ان كان عندك علوم اجداد لي قلها
الزين والشين عندي كلها عادي
هذه حياتي وعارفها من اولها
عرفت طعم العنا من يوم ميلادي
عوجة زماني ليا حاولت اعدلها
يجي بدلها ليا التعديل مافادي
وان جيت ابدل حياتي كيف ابدلها
قد راحت اولوفها عشرات احادي
فكرت بالعقل اطلعها وانزلها
ولين مافيه غير الصبر ميعادي
لي سيره لو اسجلها وافصلها
تملا الدواوين من طعم العنا زادي
ماهي على مسرح التمثيل امثلها
ولاهي بلعبه جرت في ملعب النادي
دنيا دنيه نطاردها ونشتلها
والي غدت به ترى ماعنده نشادي
واحيان نمشي شويه ونتحايلها
وهيه تربص بنا في كل مرصادي
وكم واحد مع طرفها ويتغفلها
فرصه ولن روحت مافيه معوادي
يجي على غفلة الدنيا ويختلها
اقبال صيده وهو رامي وصيادي
وكم من غشيم تحطه في حبايلها
ويصير في الحبل مربوط ومنقادي
احد(ن)ورى لقمته يسعى وياكلها
واحد(ن)على نار من قو اللهب جادي
واحد(ن)تصل لقمته قدام ياصلها
تجيه قدام لايقطع لها الوادي
واحد(ن)تعب خلفها عيا يحصلها
وليا قربها لقاها مبعده غادي
وانا تغربلت فيها من غلايلها
لكن مخفي الهموم اجموع وافرادي
هذي همومي بصبر واتحملها
من كثرها مالها محصي وعدادي
قصه طويله ولاتحتاج اطولها
دونت تاريخها هجري وميلادي
الخميس نوفمبر 17, 2011 9:03 am من طرف تكفيني الذكرى
موضوع: الخساير حوطتني 
