عالم الاحلام هبالx هبال

عالم الاحلام هبال في هبال .. الجزء الاول ..

تحيةطيبة للجميع ..

كان يا ما كان في يوم من الدقائق والثوان ذهبت لخلد إلى النوم بعد كبسة حاشي

و4كاسات حليب غنم وحبتين بندول وكاس شاهي سكر زيادة والحلا برا

( عليك بطن يستقبل أي شيء )

حطيت راسي على مخدتي العزيزه الي كانت قبل مركى في المجلس لكن من كثر

ماأخواني يشوتون فيه ومن كثر ما يحطون التلفزيون علية على شان يلعبون أتاري

أنقلب مخدة , نمت نومة عميقة كـ نومة كلب توه جاي من الصيد دخلت في الحلم

وتحلمت أن عندنا ضيوف وأنا قاعد أصب القهوة لهم بس كان فية شيء غريب

الدلة كانت فاضية ومع ذالك كنت أصب عادي والضيوف ما عندهم مشكلةيتقهوون

ومبسوطين ويسولفون , شوي دخل أبوي وكان لابس سروال سنة ومغطي بطنة

وصدرة بصفحة لـ جريدة الرياض وكان مكتوب في واجهة الجريدة , أمتلك سيارة

ددسن تحصل على كرتون شراب العائلة هدية ( تراه حلم لا تدققون ) ..!

أبوي على شكله هذا كان ياكل طماطة وقال لرجاجيل يا الله يا الربع مشينا نلعب كورة

في الشارع ( أنا أنهبلت وبعدين تذكرت أنه حلم ) طلعو الرجاجيل لشارع وقامو

يلعبون كورة . وأنا جالس على درج الباب حقنا أتفرج فيهم .

شوي التفت على باب جارنا ولقيت جارنا باسط فرشة وفي نص الشارع وقدامة

فرن وقاعد يطبخ أندومي وقدامة 10 بنقالية صافين طابور وكل واحد منهم معه ريال

( أنا قلت وش السالفة لكن قلت في نفسي حلم حلم )

شويسمعت صياح أبوي والرجاجيل الي معه والتفت الا وجيش الزير سالم

على خيول وحايسين أبوي والرجاجيل الي معه وكان معهم رشاشات غريبة

تطلع بيض , وأبوي قام ينخاني تكفااا ياولدي يا شاهر حنا رحنا سندوشات بيض مقلي

وأناالي أنقز نقزة الطالب النايم الي صافقة مدرس مع مقفاه , جيتك يا أبوي

وأبشر بعزك وأنا خيال العيال ( ضيع العزوة من الخوف ) ..

وأناالي أتوزا ورا الجدار والبس لبس القتال وكان معي مسدس أبو لمبات الي يشتغل

على حجار , وأنا أخش داخل المعركة وأول من قابلت واحد قزم ودب قلت لة وين زعيمكم

قال القزم , ماذا تريد بزعيمنا يا هذا اًلم أعجبك أنني ساحوسك شر حوسة , قلت أقول

على تبن بس أخذ ريال ورح أشتر من البقالة صابون وتروش ترا ريحتك فقعت راسي

أخلص علي وين زعيمكم , قال .. ماذا تقول يا وقع أنا مثلك لا ينفع معه الهرج سادمرك

, قلت وأنا أتلفت أدور زعيمهم .. أقول أعقب يا بزر ويا الله رح لامك لا أخلي أخوي تركي

يطلع ويسطرك . الدب أنقهر وقام يصيح وقال .. رحماك يا الله أنت يا أخا الاسلام

تكفااا خلني أسطرك بحس لو مرة أني رجال . أنا حنيت علية وقلت له شوف كلمة أنك

بتسطرني هذي بعيدة عن خشمك الي كنة . حذا رجل مسافر إلى يثرب وباقي من المسافة

مسيرة يوم ( هذي ذبة بـ اللغة العربية الفصحى ع شان يفهم هـ الدب ) قلت شوف بطلع

لك الاستبنه حقت سيارتي وأنت صفقها . الدب أنبسط وقال .. حسنن حسنن أتني بها

طلعت الاستبنه وتركته يتعارك معها بسيفة الخشب .. دخلت في وسط المعركة

ومن الغبار ما أشوف شيء شوي أختفاء الغبار .. ولقيت أبوي والضيوف والزير

وجيشة باسطين زولية ويلعبون بلوت وحتى با المارية الزير كان قدامة معسل

تفاحتين يعسل ويضحك . جيت عند أبوي وقلت له مستفزع فيني والله الله

وقاعد تلعب معهم بلوت . قال أبوي هدا من روعك يا ورعي لقد تصالحنا

ودفعنا الجزية لهم ( أبوي صار يطقطق فصحى ) أذهب وأحضر لنا شاهي ..

قلت ما فية شاهي حلمي وبكيفي لا تخلوني أقوم من النوم الحين ..

وأرجع بدخل البيت والقاء الدب القزم طايح والاستبنة على بطنة ومنصرع

وسيفة الخشب داخل في خشمة .. دخلت داخل البيت وسمعت صوت في المجلس

ويوم جيت عند باب المجلس وأحصل داخل أبو حسام

والفرزدق وفواد أنور ومضحي الدوسري جالسين وحولهم كامرات ومصورين

ولقيت عامر الحمود واقف قدام الباب وسالتة قلت وش السالفة قال أحناقاعدين

نصوربرنامج شاعر المليون .. قلت طيب وش دخل أبو حسام والي معه في شاعرالمليون

قال عامر الحمود ( عاد هذا حلم لا تدقق مره ) شوي جا واحد صعيدي وقال يا أبني دلوتي

دورك .. أنا دخلت وجيت قدام اللجنة ويوم جيت بقول القصيدة .. قام مضحي الدوسري

وكان لابس روب أبيض .. وقال أنسدح على السرير .. قلت وأنا منهبل وش السالفة .. قال

أنسدح بس وأن شاء الله خير .. المهم أنسدحت وجاب سماعه طبية وقام يحركها

على براطمي وقال أفتح فمك وقام يحرك السماع على لساني .. ويتم تم باالكلام

أممممم أممممممم وقام يحرك راسة والتفت على أبو حسام وقال سجل عندك

1354 فاصلة 6698 .. أنا قلت يا دكتور حالتي خطيرة لها الدرجة يعني أحتمال أموت

قال مضحي الدوسري .. صراحه ما أدري وش أقولك الاعمار بيد الله أنت معك

حساسية في كوعك .. قلت تستهبل أنت وش قاعد تقول .. التفت مضحي على فوادأنور

والفرزدق وقال لهم جهزو غرفت العمليات .. قلت أنت هييييييييي وش الي غرفة عمليات

المهم لقطوني على السرير الابيض وقامو يدفوني في سيب طويل وأمي منيساري

وأبوي من يميني .. أمي تبكي وتقول أن شاء الله بنت وأسميها مزنة .. قلتهييييييييييي

يايمه وش الي بنت وتمسينها مزنه .. قال أبوي ما عليك منها أمك أعصابهاتعبانه

وماتدري وش تقول ( أنا أرتحت من كلام أبوي وحسيت أني لحد الان رجال )

قال أبوي وهو مبتسم أصبر يا ولدي وأن شاء الله تبي تجيب ولد زي الامر

طالعت في أبوي وأنا حاقد قلت وش الي أمر والا مضاف الية .. أنا رجال .. رجال

لاتجننوني اااااااااااه اااااااه وش هـ الحلم المخيس متى أقوم بس .. شوي أبوي

وأمي قامو يدفوني بسرعة ويضحكون وبعدين فكو السرير وهو مسرع وأنا تورطت

قدامي ممرضات ومراجعين وأخذت المخدة وحطيتها دركسون وقعدت الف يمين ويسار

وصياح العالم الي في السيب يوخرون عني يمين ويسار .. شوي طلع واحدسوداني

منقسم العلاج الطبيعي والزول مصيبة صاك السيب ببطنه وما في مجال أني أمر منجنبة

المهم الزول كان معطيني ضهرة وأنا جاية على سرعة .. قعدت أدور الفرامل

ماحصلت فرامل .. قمت أسحب لي المغذية والمغذية تحرك يمين ويسار

ويطلع منها دخان أسود وصوت .. طوط .. طوط .. أنا القطار السريع .. طوط .. طوط

ماش الزول ما أنتبه .. وأخر شيء قمت أصايح يا زول يا أسود يا كوينينه وخر

ماش ما سمعني .. وأنا الي أتمسك في السرير ووكل أمري لله وقعت أصيح باعلاصوت

ويوم قربت من الزول التفت علي وقال اًاًاًاًاًاًي .. وأنا الي أصفق في بطنة الي كنة

بطن فيله حامل بتواًم ... وأصحى من النوم الا وأنا طايح على وجهي من السرير

على قوطي بيبسي حق عشاي البارح ..

النـــهاية .... .

هههههههههههههههه
Laughing

ههههههههههههههههههههههههههههههههههه

مشكورة اختي Very Happy

هههههههههههههههههههههخخخخخخخخخخخخخخخخخخ
ككككككككككككككككككككك
مشكوره