في عيونك شفت أنا كل الرياض

جيت أشوفك ..
في عيونك شفت أنا كل الرياض !!
وأنتي تحكي :
كم لمحت بقلبك الطيب بياض !!
وكم تملّكني شعور" عذب وأيدك في يدي !!
وصرت أحسّ أن الرياض بحضرتك بالشوق فاض !!

مدري فيكم أي واحد يسكن الثاني .. أمانه ؟
يسكنك أو تسكنينه يادفاه وياحنانه ؟!!
منك ياخذ كل سحره وأنتي ياسحره أعرفك :
تاخذين اللي تبين بلا جدال ولا أعتراض !!

كل شي إلا :
يحبك أكثر اْمن أني أحبك !!
أقهريه أنتي وقولي :
أني أكثر .. أي وربك !!
ولو يبي يزعل بكيفه لايهمك مهما يزعل ..
دامك أنتي وسط قلبي ماعليك من الرياض !!

كم مدينه جت تمنى معك قصة حب وأكثر ؟!
كم وطن ضيّع حدوده من سمع فيك وتبعثر ؟!
والله مدري كم لكن الأكيد أني :
أحبك ..
وأن هذا الحب واقع مو مجرد أفتراض !!

ليه أحس أن الرياض أحيان كن مابه أحد ؟!!
وليه أحس أحيان أنك أنتي صرتي كل أحد ؟!!
الشوارع .. المباني .. والبشر حتى الهوا ..
المسا والصبح وأكثر ..
بأختصار : أنتي الرياض !!

ماللرياض أحباب ..
إلا أنتي وعيونك !!
مثلي أبد ماتاب ..
للحين مجنونك !!



لـ الشآإعر ../ فلآح العمآإش