتصميم ولا بتناسق الألوان والصبغ والبوية ..
كان هالقصر اهو حديث الحي بجمال تصميمه وروعة ألوانه ..
دخل " أبو وليد " البيت ومشى يسحب رجوله تسحيب وفتح الباب الداخلي ودخل ..ما أمداه يدخل الا وصلت لمسامعه ضجة عالية عكس الهدوء الي كان يحسه قبل لحظات دخوله ..
سكر الباب ومشي واهو يهز راسه باستيهاء من هالضجة الي مسببتها بنته .. صعد الدرج لين وصل الصالة وشافها متخصره بطرحتها ورافعة أغاني التلفزيون على أعلى شي وتهز وسطها وترقص وتغني وبنت عمها تصفقلها وتضحك ..
ضحكت من شافت أبوها وصارت تكمل الأغنيه واهي تأشرله وبنت عمها استحت ومسكت الريموت وقصرت الصوت ..
مشى أبو وليد واهو يقول : شهالازعاج يامشاعل يعني مايحلالك الرقص الا بهالفوضى
مشاعل : عييييييييييد يابابي عيييييييييييد ..
أبو وليد : واذا صار عيد تتسخفين انتي وبنت عمك بهالشكل ؟؟
ملاك : انا ماسويت شي ياعمي من أول أقولها اعقلللللللي .. اهجدددددددي .. اركدددددددي .. مافيه فايدة ..
ابو وليد : عن النصب عاد شايفك تصفقيلها ..
مشاعل : أحلى يالكسحة هههههههههههههههههههههههههههههههههههههههههههه
ابتسم ابو وليد وطلع محفظته من جيبه واهو يقول : باعطيك عديتك وعدية اخوانك ملاك لا تنسين تعطينهم ..
ملاك : ان شاء الله عمي..
وكان أسهل شي عليه انه يعايدها 2000 ريال واخوانها الصغار كل واحد 1000 ..
أجل بنته مشاعل تتوقعون كم عايدها ؟؟؟
شكرته ملاك وباست راسه ومشى عنهم وهو يقول : ملاك لك اسبوع عندنا متى ناوية ترجعين ؟؟
ملاك وهي تضحك : طردة مؤدبة عمووو بس شعليك ماكووو احساس أبد ..
مشاعل : بعدين خلها يبه مونستني بدل اخواني الي ماينشافون .. لو الله رازقني باخت كان ماطالعت بوجهها !
ملاك : نذذذذذذذذذذذلة وقسم !
أبو وليد عوره قلبه من هالكلام ونزل عينه الأرض ومشى عنهم واهو يحس بلفحات حارقة تلفح قلبه وروحه وكيانه .. اتنهد من كل قلبه واهو يكابد دمعة جريحة سكنت وسط عينه .. بلعتها عينه غصب وفتح جناح غرفته ودخل ..
مشى واهو يتلفت يدور زوجته الا سمع صوت الدش بالحمام .. فسخ شماغة وحس حيله طاااااايح ومهدووود ..
طاري الماضي ينسف قلبه بلا رحمه .. يحسسه بضيق خانق شوي ويقضي عليه .. مشى يجر جروحه وراه .. وفتح أحد أدراجه بوجه حزيييين وعيون تصرخ بالألم .. طلع أحد الصناديق من داخل الدرج .. وفتحه بخفة .. فتش فيه بسرعه لين لقى الصورة الي يبيها .. طلعها بسرعه واتأملهت لحظات .. هنا بس خانته دمعته وسالت ! اتنهد من خاطر قلب انصعق من جرح القدر ! رجع الصورة مكانها وسكر الصندوق ورجعه مكانه ..

أوقات تنتهي الأحلام .. وتختفي الحواس .. ويذبل الماضي .. وتظل الصور وبس الصور اهي الي تحرق القلب وتجدد فيه المعاناة ليظل هذا حال الشخص طول حياته ..

****
.. صباح ثالث العيد .. يوم سفر الحبايب

صحت منى واهي الي ماغفت لها عين طول الليل من القهر والحزن .. شهالحظ الي ربطها بانسان لليلة وحده وبيسافر ويتركها ؟؟ وياليت يوم لقائهم كان ممتع يترك بقلوبهم ذكرى حالمة وحلوة !! لقاء ماتوصفه الا بلقاء مقيت ماتوقعت ان يكون هذا حظها بيوم ملكتها .. اتنهدت واهي تحسب الوقت الباقي لسفره 4 ساعات وبيطلع اهو وسعود للمطار ! وينه حتى اتصال مافكر يتصل ولايرسل أجل من الحين حكمت على حالي معاه طول سفره أكيد مو معبرني لا باتصال ولا رسايل !! ضحكت بسخرية على عمرها وقامت بدلت ملابسها ونزلت الصالة لقت العيلة كلها مجتمعة حتى مرام الي مو من عادتها تصحى بدري الا انها كانت موجودة بهالوقت لأن هالوقت غير .. وقت وداع أخوهم الغالي ..
أخفت حزنها بقلبها ومشت وقعدت معاهم وانتبهت لفيصل واهو يكلم أمه بهمس وأم فيصل تهز راسها بسرعه ..
منى : شعندك يالأخو سمعنا خلنا نشبع من سوالفك قبل ترووووووح
فيصل : هلا صباح الخير قمتي ؟؟
منى : لا توني بس قلت أسلم عليك وأرجع غرفتي أكمل نومي ..
فيصل : زين ارجعي لأني خلاص ماشي (( ووقف
وقفت منى واهي تقول : الحين ؟؟؟
فيصل : ايه .. أبوي برا ينتظرني ..
منى بحزن : ياعمري يافيصل مو متخيله البيت بدووونك ..
مرام : أبد ياشيخة مو متخيلة لا البيت ولا أي شي ثاني بدووونه
فيصل باستهبال : خلاص لا تتخيلون كلها ساعه ويصير واقعي عيشوه بكل أوجاعه !
ابتسمت ام فيصل واهي الي زيها زي أي أم يعز عليها فراق ولدها الكبير..
دق أبو فيصل بوري السيارة بالشارع ليعن وصول لحظة الواداع ..
سلم على أمه وضمها .. وعقب سلم على خواته الي دمعت عيونهم بس ماخلاهم بدون مايمازحهم ويتوعدهم لالمسوا أغراضه ودخلوا غرفته المهم ضحكهم قبل يطلع ..
وطلع عنهم وأمه طلعت معاه تبي تشبع عينها منه لآخر لحظة ..

منى اتنهدت تنهيدة طوييييييييلة حست مرام انها مو على فيصل بس
وقالت : مادق ؟؟
منى وهي تقعد : أبد ..
منى : ياختي احس هالرجال مايحب يتصرف من بُعد .. أحس يبي كل شي يكون فعلي وواضح قدامه !
منى بسخرية : يقوم يسفهني بهالشكل عشان تفكيره المعووج هذا
مرام : ماتدرين منى يمكن يمرك ؟؟
منى : ههههههههههه يوم سفره بعد كثري منهااااا
مرام : والله ترا كل شي جايز
منى : حبيبتي هذا خلودك راعي هالحركات المتهورة .. أما أنس مستحيل ..((ومشت واهي تقول : خليني اشوف امي اكيد بتدخل منهارة الحين ..

طلع فيصل الحوش شاف ساره ومشعل ..
مشى لهم واهو يقول : يالله ساره انا ماشي حبيبتي وخذي رقمي من ماما بعدين كل مابغيتي شي دقي اطلبيه مني ..
مشعل : وانا ؟؟
فيصل حن عليه هاللحظة وقال بابتسامة : وانت بعد .. (( وقال يبي ينفخه : عاد لاوصيك يامشعل انت ولي العهد من بعدي خلك رجال انتبه على أمي وخواتي وعلى ساره ..
مشعل خبط على صدره يقلد حركات فيصل وقال : ابشر وانا اخوك
ضحك فيصل عليه وسلم عليهم وطلع ..

ركب السيارة ومشى اهو وأبوه للمطار .. مرت السيارة من الشارع الكبير الي منه ينفصل شارع ثاني يودي لبيت خالته .. كان بكل مره يمسك هالشارع ويمشي منه
وهالمرة اتجاوزه واابتعد عنه !!
وعيونه اتعلقت فيه .. وارتسمت صورتها قدامه ..
و
مسافر ياحبيب الروح وأنا كلي ألم وجروح
أببعد عن هوك وأروح سامحني على الفراق

::

بنفس الوقت
صرخت فتون واهي نازلة الدرج وانتبه لصراخها سعود واهو بالغرفة .. طلع بسرعه شافها طايحة بالدرج وماسكة ساقها بألم
سعود بخوف : فتون شفيك عسى ماشر ؟؟؟
فتون واهي مغمضة عينها بقوة : مانتبهت لأول درجة وطحت ..
سعود واهو ينحني قدامها : اسم الله عليك شلون مانتبهتي .. مظيعة الطريق انتي ؟؟
بلعت فتون غصتها واهي حاسة فعلا انها مظيعة طريق حياتها كله .. توهم قالولها فيصل طلع المطار .. يعني سواها وراح !! لآخر لحظة حلمت انه يلغي سفرته .. ماصدقت ان الي صار بينهم أمس اهو نهاية المطاف ! اتمنت لو تسمع صوته تسمع كلمة تغير مشاعرها الي حستها أمس بعد كلامه .. قوية على قلبها فراق اثنين بنفس اليوم .. راح فيصل .. وكلها كم ساعه ويروح سعود ..
اتمسكت بملابسه ورمت صدرها عليه وصارت تبكي وتناهج بكل ألم وتقول : لا تساااافر .. لا تسااافر
انهبل سعود منها ومن بكاها !! شفيها تبكي بهالشكل هذي حتى يوم سفري بالبداية مابكت كذا ..!
ضمها بحنية وقال : فتوووون يافتووون مايصير تبكين كذا وتقطعين قلبك وقلبي معاك .. ولا انا الغلطان الي جيت هالمرة علقتك فيني كان أزين لو خلصت هالسنتين ورجعت مره وحده!
فتون ماردت وظلت تبكي .. تبكي بلا شعور .. بلا ادراك .. تبكي مشاعرها الي انقتلت بمهادها .. تبكي جرح كرامتها .. تبكي وداعية من سكن وتربع على عرش قلبها .. من تحس بظياع من بعده .. فراغ مايملاه غيره .. اهم اثنين استووا كل دنيتها .. وهالاثنين تركوها .. وقالت من بين شهاقها : انت مالومك ياسعود لكن اهو ....
سعود باستغراب : منهو ؟؟
رفعت فتون راسها ومسحت دموعها بأصابعها ووقفت بسرعه وراحت لغرفتها تاركة سعود غرقان بحيرته .. معقولة تقصد فيصل ؟؟؟
اهي حكته عن الي صارلها بالمخزن وفسرتله ضيقتها وحزنها بانها مدينة لشخص تكرهه .. وهالشي حيل مئلمها .. بس الحين شكلها تبكي على فراقه ؟؟ شهالمشاعر المتناقضة بقلبك فتون ؟؟

وقف واهو يتنهد .. هالبنت بتظيع لو محد انتبهلها .. !!
عبير منشغلة بالترتيب لزواجها ..
خالد من ملك واهو ماعاد ينشاف دومه ويا مرام ..
وأنا بسافر راجع لشغلي ..
وإهي ... من لها ؟؟
حس انها تحس بنقص وفراغ فظيع وعز عليه وضعها .. نزل الدرج وبخاطره يكلم أمه تلتفتلها أكثر .. وتحط عينها عليها لايقتلها فراغها وتوقع بغلط ماتدركه ..
سعود الوحيد بهاللحظة .. وحطوا تحت "الوحيد" مليون خط ..
الوحيد الي فهم وضعها وحالتها وشالي ممكن يسببه هالفراق فيها ؟؟؟؟
وشال همها مثل الجبل على قلبه .. ومهو أول مره سعود يحس إحساس بفتون .. ويصدق هالاحساس ويوقع !!

*****

.. مرت الساعات .. وحانت لحظة وداع سفر أنس وسعود ..
كانت منى بالمطبخ تحاول تحبس دمعاتها وجرح قلبها الي نزف بليلة ملكتها ! سخرت من نفسها ومن حظها .. تحس بلوعة تكوي قلبها ومحد حاس فيها .. امها بغرفتها تبكي على فيصل ومرام مختفية أكيد تكلم خالد .. مشت طالعة الدرج الا يوم جتها الخدامة من الحوش تقول : منى .. في واحد يبغى انتي !!
منى بصدمة : واحد ؟؟؟
واتي : ايوا .. واقف بالحوش كلام نادي منى سرعه ..
استغربت منى ومشت لشباك الصالة وطالعت الحوش
و
انصدمــــــــــــــت يوم شـــــــــافته !
كان أنس واقف ببدلة السفر ومدخل كفوفه بجيبه ويدور بخفة يتأمل المكان حوله ..
خفق قلبها بكل عنف ! أنس .. !! جاي بيتي شتبي ؟؟ ضحكت على نفسها جاي شيبي يعني أكيد يشوفني !! ياويلي شلون بطلعله ؟؟ تسارعت أنفاسها واهي واقفة تتأمله بحيره .. هوسها شكله المختلف تماما عن شكله ليلة البارح يوم كان بالثوب والمشلح .. والحين شكل ثااااااني بالبدلة ..

" منى "
انتفضت من مكانها بخوف واستغربت مرام واهي تقول : شفيك اخترعتي اناديك بس!!
منى برجفة : مرام أنس براااااا قال للخدامة تناديني !
مرام بفرح : جــــــــــــد ؟؟ طيب وش تنتظرين اطلعيييييي ..
منى : مادري شلون أطلع لي شوي ماغير أطالعه من الشباك مو قادرة أطلللع
مرام بصدمة : الرجال وراه سفر يامهبولة وشكله مر يبي يسلم عليك وانتي متيبسة مكانك .. قوووومي اتحركي ..
منى : ياربي يامرااااام خااااايفة ..
مرام : ترا بيروح ويخليك ووقاتها خافي مثل ماتبين ..
منى بلعت ريقها وقالت : اوكي شلون شكلي؟؟
مرام بضحكة : والله تهبلين ..
كان شعرها سايح من بعد ليلة الملكة حتى مكياجها تارك أثر خفيف على وجهها .. ولابسة بانطلون جينز لو ويست وبلوزة قطنيه عادية ..
منى طالعت بلوزة مرام البنية ومموجة بذهبي وقالت : مرام عطيني بلوزتك بسرعه..
مرام وهي تضحك : يابنت مافي وقت رووووحي
منى : لا والله بلوزتك أحلــــــــــــى افصخيها بسرعه ..
ضحكت مرام وهي تقول : طيب يالله فصخي الي عليك بسرعه ..

وقفوا خلف الباب وهم يضحكون وبسرعه كل وحده فصخت بلوزتها وعطتها الثانية .. ولصغر حجم مرام صارت بلوزتها ماسكة على منى ومبينة مفاتنها بطريقة جذابة ..
مشت مسرعه للباب ولقت عطر على الطاولة بخت منه وأخذت نفس طوييييييييييل وفتحت الباب وطلعت..

كان أنس يراقب الباب وأول مانفتح اتعلقت عيونه فيه أكثر .. شافها يوم طلعت وابتسم ابتسامة ناعمة ..
مشت بخفة لين الدرج واتسمرت مكانها ماقدرت تنزل ..
مشى أنس واهو منخبل من هيأتها الناعمة وقال : هلا بالزعلانين وغلا ..!
منى بغت تبكي يوم تذكرت الي صار وزود على كذا تطنيشه لها والحين من حياها الي بيذبحها .. وقالت بهمس : هلا أنس ..
كان أنس آخر الدرج واهي أوله .. مد إيده لها يبيها تنزل .. منى ارتعشت ايدينها وتردد لحظات وبالآخر رفعت ايدها وحطتها بإيده ..
مسكها بنعومة ونزلها واهو يقول : شلونك منى ؟؟
منى بحرج : تمام .. وانت ... ؟
انس : وشو أنا ؟؟؟
منى : انت شلونك ؟؟؟
أنس : بصراحة مو بخير ..
منى بتلقائية : ليه عسى ماشر ؟؟
أنس : شلون أكون بخير وحبيبتي زعلانة !
ولع وجه منى من الحيا وانخنقت الكلمات بحلقها ودقات قلبها المتعالية تحسه بيسمعها لأنها بعد كانت قريبة حيل منه !
أنس : منى تدرين اني بسافر الحين ابريطانيا .. وطبعا ماهان علي أروح بدون ماشوفك وأسمح خاطرك لأني أدري انك حاقدة علي ..
منى هاللحظة نست كل آلامها وقالت : لا أنس عادي بس .. فقـ ـدتـ ـك !
أنس رق قلبه وقال : ياعمري صدقيني مارحتي عن بالي ولا لحظة .. بس احترت وش أدق عليك أقول ؟؟ تراني خبل ماعرف أحكي كلمتين حلوة على بعض الا وأخربها بكلمة مالأمها داعي ..
ضحكت منى بخفة على كلامه ,, واهو انهوس على ضحكتها الناعمة وكمل : عشان كذا قلت مايطفي ناري الا شوفتك .. وهذاني جيتك طاير كلي أمل تريحيني ان مابخاطرك شي !
منى ماحبت تضايقه واهو الي متعني لها وغايته يرضيها ونست كل أحزانها وقالت بابتسامة : مو بخاطري شي أنس .. وجيتك الحين عندي بالدنيا ..
أنس : ياااااااااابعد عمري انتي ..
منى ماعرفت شلون طلع منها الكلام بس حست قلبها الي يحكي مو لسانها .. اتعلقت عيونهم ببعض لحظات حست منى بألم لرحيله .. ولاشعوريا اتجمعت الدموع بعيونها بشكل قطع قلب أنس وقال بحنية : لا منى مابي دموع .. تراني خلقة ماتحملها مو عاد تطلع من منى عمري !
" منى عمري " سحرتها هالكلمة وذوبتها .. ورسمت ابتسامة ناعمة على شفتها وقالت بصوت متهدج من الدموع : بافقدك أنس .. تروح وتجي بالسلامة ..
أنس : يسلمك لي ربي قولي آمين
منى بهمس : آمين ..
طالعها أنس لحظات اتمنى الدنيا توقف عند هاللحظة .. بس الواقع يفرض على هاللحظة تنتهي وينتهي أجمل لقاء عاشه بحياته ..
رفع ايده وطالع الساعه وقال : آسف منى عمري .. أنا لازم أمشي
منى عورها قلبها حيييييل وكابدت دمعتها وهي تقول : اوكي الله معك .. (( وبالقوة قدرت تقول : أنس أطلبك طلب ؟؟
أنس بابتسامة عذبة : آمريني منى ..
منى : مايامر عليك عدو بس .. ياليت .. تطمني عليك أول ماتوصل .. وتعطيني أرقامك هناك !
تخدر أنس من طلبها الي يعبر عن اهتمامها فيه .. شي رائع لما تحس فيه شخص يهتم فيك انت وحدك ماغيرك .. يفقدك يشتاقلك يبكي عليك .. !
ابتسم ابتسامة ذوبتها وقال : من عيوني الثنتين غلاي ..
منى : تسلم عيونك ..
انس بتنهيدة : انتبهي على نفسك منى ..
منى : ان شاء الله .. وانت بعد ..
هز أنس راسه .. وطالعها لحظات وماقدر يروح بدون مايسوي شي يبرد فيه خاطره .. قرب منها بخفة وباس جبينها .. ومافاته الضوووو الي شب بوجهها .. ابتسم لها ودار عنها واهو يقول : فمان الله ..
منى بالقوة قدت تقول : الله معك ..
مشى لين طلع من الباب واهي بمكانها تراقبه لين وصل للباب وقبل مايطلع دار غمزلها بابتسامة .. وسكر الباب .. واهي لازالت متسمرة مكانها .. !!
رجعت بخطواتها على ورى وقعدت على الدرج ولا شعوريا سالت دموعها .. بس ماتنكر انها كانت مزيح من دموع الألم .. ودموع الفرح .. فهي على كثر ألمها لفراقه .. الا انها بتتشقق من الفرحة لجيته واهتمامه ونبرة الحـب الي حستها بصوته !

*******

حلقت الطائرة في سماء الدنيا مودعة بلاد الخير السعودية ومتوجهة لبلاد الغربة ابريطانيا

سعود كان محلق بذكرياته الحافلة الي عايشها طول فترة وجوده الي مضت ..
مواقف ممتعة .. مواقف محزنه .. ومواقف اتمنى لو ترجع به الأيام ويقلب أحداثها ..
توقف عند هالذكرى الي ارتبطت بمنال .. مرات يلمح بعيونها حزن .. ومرات يختفي الحزن ويحل محله سخط ! حسها مو قادرة تسعد نفسها .. وانقهر من صدودها له واهو بروحه محتار كيف يحسن العلاقة بينهم .. اتمنى يلقى تجاوب منها يولد بقلبه عطاء أكبر .. لكنه مالقى غير الصد .. واهو مو ناقص صدود لأن قلبه صاد عنها غصب عنه ..

حتى بآخر يوم شافها.. اتمنى تردله الابتسامة .. تظهر أي مودة كانت بتولد بقلبه شعور أليف ناحيتها .. بس للأسف .. عاندت قلبها واختارت البعاد ..

اتنهد واهو مايدري شنهاية هالعلاقة .. اتهمته انه خاطبها غصب عليه وانه مجبور عليها .. واهو محد جابره .. اهو من نفسه وافق يخطبها لأنه ماكان يدرك ان بقلبه مشاعر راح تنخطف منه وتحسسه انها ممكن تعيش وتحيا وتحب وتتمنى قرب من تحب ..
خفق قلبه عند هالخاطر .. وطيف من ملكت كيانه ينرسم بباله ..
ياترى شتسوين الحين ياوعد ؟؟؟
طالع الساعه يحسب الوقت .. واتمنى تمر الساعات بسرعه ويوصل ياعساه يقدر يشوفها ولا يلمحها ويبرد نار شوقه الي ماطفت بيووم !
شوقه .. وحبه .. وهيامه .. وغرامه .. مشاعر مادار انها تسكن بقلبه ..
وعد حركتها .. واهي ملكتها ..
ورحلت .. وتركتها !!

*******

اعتلى صوت آذان الفجر وانتفضت فتون بسريرها كنها أول مره تسمع صوت الآذان ..
قامت وقعدت واهي تتنهد بضيق .. طالعت اختها غاطسة بنومها هنيالها مو حاسة بمثل ناري الي مسهرتني الليل كله !
دخلت الحمام وانصدمت يوم شافت وجهها بالمراية وعيونها المورمة من دموعها الي بكتها طول ليلها .. اتنهدت وغسلت وجهها وطلعت أخذت جوالها وطلعت من الغرفة ونزلت الصالة واهي تحاول قد ماتقدر تبعد عن بالها طاري فيصل .. !

طالعت الساعة وحسبت الوقت بسرعه واتوقعت انه وصل .. يوووه خلاص وصل ولا ماوصل بكيييييفه .. سخيف قاسي مايرحم .. جعلك ماتتوفق بشغلك وترجع ثاني اسبوع يارب ..

قعدت قبال التلفزيون وقلبت فيه ولقت اغنية لأليسا ماكانت تبي تسمعها بس من الملل والضيق تركت القناة عليها .. بس لو كانت تدري أليسا شتنغي كان ماوقفت عند هالقناة .. لأنها من سمعت كلمات الأغنية آلمها قلبها واتجمعت دموعها بعيونها واهي تسمع وتعيش الكلمات : حبك وجع بعدو معي حبك حلم هربان ..
من قلب قلبي انسرق وبكيت ع غيابه
مطرح ما كنا نحترق صار الجمر بردان
والعطر عنده وفا اكثر من اصحابه

وحدي بدونك ماقدرت ما اصعب الحرمان
تركوا الندم عندي عيونك وغابوا
مجروح قلبي وصرخ عم يندهك ندمان
محروم طعم الهنا بغياب احبابو

رمت الريموت بقوة على الكنب ولمت ركبها وسندت راسها على الجمب ودموعها سالت بكل ألم .. أكرهك فيصل أكره مشاعري الي صرت أحسها تجاهك .. طول عمرك رابشني بحياتي مو مهنيني لا ببعدك ولا حتى يوم اتمنيت قربك !!
كنت سخيف يوم خذلتني .. كنت حقير يوم ذليتني .. أنا فتون أترجاك تقعد وتصدني .. كنت غبي يوم تركتني .. كنت مجنون لأنك ضيعتني .. وقتلتني ..حرام عليك فيصل دمرتني .. وبكل قسوة ذبحتني ..
وعدتني تبكيني عليك ويافرحتك ! بكيتني .. بس أوعدك ! ماعاد تشوف دموعي بعدها .. لأني زي ماخسرتك .. انت بعد .. خسرتني !!!

مسحت دموعها بقوة واهي تحاول تقوي المارد بداخلها .. ماتبي تضعف أكثر .. راح وتركها خلاص مستحيل تبكي خسارته أكثر ..
عاهدت نفسها بهاللحظة تكون دموعها آخر دموع .. حتى انت سعود مو باكية عليك ..
كلكم قلوبكم حجر !! رحتوا وتركتوني .. وانتي عبير .. أقسى منهم كلهم !! ضحيتي فيني بكل بساطة ووافقتي تبعدين عني فجأة بلا موعد .. !
كان وضعها حيل صعب .. تحس بالألم .. والفراغ .. والضياع ..
ان كان ماقد حسيتوا بهالمشاعر قبل .. فهي مشاعر قاتلة .. تخلي الشخص ممكن يوقع بأي مطب يواجهه .. على أمل ان هالمطب .. يسعده .. يغنيه .. يعوضه ..

وقفت ومشت للحمام الي بالصالة اتوضت وطلعت فتحت الدولاب وطلعت شرشف صلاة .. وصلت الفجر ..
طالعت الساعه هالوقت واهي تحس النوم مجافيها وملل مو طبيعي مصاحبها .. مين يكون صاحي هالوقت ؟؟ فاجأة اتذكرت عمها صالح .. اووه صح .. فرصتي دامني صاحية الحين أسوي الي يبي .. بس وربي مالي خلق كلللللللللش ..
بس حبوه صالح خليني على الأقل انقذه اهو من معاناته .. دامني مو قادرة أنقذ نفسي منها ..
طلعت غرفتها ودخلت بخفة عن لاتزعج عبير .. وفتحت لاب توبها .. وعبال مايتحمل دقت على صالح .. انتظرت لييييييين فيصل مارد .. اتوقعت انه بالمسجد يصلي ..
سكرت ودقت على حنان بعد كم دقة ردت : هلا !!
فتون : هلا حنانوو
حنان باستغراب : هلا فتون شفيك ؟؟
فتون : مافيني شي بس مو قادرة أنام متضايقة شوي بعد سفر سعوود ..
حنان : ايه ياعمري .. حالك حال الي عندنا كلهم مكشرين بعد سفر فيصل ياعمري ..
سكتت فتون لحظات .. بعدها قالت بتنهيدة : الله يسهل عليهم المهم حنان ..
حنان : هلا
فتون : بغيتك بسالفة شوي بس ماقدر أحكي بالجوال عبير نايمة .. تقدرين تدخلين الماسنجر ؟؟
حنان : امممم اوكي بس خليني اصلي الفجر وأدخل ..
فتون : اوكي .. استاك !
حنان : يالله مو مطولة .. باي

سكرت فتون ومامداها تحط الجوال جمبها الا يوم دق صالح ..
ردت : هلا عمي وينك ؟
صالح : كنت بالمسجد ..

فتون : اتوقعت .. المهم يالله حانت اللحظة الحاسمة !
صالح باهتمام : شصاااار ؟؟
فتون : توني مسكرة من حنان بتصلي الفجر وتدخل
صالح بدا قلبه يرررررقع وقال : يسعدددددددددلي هالي وعدت و وفـــــت يارب ..
فتون ببرود : يسعد ايامك .. يالله شالخطوة الجاية ؟؟؟
صالح : دقيقة أفتح اللاب توب .. (( وفتحه واهو يقول : اسمعي اذا دخلت سولفي معها شوي بعدين اتعذريلك بأي شغله بهالوقت قوليلي عشان أنا أدخل ..
فتون : طيب انا عندي فكرة أحسن ..
صالح : وشهي ؟؟
فتون : ماتحس ان هالحركات باخت خلاص .. يبه خلك صريح هالمره وخلني وقت ماتدخل انت أقولها دقيقة حنان عمي دخل بشوف شعنده !!!
صالح : ياويلااااااه قوية فتوووون ..
فتون : خلها عمي مصيرها تعرف الحين ولا بعدين .. اتوكل على الله بس واكشف الأوراق !
صالح : قولتك ؟؟
فتون : اي والله صلوووح خلنا نفرح فيكم ..
صالح : هي انتي وييييين شطحتي .. تونا بنكشف الأوراق تبين تفرحين فينا لا تتحمسن بقوة!
فتون : هههههههههه زين .. يالله يالله تراها دخلت ..
صالح : وااااااااااااااااااقلبي تسبدااااااااه ..
فتون : هههههههههههههههههههههههههه خبل عموو

فتون كان نيك نيمها : (( I don't care ))

دخلت المسن واهي ماسكة الجوال باذنها ..
وشافت نك نيمها راحت غيرته هالمره وكتبت : (( I rallye don't care ))

نادتها حنان الي نك نيمها
(( خذني بقايا جروح ..... )) :
هلا فتونه ..

(( I rallye don't care )) :
هلا خالتوو ..

(( خذني بقايا جروح ..... )) :
هلابك .. هاه شعندك قلقتيني ؟؟

(( I rallye don't care )) :
لا ترا مو لهالدرجة بس متضايقة شوي من موقف صارلي مع وحده من صديقاتي

(( خذني بقايا جروح ..... )) :
وشوووووو ؟؟

احتارت فتون وش تقول وقالت تكلم صالح بالجوال : ياربي صالح مادري شخربطلها ..
صالح : أي شي فتون أي سالفة .. !
فتون : أقول ادخل الحين خلاص ..
صالح : ياربيييييييييييي .. طيب بس سولفي معها الحين لا تشك ..
فتون: اوكي ..


وتذكرت سالفة قديمة صايرتلها مع صديقاتها فعلا وقالتها

(( I rallye don't care )) :
وحده من صديقاتي متخرجة بنسبة أقل مننا وسجلت بالجامعة وانقبلت بواسطة ..

(( خذني بقايا جروح ..... )) :
ايوا ؟؟

دخل صالح هالوقت .. وفتون الي انصدمت من نك نيمه .. مو عاد حنان !!!!
كان كاتب :
(( فقدت معنى الوجود وصرت أردد فيك ألحاني..لاقالوا شغاية أحلامك قلت " ترجع لي حناني" ))

فتون على الجوال : عمووو شهالبيت الكشخة ؟؟؟؟
صالح : اسكتي تراني حدي متوترررررررررر ..
فتون : كاتب اسمها انت بعد عز الله رحت فيها ..
صالح : المفروض تعرفني الحين .. يالله كلميها ..

فتون رمت القنبلة
(( I rallye don't care )) :
معليه حنان دخل عمي وانشغلت معاه شوي !!

صمـــــــــــــــــــــــــــــــــــــت
=================================

=================================
(( I rallye don't care )) :
خالتو وينك ؟؟؟

(( خذني بقايا جروح ..... )) :
معاك ..

(( I rallye don't care )) :
أوكي حنان عبير عصبت من صوت الطقطقة باطلع برا وأرجع أشبك << أنواع التصريف

(( خذني بقايا جروح ..... )) :
أستناك فتووون ..

(( I rallye don't care )) :
أووووووكي ..

وطلعت وقالت لصالح : ياويلي شكلها انصدمت تطول على ماترد علي !
صالح : أناديها ماترد !
فتون : شكلها مصدووومة ياعمري عليها بس اهي مو طالعة لأني قلتلها شوي وأجيك وقالتلي بتستناني ..
صالح : حلو .. وش بتسوين الحين؟
فتون : بارجع أنام طبعا ..
صالح : اوكي نوم العوافي ..
فتون : الله يعافيك ..

وسكرت منه وسكرت لاب توبها .. وقامت ومشت لسريرها .. وقبل ماتقعد قفلت جوالها عشان ماتدق حنان تسألها وينك ..
مهمتها الي عليها وسوتها .. والباقي عليك صالح .. سواء ردت عليك ولا ماردت .. المهم الحين انها عرفتك ..!

::


(( فقدت معنى الوجود وصرت أردد فيك ألحاني............. )) :
ممكن تردين شوي ؟؟

(( خذني بقايا جروح ..... )) :
نعم !

(( فقدت معنى الوجود وصرت أردد فيك ألحاني............. )) :
أخيرا .. كيفك ؟؟


(( خذني بقايا جروح ..... )) :
تمام

(( فقدت معنى الوجود وصرت أردد فيك ألحاني............. )):
مشغولة ؟؟

(( خذني بقايا جروح ..... )) :
أبد .. بس انتظر بنت أخوك !!!

................................. (( صمت ))
(( فقدت معنى الوجود وصرت أردد فيك ألحاني............. )) :
أوووه ! رميتيها بوجهي أهنيك على صراحتك الي ماقدرت أجيب ربعها

(( خذني بقايا جروح ..... )) :
كيف سويت كذا ؟؟

(( فقدت معنى الوجود وصرت أردد فيك ألحاني............. )):
مو كاذب عليك وقايلك صدفة .. أنا غايتي كانت أوصلك وكنت أدور أي وسيلة ممكن توصلني لك .. عرفت بمحض الصدفة انك تشاركين بمنتديات وبحثت عنك ولقيتك !

(( خذني بقايا جروح ..... )) :
ياويلي مو مصدقة .. انت ( لجل جروحك ) نفسك .. (صالح ) يعني انت الحين عارف كل صغيرة وكبيرة بحياتي !!! شلون سمحت لنفسك تدخل عالمي بهالشكل انت شلون فكرت؟؟؟


(( فقدت معنى الوجود وصرت أردد فيك ألحاني............. )):
حنان لاتقولين كذا .. ليه ماتعذريني وتعتبرين الي سويته رغبة باني آصلك .. وأقرب منك .. وأرجعك لي بعد مافقدتك !

(( خذني بقايا جروح ..... )) :
انا مو مستوعبة انت شقاعد تقول !
شالي ترجعني لك .. شهالكلام .. ؟

(( فقدت معنى الوجود وصرت أردد فيك ألحاني............. )):
حناان .. انتي ماتدرين شكثر تألمت يوم رحتي عني لأني كنت أبيك صدقيني .. حاربت أهلي وناسي عشانك بس محد وقف معاي .. اسألي الي تبين كيف كانت حالتي يوم اتزوجتي .. اسأليهم كيف صالح رافض الزواج كله من بعدك .. والحين يوم رجعتي ماقدرت أصبر بدون ماأوصلك وأملكك وأصلح غلطتي الأولى ..

(( خذني بقايا جروح ..... )) :
ماكان .. في طريقة الا هذي ؟؟؟


(( فقدت معنى الوجود وصرت أردد فيك ألحاني............. )):
حنان تدرين شلون كنتي عايشة منعزلة وبعيدة .. أهلك ماقدروا يوصلولك شلون أنا ؟؟ بغيت أدخلك من عالمك الي تعيشينه .. وأعيشه معاك لين انتي تحسين بقربك مني .. وبعدها مو ناوي أظيعك من ايدي أبد !!


(( خذني بقايا جروح ..... )) :
برضو مو قادرة أستوعب .. لا مستحيل .. انت .. صالح !!
كنت احس فيه شي غريب .. اهتمامك .. احساسك .. قربك .. بس مهما حسيت ماتوقعت يصدق احساسي .. !!
اعذرني انا حيل مصدومة .. مادري شقولك ..
اتركني الحين .. باي

(( فقدت معنى الوجود وصرت أردد فيك ألحاني............. )):
حنان أرجوك لاتزعلين .. التمسيلي العذر اني بغيتك .. وغايتي تبرر وسيلتي ..


(( خذني بقايا جروح ..... )) :
برضو مادري شقولك الحين .. خلني أستوعب صدمتي .. باي

(( فقدت معنى الوجود وصرت أردد فيك ألحاني............. )):
آسف حنان جد آآآآآآآآآآسف .. باي

سكرت حنان ولمت جوانب راسها بإيديها واهي موسعة عيونها بصدمة .. كنت حاسة انه اهو .. بس ماقدرت أصدق عمري .. صالح .. اهو نفسه لجل جروحك .. ولا مين بيهتم فيني وينتشلني من معاناتي زي ماكان دايم .. غيره !! بس لااااااااااااااااااااااا مستحيل .. عرف كل شي عني !!
وبسرعه فتحت المنتدى وراحت تقرا ردوده على مواضيعها .. صار لها احساس ثاني الحين وهي تقراها وتحسها من صالح !! مو من عضو مجهول ...
كل رد يعور قلبها أكثر من الثاني ..
كل رد يحرق كيانها أكثر من الثاني
كل رد يحسسها ان صالح جاي عشانها .. مو عشان شي ثاني !!


******

نزلت فتون ولقت امها وعبير بالصالة وقالت : يمه سعود مادق ؟؟؟
أم سعود : لا من بعد مادق يبشرنا بوصلوله ماسمعنا صوته ..
فتون : أمهمممم .. طيب باطلع أنا وعهود السوق نشتري أغراض للجامعة .. تعالي معانا عبير ..
عبير : امممممم مادري لاحقة على السوق الي بيهدني اذا بديت أشري جهازي ..
فتون بضيق : فكينا من هالسيرة !
عبير : يؤ يؤ لييييييه افرحي معاي يادوووبا ..
أم سعود : اي صح يافتون تو خالتك دقت تقول فيصل وصل بالسلامة أمس بالليل ..
فتون ارتاح خاطرها بس اظهرت البرود وقالت واهي ماشية للمطبخ : سألت عن سعود وبس مايهمني غيره !
ابتسمت ام سعود بسخرية .. تحسبها ماتدري بشي ! لكن على مين يافتون .. ؟؟

أخذتلها فتون علبة بيبسي .. وطلعت أخذت التلفون اللاسلكي ومشت واهي تدق على بيت عهود ..
بعد كم رنة جاها الرد الي خفق قلبها بقوة : هـلا !
فتون بأدب مو لايق : أهلين السلام عليكم ..
سلطان : عليكم السلااااااام .. فتون موو ؟؟؟؟
فتون بهمس : ايه ..
سلطان : هلا بفتون والله .. كل عام وانتي بخير !
فتون استغربت شيبي هذا يعايد والعيد خلص بس ردت : وانت بخير ..
سلطان : مستغربة اني أعايدك عادي اتصالك جدد العيد علينا ..
فتون خقت من كلامه .. واااه ياناس كلامه يجنن .. مو مثل الي يقولي شوفتك خربت علينا العيد .. ياويل قلبي بس ..
سلطان بضحكة : خلاص لاتروحين بناديلك عهود ..
فتون : معاك معاك .. اوكي استناها ..
سلطان : دقييييقة ..

وراح وشوي جتها عهود : هلااااااااااا والله توني أقول بدق عليك ..
فتون : ايه صدقتك ..
عهود : هههههههه شخبارك ؟؟
فتون بتنهيدة : ماشي حالي .. المهم نروح السوق اليوم ؟؟
عهود : اي ان شاء الله .. بس مين بيودينا ؟؟
فتون : مادري على راحتك .. تبين أمرك بسواقي ..؟؟؟
عهود : لا ليش مو أنا أمرك بأخوي ؟؟
سكتت فتون لحظة تصارعت بداخلها المشــــاعر .. هذا سلطان الي يتوددلها .. وهذا فيصل الي شافها معاه ومات بحرقته وبغى يذبحها .. بس انت يافيصل خذلتني تكفى روووح عن بالي ماعاد لك شغل فيني .. وقالت واهي رافعة حاجب : حلو .. ليش لاء!!

وبكذا تكون فتون ابتدت عهد مهي قده .. تناست فيصل .. واستسلمت لقرب سلطان الي يسحر قلبها بكلامه المعسول .. قلبها الي فقد بهاللحظة كل عنواين الطريق !

انا بالنسبه لي عادي .. تبي قربي تبي بعادي
اصلا من زمان وانا في وادي وانت في وادي
غسلت ايدي انا منك .. ولا بسأل ابد عنك
تبي ترجع تبيني اروح .. تأكد ماعلي منك !!
تسمح والا ماتسمح .. حبيبي انت ماتصلح
متى علمني كنا في يوم مثل باقي البشر نفرح؟؟؟؟

::

(( ملخص الأحداث ))

وصل سعــود لابريطانيا ليوقع بأكبــــر صدمة بحياته .. " وعد اختفت " فص ملح وذاب !!
أصلا من قبل مايسأل عنها .. خبره المدير الي كان يحكيه أخبار العمارة .. وقاله ان عيلة وعد انتقلت بس مايدري وين !!!

انصدم وقلق عليها واهو مايدري وش السبب !! كان أول شي طبيعي سواه انه دق على جوالها .. وانصدم يوم لقى الجوال مسكر ! حاول أكثر من مره مافيه فايدة .. أرسلها ايميل على ايميلها الي وصله منها ليلة رمضان .. وانتظر كم يوم مافيه أي رد ..!!!

من طرف ثاني أنس مانكر احساسه بالقلق من نقلتها المفاجأة .. لكن كونه خالي من المشاعر المسيطرة على سعود .. قدر يفهم سبب بعادها .. وحاول يقنع سعود فيه .. هذي فرصة تنتشل نفسك من الشباك الي وقعت فيها .. خلاص اهي راحت وانت حاول تنساها .. ابدا حياتك من جديد اعتبر هذا أول يوم لك بهالبلد .. كان الكلام سهل طبعا .. بس الواقع صعـــــب ومدمر على قلب سعود .. وبالآخر رضخ ! واقتنع .. !
وعد مهي لي .. ومستحيل بتكون لي بيوم من الأيام .. وذي إرداة من الله انها تبتعد .. عساني أشوف حياتي من جديد .. بعيد عن الجنون الي يتملكني بكل مره أشوفها .. والشوق الي بيذبحني لا غابت عن عيوني ..

بس بقى طيفها ! يراوده طول ليله ونهاره .. طيفها الي جره بلا شعور لمكان شغلها .. ودخل واهو حاس بداخله انه مو لاقيها .. وفعلا مالقاها .. وابتعــد !! بس مشاعر القلق عصفت فيه وسهرته الليل واهو يبي يعرف بس .. اهي بخير ولا ؟؟
وهالمشاعر نفسها .. جرته لمحل شهد .. ومالقى المحل بكبره !!!
عرف لحظتها انها البعد مرتب له .. وان السالفة متعمدة ..
حز بخاطره حيييييييييييييل شلون هان عليها .. بس اهي شالي يجبرها تبقى عشاني ! ليه ابتعدت .. معقولة تحس بالي أحسه ؟؟ ولا قربي كان مضايقها .. آه وعد شالي سويتيه فينا ...؟؟؟
وبكل ليلــــــة ياخذه الشوق لدرجة الهوس .. يحس الدنيا ضيقة فيه وماعاد يقدر ينفس من الهـم والشوق .. يلقى أنس جمبه .. يقويه .. يقنعه .. يصبره .. !

مضت لياليه بلا طعم .. وأيامه بلا لون .. واهو مع اقتناعه ببعادها .. الا انه ماقدر يمنع أمنية تسللت لقلبه بكل يوم .. عساه يشوفها بأي مكان .. ولا يلمحها !!
وظل احساسه بالأمل مره يتلاشى لين يفقده ..
ومره يحسه يملكه ويطيره بسماء أحلامه

وعـد نفسها كانت تموت وتحيا بنفس اللحظة ألف مره .. واهي مو قادرة تتحمل بُعد من ملك حبه كل ذره بكيانها .. وبكل مره تاخذها أفكارها انها ترسله ولا ترد عليه .. ولا أي شي يبرد قلبها وقلبه .. ترجع تنثني عن هالقرار .. وتستوعب نهاية هالعلاقة .. وانها بدل ماتبرد قلبها .. راح تعذب وتولعه فيه أكثر ..
وصار الآهات وبس الآهات الشي الوحيد الي تعبر عنه مشاعرهم ..

::

من جهــــــــة ثانية .. ناس كانت غارقة بمشاعر انفعالية .. مشاعر عاصفة .. مشاعر غير متوقعة بداخل قلب قسى لدرجة التحجر على شخص .. ولاااان لدرجة الطراوة على شخص ثاني ..
أكيد عرفتوها ؟؟؟؟
فتون الي بلحظة ضياع .. ابتدت جامعتها مع عهود .. وكان هذا أكبر تقارب يقربها من سلطان .. الي مرات كثيييييييييييرة وصلهم ووجابهم .. وكم مره توددلها ..
واهي الي تحس بالنقص .. مالت بمشاعرها لهالشخص الودود !!!

::

حنــــــــان وللأسف !
رجعت حنان المنطوية الحزينة الـ " مصدومة " كانت تعيش وسط نار تحرقها .. مو عارفة كيف بلحظة انكشفت أسرارها كلها لأهم شخص اعتبرته بحياتها !! شعور بالحرج والألم والصدمة والحيـرة .. !
ماخفاها ان فيه سر بالموضوع .. وبلا تردد راحت شكوكها على فتون .. كلمتها .. حققت معها .. هزأتها .. بس خلاص الي صار صار ..
مو قادرة تعرف طريقها كيف ! ولا وين الصح .. ووين الغلط بحياتها !!

::

مرام وخالد
وين مالقلوب تنقط شهــــــد .. والدنيا تمطــر فرح .. كانت هذي حياتهم الظاهرية ..
رهف ابتعدت بعد ماحطمها صد خالد ..
بس مايئست .. ابتعدت تفكر بأي طريقة توصله لها غير المكالمات .. يمكن القى طريقة تختصر عليها الطريق وتجيبه لها لو كان بآخر الدنيا .. !

::

عبير
العروسة الحلوة الي ماعاد تشوف أحد .. كل يومها والثاني بالسوق مع أمها .. تجهيزات للزواج الي ماعاد بقى عليه شي
وهالشي بحد ذاته .. كان سبب ضياع فتون الي مو ناقصتها أسباب تضيعها !

********

* قبل زواج عبير باسبوع *

بالجامعة
طلعت فتون من المحاضرة واهي تتأفف بضيق وتقول : والله ما أسكتلها المره الجاية شايفتنا بزران عندها تطردنا التبن
عهود : ههههههههه بس ترانا غلطانين طول المحاضرة عيوننا بالجوالات ..
فتون : شسوي انتي بعد اخوك يرسل رسايل بأوقات مالأمها دااااااااعي ..
عهود : لاتحطينها باخوي تقدرين تشوفينها بعد المحاضرة ..
فتون : ياويل قللللللللبي والله ماقدر
عهود : هههههههههههههههه الي يسمعك يقول رسايل غزل واهي كلها نكت تحشيش ..
فتون : المهم يرسلي ويعبرني نكت تحشيش ولا تفتيش ..

عهود : اوكي وش بنسوي الحين ؟؟
فتون : نروح بيتنا وش نسوي عاد .. !
عهود : على قولك .. طيب واختك ؟؟
فتون : هذاني بدق عليها ..
ودقت على عبير وقالتلها باقيلها كم محاضرة ماتقدر تطلع
فتون وهي تكلمها : فكيك من المحاضرات يابنت خلاص زواج الاسبوع الجاي
عبير : خلاص اليوم آخر يوووووووم .. وباسحب ان شاء الله ..
فتون : اوكي أجل انا رايحة مع عهود ..
عبير : اوكي باي ..

وسكرت منها
عهود قالت : خلاص بدق على أخوي
فتون بضحكة : دقي حبيبتي دقي ..
ضحكت عهود على صديقتها المستخفة ودقت على سلطان الي رفض بالبداية بس يوم عرف ان فتون معاها وافق وجاهم !

لبسوا عباياتهم ينتظرونه وشوي ودق عليهم قالهم انه برا .. شالوا شنطهم وراحوا .. برضو لازالت مشاعر الحيا تملك فتون بوجود سلطان .. تكفي نظرة الاعجاب الي تحسسها بأنوثتها ..
ركبت اهي وعهود الي بدت تشتكي من الجامعة وسلطان يسمعها وساكت لين خلصت وبعدها قال مطنشها : شلون فتون ؟؟
ضحكت فتون بقلبها على عهود واهي ميته على حركاته وقالت : بخير الحمدلله ..
عهود : شهالطنااااااااش الي فيك انت ؟؟
سلطان : تشب عاد ..
عهود : أقول انت شكل مايرخيك الي النسرة الي وراي .. (( وكلمت فتون : فتوووووون ميته من الحر انتي وبخاطرك تشرين شي باااااااااارد موووو ؟؟
فتون : هاه .. مادري ؟؟
عهود : الا تدرين قولي ايه تكفين تراني ميته عطش ..
فتون : شدخلني انا ؟؟
سلطان : تبين السوبرماركت فتون ؟؟؟
فتون بهمس : براحتك !
عهود : تقووووووووول اييييييييه تبي يالله وقف
سلطان : ترا عندي آذان اسمع فيها .. وهي قالت براحتك مو ايه أبي ..
عهود بتكشيرة : وشي راحتك طيب ..
سلطان : الي يريح فتون يريحني ..
خلاص فتون شوي وتذوب مكانها من كلامه الحلو الي يسحر قلبها ..ويغير خواطر ومشاعر بداخلها ..

راحواالسوبرماركت وفتون ميته حرج من طيبته معاها وتدليعه لها خاصة مع تعليقات عهود الي ماترحم ..

ركبوا السيارة وام سعود دقت على فتون تسأل وينها .. ويوم عرفت انها طلعت قالتلها تجي على بيت خالتها لأن مافي أحد ببيتهم ..
وصلها سلطان بيت خالتها .. ونزلت وقلبها تعزف فيه مشاعر تفرحها .. وترسم الابتسامة بلا شعور على شفاتها ..

دخلت البيت ولقت امها وخالتها بالصالة ..
سلمت عليهم وقعدت إلا ام سعود تقول : خلصتوا جهاز عبير ؟؟؟
ام سعود : ناقصتنا أشياء بسيطة بس ..
ام فيصل : الله يسهل خلاص مابقى شي ونفرح فيها ..
ام سعود : بعد عمري بنيتي وعقبال مانفرح بمنى ومرام قريب يارب
ام فيصل : الله يسمع منك .. ونفرح بفتون بعد ..
فتون بتكشيرة : لا تكفون خلوني بعالمي مبسوووطة انا مافكر اتزوج قبل الجامعة !!!
أم فيصل : الله المستعااااان حبالك طويلة .. لا ياعمري كلها كم شهر ويجي فيصل

فتون بصدمة : وانا شدخلني فيه جا ولا ماجا !!

ام سعود : تعرفين من صغركم واحنا نقول انكم لبعض ..

فتون بانفعال : وشدخلني فيكم تقولون هالكلام ولا ماتقولونه .. ((ووقفت بحمق واهي تقول : معليش خالتي انتي على عيني وراسي بس لا تحسبيني بوافق على ولدك عشان كلامكم هذا ؟؟
ام فيصل بقهر : وشالي ناقص ولدي ماتبينه يالفالحة هاه؟؟؟
فيصل : مو ناقصه شي وألف وحده غيري تناسبه .. انا مستحيل أسعده شوفي من الحين أقولك اهي .. مستحيل ناخذ بعض وان كانك انتي وامي مخططين على هالشي انسوووووووووووه من هاللحظة ..
ومشت عنهم وطلعت الدرج ..
ام سعود تقول : مب صاحية هالبنت !
ام فيصل مقهورة منها ومن كلامها وقالت : بنتك ذي مادري شالي يلعب براسها .. تراها متغيرة من سافر أخوها انتي مو ملاحظة ؟؟؟
ام سعود بضيق : والله انا انشغلت طول هالفترة بجهاز عبير ومادري شصايبها .. بس ماعليك منها اذا جا فيصل يصير خير ان شاء الله

راحت فتون غرفة حنان واهي تحاول تخفي ضيقها وحمقها من كلام امها وخالتها .. حلم ابليس بالجنة آخذك يافيصل بعد ماذليتني وخذلتني ورحت وتركتني .. مو بعد مالقيت الي يحس فيني ويحسسني بسعادة ماحسيتها لا معاك ولا مع غيرك .. !

اتنهدت بقوة ودقت باب حنان ..
شوي وفتحت حنان الباب وطالعتها بصمت ..
فتون بابتسامة : ممكن أدخل ؟؟؟
فتحت حنان الباب واهي ساكته .. ودخلت فتون الغرفة وسكرت حنان الباب وراها ..
فتون وهي تقعد : شلونك حنان ؟؟
حنان باقتضاب : بخير ..

فتون بحزن : بس ياحنان مايصير الي تسوينه بعمرك .. بالله كل هذا عشان طلع الي تكلمينه اهو عمي !! بالله مو أحسن يكون عمي ولا واحد غريب ماتدرين شغايته معاك !
حنان : لو سمحتي فتون انتي بالذات لا تكلميني بهالموضوع

فتون : هذا جزاتي سويت خير فيكم؟؟ بغيت انقذك من معاناتك الي كنت تعيشينها ليلك ونهارك .. بغيت أقرب منك انسان حبك من صغرك واتمنى يجي اليوم الي ينجمع فيه معاك !! ومستحيل بيسعدك أحد مثله لأنه يحبك بكل جوراحه ..

حنان بدت تدمع وتقول : فتون انتي مو مستوعبة شي .. عمك هذا عرف كل ماضيي الي انتوا ماتعرفون عنه .. عمك مايحبني كثر ماهو شفقان علي وراحمني

فتون : لا حبيبتي عمي يحبك والدليل انه بغاك قبل مايدخل المنتدى وتعرفينه فيه !! حنان ياعمري ترا عمي حيل تعبان أرجوك فكري بطريقة ثانية غير هالطريقة الي تفكرين فيها ..

حنان واهي تمسح دموعها : فتون أرجوك قفلي الموضوع وانا بكيفي أفكر مثل مافكر ..

انفتح الباب ودخلت مرام وصرخت : فتوووووووووووووووووووووووون !
فتون : سبرااااااااااااااااااااااايز ههههههههههههههههههههههههههههههه
مرام : وحشتيييييييني يادووووبا صارلي شهر يمكن ماشفتك
فتون واهي تسبل عيونها باستهبال : مو فاضية لأحد انا شاغلتني اموري وحياتي الخاصة ودراستي و ...
مرام بقرف : بس بس بس مو لايق عليك هالدوررررر

ضحكت فتون عليها وسلموا على بعض وحنان تتمنى تطردهم ثنتينهم من غرفتها ..
حست فتون بنظرات حنان وفهمت هالشي ..
وطلعت وهي تقول : تعالي انتي شمغيبك اليوم ؟؟؟
طلعت مرام من غرفة خالتها وسكرت الباب وهي تقول : مو بكيفي فتون كل شي بحياتي صار تحت حكم اخوك !
فتون وهي تضحك : اخوي قالك غيبي !!!
مرام : لا مو قالي بس اضطريت أغيب لأن حضرته سهران معاي أمس لين الفجر اتخيلي نمت عنده .. ويحكيني اليوم انه قعد ساعه يصحي فيني ماصحيت بالآخر قال للخدامة تشوفله الطريق وشالني وطلعني غرفتي وراح ..
فتون : هههههههههههههههههههههههههههههههههههههه مب صاحين ..
مرام : آآه بس .. قوليلي شخبارك انتي من زمان عنك ..
فتون : مابي اوقف بالسيب تعالي غرفتك ..
مرام : يالله ..

ودخلوا الغرفة وأخذتهم السوالف مابين الضحك والمرح ..
محد منهم داري شتخبي لهم الأيام من وضع يختلف تماما عن الوضع الي هم فيه الحين .. وضع مليئ بالدموع مايعرف اي معنى للمرح !!!

******
*يوم زواج عبير وتركي *

فوضى عارمة وسط أحد الكوفيرات وأجملها ..
مرام : لالالالالالالالالالالالالا مو مصدقة عيووووووووووني مستحيييييييييييييل !!!!
فتون : ههههههههههههههههههههههههههههه لهالدرجة متغيرة ؟؟؟
مرام : ياويليييييييييييييييييي تهبلين تهبلين تهبلين طلعتي جناااااااااان بالمكياااااااج !
فتون : احم احم انا جنان به ولا بدووونه
مرام : حرااااااااام عليك حارمة نفسك طول عمرك منه .. شوفي شلون صرتي وحده ثاااااانية قسم بالله رووووووووعه ..
فتون وهي تضحك : بس لا يكبر راسي الحين !
مرام : ههههههههه خلي يكبر مو خسارة هالشعر الي بينقص ..
فتون : لالالالا مو قاصته !
مرام بفرح : جد ؟؟؟
فتون : اي خلاص قررت أطوله

مرام : لاااااااااا انتي شصاير فيك اعترفي ؟؟؟ مكياج وشعر مره وحده بتهبلين بالعالم اليوووم !

وصلتهم منى وحنان الي اهم بعد انهببببببلوا على شكل فتون الغير متوقع وكلهم دقوها بالحكي على سبيل المزاح .. شعندك وشالي مغيرك وهالكلام الي خفقله قلبها واهي حاسة انه نابع من أنوثتها الي ماحستها الا على ايد سلطان ماغيره ..

داخل أحد الغرف
ملاك ثاني كلن يسمي الرحمن لاشافها .. عبير بمكياجها المموج وتسريحتها الناعمة طلعت مجسد للجمال والسحر والنعومة ..

طلعت بعد ما أنهت زينتها بكاملها .. وجاها خالد أخذها للقاعة ..
والبنات راحوا مع السواق..

بالقاعة كانت البهرجة على سن ورمح ..
أم سعود الي كانت فرحتها ماتساويها فرحة بزواج بنتها الكبيرة ..

وصلوا البنات وعاتبتهم ام سعود على تأخرهم بس انلجمت يوم شافت شكل فتون !!
ام سعود : انتي بنتي ولا شبيهتها !!
فتون : هههههههههههه شبيهتك وانتي الصادقة كلن يقول طلعت اشبهلك
ام سعود : تهبلين ياعمري حصني نفسك ماشاء الله طالعة وحده ثانية بهالزين ..
ضحكت فتون واهي راضية حيل على شكلها ..
وطول الزواج وعيون تراقبها .. عيون أم سلطان ماغيرها ..

نادتها وسلمت عليها ومدحت زينها وجمالها وولعت فتون من الحيا .. وكانت طول الزواج حولها اهي وصديقتها عهود ..

(( حانت الزفة ))

اتسكرت الأنوار ولبسوا البنات طرحهم
اتسلطت الأضواء على البالكونة الي على اليمين .. وانفتحت وظهرت منه عبير وأبوها !!
واتعالت الأصوات والزغاريط والتصفير ..
وزف أبو سعود بنته لين آخر درجة ووقف

بعدها اتسلطت الأضواء على البالكونة الي باليسار لتنفتح ويظهر منها تركي وأبوه .. وماقلت الزغاريط والأصوات المتعالية عن طلة عبير ..
زف ابو تركي ولده لين آخر الدرج ووقف

بعدها اتسلطت الأضواء عليهم الاثنين ومشى الأخوان متجهين لبعض .. سلموا على بعض .. وسلم أبو سعود عبيــر لتركي .. ومسك تركي إيدها كبداية تعلن انها صارت من هاللحظـة ملكه وحليلته !
طلعوا الأخوان من القاعة وتركي وعبير مشوا كالملاك الهادي لين وصلوا الكوشة .. وقعدوا .. اشتغلت أعذب الأغاني ..
وتركي همس لعبير : أبارك لنفسي عليك .. قبل ماباركلك ..!
ابتسمت عبير بحيا وقالت : وانا بعد ابارك لنفسي عليك .. تملك علي وتملكني بنفس اليوم مو مصدقة ..
تركي بضحكة : انا الي مو مصدق وباستخف ! مبروك حياتي ..
عبير : الله يبارك فيك ..

شوي وجوهم المعازيم يهنون ويباركون ويسلمون .. فتون قامت لاختها وحضنتها وماقدرت تمنع دموعها ..
عبير : بس حياتي لا تبكي ذي اول مره تحطين مكياج لاتخربينه
فتون واهي تضرب كتفها : هذا الي همك ..
ضحكت عليها وبعدها مشوا سوا ..
حان الوقت الي ياخذ عروسه بعد شوووووق نهك قلبه وروحه ..

وانتقلوا سوى لأروع الفنادق
فتحت تركي الباب وقالها : اوقفي ..
وقفت عبير وتركي اتلفت يمين يسار ويوم شاف السيب فاضي .. انحنى بخفة وشالها ودخل فيها ..
عبير وهي تضحك بحرج : ياويلي تركي شتسوي ؟؟
تركي وهو يضحك : هالحركة دايم أشوفها بالافلام وانتظرت يجي اليوم الي أسويها مع اني مادري وش معناها بس كذا عجبتني ..
عبير : ههههههه اوكي نزلني خلاص وصلنا ..
اتأمل تركي وجهها لحظات .. ووقفها ومسك ايدينها ورفعهم لفمه بخفة .. وباسهم بنعومة ..
ولعت عبير واهي تحس انها مو قادرة توقف من الحرج ..
والي أحرجها أكثر نظراته الحارقة الي ماترحم .. نزلت عيونها على الأرض واهو ابتسم على حياها .. قال بهمس : باتركك تاخذين راحتك لمدة خمس دقايق بس .. احسبيها زين لأنها ماراح تزيد ولا ثانية ..!
عبير بحرج : اوكي .. وانت وين بتروح ..
تركي : باطلع هالدقايق الخمس وأرجع ..
هزت عبير راسها وهو فسخ شماغة والي عليه وصار بس بالثوب غمزلها وفتح الباب وطلع .. فسخت عبير عبايتها وهي ماتدري وش تبدي بالخمس دقايق .. !!

مشت تسحب ذيلها الطويل وراها وفتحت دولابها الي جهزولها فيه أغراضها من قبل .. آه وش اقدر ألبس الحييييين .. هذا .. لالا هذا .. لالالا أحسن هذا !! يووه كلها تحررررج .. ياربي وش البس !! طال الوقت واهي تتأمل قمصانها يوم سمعت صوت الجناح انفتح ..!!

اخترعت وسحبت أول قميص صادفها ماتدري كيف شكله ..
ودخلت الحمام وسكرته ..
دخل تركي الغرفة وهو يضحك .. مشى الحمام ودق الباب وهو يقول : خلصت الخمس دقايق اطلعي ..
عبير ماردت واهي مولعة من الحرج .. وبسرعه غيرت فستانها ولبست القميص الوردي الي سحبته .. وانصدمت يوم شافت قصره ! لالالا بارجع لفستان الزواج !! وفعلا بغت تفصخ قميصها وترجع لفستانها بس دقات تركي على الباب ربشتها ..

أخذت نفس طوييييييييل واهي تدعي ربي يقويها ومايغمى عليها ..
وفتحت الباب واهي منزلة عيونها على الأرض ..

كان تركي منحني يدخل أغراض بالدرج .. قام وهو يرفع راسه .. وشافها ..
و
وأترك الباقي لخيالكم يتصوره .. ^ _ ^

*****

بنفس الوقت كانت فتون تبكي على فراق اختها ..
كل شي حولها يذكرها بمواقفهم .. ضحكهم .. جنونهم .. مرحهم ..
ماعاد قدرت تتحمل أكثر وطلعت من الغرفة ..
مشت بخفة لين غرفة أمها ..
دقت الباب بشويش .. ماجاها نداء عرفت انهم نايمين
فتحت الباب بشويش ودخلت ..

اتوجهت للكنب الطويلة الي آخر الغرفة واتمددت عليها .. عسى قلبها يهدا من رجفتها الي حستها من استوعبت فراق اختها
ذبح قلبها الفراق .. حست انها لو ماتت يوم .. بتموت بسبته ..!!


*******
بعد يومين
جا اتصال لبيت أبو سعود يقول ان أكو خطاب جايين يخطبون (( فتون ))
والصدمة كانت يوم كان الاتصال من (( أهل عهود ))

باختصرلكم الأحداث

الرد كان .. الرفض .. !!!!
طبعا فتون ولعت وثاااااااااارت عليهم .. بأي حق يرفضون بدون مايشاورونها !!
قالتلها أمها انها مخطوبة لفيصل !!! وان فيصل خطبها قبل مايروح .. !!!
تذكرون يوم كلم خالته بالملحق ؟؟؟
ارجعوا فوووووووووق واقروا

هنا ولعت أكثر وبكت وانهارت ..
وقالتلهم انها ماتبيه وحلم ابليس بالجنة تاخذه !!!!.. وتلفظت عليه بألفاظ ماتحملتها أمها وصارخت عليها انه يسواها ويسوى طوايفها !!

حتى خالد انقهر منها لأنه مايطيق عهود وأخوها ويحسوهم فري بزيادة !!
وبمره دقت عهود عليهم سمعها خالد كلام مايسرها .. انها تبعد عن فتون وان خراب فتون وخراب أخلاقها بسببها !!!
ولعت عهود منه خاصة يوم قعد يتشمت بأخوها ويقول اختي ماتاخذ واحد عرفها قبل يقصد علاقة عن طريق علاقة !!

توترت العلاقة حيل بين عهود وفتون .!

وفتون فإن كانها كرهت فيصل بيوم فكرها له بالمره اتجاوز كل الحدود ..
كرهته لدرجة انها دعت عليه بالموت .. !!

انت الي رحلت وخليتني .. اتركني أعيش لحياتي ..
ان كانك بيوم حبيتني .. عمرك ماحسستني بذاااتي
يكون بعلمك وافهمني .. أبدّي عليك المماتي !

**********

طلعت رهف من غرفتها بسرعه بعد ماسمعت صوت أخوها جاي من الحوش يكلم واحد من أخوياه .. راحت للشباك بسرعه وشافته واقف يسولف معاه وحست ان فرصتها جتها من السماء .. أسرعت لغرفته ودورت على جواله وشافته وأخذته بسرعه ووقفت عند الشباك تراقبه لايدخل فاجأة ويشوفها ..
راحت بسرعه لرقم خالد ودقت من جوال أخوها ..
رن كم رنة بعدها جا رد خالد : هلا والله ..
رهف : خــــــــــالد !
سكت خالد فجأة يحاول يستوعب الصوت ؟؟ متأكد ان هذا رقم عادل أخوها ذي شلون دقت منه .. !!
رهف : الووو .. خالد رد علي ..
خالد : نعم !
رهف : خالد مابي أطول معاك .. أدري اني هم على قلبك تتمنى تزيحه اليوم قبل بكرا .. وخلاص انا بروح وأريحك بس عندي أشياء بوصلها لك بنفسي .. وأوعدك ماعاد أنغص عليك أبد !
خالد : توصليلي أشياء .. ؟؟ شهالاشياء بالضبط .. ؟؟
رهف بتنهيدة : ماقدر أقولك بالجوال .. بس اذا ماتبيني اوصلها لك بوصلها لمرام ترا أسهلي عن طريق الجامعة ..
خالد بانفعال : اتركي مرام بحالها يارهف ولاتفكرين تقربين منها أحسنلك !!
رهف بضحكة : مو عشان كذا بلاش ندخل بمشاكل احنا بغنى عنها .. عطني موعد أشوفك فيه بالمكان الي تبيه .. وبعدها باطلع من حياتك للأبد ..
خالد : آسف رهف .. لا مره وحده ولا عشر مستحيل أقابلك انتي ليه مو مستوعبة اني انسان متربط ومتزوج !!!
رهف خبت جرحها وقالت : لو مني مستوعبة كان ماقررت أنسحب .. بس هي مره ياتكسبها بصفك يابتكره حياتك لأني مستحيل انسحب بدون ماوصلك الي أبي .. !
خالد : وش توصليلي انا متأكد ان مالي شي عندك !!!!
رهف : انت ناسي .. بس اذا تقابلنا بتعرف ..
خالد : وانا مستغني عنها ومابيها والحين فكيني تكفين ولاعاد تدقين ارجوك ..
رهف : براحتك .. لاتلومني لو رحت لمرام بنفسي ..
خالد بصراخ : رهـــــــــــــــف !! الا مرام ماتقربين منها فاهمة ولا لاء !!!!!
رهف : اوكي طاوعني أجل وخلني أشوفك !
خالد سكت واهو حيل محتار .. شتبي منه هذي وش تبي توصله أشياء ؟؟؟ وده يرفض ويتركها بس خاف فعلا تروح لمرام ..
وقال بضيق : عندك شي تعالي الكفي المنحوس الي كنا نتقابل فيه قبل .. باطلع من دوامي على 5 وأمر هناك ..
وسكر بوجهها واهو حيل متضااااااااايق .. ماوده يشوفها ولا حتى يكلمها .. بس اهي قالت هالمره وبتطلع من حياته للأبد وهذا الي يبيه .. تختفي من حياته ويعيش مع مرام بلا قلق ولا منغصات .. !

مرت الليلة كريهة وصعبة على خالد واهو يتخيل طيف مرام حوله .. تلومه .. تعاتبه .. بس عشانك حياتي وعشان نعيش بسلام ..

::
من بكرا

الساعه 5 بالضبط ..
دخلت الكفي وجرت اول كرسي صادفها وقعدت وهي تقول : يمه هالكفي أخيس كفي شفته بحياتي ماتشوفينه شلون مزوي وبعيد عن كل مكان .. خلينا نروح الرنديفو ولا ستار بكس ..
أم عهود : اقول حنا مو مطولين .. ابي آخذلي كاس قهوة يعدل مزاجي ونطلع .. قومي اطلبيلنا وانا باقعد آخر المحل ماحب الزحمة والناس
عهود بضيق : يوووه طيب ..
وقامت تطلبلها اهي وأمها ..

وصلت هالوقت ست الحسن وعدلت نظاارتها ونزلت .. دخلت المحل واهي تتلفت يمين يسار تشوف ان كان وصل ولا لاء .. !
اختارت أحد الطاولات البعيدة الي متعودين يقعدون عليها قبل .. وقعدت عليها ..!
صارت تدق أصابعها ببعض بتوتر .. اليوم بتشوفه بعد فراق سنوات .. ياويلي شلون شكله .. اتغير ولا لاء ؟؟ اه ياقلبي مو مصدقة اننا انتهينا خالد ..
انتفضت يوم انتفتح الباب ودخل خالد بقوة واهو يشيل نظارته لتظهر عيونه الصارمة تفر الطاولات لين استقرت على طاولتها !
وقف لحظات يطالعها واهي بدورها وقفت تطالعه ..
انصدم بداخله من شكلها .. وضعفها .. كانت متغيرة عليه 180 درجة .. ! بس ماغيرت صدمته شي من ملامحه الجامده ونظرته الصارمة ..
رهف وقع قلبها لرجولها واهي تشوفه .. نفس العيون الذباحه .. بس اهو عكسها .. وسامته زادت .. وهيأته حلت أكثر ..ََ

مشى بخفة وهو يتمنى يرجع بدل مايتقدم .. وقف قدامها وأول شي قاله : وين الأشياء ؟؟؟
رهف بصوت مرتعش : خالد .. اقعد شوي ..!
خالد : مو قاعد !! قلتيلي بتوصليلي أشياء .. هاتيها وخلصيني .. !
رهف : خالد الأشياء بقولها لك .. مو أسلمك اهي !
خالد بتكشيرة : نعم !!
رهف : خالد ارجوك لاتعصب .. انا ماكذبت عليك انا فعلا بوصلك أشياء يعني بقولك عليها .. أرجوك اقعد ..
انقهر خالد منها وحس انها ضحكت عليه .. بغى يرجع بس قال خلاص دامه جا خل يفتك منها لاترجع تدق عليه مره ثانية ؟؟
سحب الكرسي بقوة وقعد وقال : شعندك ؟؟؟؟

حاسبت عهود على الكفي وشالته ودارت تبي ترجع الا ضربت عينها بآخر الطاولة يوم شافت شخص يشبه صديقة عمرها فتون ..
آه من كثر شوقي لها صرت أتخيل شكلها بوجوه الناس .. مشت بخفة واهي تتبين ملامحه .. وانصدمــــــت !!!!
مو معقووووووول !! هذا خــــــــالد !! قاعد مع ميييييييين ؟؟؟؟؟
ياسلااااااااام علييييييكم هذا انتوا الي لعنتوا أبو جد فتون انها ماخذه واحد عن علاقة واتشمتوا بأخوي !!!
تعالوا شوفوا راعي العلاقات هنا بعيوونكم !
يالخاين ياخالد !!!!

وقفت مكانها مولعة ماتدري وش تسوي .. بس قهرها من المشاكل الي صارت والكلام الي جرحهم خالد فيه خلاها تاخذ موقف محدد وتقرر تتصل على مرام !!!
مشت كم خطوة على ورى .. وحطت الكفي على جمب واتصلت على مرام ..
شوي وجاها الرد بارد : هلا
عهود : هلا مرام شلونك ..
مرام : بخير .. انتي شلونك ؟؟
عهود : تمام .. مابي اطول عليك انتي كنك بسيارة موو ؟؟
مرام : ايه شتبين ؟؟
عهود : مابي شي بس ياليت تجين كفي الـ ............ ضروروووووووي !
مرام : نعم !! وليه ان شاء الله ؟؟؟
عهود : في مفاجأة تنتظرك !
مرام : عهود بلا استهبال .. قوليلي شعندك ؟؟؟
عهود : والله ما استهبل .. فيه مفاجأة تنتظرك وأقولك بعد .. تراها تتعلق بخالد !!
سكتت مرام لحظات بعدها قالت : خالد !!!
عهود : ايه .. وياتحلقين عليها ياماتلحقين .. فتعالي الحين بسرعه وانا باطلع !!
أخذت مرام عنوان الكفي ومن حسن حظها كانت وحدها بالسيارة ..

وصلت الكفي وقلبها يخفق بكل عنف .. مو قادرة تربط بين الكلام
.. كفي .. .. خالد .. عهود .. لا وعهود بعد بتطلع يعني مالها دخل بالمفاجأة المزعومة !! ياربي شالسالفة ؟؟؟

جرت رجولها جر واهي تحاول تبعد عن بالها أي وساوس ..

فتحت باب الكفي ودخلت ..

فرت عيونها المكان بسرعة .. واستقرت أخيرا على طاولة خالد ورهف !!!!!!

*******

توقعاتكم ؟؟؟ تعليقكم ؟؟ استنباطاكم ؟؟
كل مشاعركم تهمني ..

البارت الثاني قريب ...

الجزء الثامن عشر

عواصف هوجاء عصفت بالمكان محد حس فيها إلا شخص واحد كان يعاني من عواصف داخلية أقوى ..
مضى وقت واهي واقفة مكانها تنقل بصرها بين خالد ورهف وتحاول تكذب عيونها .. غمضت عينها وسكرتها اتمنت انه حلم والحين بتصحى منه .. !
بس تجدست الحقيقة قدامها يوم التفتت رهف عليها وشافتها .. !
عند هاللحظة بس استوعبت المشهد ومشت متوجهة لطاولتهم وعيونها تنتقل مابين رهف وخالد ..
حس خالد بقرب أحد منهم وحانت منه التفاتة ليشوف مرام تمشي ناحيتهم !!!!
وقع قلبه لرجوله من الصدمة !! وشخص بصره فيها واهو مو عارف شالي جابها لهالمكان ؟؟ وشالي تفكر فيه هاللحظة ؟؟؟؟

وصلتهم مرام وعيونها على رهف بالذات وقالت : أخيرا جبتيه ؟؟
رهف : عفوا انتي من حضرتك .. ؟؟
مرام بضحكة سخريه : أنا زوجته .. شرايك بهالمسخرة ؟؟؟
رهف بصدمة : مـ ر ام ... ؟
مرام تمثل انها حزنانة عليها وتقول : للأسف أنا مرام جيت وخربت عليك .. بس تدرين عاد ؟؟ (( والتفتت على خالد وطالعته بنظرة نسفت كيانه .. وقالت : مالومك فيه .. خالد مره وسيم وكول .. كلامه يجنن .. حركاته تسحر .. خسارة ان مالك حظ فيه !
وقف خالد بقوة واهو الي طول الوقت كان متصنم ومو قادر يستوعب وجود مرام وقال بخنقة : اتركيها عنك مرام ..
طالعته مرام من فوق لتحت وقالت : ارتاح حبيبي .. كمل جلستك الحلوة ترا لو أدري انك معاها ماجيت بس صدقني ماكنت أدري ؟؟
والتفتت لرهف وقالت بسخرية : هنيالك فيه .. حطيه بعيونك تراه بمنتهى الوفا !!
خالد بانفعال : مرام قلتلك اتركيها عنك مو اهي الي تساويك عشان تقوليلها هالكلام !
مشت مرام لخالد لين صارت قباله مايفصل بينهم شي وقالت بهمس مايسمعه الا هو : طريقة حلوة تتفادى فيها احراجك معاها !! بس خلاص انا باطلع من هالمكان .. وبالمره باطلع من حياتك كلها !
ودارت تبي تمشي الا ايد مسكتها وقفتها .. ماكانت ايد خالد .. كانت ايد رهف الي قالت : مرام ترا مو ذنبه انا الي جبته غصب عنه !
مرام بسخرية : أوووه ! من متى خالد بن سعد ينجبر ؟؟؟
رهف : صدقيني كان رافض وأنا .....
خالد ماتحمل مواجهة مرام لرهف وقال مقاطعها : انتي انطمي وانا عندي لسان أبرر فيه موقفي ..
سحبت مرام ايدها بقوة من عند رهف ومشت مسرعه لخارج المحل ..

مشى خالد يبي يلحقها بس رجع مره ثانيه لرهف ومسكها من عند رقبتها ونفضها بقوة واهو يقول بغضب : عاجبك الي صار هاه؟؟ أقسم بالله يارهف لو رجعتي لحياتي ثاني لأتسبب بفضيحتك عند أهلك ولأخلي اسمك على كل لسان !!((رماها بقوة على الجدار .. إلا فجأة سمع صـوت قوي قادم من الشـارع .. صوت تفحيـط سيــارة وصرير مززززعج هز كيانه واهو يحس ان له علاقة بمرام !!

رهف نفسها اخترعت من الصوت و غمضت عيونها بألم وهمست : خـ ـالد .. مـ ـرام طلعـ ـت .. إلحقها !!

دار خالد بسرعه والنيران تفور بكيانه وركض وفتح الباب بقوة كادت تخله .. وبقوة أكبر طلع من المكان ..
وكانت الصـاعقة !!
لقى مرام طايحة على وجهها .. وسيارة قربها مايفصل بينهم الا نصف متر !
صرخ بأعلى صوته واهو يركض ناحيتها : مـــــــراااااااااام !!!
نزل صاحب السيارة وركض اهو بعد لمرام وشافها وقال بخوف : ماصدمتها يالاخو .. والله ماصدمتها !!
خالد بصراخ : شصااااارلها ؟؟؟؟؟
الرجال : كنت ماشي بالشارع عادي الا طلعت اهي علي فجأة بتقطع الشارع بدون ماتتلفت .. وأول ماشفتها فرملت السيارة بقووووة لا أصدمها بس اهي من الخوف تيبست مكانها ماتحركت .. بعدها طاحت شكل اغمى عليها من الخرعة !!
شالها خالد وطبطب على خدها ونادها .. مالقى أي رد .. مهي حاسة بالي حولها !

اخترع خالد ووقع بين صدمتين !! صدمة دخلتها عليه وصدمة سقوطها فجأة ..
وقف وشالها بسرعه وركض فيها لسيارته وفتح الباب الخلفي وسدحها ..
وركب قدام وانطلق بالسيارة لأقرب مستشفى .. وطول الطريق يطالعها من مراية السيارة ويشوف الألم مكتسي ملامحها .. يضرب الدركسون بقوة تكاد تنسفه !

*****

نزلت أم فيصل الدرج واهي تكلم بالجوال : خلاص آدم ارجع البيت الحين بسرعه !
وسكرت منه واهي تقول : لاحول ولاقوة الا بالله .. الله يستر !
جتها منى واهي تقول : شفيك يمه ؟؟
أم فيصل مو قادرة توقف على رجلينها وقلبها ناغزها على بنتها .. رمت نفسها على الكنب واهي تقول : اختك مادري وين اختفت !! يقول آدم وصلها كوفي دخلته ولاعاد طلعت منه !
منى بصدمة : ايــــــش !!! يمه شهالكلام وين اختي وين راحت ؟؟؟؟
ام فيصل بقلق : لا تسأليني ترا دمي نااااشف ولادري وينهي وجوالها مسكر بعد !
منى : طيب دقي على خالد !
ام فيصل : والله بغيت أدق بس خفت أخرعه عليها .. قلت أصبر شوي يمكن ترجع ولا تدق واذا ما صار دقيت عليه ..
منى برجاء : يمه مافينا صبر شالي تنتظرين شوي ؟؟ عادي دقي عليه واذا قلق يعني شفيها ؟؟ هذانا احنا قلقانين يقلق معانا ..
ام فيصل : على قولك .. والله بدق عليه
ورفعت جوالها ودقت على خالد .. بعد كم رنه جاهم الرد بصوت خالد المبحوح : هلا خالتي ..
أم فيصل : هلا يبه خالد شلونك !
حس خالد بنبرة القلق واضحة بصوت ام فيصل فقرر يعلمها بدون ماتسأل وقال : بخير .. بتسألين عن مرام موو ؟؟
ام فيصل : اي ياخالد وينهي ؟؟؟؟
خالد بتنهيدة : طيبة هي مافيها شي .. بس تعبت شوي وأخذتها المستشفى ..
ام فيصل بخرعة : مرام بالمستشفى .. شفيها ياخالد ؟؟؟؟
خالد : مافيها شي خالتي .. طيبة وتقدرين تجين تشوفينها بعد .. بس هبوط بسيط تعرفينها شلون ضعيفة ..
أم فيصل هالوقت ماقدرت تربط بين الأحداث الملخبطة الي صايرة .. كل الي همها بنتها الي بالمستشفى الحين وشالي صايبها .. سكرت منه وقامت اهي ومنى الي سمعت الكلام وماتت من الخوف على اختها ..
لبسوا عباياتهم وطلعوا على المستشفى بعد ماقالهم خالد عليه ..

::

كان خالد قاعد جمب راسها .. ايد تمسح على شعرها والايد الثانية ماسكة إيدها وضاغطة عليها .. اتأمل وجهها وملامحها التعبانة وطعنات متتالية تطعن قلبه وكل جزء بكيانه ..
ياعمري انتي ماتحمل قلبك كل الي صار .. قوية عليك تشوفيني بهالمشهد الملعون .. وتكتمل صدمتك بالسيارة الي شفتيها مقبلة عليك .. أكيد بتخترعين ويغمى عليك .. هذا هو قلبك حساس ورهيف .. وانا الحقير الي دمرته .. آسف مرام .. سامحيني حياتي ..
رفع ايدها لفمه وصار يبوس أصابعها بنعومة ..

فتحت مرام عيونها بوهن وانصدم بصرها بوجهه .. رجعت سكرت عينها مره ثانية وقدرت تسترجع الأحداث الي مضت وخفق قلبها بعنف واهي تتذكر المشهد .. فتحت عينها مره ثانيه وشافته واهو يراقب ملامحها وماسك إيدها
جرت ايدها منه بضعف واهي تقول بصوت تعبان : إطـلع برا ..!

خالد عوره قلبه من كلامها .. اهو كان متوقع منها أي ردة فعل اذا صحت وشافته .. تصرخ عليه .. .. تمد ايدها عليه .. تبكي .. وكان بيتحملها ويتحمل كل الي يجي منها ..
لكن مرام مافيها تسوي شي من هذا .. كانت ردة فعلها انها تطرده !
خالد برجاء : اسمعيني مرام ..
مرام : لا تطري اسمي على لسانك !! (( ودارت وجهها على الجهة الثانية واهي تقول : اطلع برا .. مابيك خلاص .. اطلع من حياتي كلها ..
خالد بانفعال : مرام لاتقولين هالكلام بالله عليك !! انتي لازم تسمعيني وتفهمين الي صار !
مرام : مني مجبرة اسمع منك شي .. انت واحد مخادع كذاب شلون اسمعك ؟؟
خالد : مالومك بهالشعور لأنك مو فاهمة شي .. مرام صدقيني ضحكت علي ! قالتلي بتسلمني أشياء تريحني وتريحك منها بس اتفاجأت انها تبي تقعد معاي و ...
طالعته مرام بنظرة احتقار وقالت : و إيش كمل ؟؟؟ ماقدرت ترفض وتطلع ؟؟ خقيت قدامها واتحركت مشاعر حبك الأول !
خالد : لا يامراااام ماعاد بقلبي مشاعر ناحيتها صدقيني ..
مرام بصوت اتهدج من الدموع : خالد أنا أخذتك دارية ان لك ماضي أسود ومع ذلك رضيت ! ولا أنا انسانة عفت نفسي وصنتها شالي يجبرني آخذ واحد لعب بماضيه لين شبع ؟؟ بس لأني أحبك وأبيك ولأني صدقت ان ماضيك انتهى .. وعلى هالاساس اتقبلتك مو عشان يتجدد ماضيك حتى بعد ما أخذتني .. خالد انت انسان ضعيف .. تحاول تنسى ماضيك بس مو قادر .. صحيح سكرته بس أي نداء منه يرجعك له على طول !! لأنه لازال لها مكان بقلبك !!
خالد : مالها أ ...................
مرام وهي تبكي : لاااااتحاول تنكر ياخالد .. مافي شي يجبر زوج يحب زوجته ويخاف ربه انه يقعد مع وحده غريبة عليه الا لأنه ضعيف قدامها .. واسمحلي خالد .. انا ماتحمل أعيش مع واحد بهالشكل .. (( بكت أكثر واهي تقول : اطلللللع برا واتركنيييييي خلاص مابيك مابيك مابيييك ..

انطعن خالد بالصميم !!
كلام مرام نسف كيانه ودمره .. كلامها صحيح وماعليه غبار .. لو اهو كره رهف وقرر يبعدها عن حياته كان مانتظر يهددها بالفضيحة لهاللحظة !!
سأل نفسه ليه مو من أول رجعـة رجعتها لحياتي هددهتا بهالفضيحة وافتكيت .. أو من أول اتصال لها بعد ملاكي .. !! مو بعد ما شافتني مرام بوضع خلاني أهون من الحشرة بعينها !
شالي كان يمنعني من اني أبعدها وانا كل الي كنت اسوية اتجاهل اتصالاتها وبس !!
أنا الجاني وأنا الظالم وياويل قلبي منك مرام .. !
ياسخرية الأقدار الي خلته من البداية يرفض مجرد الكلام مع مرام بهالموضوع لأنه يحسه اهانة لعلاقتهم !! وآخرتها تنهـــــار هالعلاقة بسبب رضوخه الغير منطقي لطلب رهف !!

دخلت الممرضة واستغربت حالة مرام .. مشت واهي تقول : اش الي صار أخوي المريضة محتاجة ترتاح مو تنهار أكثر .. تعرف معها هبوط بالضغط بليز اتركها ترتاح

ضاقت الدنيا بعيـــــونه !
وقف واهو يحس بقلبه ينزف من جروح القدر .. مسك ايدها وحاولت تسحبها بس كان ضاغط عليها .. رفعها لفمه وباسها .. وانحنى عند راسها وقال بغصة : انا باطلع عشانك الحين بس راجعلك بعدين .. الموت ولا فراقك مرام ..
وترك ايدها وطلع وعيونها تتبعه وتناديه .. بس قلبها يرفضه ويعاديه .. !

جوها أهلها وكان خوفهم على حالتها أهم عندهم من معرفة شالي صار .. وماصار الليل الا واهي طالعة البيت بعد محاضرة طويلة من الدكتور كلها تلزمها انها ترتاح وتبتعد عن أي ضغوط .. بنت صغيرة بهالعمر .. ليه يصيبها انهيار ؟؟؟


*****

في فندق العروسين

انتبهت عبير من نومها ووقعت عيونها على مكان تركي فاضي ! استغربت وقعدت بخفة وطالعت الساعه لقت الوقت متأخر !! يالله صارلي كم نايمة ؟؟ شالي نومني هالوقت أصلا .. أذكر اني نمت بالصالة .. يوه يافشلتي شكل تركي شالني ودخلني !

فركت وجهها بوهن وقامت من فراشها وفتحت باب غرفتها لقت الصالة فاضية ! توقعت انه راح يصلي .. رجعت وفتحت دولابها أخذتلها حدا ملابسها الناعمة ..ودخلت الحمام ..

رجع تركي هالوقت من الصلاة وانتبه لباب الغرفة مفتوح .. دخل لقى السرير فاضي عرف انها صحت ..
ياسلام الغرفة باردة واهو فيه النوم .. له اسبوع مايشبع نوم وياكيف بيشبع وعبورة قربه !
بدل ملابسه بملابس البيت ورمى نفسه على السرير
شوي وطلعت عبير بلبسها الفستقي الناعم .. فستان بلا أكمام لنصف الساق ..

شافت تركي واهو ماخذ السرير بالعرض ومغطي وجهه بالمخدة ..
ضحكت وحبت تناكفه مشت بنعومة وأخذت مناديل ولفته لين صار طويل ونحيف ..
وقعدت وراه وسندت ذراعينها على ظهره وصارت تلعب بالمناديل عند اذنه ..
حرك تركي راسه واهو يقول : هممممممممممم ..
ضحكت عبير وهي تقول : قوم ياكسلان ..
تركي واهو كاتم وجهه بالمخده : تعبان ابنام ..
عبير : مافيه نوم تركي خلنا ناكل جوعانة ..
تركي : اوكي شوي بس ..
عبير : لا الحيييين .. بعد لثلاثة وقوم .. 1 .. 2 .. 3
تركي ماتحرك ..!
قامت عبير وهي تقول بزعل مصطنع : طيب تركي ماحبك ..
نزلت من السرير ومشت للباب الا تركي يقول : شقلتي ؟؟؟
التفتت عبير وشافته واهو رافع راسه مو ورى المخده وشعره مبعثر طالع يجنن .. وقالت بدلع : الي سمعته !
تركي : ماتحبيني هاه ؟؟
عبير ضحكت بداخلها بس حبت تناكفه وقالت : اي ماحبك انت عنيد وماتسمع الكلام !
تركي واهو يوقف : بتسحبين كلامك ولا شلون ؟؟؟
عبير وايدها على خصرها : لا مو ساحبة كلامي شعندك ..؟؟
تركي كان واقف على السرير واهي متخصرة بالأرض شكلهم يضحـك ..
تركي : انا اوريك شعندي (( وبنقزة وحده صار قدامها واهي اخترعت ورجعت على ورى بس تركي كان أسرع منها شالها بخفة ومشى فيها وهي تقول بضحكة : شبتسوي ؟؟؟؟؟؟؟؟
تركي : الحين تشوفين ..
مشى لين دولاب طويل بأدراج .. دف الكرسي برجوله لين حطه قدام الدولاب وطلع عليه .. ورفع عبير بكل قوة قدره ربي عليها لين وصلها فوق الدولاب وحطها واهي تصرررررررخ واهو يضحك ..
نزل من الكرسي وشاله من قدام الدولاب ورمى نفسه على السرير واهو يقول : لو سمحتي مابي ازعاج خليني انام ..
عبير بخوف : تركي حرام عليك نزلني ..
تركي كاتم وجهه بالمخده عشان لاتشوف ضحكته...
عبير : تركي خلاص والله مازعجك والله بخليك تنام زي ماتبي بس نزلني ..
تركي : خليك وتقولين ماتحبيني .. اتحملي الي جاك !
عبير وهي شوي وتبكي : تركي امزح معااااك .. نزلني ترا والله أخااااااف ..
تركي رق قلبه من صوتها المبين انها صدق خايفة .. لف جسمه وطالعها ببرود مصطنع وقال : تبين تنزلين ؟؟؟
عبير : ايه بسرعه والله خايفة أطييييح ..
تركي وهو رافع حاجب : اوكي .. قولي أحبك 15 مره بعدين أنزلك ..
عبير بصدمة : تركي انت من جدك ؟؟ حبيبي نزلني واقولك الي تبي ...
تركي : مو منزلك قبل ماتقولينها ولا كيفك ترا بنام !
عبير : لالا .. لاتنام ..
تركي : زين يالله قولي
ضحكت عبير بحيا واهي من تزوجوا ماقالتله هالكلمة الا مره وحده واهو اللي يالله سحبها منها .. والحين تركي مخيرها بين خيارين أهونهم صعب ! ياانه يتركها فوق الدولاب ولا تقوله أحبك 15 مره !!!
اتربعت وظهرت كل سيقانها وحطت ايدها تحت خدها وابتسمت بحرج وقالت واهي تحاول ماتطالعه : أحبك .. أحبك .. أحبك .. أحبك .. أحبك .. أحبك .. ((كانت ترددها بدون عد !!
وتركي كان منخبل على هيأتها ويضحك عليها ولا عد كم مره قالت ..

فاجأة سكتت عبير وقالت : كم صارت ؟؟؟
تركي : مادري .. ماكنتي تحسبين ؟
عبير بقهر : لاااااا .. انت ماكنت تحسب ؟؟؟
تركي: لاء .. يالله عيدي من جديد ..
عبير : ياربييييييييي مابي مابي نزلنييييييي ..
تركي : بتعيدين ولا بنام ترا أحس عيوني تتسكر بحالها ..
عبير بتنهيدة : ياويلي منك .. أوكي بعيد وانت احسب باصابعك
تركي بضحكة : أوكي ..
عبير : أحبك .. أحبك .. أحبك .. أحبك .. أحبك .. أحبك ..
وتركي يعد بأصابعه ويضحك .. لييييييييين كملتها 15 مره !
وعلى طول فزت وقالت : يالله نزلني
تركي انهوس من برائتها وقام واهو يقول : كنتي تقدرين تنطين على السرير .. شوفيه قريب !..
عبير : لا حبيبي انا مو بايعة عمري لو فتون اختي كان سوتها بلا تردد ..
تركي مايبيها تصير مثل فتون .. وعابجته واهي بريئة ونعومة بهالشكل .. ونزل ووقف قدام الدولاب ورفع ايدينه وقال : ارمي نفسك ..
عبير : لااااااا .. جيب الكرسي ونزلني زي ماطلعتني ..
تركي : عبير ماراح تطيحين .. بامسكك بسرعه الأرض قريبه ..
عبير واهي تطالع الأرض بخوف : ياويلي !
تركي: يالله عبير .. بامسكك أنا مستحيل أخليك تطييحن ..

استسلمت عبير ونزلت رجولها أول شي .. بعدين زحلقت نفسها واهو مسكها على طول بس تعثر وطاح على السرير على ظهره وطاحت عبير فوقه ..
عبير وجهها بوجهه خافت وقالت : تعورت ..؟؟
تركي طالعها لحظات وبدل مايرد قرب فمه وباسها ..
استحت عبير وضحكت وقالت : اقول لاتستغلني وقوم أكلني يالله ..
تركي بنظرة ولعتها : لاحقين على الأكل عبير ..
عبير بضحكة : الحين مو تعبااااااان وفيك النووووووم !
تركي باستهبال : أنا فيني نوم ؟؟ أفا من قال هالكلام ..؟؟

ضحكـــت عبير بنعومة .. وذاب تركي من ضحكتهــــا

**********
ابريطانيا

طلع أنس من الشركة واهو يكلم بالجوال : زين حياتي أكلمك بعدين لأني بسوق الحين .. بانتبه ان شاء الله .. اوكي ياعمري .. أحبك .. سلام
سكر ولاسعود جمبه يغني : ناس في مراكب سايرة وناس في مراكب تايهة وحايرة ..
أنس : لاحووول .. ردينا ؟؟
سعود : ليه ومن قال اننا خلصنا ..
فتح باب السيارة وركب .. وأنس ركب جمبه وشغل السيارة واهو يقول : وينك وقت البريك مريتك مالقيتك بالمكتب !
سعود : ايه وقتها دقت علي امي وطلعت اكلمها ..
أنس : غريب تدق هالوقت ؟؟
سعود : حتى انا استغربت .. بس ياخي صايرة شوية مشاكل عندنا وتبيني أكلم فتون ..
أنس ماحب يدخل نفسه وقال : ايه الله يصلح الأحوال
سعود :آمين .. ليه ماسك هالشارع وين بتروح ؟
أنس : بمر الفيوتشر شوب شوي ..
سعود : يوووووه أنس مالي خلق تكفى وصلني البيت وروح بكيفك
أنس : لاحبيبي مافيني رايح جاااي تعال معاي ومو مطول هناك ..
سعود : أنس بالذات هالمحل حوووسة ماطيق أدخله ..
أنس : سعود لاتصير بزر ..
سعود انتبه لمحطة باصات بالطريق وقال : اقول وقف باخذلي باص يوديني البيت !
أنس : مانت صاحي ياخي امش معاي شوي اخلص ونرجع ..
سعود : اعرفك انت راعي طويلة .. وقف يالله ..
أنس : بكفيك ..
وقف السيارة على الجمب ونزل سعود وسكر الباب ومشى متوجه ناحية المحطة ..

::

بنفس الوقت
طالعت وعد ساعتها لقت باقي دقايق وينتهي الدوام .. سكرت الكامبيوتر بعد ماخزنت معلومات شغلها فيه .. وقفت وشالت بعض الأوراق وراحت للمديرة وسلمتها اياها وشكرتها المديرة على جهودها
وقفت بعدها عند المراية وعدلت طرحتها .. وشالت شنطتها الصغيرة على كتفها ومشت طالعة من المحل متوجهة لمحطة الباصات ..

كعادتها من تطلع من المحل ينهار القناع المزيف الي يكتسي ملامحها طول مهي بالشغل .. من ابتسامة ومرح .. ومن تعتب باب المحل ترجع لطبيعتها الحزينة وعيونها الضايعة بالأماكن !!
تلمح خياله بين الرايح والجاي .. تحس بروحه طيف يسكن بعيونها

عرفتك بالزمن صدفة ....... بلا خطة ولا ميعاد
سكنت بقلبي وبجوفه .. وصرت لدنيتي أعياد
قدرنا نفترق لكن .......... عذابك بالفراق ازداد
لأنه مانتهى صدفة ......... أهو خطة غدر تنعاد

وصلت للمحطة واهي تكابد جروحها .. طالعت الوقت باقي دقيقتين ويوصل الباص .. اختارت أحد الأماكن البعيد عن زحمة الركاب .. وسندت ظهرها على الجدار .. وشنطتها على صدرها حاضنتها بذارعينها .. !

كان سعود واقف وكفوفه بجيبه ويتأمل السيارات يحاول يلقط منها الباص ..
رجع يطالع الركاب بتلقائية .. وجت عيونه ترجع للشارع الا اصطدمت بشخص بعيد واقف عند الجدار !!!
بنت بحجابها !!
انك تشوف وحده محجبة ببلاد الكفر شي يلفت النظر لمجرد احساسك ان هالوحدة مسلمة أو عريبة .. ذا أول شعور راود سعود أتبعه شعور ثاني يوم طرت على باله صديقة وعد المحجبة .. شهد .. (( تدرون وعد ماكانت تلبس حجاب قبل مايتركها سعود ))

كانت بعيـدة وماقدر يتبين ملامحها .. بس شعور غريب حسه يوم طول النظر فيها .. اقتنع انها مو شهد لأن واضح حتى واهي بعيد انها مو نفس الأشباه !! لكن هالوقفة الحزينة والراس المايل على الجمب .. ! يذكرونه بوعد .. بس وعد ماتلبس حجاب ..مشى كم خطوة واهو يتفرس ملامحها وقلبه يخفق بطريقة عجيبة .. كل ماقترب كل ماتيقن بداخله انها هي بس حجابها الشي الوحيد الي يخليه يعترض على احساسه ..
وصل الباص وقاموا الناس ومشوا للباص واتزاحموا
واختفت من عيونه .. !!
انقهر واهو الي يبي يشوفها عن قرب ويقطع الشك باليقين .. بس اتطمن انها ماوقفت بهالمحطة الا أكيد بتركب الباص .. انتظر لين ركب الكـل وركب اهو آخر واحد .. !

كانت قاعدة جمب احدى الشبابيك .. لما انتبهت لدخول آخر شخص للباص .. وآخر شخص اتوقعت انه بيركب معها نفس الباص !!

مشى سعود يدور مكان يقعد فيه وبنفس الوقت يدور البنت الي شافها
و
التقت عيونهم .. !

غـريبة قصة أيامي .. جنون الحب ابد مادام ..
كنتي جنة أحلامي .. وعشت بالفراق إعدام
رحلتي وضاعت أحلامي وقتلتي قلب لجلك هام
واشوفك الحين قدامي ..
حقيقة ؟؟ ولا حدا الأوهام ؟؟

مضى وقت وعيونهم معلقة ببعض .. وعواصف هوجاء تعصف بقلوبهم واثنيهم مو مصدقين الي يصير !!!
انتبه سعود لنفسه ..يوم مشى الباص واهو واقف ..
مشى بسرعه واختار أحد الأماكن وكان خلفها على الجهة الثانية .. قدر على الأقل يتبين جمب وجهها ويعيش حققية وجودها عنده ..

حس بروح تنبث بداخله وتسكن كيانه
عرف انه كان عايش بفراقها بلا روح .. بلا معنى .. بلا احساس ..
لأن كل هالمعاني سرقتها منه ... ورحلت !!

وعد نفسها كان قلبها يخفق بعنف شديد واهي الي شافته بعد طول هالفراق .. مو مصدقة ان سعود قاعد خلفها .. رجعلها .. شافها .. شكرت الصدف من كل قلبها ؟؟؟
غريبة اهي الي اختارت الفراق بنفسها .. لو سألوها بتقول هاللحظة أسعد لحظة بحياتها .. لأن شعورها هاللحظة .. شعور طفلة ضايعة لقت الأمان .. عرفت انها كانت عايشة بفراقه جحيم الحرمان .. والضياع .. !

طول الطريق واثنينهم على أعصابهم مايدرون شكاتبتلهم الدنيا باللحظة الجاية .. يرجعون يتفارقون !! ولا هذا هو اللقاء الي سرقته الدنيا منهم !

وقف الباص وقامو الركاب ونزل بعضهم والبعض ظل راكب منهم سعود ووعد !

وبكل محطة يوقف الباص ينزل البعض الا اهم ..
لأن اثنينهم شعورهم واحد ..
اثنينهم خافوا يتحركون وينزلون .. وتكتب عليهم الدنيا الفراق من جديد .. ! محد منهم بيتجرأ ويلحق الثاني !
لذلك قرروا يقعدون بهالمكان الي جمعهم بلا ميعاد ..
فكر سعود .. لمتى ؟ بتجي لحظة لازم ينزلون .. ووقتها .. شالي بيصير !!

وفجأة خلى الباص من جميع الركاب الا منهم اهم بس الاثنين
قال السائق بالانجليزي واهو مستغرب بقاء هالاثنين لهالوقت : انا حامشي لمحطة الـ ..... ! وهي تبعد ساعه .. حترافقوني لهناك بعد ؟؟؟؟

وقف سعود وطالع من الشباك للمكان الي وقف الباص فيه .. مكان مجهول وبعييييييد ولأول مره يشوفه .. بس مضطر ينزل خلاص لمتى بيظل بالباص .. مشى لين وصل لكرسيها .. والتفت وقال : ماراح تنزلين ؟؟؟
خفق قلبها وارتعشت ايدينها يوم سمعت صوته الي فقدته شهور طويله .. التفتت وشافت بعيونه نفس نظرة الخوف والحرص الي فقدتها ..
وقالت بهمس : الا .. (( وقفت وشافت من الشباك المكان الغريب .. والي لأول مره تشوفه !! راودها شعور بالخوف بس قرب سعود منها حسسها فورا بالأمان!

مشى سعود ومشت خلفه .. قرب من الصندق الي بجمب السواق ودفع المبلغ عنه وعنها ..
واهي وراه متنحة ماتدري شتسوي
.. بس تتبعه .. !

نزل من الباص ومشى كم خطوة ونزلت اهي وراه .. !
طالعها سعود لحظات .. واهي ماتحملت تطالعه نزلت عيونها على الأرض ..
اتنهد ومشى ومشت خلفة بخفة ..

سألها : جيتي هالمكان قبل ..؟؟
وعد : لاا ..
سعود : أوكي خليك هنا الحين أجي ..
وعد بخوف : فين رايح ؟؟؟؟
طالعها سعود وشاف الخوف بملامحها وقال : بروح أسأل عن موعد الباصات الي تجي هالمحطة .. اقعدي لين أجي ..
بلعت وعد ريقها بصعوبة وتأملت المكان حولها بخوف وقالت : أول مره أجي هنا .. أخاف أجلس لحالي ..
رق قلب سعود عليها ولام نفسه أصلا شلون فكر يتركها لحالها ..
ابتسم ابتسامة ذبحت قلبها وقال بحنية : تعالي معاي ..
مشى ومشت جمبه لين وصلوا أحد المحلاات وطلبوا مطوية الباصات .. قرا سعود مواعيد الباصات وكانت المفاجأة ..!!
أقرب باص ممكن يجي هالوقت بعد ساعتين.. !!
احتاااااار شسوي ؟؟ يكلم أنس؟؟؟ مستحيل أنس بيعرف هالمكان ويجيه .. ساعتين بيقضيها مع وعد !! كيف قلبه بيتحمل ؟؟ واش ممكن يسوي ؟؟

طالعها وقال : عندنا وقت طويل على مايجي الباص ..
هزت وعد راسها وعيونها متعلقة بعيونه ..
سعود : ماظن بنوقف بالشارع .. تعالي نشوف مكان نقعد فيه ..
وعد بهمس : على راحتك
مشى وتبعته وعد لاشعوريا .. نست كل شي هاللحظة .. نست قراراها بالابتعاد .. نست نهاية علاقتهم .. نست كل شي وماعاد تفكر الا برجعته .. وشوفته .. وقربه منها .. ومشاعر الراحة والأمان الي تحسها بقربه ..
مشى سعود وعيونه تراقب المحلات يدور شي مناسب يقعد فيه اهو وعد !
شالي صار ؟؟ كيف لقيتها ؟ شلون رتبت الدنيا هللقاء بيننا بعد ماصار وجودها سراب بحياتي؟
معقولة هالسراب استوى واقع !!؟
التفت وطالعها بنظرة خلت وجهها يولع مايدري من أي شعور بالضبط ؟؟ يبي يصدق عيونه .. وحتى لو أنكرت عيونه وجودها مستحيل قلبه ينكر .. تكفي المشاعر الدافية الي حسها أول مالقاها
وعد شوي وتطيح من تصادم الأقدار .. لاحظت نظراته الي يرميها عليها بين لحظة والثانية .. تشوف فيها بحر عميق من المشاعر قدرت تمير بينها نظرة عتب !
ياويلي من هالنظرة سعود .. انا بروحي ميتة ومنتهية مو عاد تذبحني بنظراتك .. اش الي تحس فيه الحين اش الي يدور ببالك ؟؟
لهاللحظة مادار بينهم أي كلام خاص !! ولا حتى سأل عن أحوالها ..
كن الي معاه وحده جمعته فيها ظروف وقتيه بتنتهي بعد ساعتين ويرجع كل شي زي ماكان!!
وعد نغزها قلبها من هالخاطر ! هل بتستحمل يرجع كل شي زي ماكان .. ويختفي سعود من حياتها من جديد ؟؟؟

وصلوا لأحد الكفيهات .. ودخلوها .. تلفت سعود لقى طاولة جانبية ..
قال بهدوء كنه مراعي ضجة مشاعرها هاللحظة : وعد .. اقعدي هنا باطلب كفي وأجي ..
اسمها بلسانه له وقع خاص كنه أول مره يناديها .. !
مشت للمكان الي أشر عليها ولازال الصمت وبس الصمت رفيقها من بداية المشوار .. كل الكلمات ضاعت منها مابقالها غير الصمت ونظرة عدم التصديق لوجود سعود معها !

دقايق وجاها سعود حامل كاسين .. حط الكاس الأول قبالها .. شكرته بهمس ورد عليها بهمس ممثال ..
قعد قدامها والكاس بإيده ..
مرت دقيقة والصمت يذبح بينهم ..
كانت وعد تقلب الملعقة بالكفي مكونة دوامة بهالسائل تشابة دوامة مشاعرها هاللحظة ..
قدر سعود هالوقت يطالع فيها ويتأمل ملامحها المكتسية بالحزن .. والضياع .. نفس الملامح ونفس الهيأة الي شافها فيها أول مره بالفندق ! بس الفرق ان وقتها كانت بلا حجاب !!
قال بهدوء : مبروك الحجاب !
أخذت وعد نفس ورفعت عينها وردت : الله يبارك فيك ..
سعود : ماشاء الله شالي غيرك وخلاك تلبسينه ؟؟
وعد : أنا من يومي ألبس حجاب بس ظروف عملي أجبرتني أخلعه .. والحين لما تركت العمل قدرت أرجع ألبسه بدون أي موانع ..
سعود : امهمم .. وشالي خلاك تتركين العمـل ؟؟
صدمـــــــــة !
سؤاله ضربها على الوتر الحسـاس !
كيف بتجاوبه وتعترف ؟؟؟
قال واهي تحاول تضبط رعشة صوتها : أسباب كثيرة خلتني أتخذ دا القرار ..
سعود : ممكن أعرف بعضها ؟؟
بلعت وعد ريقها بتوتر .. عمرها مارتبت كلام لهالمواجهة .. ولا هي عارفة كيف تصيغ أعذارها بطريقة مناسبة ..
طال صمتها وسعود ساكت يراقبها كنه حاس بالي يدور بخاطرها .. وبالآخر قالت : بصراحة أنا من البداية ماكنت مرتاحة بالعمل .. أكثر شي احساسي بالذنب فـ كل يوم أطلع فيه الصباح من بيتي بلا حجاب .. هذا سبب .. والثاني ..... !
سعود يحثها تكمل : .......... الثاني .. ؟
وعد لاشعوريا تجمعت الدموع بعيونها .. وقالت : انت تعرفه !!
سعود واهو رافع حواجبه باستغراب : أنا أعرفه !؟ صدقيني ماعرف شي .. !
وعد :مو معقول .. أكيد خطر على بالك ..
سعود واهو ينقل بصره بين عيونها : الحين انتي ليش تبكين ؟؟؟
وعد : الموضوع دا مأثر على نفسيتي مره ..
سعود : أوكي وليه سويتي كذا ؟؟ ليه تعبتي نفسك بهالشكل ؟
وعد : لو ماسويت الي سويته كنت بالنهاية حاتعب أكثر !
سعود واهو مو مستوعب قصدها ومشاعرها : ليه ؟ كان واضح انك مرتاحة !
وعد : مرتاحة صح .. بس حيجي يوم تطلع كل هالراحة من عيوني !
سكت سعود يحاول يستوعب قصدها .. راوده شعور انها تقصده اهو .. واليوم الي تتكلم عنه اهو يوم رحيله ! حب يتأكد من شعوره الي توصله وسألها : بيأثر عليك هالشي مره ؟؟
وعد : انت اش رايك ؟؟ اذا انت تحس ان قربنا عادي ومو مأثر عليك فبصراحة أنا غير عنك ..
سعود بنرة اهتمام : شلون غير ؟
وعد بتنهيدة : قربنا على قد ماكان يسعدني ..الا انه بنفس الوقت متعبني لأني مو قادرة أبعد عن بالي التفكير باليوم الي حتنتهي كل هالراحة الي أعيشها .. يمكن صعب عليك تفهمني لأن دالشي عادي عندك ..
سعود : ومن قالك انه عادي !!
ضاعت عيون وعد بوجهه ..
واهو قدر يترجم مشاعرها لأنها ماتختلف عن البركان الي انفجر بداخله من لحظة عرفها !
قال : يمكن تستغربين ياوعد بس صدقيني انتي أبد مو شي عادي بحياتي ..
التفت يبعد عنها عيونه لا تفضح مشاعره الثايرة .. وشوي ورجع طالعها بنظرة غريبة وقال : كنتي مرتبة لهالفراق قبل ماسافر ؟؟؟؟
هزت وعد راسها واهي تراقب ملامحه بحذر ..
سعود : وليه ماقلتيلي ؟؟ صدمتيني باختفائك وعد ! كنتي أقلها تركتيلي خبر ولا مسج يطمني انك بخير مو أكثر !
وعد من بين دموعها : ماحبيت اربطك معاي خفت تعترض وألقى نفسي أضعف وأتراجع ..
سعود : مو من حقي أعترض وعد .. حتى لو تركتيلي عناوينك كلها كنت بتفهم غايتك من رحيلك وماراح أضغط عليك .. بس يتطمن قلبي انك بخير وانك مرتاحة .. مو تختفين فجأة قلقتيني عليك وعد !
غطت وعد فمها بإيدها تمنع شهاقها المكتوم .. وماتحمل سعود يشوفها بهالشكل .. سحب منديل من الطاولة وعطاها واهو يقول : لا تبكين .. تكفين !
أخذت المناديل ومسحت عيونها بصوابها الناعمة وسعود يقول : وعد أنا ماعاتبك من فراغ .. أعاتبك من احساس قلب .... (( اتمنى يقولها يحبـــــك .. يتمناك .. يهيم بهواك )) بس كبت هالمشاعر وقال : قلب يعزك ويتمنالك الخير .. من عرفتك وانتي استويتي شي مهم بحياتي كان صعب علي أرجع ألقاك اختفيتي بدون مقدمات ..
وعد : آسفة سعود .. بس صدقني مادفعني لدالشي إلا لأني أدري ان بعادك الأخير بيقتلني !!
سعود : وليه يقتلك ..؟؟
وعد بلا شعور : لأني أحبـــك !
=================
لانت ملامح سعود من صدمة اعترافها !! ورجع على ورى بخفة وكلمتها يتردد صداها بإذنه يحاول يستوعب الي سمعه حقيقة ولا يتهيأله !
اعترافها كان ساحق لكل التوقعات الي خطرت على باله عنها .. !
وعد ماتدري شلون قالتها .. كيف تكونت هالحروف على لسانها مشكلة هالكلمة ! ماتدري شالي يحس فيه هالوقت وشالي بيقوله عنها .. !
نزلت عيونها وقالت بهمس : آسفه ..
سعود : على ايش الأسف ..
وعد : اتجرأت بمشاعري بس ماكان بإيدي .. وهذا سبب ابتعادي ..!
سعود بحنية : هربتي بحبك أحسنلك من انهياره بعد فترة !
هزت وعد راسها بملامحه تشع بالألم ..
سعود بابتسامة تسحر : مشاعرنا مهي ملكنا ياوعد .. ولاهو هو بكيفنا نمنعها عن الي نبي ونوجهها للي نبي .. ( واتنهد واهو يقول : ناس نحاول نحبهم وتعجز قلوبنا تودهم مجرد ود ! وناس .. ( ابعد عيونه عنها ) سكن حبهم بقلوبنا وسكن جوارحنا من أول ماعرفناهم..
وعد واهي تمسح دموعها بطرف كمها : ونهاية الحب دمار .. ماتشوف ان البعد من البداية أحسن؟؟
سعود : أنا أحترم قرارك وعد .. بس ماتدرين هالدنيا شتخبي لنا من مفاجآت !
وعد : ماعاد فيني اتحمل مفاجآت أكثر الي لقيته بحياتي يكفي وزيادة !

سعود اتألم حيل على حالها .. اتوقع انه اهو بس الي يعاني حبها .. وهذا هو الحين لقى ان قربه كان عذاب لقلبها أكثر من انه راحه !
شلون بيتحمل واهو ماعاد همه بهالدنيا غير سعادتها ..؟؟

عجيبة دنيا ماترحم .. تقرّب بين قلوب اثنين .. ويصير الحب هاجسهم .. وروح وحده سكنت جسدين .. سرقنا دربنا بغفلة .. ولقينا الحـب سكن قلبين
نهاية دربنا صدمــة .. نبي نمشي ونغمض العين !

طالع ساعته لقى الوقت اقترب .. رفع عينه وابتسملها ابتسامة ذوبت روحها .. بادلته ابتسامته بخفة وفهمت ان الوقت حان ولازم يقومون ..
وقف ووقفت معاه ومشوا .. وزي ما دخلت بصمت .. طلعت بصمت .. وطول الطريق بصمت .. بس هالمره رجعت بمشاعر غير .. كن جبل كان على صدرها وانزااااح يوم اعترفت بحبه ..
ماتدري شنوع مشاعره ناحيتها بالضبط .. بس الي همها انها خلته أمام صورة واضحة بلا أي غباش ..
وقفوا عند المحطة بانتظار الباص
كل من شافهم وابتسملهم يحسبهم أسعد زوجين ..
اتمنت وعد هالوقت نفس هالأمنية واهي تطالع سعود بطرف عينها ... لأي مدى بوصل من السعادة لو وقفت بيوم نفس هالوقفة مع سعود لكن بوضع مختلف .. زوجته !
آه ياقلبي شكثر جميلة الأحلام لما تكون بالخيال بس .. وياويل قلوبنا اذا ربطناها بواقعنا العقيم !
وصل الباص ومشوا متجهين ناحيته .. ركبوا .. وقعدوا بأماكن مختلفة .. وعد تفضل تقعد بطرف مافيه الا كرسي واحد عشان تمنع عنها الحرج لايقعد بجمبها رجال ..

هالباص وصلهم لمحطة ثانية ومنها أخذوا باص ثاني .. بهالوقت وعد قالت لسعود عنوانها .. مافكرت بشي هاللحظة غير انها مو قادرة تستوعب ان هالمرة بتكون آخر مره تشوفه ..

ركبوا الباص ومشوا لمنطقة بيتها .. ونزلت وعد وعيون سعود وقلبه يتبعونها .. مشت لين اختفت من قدام عيونه ..

شهد بهاللحظة انه لو عاش قبل جنون ماكان بيوصل لجنون حبه هالوقت ..
اتمنى من كل خاطر ينزل وراها ويطير فيها لجنة مايعيشها غيرهم ..
وردها حبهم .. عطرها قربهم .. شمسها وجودهم .. وظلها هواهم !

******

بعد أسبوع من الأحداث السابقة

مشت منى لغرفة مرام وقبل ماتوصل سمعت تلفون البيت يدق .. جت تبي ترجع ترد بس ترددت وخافت يكون خالد !! ماتبي ترد عليه لأن لو سألها عن مرام ماتدري وش بتقوووووووله !!
طنشت التلفون ودقت باب غرفة مرام .. وبعد لحظات فتحت مرام الباب وعيونها متورمة من البكي الي صار صديقها من طلعت من المستشفى ..
اتنهدت منى بضيق ودخلت وسكرت الباب واهي تقول : يعني مو قايلتلي شصار ؟؟
مرام : منى انتي ماتملين ؟؟؟ قلتك مابي اتكلم بالموضوع أمي الي هي أمي ماعاد سألتني انتي ليه ماتصيرين زيها ؟؟؟
منى : لأن امي ياحلوة مايرجها خالد بالاتصال ويقعد يتوسلها مثل مايسوي معاي والله شوي ويبكي واهو يترجاني اكلمك واقنعك تردين عليه وتكلمينه !
مرام بدموع : يعني رحمتيه اهو وأنا الي صرت ظالمة ؟؟؟
منى : شسويلك انتي مو راضية تحكيني !
مرام : ليه هو ماحكاك طيب !
منى : حتى اهو مب راضي يحكي .. كل الي يبيه اني أقنعك يكلمك بعد ماقطع الأمل انه يشوفك ! والله صرت مارد على مكالماته لأني ماعاد صرت اعرف وش أقوله !!
مرام وهي تبكي : مااااابي يامنى أكلمه ولا أشوووفه تكفيييين خليه يبعد عني انا للحين ماطلبت طلااااقي ومادري شالي مانعني أطلبه .. لايضغط علي بهالشكل يخليني أسوي شي يدمرنا احنا الاثنين .. !
منى بصدمة : طلاااااق !!!!!!! مرام .. انتي شقاعدة تقولين ..؟؟؟
مرام واهي تمسح دموعها : خلاص يامنى لاتسأليني شي بالله .. قلتلك مو متكلمة بالموضوع بس اتوقع فهمتي انه شي كبير .. خلاص محد له شغل فيني اتركوني بحالي تكفوووون ..!
منى لازالت مصدومة وشي بخاطرها بدا يحسسها انه الي صار له علاقة بماضي خالد ..!!

مشت وسحبت مناديل وعطت اختها ومسحت على راسها بحنية .. وتركتها وطلعت واهي تقول بخاطرها .. والله ان كانك ياخالد مسوي شي من سواياك الأولية فانا أقولك احلم بتراب رجولها !!

اتأففت من هالوضع الي صاير .. كلن بغرفته مهموم .. مرام الحين وحنان من أول ماتدري شالي قلب حالها ورجعت مثل أول !!!

نزلت الدرج ولقت امها قاعدة وشبح ابتسامة مرسوم على شفاتها
انشرح صدرها يوم شافتها على الأقل فيه أحد يضحك بالبيت
قعدت وهي تقول : شكلك متونسة يمه شعندك؟؟
توسعت ابتسامة أم فيصل وقلت : حزري من دق تو ؟؟؟؟
منى باستفهام : ميييييييين ؟؟؟؟
ام فيصل : خالتي أم سعد !!!
منى باستغراب : ............ أم سعد ؟؟ منهي هذي ..؟
ام فيصل : جدة عبير وفتون شفيك ؟؟؟
منى استوعبت : اهااااااااا ياحلووووها .. شعندها داقة علينا !!
أم فيصل : ماتتوقعين ! داقة ياعمري عليها تخطب حنان لولدها صالح !!!
شهقت منى من الصدمة وشقت الضحكة واهي تقول : وااااااااالللللللللللله ؟؟؟؟؟؟
ام فيصل : اي والله .. تهبل اهي وكلامها تعرفين الحريم الكبار شلون يكسرون الخاطر والله بغيت اعطيها الموافقة من عندي بس تراجعت وعزمتها تجينا بعد المغرب ..
منى : اليوووووووم ؟؟؟؟؟؟؟
ام فيصل : اي اليوم والله استحيت منها مره ..
منى : حنان تدري ؟؟؟
ام فيصل بتنهيدة : لاء .. وادري لوقلتلها بتعيي وترفض زي عادتها .. عشان كذا خليهم يجون ونحطها عند الأمر الواقع .. وبعدها كلنا نقوم عليها ونقنعها خلاص تشوف حياتها وتطلع من هالصومعة الي ساكنتها ...
منى : اي والله فكرتك زينة عساها توافق يااااااااارب ..

::

بعد المغرب
رن الجرس وطلعت ام فيصل للحوووش تستقبل الخالة أم سعد ..
دخلت العجوز بعصاتها وأم فيصل هلت ورحبت فيها ترحيب يليق بمقامها ..
واستقبلها لمجلسها وقعدتها ..

الجدة بصوتها اللي مضى عليه العمر : والله يام فيصل وليدي كان يبي حنان من قبل ماتاخذ ولد الـ ....(عيلته)... بس حنا تهاونا لين راحت منه وبغى يطير مخه .. وشوفيه ياويل حاله عايفن الزواج كلش ومايبي غيرها ..
أم فيصل بابتسامة وسيعة : والله يام سعد صالح والنعم فيه رجال مالي ثوبه .. واذا علي فأنا من الحين اعطيك الموافقة ..
أم سعد : أجل نادي حنان خليني أنا أكلمها ..
أم فيصل عجبتها الفكرة وقالت : ابشري طال عمرك ..

وطلعت لغرفة حنان ودقت الباب وشوي وفتحت حنان
أم فيصل : حنان حبيبتي البسي وانزلي تحت
حنان : وليش ألبس ؟؟؟
أم فيصل : وحدة تبي تشوفك !
حنان : وحده تبي تشوفني ؟؟ منهي هذي !
أم فيصل : اذا نزلتي بتعرفين الحين بسرعه لانتفشل معها
حنان : تكفين والي يسلمك مابي أنزل .. اعتذريلها بأي شي قوليلها نايمة تعبانة مالي خلق أشوف أحد أبد
أم فيصل : والله ماقدر ياحنان اقولها هالكلام صعبة !
حنان : لييييييه .. مو أول مره يجي أحد بيشوفني وتصرفونه
أم فيصل : الي كانوا يجون غير .. والي الحين تحت غير !
سكتت حنان شوي تبي تستوعب ..
وأم فيصل قطعت عليها وقالت : بسرعه لاتتأخرين بالله عليك .. اذا كانلي عندك خاطر لاتفشليني !
حنان بهمس : ان شاء الله ..
وطلعت ام فيصل وحنان ظلت مكانها تحاول تستوعب منهي الي جاية والي شايلة ام فيصل فيها الدنيا وماتبي تتفشل قدامها ..
معقولة تكوووووون ............................... ؟؟؟؟
قطعت على نفسها تفكيرها يوم خفق قلبها بعنف .. بس حنان لاتفكرين بشي .. البسي وانزلي وخلي الأمور تمشي بطبيعتها وبعدها مافي أحد يقدر يجبرك على شي ماتبينه ..

لبست بسرعه وضبطت شكلها على السريع ومافاتها تلبس وشاحها ورمته على رقبتها ..
ونزلت
أول ما أقبلت على الصالة ابتسمت لها العجوز واهي تقول : ماشاء الله تبارك الله .. هلا بنيتي
ابتسمت حنان بحنية يوم انعكست الأدوار وصارت العجوز ترحب فيها بوقت هي انخرس لسانها وماقدرت تنطق ولا حرف يوم اتأكدت ظنونها وصات الحرمة اهي " أم صــالح "
سلمت عليها وحبت راسها وجت تبي تختارلها مكان تقعد فيه إلا الخالة أم سعد قالت : تعالي اقعدي جمبي يمه ..
انحرجت حنان ومشت وقعد جمبها ..
ابتسمت لها العجوز ومسكت ايدها وضغطت عليها واهي تقول : شلونك يمه ؟؟؟
حنان بحرج : بخير الحمدلله .. انتي شلونك خالتي ؟؟
الخالة : نحمدالله ونشكره على كل حال .. (( ورق صوتها واهي تقول : يابنيتي جايتك أنا وشيباتي أبيك توافقين على وليدي صالح .. وليدي بغاك من سنين وحنا الي ضيعناك من إيده ومن ذاك اليوم واهو ماهناله مرقد ولا ارتاحله بال .. عاف الزواج وعاف الحريم .. وهالحين كتب الله انك ترجعين لأهلك وأنا أقول ذي فرصتنا من الله نصلح الي ضيعناه .. هاه شقلتي يمه ؟؟؟؟
طالعت حنان باختها واهي حيل منحرجة .. لقت اختها تبثها بنظرات وابتسامة التشجيع .. نزلت عيونها على الأرض وبلعت ريقها بصعوبة .. صعب عليها ترفض طلب هالعجوز واهي تلمس الرجااااء بصوتها !! إهي راعية أدب وذوق وصعب عليها تسوي هالشي بدون سبب مقنع ..
عاشت لحظة صراع بداخلها واهي ماتنكر ان قلبها مال وحن .. بس ترجع تتذكر شلون عرف أسرار حياتها كلها الي حاولت تخفيها عن كل العالم والناس .. وتوقع بحيرة تعذب قلبها وروحها ..
الخالة واهي تضغط على إيدها : يمه شالي تفكرين فيه قوليلي ؟؟ اسأليني يابنيتي انا ماتعنيت وجيتك ويا تعابي الا عشان تسأليني الا بخاطرك .. هاه يمه شعندك ؟؟؟
حنان بهمس : ماعندي شي ياخاله ..
الخالة : قوليلي يمه لا تستحين .. اسأليني الي تبين عن هالولد .. والله لو ماني بأمه وشهادتي مجروحتن فيه .. ولا كان قلتلكم عن زينة طبايعه وأخلاقه ..
أم فيصل بابتسامة عذبة : بدون ماتقولين ياخالة كلنا نعرف صالح وأخلاقه الي توزن بذهب الله يخليه لكم يارب ..
الخالة : آمين .. هاه يابنيتي ماسمعنا رايك ؟؟؟
أخذت حنان نفس طويييل وابتسمت للخالة وقالت بهمس : موافقـــة !
هي قالتها ولا ماقالتها .. انقلب حال المجلس بشكل ماتوقعته حنان أبد ..
الخاله ماصدقت سمعت هالكلمة جرتها لصدرها وضمتها من خاطر أم حنووون ..
أم فيصل تجمعت دموع الفرحة بعيونها .. وحمدت ربها وشكرته الي حنن قلب حنان أخيرا بعد عذاب السنين !
اتأثرت حنان حيييييل بموقفهم .. ماتوقعت ان كلمة منها بتسعد قلوبهم عشانها بهالشكل ! شكثر شايلين همي انتوا ؟؟ شكثر حزني وانطوائي مشغل بالكم ومكدر عليكم ؟؟

طلعت غرفتها واهي ماتدري كيف وافقت .. !
صعب عليها حيل ترد العجوز .. !! بس اهي بهالشكل قبلت بصالح زوج لها !!!

ياويلي شلون باقدر أعيش مع واحد يعرف كل صغيرة وكبيرة بحياتي !!! كيييييف ؟؟

جاها نداء من أعمق قلبها .. (( هل بظل طول عمري بلا زواج ؟؟؟؟ ))
مو أكيد بيجي يوم أتزوج شخص مايندرى منهوو ؟؟
هالشخص أكيد بيعرف بعض أسراري اذا ماعرفها كلها !! شبيكون موقفه ذاك الوقت ؟؟؟
هل باتحمل نظرات تحقير لأي ردة فعل انفعالية مني !
هل باتحمل سخرية من تشوهي ؟؟
هل باتحمل أسئلة تتعلق بماضيي ؟؟

صالح انســــــان عرف كل هذا .. ومع ذلك بغاني بكل عيوبي ..

كانت هاللحظة الي وصلتها لهالشعور .. لحظة زرعت أمل شفاف بداخلها ..
عمرها كله مر بلحظة قدامها .. أحداثه كلها بحزنها وبفرحها

وقت ما تذكرت عمري ..ما ذكرت الا " وفاك "
ولو أدوّن ذكرياتي... ما طبع فيها "سواك..."
انـــت
أوفى من لقيته .. زدت عن هذا وذاك....
لا تقول اني نسيتك .. او افكر في جفاك...
لو تمنيت الأماني ..
ما طلبت
" إلا لقاك "

::

من جهـة ثانية صالح كان بالسيارة ينتظر أمه .. طلعت بعصاتها ونزل اهو بسرعه مسك إيدها وعاونها وركبها وسكر الباب
مشى بخطوات سريعة وركب وقال واهو يشغل السيارة : بشري يمه !
ابتسمت العجوز من ورى غطاها .. ياحليل وليدي مستخف على البنية .. قالت : شف ياوليدي كل شي حكمة ونصيب من رب العالمين .. بس ...
صالح بانفعال : لاتقولين رفضت يمه لاء !!!
أمه : لاحول ولاقوة خلني أكمل كلامي ..
صالح بتنهيدة : هاه كملي ..
أمه : لاصارت الحكمة من رب العالمين صار لازم ترفضك ؟؟؟؟
صالح بابتسامة خفيفة : أجل ؟؟؟؟؟
امه : الحمدلله .. وافقت !

صالح شلون أوصفلكم شعوره هاللحظة .. كنه شخص على حافة هاوية .. يايسقط فيها يايجي من ينقذه .. كان هذا حاله وموافقتها انتشلته من دمار الهاوية..
ريحته من مشاعر كاوية .. كانت لقلبه عليلة .. وكانت إهي الداوية ..!

صورتك في عيني
وفي ~ القلب ~ طاريك
تعال شوف بدنيتي وش مكانك؟
ان جيت كل دقات قلبي تحييك
وان (رحت) تواسيني بقايا (حنانك)
أعاهدك ما يوم ممكن أخليك!!
وماعاش من ياخذ بقلبي (مكانك)
وقفت السيارة قدام بيت أبو تركي .. طالعت عبير البيت من شباك السيارة كنها تشوفه ولأول مره .. لأن هاللحظة غير .. هالمره ماراح تجي زيارة وتروووح ..
هالمره بتدخل وتسكن بهالبيت !
نزل تركي ومشى وفتحلها الباب واهو يقول : هلا بعبير حياتي وعبير بيتنا الجديدة ..
ابتسمت عبير ونزلت وسكر تركي الباب من وراها ..
عبير بضحكة : مادري شفيني خايفة !
تركي : شدعوة حياتي ؟ يمكن لأنه شي جديد عليك .. بس مع الوقت بتتعودين
عبير : ان شاء الله
مشوا للباب وفتح تركي الباب ومد ايده لداخل بحركات تمثيلية واهو يقول : تفضلي أميرة حياتي !
عبير : هههههههههه بس تراني باتعوّد على هالحركات ..
تركي : اتعودي حبي أنا عمري فداك ..
عبير بدلع : يسلم عمرك حبيبي
تركي : زين لاتخليني أرجعك السيارة .. ويالله قدامي على داخل
عبير : هههههههههههههههههههههههههه طلع اسلوبك الصدقي الحين هاه ؟؟؟
تركي : هههههههههههههههههه هذا احنا خليجين ماكو حكي سنع الا ولازم كلمة تدفش بالنص ..
عبير : هههههههههههه عادي كل شي منك حلووو

انفتح الباب هالوقت وظهرت منه نهى وصرخت : عبيييييييييييييييييير .. (( ركضت عليها كنها أول مره تشوفها بس فرحتها انها بتسكن عندهم حسستها بمثل هالشعور
ضحكت عبير عليها وضمتها وسلمت عليها ..
تركي يراقبهم وابتسم واهو يقول : ماكن في واحد واقف جمب عبير !
نهى باستهبال : اي صح انت أخوي ههههههههه (( وسلمت عليه واهو قرصها من أنفها
ومشوا سوى لداخل البيت ..

دخلوا البيت لقوا الصالة فاضية .. تركي بخاطره ارتاح لأنه كان شايل هم لقاء نوال لعبير ومايدري شلون بتعاملها !
تركي : نهى وين أهل البيت ؟؟
نهى : نوال وأبوي طالعين .. ومنال ووائل بغرفهم .. (( ماكملت كلمتها الا يوم سمعت صوت الباب من وراها ينفتح ودخل أبو تركي ونوال ..
أبو تركي : السلام عليكم ..
التفتوا كلهم وردوا السلام ..
أبو تركي بابتسامة : ماشاء الله متى جيتوا ؟؟؟
تركي : هذانا مالنا دقايق .. ومشى لأبوه وسلم عليه وعبير مشت معاه وسلمت عليه وعلى نوال الي طالتها بنظرات مارتاحت لها عبير أبد .. بس اتفااااااجأت وحتى تركي اتفاااااجأ يوم قالت نوال بابتسامة غريبة عليها : كان عطيتونا خبر انكم بتجون نستقبلكم ! ونستقبل العروسة الحلوة مو تجون ومحد بالبيت ..
تركي بدون مايشغل باله بغرضها : فيك الخير ماتقصرين بس طلعتنا من الفندق كانت فجأة ..
نوال بابتسامة عذبة : نورتي البيت عبير
عبير بحرج : منور بوجودكم نوال ..

نزلت منـال الدرج وشافت الكل مجتمع عند الباب .. عرفت ان تركي وعبير توهم واصلين .. قالت بفرحة : هلا جيييييييييتوا ...
تركي بابتسامة : هلا منال اي تونا جايين
منال : نورتوا البيييييت والله .. (( وسلمت على تركي وعبير ..

تركي حس بارتياح مبدئي لهالاستقبال .. اهو موطامع بهالراحة على طول بس على الأقل وقت وصولهم .. وكلها كم يوم ويسافرون فرنسا يقضون شهر العسل ^ _ ^
انتبه لنظرات منال ونوال المشمئزة وخاف ينشعل الفتيل .. مسك ايد عبير وقال : باخذ عبير أوريها الجناح وأشوفكم على الغدا ..
أبو تركي : اكيد خذوا راحتكم ياولدي ..
ابتسم تركي وراحوا لجناحهم ..
عبير ظهر اعجابها بالجناح واااااضح على وجهها .. كانت غرفة مزينة بتصميم ياباني الي السرير نازل على تحت وكل شي بالغرفة صغير ديكور يابناني بحت ويجنن ..
غير عن صالة ملمومة ألوانها بدرجات الأخضر الهادي .. تنتهي بمطبخ صغير مجانب على قدهم ..
كان الجناح رايق وحلووو وحست عبير بالراحة فيه
تركي : عجبك ؟؟
عبير بابتسامة : مررره .. ذوق مين ؟؟
تركي : تصدقين لو أقولك ذوقي !
عبير : لااااااا معقووول ؟؟؟
تركي : اي والله ..
عبير : وااااااو تركي ذوقك روعه جنااان مره نااااااعم وحلوووو
تركي بهيام : انتي الروعه والجنان مو الجناح ..
عبير استحت لرده الغير متوقع واهو ضحك وقال : بيطول هالحيا ؟؟؟
عبير استحت أكثر وقالت : مادري انا طبيعتي كذا و .. واحنا تونا مع بعض وانت بعد مو راحمني ..
تركي : شسوي عبير كل يوم أحس اني أحبك أكثر خلاص بانفجر ..
عبير بضحكة : لا أجل نفـّـس على عمرك حبيبي لا تنفجر ..
ضمها تركي بحنية وقال : باخذلي شاور وانتي خذي راحتك بالبيت ..
عبير واهي ذايبه منه :أوكي باستناك ..
باس جبينها بخفة ومشى عنها للحمام واهي قربها من تركي محسسها بجمال الأشياء حولها ..
دارت بالجناح تتأمل كل شي فيه .. مالفتها الا أغراض تركي الي تشوفها لأول مره .. تونست وقعدت على الكرسي وصارت تقلب بأوراقه وأشرطته وتحاول تكتشف غموضه الي يدور حوله بعض الأحيان ..
مر الوقت وماحست الا بصوت باب الحمام ينفتح وفزت من مكانها ..

طلع تركي وشافها واهي قاعدة على مكتبه وقال واهو عاقد حواجبه : شتسوين ؟؟؟
عبير ببرائة : ألعب بأغراضك !!
سكت تركي لحظات واهو مستغرب صراحتها البريئة هذي .. بكل صراحة تعترف انها قاعدة تلعب بأغراضه .. ياويلي هالبنت ماتعرف الخبث أبد .. أشكرلها صراحتها ولا أعاتبها على حوستها بأغراضي ولا ........
بس وينه اهو ووين قلبه الي ماتحمل نظرات عبير البريئة والي تترقب ردة فعله .. وردة فعله ماكانت غير انه مشالها ومسك ايدها واهو يقعد على الكرسي وسحبها وقعدها بحضنه واهو يقول : شتبين تشوفين ؟؟؟
عبير بابتسامة ناعمة : مافي شي محدد بس تونست يوم شفت أغراضك ..
تركي : لا بغار منها الحين .. انا بكبري عندك وتلفتك أغراضي
عبير : هههههههههههههههههه تقارن نفسك فيها انت بعد ؟؟
تركي : اي مابي شي يلفتك غيري ولا شي يجذب اهتمامك غير وجودي انا وبس ..
عبير بدلع : وانا ماحست بأغراضك الا عشان ألهي نفسي بغيابك ..
تركي هز راسه بنظره ذوبتها وقال : وتلوموني فيها ياناس ! وربي للحين مو مصدق ان هالجمال والنعومة ملكي أنا ..
عبير ابتسمت وقبل ماترد دق باب الجناح .. !

تركي بسخرية : ذا أولها ..
عبير بابتسامة : عادي تركي لاتنسى احنا قايلينلهم بنتغدا معاهم ..
تركي ارتاح خاطره انها ماتضايقت وهالشي طمنه انها بتتقبل الوضع .. بس ياخوفه تزيد الأمور عن حدها ..
قامت عنه واهو مشى للباب وفتحه لقى وائل برا .. سلم عليه وقاله على الغدا ..

مامرت الدقايق الا وكل العيلة مجتمعة على الغدا ..
تركي عيونه تراقب كل نظرة وكل حدث واهو شايل هم يصير شي يفجع عبير ويخوفها من الحياة بهالبيت .. وجود نوال ومنال بنفس المكان شي لا يحمد عقبااه !

نهى الي حست بأخوها وصارت طول الغدا تسولف مع عبير وتحاول تجذب الأنظار لها ولسوالفها بعيد عن أي شحنات داخليه ..

مر الوقت بسلام وماصدق تركي خلصوا يبي ياخذ عبير للجناح يرتاح ..
نهى : تركي خلها تقعد معانا ..
تركي : لا والله تعبان وبنام ..
نهى : انت فيها شي مسامعك ؟؟ اقول خل عبير تقعد معانا مو انت ..
تركي : اي وانا هذا الي سمعته ..
نهى : اوكي روح نام شدخلها فيك ..
عبير ضحكت على نهى وتركي قال : لا حبيبتي مايهنالي النوم واهي بعيدة عني ! بس من وين بتفهمين انتي يالمفعوصة ..

نهى : اوريييييييييك الحين صرت مفعووووصة يالمطفوووق

وائل : وليييييه .. فكينا انتي خلنا نسولف برواااق

نهى : هههههه وانتي من قال أحد بيسولف معاك !
وائل : عبير بتسولف معاي ولا لاء ياعبيييييير؟
عبير بابتسامة حنونة : الا بسولف واقعد معاك ونهى خلها تولي !

نهى : شف شف شف ..!! اوريك عبورة وانا الي طرت من الفرحة يوم جيتي !
وقف تركي يبي يروح جناحه وعبير وقفت معاه بتلقائية وغمزت لنهى .. ونهى مدت لسانها عليها .. ضحكت عبير ومشوا سوى للجناح ..

العصر
طلعت عبير من الجناح بعد مانام تركي واهي مافيها نوم وحبت تشوف بنات عمها ..
وصلت الصالة لقت نوال الي قاعدة فيها تقلب بالتلفزيون وتشرب شاهي ..
عبير بنعومة : سلام ..
طالعتها نوال بنفس النظرة الي ماتريح وفورا بدلت نظرتها بحنية وابتسمت وقالت : هلا بعيير .. تعالي حياك ..
ابتسمت عبير وقعدت .. ونوال صبتلها شاهي ومدتلها الكاس .. شكرتها عبير وأخذته منها وصارت تشرب وتدور بينهم سوالف هادية ..
عبير ماقدرت تعرف نوع تعامل نوال معها ..
شوي تحسها حنونه شوي تنتبه لنظرة غريبة بعيونها ..
شوي تبتسم لها .. شوي تحسها تسخر بابتسامتها !!

انتبهت على منال واهي تنزل من الدرج والتفتت للصالة وشافت عبير واهي قاعدة مع نوال قعدة ودية ..
ولايفوتكم شلون انقلب وجه منال ووللللللللع من القهر !!
نزلت باقي الدرجات واهي تكاد تخرق الأرض بقوة الغضب الي بداخلها ..
انتبهت عبير لشكلها وتبعتها بعيونها لين اختفت بالمطبخ ..
نوال كانت معطية الدرج ظهرها وماشافت شكل منال ولا كان استخفت من الفرحة .. استأذنت عبير منها ومشت عنها للمطبخ .. لقت منال واقفة تصبلها عصير ..
عبير واهي تراقب ملامحها : شفيك ؟
منال بقهر : ولا شي ..
عبير : الا منال وجهك منقلب وحاسة فيك شي !
منال بانفعال : شوفي عبير .. لازم تحطين ببالك انك بهالبيت ماتقدرين تكسبين الاثنين .. انا ولا نوال !!! واختاري وحده منا .. اذا تبين تستمر علاقتك معاي صافية بدون أي مشاكل ابعدي عن نوال ولا تحتكين فيها أبد .. اما اذا بتجالسينها وتحكاينها فاعرفي انك بتخسريني لأني ماتحمل أشوف وحده تهمني تجالس هالسعلوة !!

عبير لقت صعوبة باستيعاب هالكلام !! كلام غريب جديد على مسامعها صعب على قلبها !! بحياتها كلها ماعاشت مثل هالمواقف ولا انحطت بين هالخيارات !! ببيتها ترابط ومحبة يحسدونهم عليها .. ببيت خالتها ترابط وألفة ماتختلف عن بيتهم ..
انصدمت من كلام منال وماعرف بايش ترد وظلت عيونها ضايعة بلا جواب !!

منال : اشوفك محتارة !!
عبير : لا مو محتارة .. بصراحة مستغربة !
منال : عجيبة ليه مستغربة ..؟؟ أظنك تدرين اني انا ونوال مانتواطن ..
عبير : ايه انتوا ماتتواطنون .. بس ليه تدخليني بينكم ؟؟
منال : وجودك ببيتنا يحكمك تتدخلين بكل شي !!
عبير : اووه ! الظاهر بنختلف كثيييييير يابنت عمي !
منال : لابنختلف ولاشي .. اذا ودك الامور تمشي بسلام سوي الي اقولك لأنك مو كسبانةشي من علاقتك بنوال ! صدقيني ان كانها ضحكتلك فهي تضحك من قدامك وتسخر فيك من وراك !!

عبير عورها قلبها حيييييييييييل من هالكلام !! توه هذا أول يوم لها بهالبيت تتلقى هالصدمة ! سحبت نفسها من المكان ورجعت لجناحها واهي تحاول تحبس دموعها ..

طرا على بالها هالوقت الحب الي يظلل بيتها اهي وفتون وخالد وسعود وأمها وأبوها .. ثارت مشاعرها عند هالذكرى وتجمعت دموعها بعيونها ..
ياكيف بتنسجم بهالبيت وتتعايش مع أوضاعه !!
بس حب تركي ومشاعره الدافية حسسها بالأمان ,, مهما ضاق بها الحال قربه منها يغنيها .. يسعدها .. يريحها ..
تأملته واهو نايم .. تمدد جمبه وصارت تلعب بشعره بحنية ..
شكثر كنت تعاني بهالبيت بين خواتك وبين مرة أبوك ؟؟
حست انه فاقد لمعاني الحنان وعايش بضجة من المشاكل والقلق .. اتنهدت واهي توعده بخاطرها انها تعوضه كل الحنان الي فقده .. وتكونله الصدر الحنون والقلب الدافي الي يلتجيله كل ماتكدر خاطره وضاق حاله ..

انتبه على دفا قربها والتفت وفتح عينه بوهن وشافها .. ابتسم ابتسامة ناعسه وعبير قالت : ازعجتك ؟؟
تركي : بالعكس .. ظنيت اني بجنة فتحت عيوني وشفت حورية قدامي
عبير بضحكة : بغار منها من الحين ..
ضحك تركي بخفة وقال واهو يراقب ملامحها : كنك متضايقة عبير شفيك
استغربت عبير وفرحت بنفس الوقت انه حس فيها على طول وقالت بتنهيدة : مافي شي تركي بس .. شكل الوضع حيل متأزم بين اختك ومرة أبوك !
تركي بضيق : ايه .. ليه صار شي ؟؟
عبير مابغت تحكيه وتكدر عليه وقالت : لالا بس لاحظت من نظراتهم لبعض ..
تركي : انتي خليك بعيدة عن الكل عبير .. يمكن تستغربين من زوج يطلب من زوجته تكون بعيدة عن أهله .. بس لأني اعرفهم زين وأعرفك .. منال ونوال مايتعاشرون .. وانتي قلبك مايتحمل !
سكتت عبير لحظات أخذها تفكيرها لبعييييييد .. !
تركي : شتفكرين فيه ؟
عبير بضيق : تركي .. منال بتصير مرة أخوووي !!
هز تركي راسه يحثها تكمل ..
عبير : بصراحة .. ودي تتغير نفسيتها شوي قبل لا يتم زواجهم ..
تركي : والله ياعبير وانا أتمنى هالشي أكثر منك .. سعود انسان طيب ويستاهل وحده طيبة تسعده وتريحه .. ومنال فيها الخير بس الظروف قستها .. يمكن لاتزوجت وشافت الحب الكبير ببيتكم شلون .. بتلين وتتغير !
عبير هاللحظة تجمعت الدموع بعيونها وثار شوقها لأهلها ...
تركي : شفيك حياتي !
عبير بخنقة : اشتقت لأهلي .. وفتون ..
تركي : ياعمري وليه تبكين الي يسمع يقول حنا بديرة واهم بديرة .. قومي اوديك لهم قومي..
عبير بفرحة : جــــد ؟؟؟
تركي : اجل امزح معاك .. ( وبغمزة : كم عبير عندي أنا ..
عبير : ههههههه وحده ..
تركي : عساني فدا هالوحده ..

قامت عبير واهي طايرة من الفرحة .. بدلت ملابسها بسرعه وتركي لبس وطلعوا سوى رايحين لبيت أبو سعود

بنفس الوقت
كانت فتون قاعدة على النت بملل .. تقرا قصة من قصص ألم الاماارت اسمها :
"دنيا الوله" !! * _ ^
ضاق صدرها واهي نص الأحداث مو مستوعبتها لأن بالها مو معها .. غلطتها هي بعد الي تقرا هالقصة ماتدري ان بعض أحداثها توجع بس نهايتها شي ثاني .. ^ _ ^
اتأففت وسكرت النت وقامت بضيق ..

روتين حياتها صار يذبح من بعد زواج عبير .. ! خاصة مع تعامل أمها الجديد والي صارت تشدد عليها مره لا تطلع لحالها ولا تاخذ راحتها مثل قبل !!
انقهرت يعني مو كافي رفضوا سلطان .. منعوني عن عهود .. لا بعد يمنعوني من الطلعات والروحات .. كله بسبتك يافيصل .. انت بس لو تختفي من الوجود كان عشت بسلام من زمان !! لا وبعد بيزوجوني اياك اذا رجعت .. والله ان تكره حياتك وتكره اليوم الي عرفتني فيه !!
ارتسمت صورته ببالها هاللحظة .. وماتدري كيف اتذكرت مواقفه معها .. بالبر .. بالمخزن .. بالكوفي .. وبكل مكان كان لوجوده تأثير بحياتها .. لو ماكان موجود كيف كانت بتجري الأمور !! ماكنت أبي جمايلك يافيصل لأني مستحيل أردها لك بيوم !! اهي مره فتحت قلبي لك وخذلتني لا تظنني بعيد محاولتي مره ثانية !!!

طلعت من غرفتها ونزلت الدرج .. وطرت على بالها عبير هالوقت ..
أوريك انتي الثانية الي ماشفتك غير مره وحده من زواجك .. حتى اتصالاتك دقايق ويشغلك الحبيب ! ايه تهني ياعمري وخليني انا بمعاناتي ..

رمت نفسها قبال التلفزيون وصارت تقلب فيه بملل ..
جت ام سعود هالوقت وقعدت بالصالة ومعها جريدة تتصفحها ..
قامت فتون ومشت لها واهي تقول بضيق : يمه ابي أطلع !!
طالعتها امها من فوق لتحت ورجعت تتصفح جريدتها ..
فتون : يمه أظنك تسمعين وش أقول .. أبي أطللللللع من البيت ..
أم سعود : وأظنك عارفة ردي من قبل ليه تسألين !
فتون بانفعال : ولمتي يعني بتحاصروني ؟؟؟؟
أم سعود : لين يجي ولد خالتك من غير شر وياخذك !
فتون ضاقت من هالسيرة وقالت بقهر : وليه طيب فهميني ؟؟؟ انا ماغلطت بشي يعني ماغلطت بشي .. ولو فيه غلط بالموضوع كان ماخطبني سلطان بالأخير !!
أم سعود بعصبية : انتي ماتملين من هالموضوع !!!!
فتون : لا ما أمل لين يرجع كل شي زي ماكان وتفكون عني الحصار !!
ام سعود : عشان توقعين بالغلط مره ثانية !!! للأسف انتي للحين مخك مانضج !! المره هذي مرت بسلام ياعالم وش تبدعيلنا المرة الجاية !
فتون : والله يمه انتي عارفة شلون مربيتنا وعارفة اني ماغلطت من فراغ !! شوفي وين كنتوا انتوا عني وقت صار الي صار
ام سعود : ايه وعشان كذا ياحبيبتي ابي أحطك الحين قدام عيوني ليل ونهار عشان ننتبهلك زين !
فتون : ياسلام يعني يانطخــــــه يانكســـــر مخه !!
ام سعود طنشتها وصارت تقلب بالجريدة
فتون بضييييق : اووووووف .. !
ورجعت للتلفزيون واهي ميته من القهر ..

" مرررررررررحباااااااااااااااااا "

فزت فتون من مكانها يوم سمعت صوت انتشلها من عمق عذابها وردلها الرووووح الي مزقتها بأفكارها ..
التفتت وشافت عبير واقفة عند الباب ومميلة راسها بنعومة وتبتسم لهم
فتون بصراخ : عبيييييييييييير ياحماااااااااااااااااره
وركضت لها وحضنتها من كل قلبها .. ولا شعوريا سااااالت دموووعها واهي تقووول : وحشتيني عبير مرررررررررره فقدتك ..
عبير بكت معها وهي تقول : بس فتون حياتي والله انك مارحتي عن بالي ولا لحظة !!
ام سعود اتأثرت حيل من مشاعر فتون .. بس قست قلبها وهي تشوف ان الي تسويه معها صح لأن فتون من رفضوا سلطان واهي صايرة متمــرّدة !
مشت لعبير واهي تبتسملها ابتسامة أم حنونه وتقول : هلا بشمعة البيت الي انطفت من راحت ..
أبعدت فتون عن اختها وعبير ضمت امها وسلمت على راسها ..
وقعدوا سوى
أم سعود : أجل نقلتوا لبيت عمك .. هاه شلون عسى ارتحتي ..
عبير : تونا يمه اليوم نقلنا بس الحمدلله كل شي تمام ..
ام سعود : الحمدلله .. وشلون تركي ليش مادخل !!
فتون : شنبي فيه اهو بعد مو كافي أبعد عبير عنا يروح يدخل .. لا تكفين خليه يروح من غير شر !
عبير رمت المخده على فتون .. وام سعود قالت : يالطيييييف على اللسان
فتون بتجاهل : وين قررتوا تسافرون ؟؟؟
عبير : فرنسا الظاهر ..
فتون : وااااااااو زين .. اوكي باكتبلك لستة بالطلبات الي أبيها
ام سعود : يالله لك الحمد والشكر .. البنت رايحة تنبسط مع زوجها مب تدور طلباتك ..
فتون : شسوي عاد ذي فرصتي لان الاشياء الي ابيها مو بالسعودية
أم سعود : كلها فترة وتتزوجين ويجيبلك فيصل الي تبين !
فتون بقهر : بـــــــس فكوني من سيرته .. !! اصلا انتم تكرهووونه عشان كذا بتزوجنه وحده تنكد عليه !
ام سعود : خافي ربك يافتون والرجال ما آذاك بشي عشان تنكدين عليه !
فتون : انتي ماتدرين عن شي .. فيصل ذا مجرد وجوده بالدنيا أذية !
ام سعود بصراخ : فتووووووون !!!
فتون : خير يمه شفيه !!!! ماشفت أهل مثلكم ماغير يدافعون عن ولد الناس على حساب بناتها .. عشانه هو تضحون ببنتكم الله مايرضى بهالشي !!

عبير وهي تدري ان هالكلام ينرفز أمها وقالت برجااااء : فتون خلاص !!

فتون : شالي خلاص ماتسمعينهم وش بيسوون فيني !!
ام سعود : خلي افكارك السخيفة تنفعك حنا نبي مصلحتك مو نضحي فيك زي ماتقولين .. مادري من وين جايبة هالكلام وصايرة بهالطبع الخايس

فتون بهمس : تربيتكم !

كــــــــف قوي جاها من أمها على خدها خلاها تنخرس غصب عنها وأمها تقول بعصبيه :

طالت وشمخت يافتون !!! صايرة متمردة ولسانك يلوط آذانك !! ماغير تسبين وتشتمين بالرجال واهو ماجاك منه الا كل خير !! والله ان مابطلتي هالكلام واتعدلتي لأكسر راسك سامعتني ولا لاء !! ويكون بمعلومك ان كانك ماتدرين .. فيصــل جاي بعد شهر !!! انا سكت وقلت اعلمك بالوقت المناسب عشان تستعدين اذا جا تملكون وزواجكم يصير بعدين .. لكن تدرين .. بيصير حالك حال اختك .. ملكتك وزواجك بيصرون بعد شهر اول مايجي فيصل بإذن الله !!!!!
فتون كانت ماسكة خدها ودموعها متحجرة بعيونها وتتلقى الطعنات والصدمات من أمها !!
انفعلت وقالت : مابيييييييه .. مابييييييييه .. عشانه أهو تروحين تضربيني أنا !!
ام سعود بصراخ : عشان لسانك الطويل وطبعك الخايس ..!!!!

طلعت فتون الدرج مسرعه واهي مولعه ومعصبة لآخر حد ..
كرهته هاللحظة أكره من أي لحظة ثانية .. !!
اتمنت هالوقت أمنية غريبة !!
واهو يتم زواجهم فعلا عشان غرض واحد
عشان تنكد عليه وتعذب قلبه وتبهذله وتعيشه بنار ماترحم !!

::

هدت الأوضاع نوعا ما وعبير لازالت بالصالة مع أمها بعد ماكسرت الباب على فتون مو راضية تفتح ..
عبير بتنهيدة : صدق يمه ؟؟
ام سعود : وشو ؟؟
عبير : تزوجين فتون بعد شهر !
ام سعود : ايه هذا الي بيصير بإذن الله وأصلا اهو وخالتك ودهم بس مراعينا احنا والبنت .. وانا الحين ماعندي مانع ..
عبير بضيق : بس مادري يمه صعبة عليها ..
ام سعود : اهي الي جنت على نفسها بحركاتها القرعة .. وبعدين انا وش بسوي فيها ياعبير !! بزوجها لواحد مستعد يقطع عمره عشانها !! مايحتاج اقولك عن فيصل اظنك تعرفينه أكثر مني !
عبير : الا صح .. بس وش يمديكم تسوون بهالشهر !
ام سعود : نسوي الي نسويه ربك يسهلها المهم هذي لو بقت على هالحال بيزيد تمردها لين مادري وش بتسوي بعمرها وفينا ..

ساد الصمت عليهم لحظات قطعه عليهم اتصال تركي ردت عبير : اهلين ..
تركي : هلا حياتي شلونك !
عبير : الحمدلله انت شلونك ؟
تركي : مشتاااااااااااااااااق..
عبير استحت وقالت بهمس : وانا بعد ..
تركي : زين هاه أجي ؟؟؟؟
عبير بضحكة : لاااا وين تو الناس ..
تركي بضيق : لمتى بتقعدين ..؟؟
عبير : امممممم باتعشى هنا لاني مابعد شفت ابوي ..
تركي : اوكي أول ماتخلصين دقي عشان امر اسلم على عمي ..
عبير : ان شاء الله ..
تركي : آآآآآآآآآه أحبك حياتي .. سلام
تركي بحرج من نظرات امها : سلام ..

وسكرت لقت امها تبتسم لها واستحت عبير مره ..
ام سعود : عسى الله يهنيكم دووم يارب
عبير : آآمين ..
ام سعود : دريتي عن خالتك حنان !
عبير : ايييييه دقت فتون وقالتلي ..
ام سعود : ماشاء الله ماعندها وقت هالبنت ..
عبير : بس عاد مادري بيصير شي قريب ؟؟
ام سعود : حنان ماتبي احتفال ولا شي .. تبي بس عشا رجال وعقد ..حتى تقول ماتبي تشوفه يومها ومن بكرا اذا حب يشوفها يجي ..
عبير : والله مب شينة الفكرة .. طيب ماحددوا الوقت ؟؟؟
ام سعود : لا توهم بس خلال الاسبوع الجاي ان شاء الله
عبير بضحكة : دقيت ابارك لعمي لقيته مستخففففف من الفرحة
ام سعود : هههه ياحليله والله يستاهلها

انفتح الباب ودخل خالد البيت ووجهه شاااحب وملامحه يكتسيها الغضب !
مشى بالصالة مو شايف أحد وعبير وقفت واهي تقول : السـلام لله !
التفت خالد واهو صدق ماحس فيها وقال بملامح جامدة : هلااا عبير .. شلونك ..
عبير واهي تسلم عليه : بخير الحمدلله انت شلونك ..
خالد بتنهيدة : لازلنا عايشين ..
ومشى للدرج ...
الا أم سعود تناديه : خالد !
وقف خالد عند الدرج واتأفف بخفة .. دار وجهه وطالع أمه باستفهام ؟؟
ام سعود واهي تراقب ملامح ولدها : وين كنت يبه ؟؟ من الصبح وانت طالع ولاتغديت
خالد : تغديت برا ..
ام سعود : طيب شفيك ؟؟ شصاير ياوليدي حالك مو عاجبني انت ومرام !
اتنهد خالد واهو داري ان خالته أم فيصل مستحيل تخبي عن اختها شي .. وأكيد حكتها ان مرام تعبت وصار فيها شي .. وقال بضيق : يمه سوء تفاهم بس .. لا تشيلين هم !

وصعد الدرج وعادت له مشاعر الغضب من وقت مااسترجع اتصاله بمنى واعتذارها منه ومن مساعدته لأنها يئست من اختها
دخل غرفته وصفق بابها بكل قووووة !!!!
اتأفف واهو يمرر صوابه بين شعره بضيييييييق ماله مثيل !!!
يعني كيف بوصلها !!! رافضة أشوفها وأكلمها وهذي منى بعد سحبت نفسها بعد مايئست منها يعني شلووووووون ؟؟؟؟ لمتى بظل على هالحال !!!!!

قعد بقوة على الكنب .........
استرجع شكلها ذاك اليوم .. صدمتها .. طيحتها .. تعبها بالمستشفى .. دموعها .. كلامها .. طردها ..
لا يامرام أرجوك حياتي سامحيني وعطيني فرصة .. آآآآآخر فرصة أصلح فيها غلطتي !!
اتنهد ومسك جواله يقلب فيه واهو يحس دموعه بتخونه وتنزل !!!
مو قادر يتحمل أكثر ..
فتح الجوال وكتب لها مسج هذا الي يقدر عليه بعد مايئس من انها ترد عليه .. وكتب :

أنا مدري وش احساسك ومدري وش تظنيني .. !
انا الصادق في عينك كنت .. صرت الكاذب الخوان

أنا أخطيت ما أنكر ولافي عذر يكفيني ..
سوا اني أحبك حيل واني دايماً انسان

انا ادري بمدى جرحك وأدري الحظ جافيني ..
يطول الوقت ما أخطي واذا اخطيت كل شي بان !!

انا لو ماحصل ماكان وشو الى يدريني .. بأنك ماسواك أنتى سكنتى القلب والوجدان

انا اسف على اعذاري عجزت القي عذر فيني .. يليق بغلطتي بحقك ويرجع كل شي كان

احبك كثر أخطائي وادري انك تحبيني .. وادري لو تفارقنا فلانقدر على النسيان

اذا تقوي على فراقي وبعدي عنك خليني .. انا مليت من دور الكراره ولعبت الغفران

قليل العمر يالي انتي دموعك ماتساويني ..
حرام انه يضيع فراق .. هي من قلها الأحزان؟

أرسلها وخلى الجوال بجبمه ينتظر رد .. أي رد .. حتى لو تجرحه .. تشتمه .. الي يجي منها بيقبله .. بس يعرف شالي تحس فيه ..

جفا الأحباب حيل قتال !! يكوي القلب يهد الروح
فمان الله ياذاك الحب .. مضى وصرنا بقايا جروح

سند راسه على ورى وقلبه ينزف من الجرح .. والندم يكاد يسحق كيانه ..

انتبه على رنين الجوال واهو الي يئس انها ترد .. فتح الجوال بسرعه ولقى مسج من مرام :
ما بتشفع لك دموعك .. انت من قلبي انتهيت
ما كسر قلبي خضوعك .. لو ترجيت وبكيت

كان متوقع منها الصد والجرح بس ذبحت قلبه هالكلمات !! ماقدر يتخيلها تنبع من قلبها .. مجرد هالفكرة تقتله .. تسحقه .. تنفيه .. أرسل :
على شاطئ بحر ذيك العيون أكتب معاناتي
دخيل عيونك
وصوتك
وهمسك

لاتخليني !!

مسك الجوال بقوة ينتظر الرد .. وجاه الرد الي على قوة كلماته .. وجرح حروفه .. وعنفوان تعابيره .. الا انه بث بعض الأمل بخاطره :

ما ينفـعـك ذا الـيـوم دمعات وحـلوف
قــلـبــي حـلـفـت انــي لأرد اعــتـباره

والله لاذلـــك ذل..!يــازيــن..
و تــشـوف
بـعـيـونــك الـحـلـوه
مـعـانـي الحقاره

واصـفـعـك كـف..! واتبـعه عـدة كفـوف!!
وتـعيـش فـي ظـلـمي وتـكويـك نـاره

حتى تتوب ويصبح الوضع مـعـروف
انـي مـحــال أرضـى ابــد..
بالخــساره !!

بعز جرحه .. ودموعه .. وحرقته .. الا انه ابتسم .. وأرسل :

ولاتــــزعل ولا تتعب شعـــورك
ولا تآخذ على خاطرك منــــــــي
اأبتأسـف الييييييييييين أرضي غرورك !
وبقووول اني مقصــــر غصب عني

::

***************

بعد ملكة حنان بيوم .. !

للمرة الرابعة تبدل ملابسها .. واهي شوي وتبكي ماتدري وش تلبس وصالح كلها دقايق ويوصل !!
اتأففت وأخيرا استقرت على تنورة مشجرة بألوان الزهر .. وبلوزة مابين الزهر والفوشي .. واختارت حدا شالتلها الفوشية ولفتها بطريقة ناعمه على رقبتها ..
طالعت نفسها بالمراية .. حست برضى بسيط ولو انها تتمنى تمسك هالشال وتقطعه ! هذا نصيبها تخنق عمرها بالوشاح طول حياتها !!
دق باب غرفتها وفزت وأخذت نفس طويل .. فتحت الباب لقت ساره تقول : عمو ثالح تحت ..
حنان : ياويلي من عمك ثااالح .. يالله حبيبتي نازلة ..
ساره بضحكة : حلو سكلك!
حنان : شكرااااااايا عسسسسسسل ..
غريب ان حنان هالوقت حست بثقة من شكلها بسبب ابداء راي ساره فيها !!
ساره عندها بالدنيا ودام انها عجبها شكلها خلاص اقتنعت انها حلوة !